بلقم حنين
البارت الرابع
مر عليه سبوع مرايحتلهم عود اجازه اجه يوم العقد مالتي لا قصدي الدفنه مالتي خليت مكياج قليل ولبست فستان بسيط لون ماروني واني بيضه وشعري حليته وسويت تسريحه بسيطه طلعت حلوه بس جنت اتمنى ويه الي احبه .
اجوي سهاد وامها موصلهن سدير ورايح
سهاد_طالعه كمر
_انتي احلى
اجوي اهل العريس وقرينه الفاتحه وخلاص عقدنه 😔
راح السيد وخليت شال فوك راسي ودخلت واني مدنكه
_السلام عليكم
_عليكم السلام
جان شلت راسي اباوع للولد وشفته يباوعلي كلش حلو عيونه ملونه وشعره أشكر وحلووو بس مو احلى من سدير باوعت جان جايه بس امه وياه
دخلت كعدت يمه
_شلونج
_زينه
_شنو هالجمال ماشاءلله متوقعتج هيج ..ابتسمت
_بالممناسبه انتي ادرسين
_لا ماادرس
_اهاا ولله سمعت بسالفة اخوج من كم يوم الله يعينكم
_شكرا
اجتي سهاد اخذتلنه كم صوره كالت ابتسمي ابتسمت ابتسامه اصطناعه جان هوه كمش ايدي واخذتلنه صوره اني اختنكت كتله من رخصتك وكمت رحت للحمام وابجي متت
لحد مراحو ووسهاد وامهه باركلي وراحن ها بالنسبه للمهر جان 5 ملايين امي انطتني اياهن ضميتهن ورحت نمت كعدت الصبح اريد اروح للشغل تريكت
_اليوم رجعي من وقت علمود نطلع من للسوك نشتريلج
_شنو مستعجلين على العرس
_ماادري يمكن بعد شهرين او شهر ونص
_ماشي على راحتهم
أخذت جنطتي وطلعت وخايفه من سدير خايفه من عيونه خايفه اشوفه واشوف كلبه مكسور بس فعلا اني هم مكسور كلبي وشنو الي بيدي أسووي وصلت لبيتهم دخلت ملكيت سيارة سدير موجوده
جانت بس امه موجوده
_السلام عليكم
_عليكم السلام ليش اجيتي يمه
_يمه أذا انخطبت مامعناها مارجع الشغلي
_ولله احنا مو محتاجين منج شي جيتج كافيه
_تسلمين خاله
طبخت الغده وام سدير راحت الغرفتهه تصلي سمعت صوت سياره باوعت من الشباك اجه سدير نزل من السياره كامش جكاره اني درت وجهي اخاف يشوفني والتهيت بالشغل سمعت خطواته تقربت دخل للمطبخ ضل واكف جنت اشوف خياله جان راح كعد على الميز درت وجهي خليت المي كدامه جان مغمض عينه وتعبان نزع سترته واخذ المي يشرب ويباوعلي اني درت وجهي اريد اطلع جان كال
_ على الخير ست نارين
_شكرا
_لا تخافين مرح يبقه هالخير لمدة كم يوم وبالعرس تشوفين
باوعتله وفتحت عيوني
_شكد متستحي
_هههههههههه
_ليش هيج تسوي
_ﻷن ماريده ياخذج وينومج بحظنه انتي بحظني بسس واشرر على نفسه اني ذبت من كال هيج ردت اطلع
_هو هوو اوكفي تعاي صبيلي غده ماشي
باوعتله بنرفزه واني ميته عليي 😍😍 جان طلع جكاره ثانيه وكام يشرب رحت اصب بالغده وانقل يمه واشوفه مكتف ويشرب جكاره ويباوع عليه خلصت وطلعت رحت الخالتي لكيتهه نايمه نزلت بعد نص ساعه اريد الم المواعين لكيته بعده يدخن ومطاخ الاكل من دخلت باوع عليه
_هاي شنووو
_خير
_ليش مماكل اريد اغسل المواعين
_ماريد
_ومنو كلي صبي
_وحدج صبيتي منو كلج
_خبيث
ورحت بنرفزه اشيل بالمواعين وارجع الاكل بالكدوره وهوه يباوعلي انوب كمت ادردم ويه نفسي أريد اسمعه
_أذا دكتور وميفتهم اليضر صحته والي ميضرهه شترجه منه
_ليش تهمج صحتي
_لتتنسط مفهووووم
كام من مكانه وشر بالجكااره
_هاي دواي وبس هيه تهديني
_أي خوش اختراع جديد يا دكتور
ودرت وجهي
تقرب وراي وحجه بعصبيه
_دتستفزيني
جنت يم الكاونتر اخلي بالمواعين ودرت وجهي انلزكت بالكاونتر جان كولش قريب عليه مع ذلك ضل يباوعلي ويشرب بالجكاره بحكره اني كمت أبجي ليش ماادري لا اراديه يعني كمت ابجي
_تحبي
_منو
_خطيبج
_يهمك
_اكيد
_أي أحبه ومن زمان ﻷن هوه جيرانه ودائما اشوفه وحبيته
تقرب يمي حيل وهوه عصبي
_وووين تشوفي
_أشوفه فوك السطح من انشر الملابس
لزمني من ايدي حيل وكال
_وهوه يباوعلج
_أي يشوفني
_يحجي وياج
_أي
_شوكت
_العصر من أخويه طالع
_وانتي ضاله لازمه السطوح من اخوج يطلع اي اذا اخوج هيج أنتي شطلعين
اني هنا تألمت بس محجيت باوعت بعينه جانت حمرررره
_وشتسوون بعد يلزم أيدجج يبوووسج يحضنج شيسويلج أحجييي
ولزمني من وجهي حييل
_انته مدخلك بهاي السوالف خاصه
_أي خاصه ضاله تحبحبين وتتواعدين بالسطوح موو
دفعته ودرت وجهي أريد أروح جان جرني لزمني من شعري
_أني مثاق كلامج صح بس أذا طلع صح اقتلج واقتله وياج واخلص منج سمعتي
_مو مهم أعيش عادي أصلن أتمنى تريحني
عاف شعري وباوعلي شوي اني عفته ورحت لبست قمصلتي وبوتيني وطلعت للمطبخ لكيته بعده واكف اريد اطلع
_أوكفي اني اوصلج
جان جر السويج من الميز
_وليش انته اني عندي رجلين وبيتنه قريب
_امشي
_شترييييد
_أريد أشوف هذاك الي يواعد فوك السطوح
_شنوو شدتحجي اانته
جررني ويريد يصعدني بالسياره
_اوووكفف انته شبييك مضل بيك عقل
_أي مضل ورح ينفجر واريد اعرف كلامج صح
_اني اروح وحدي فتهمت
وردت اطلع جرني
_كتلج اني اوصلج علمود اشوف هذاك الي يبوس ويحضن علمود اضربه بوكس مينساه بحياته
_اووكف
وكام يجرني للسياره اني اصيحله اوكف
_جذببب جذذذبب مااأحبه ولا اشوفه فوك السطح بس عووفني
هوه عافني وباوعلي تقرب مني
_عرفت شلون احجيج وبعد لتجذبين تره عندي طريقه ثانيه لكشف سررج
وعافني وصعد بسياره فتحله الحارس الباب وطلع
اني طلعت قبل ميطلع وكمت امشي وسيارته تمشي وراي على كيف باوعتله وباوعلي بخبث عفته وككمت امشي سريع وهوه مستمر وياي لحد موصلت للبيت وراح.
#حنين
