المراهنه

الاول

قصه حقيقيه
قصتنه بعنوان #المراهنه
بقلم الكاتبه #نواره
البارت#الاول
اول منبلش انه اي شخص لازم أتكون ثقته بنفسه كلش عاليه ومراح اهزها شي او ينقص منها اله اذ هو راد ..
والحياة ترى فرص ودائما انتظري الفرصه المناسبه
اليوم بطلتنا راح تحجينا الي مرت بي واللحظات والثقه الي نطتها لي أعز اصدقاء ...
طبعا القصه حقيقه مابيها شي من الخيال ... ١٠٠٪‏ واقعية ...
مجرد تغير اسماء ..
البارت الاول
آخذي القلم مينا ...
بِسْم الله
اني مينا احجي  قصتي لما جنت ١٨ سنه طبعا احنا من عائله كلش هاديه وحلوه وكلب ع كلب وعندي امي وابويه واخواتي واخواني أغلى مااملك بهالدنيا
تعلمنا انه ماكو شي اسمه مستحيل ولا شي اسمه مراح اصير او أكون بابا علمنه ع اي شي انريده لازم اصير بابا اول صديق الي طبعا هو شغله أبيع ويشتري سيارات روحه بيهن
اما ماما ف هذي قطه من الكلب ابد متعصب عليه وحتى من أغلط اتعلمني من عدنه واشلون بعد مااعيده مو اتعاقبني ماعرف اضم عليها شي هي روحي اما عمار اخي هو الصديق الثاني صحيح مرات اعصب ونتعارك وكفش وشعراتي ماضل بيهم بس بشقه كلب ع كلب ماعرف اضم عليه او ع اهلي شي مااعرف اخون الثقه الي انطونياها احسها امانه يمي
اما عمي اهنا هو العشق اكثر من أب وأخ روحي من الدنيا والهوى الي اتنفسه ...
اكلي انتي بنيتي مو بنت ابوج اذ اطلب شي من بابا وميقبل هو اجيبه بدون ميكلي ودائما اكول لبابا اذ تمل منا نطنياها ...
طبعا من طبعي احب اضحك واشاقه واسوالف واهم شي عندي بالدنيا الضحك اه فدشي عهههه بس بحدود وبالبيت ويا صديقاتي خارج البيت ممنوع عندي وج ثاني ...
اني شكلي طبيعي حليوه بس دائما يكلولي تجذبين بيج شي يجذب عيوني اسود وشعري تمري لونه وطبعا كلش سرح ونام وحواجبي فدشي اكثر اثنين احبهم بيه شعري وحواجبي
طولي ١٥٦ وزني ٥٥ بس كلش امبينه دبدوبه بس ميخالف شسوي احب الأكل 😬😅
طبعا بدت قصتي واني جنت صف سادس ادبي جان كل همي دراستي ماعندي شي ثاني ..
ابتعدت عن الكل حتى عن بابا وماما وضليت ادرس ادرس الى ان فديوم اسمع صوت علش عالي بالبيت نزلت داشوف شفت بابا وماما وكلش اعصاب وطبعا ماما بهذا الوكت اتريد تنفصل عن بابا ماجان عندي علم
كل واحد ميتنازل للثاني وأريد رئيه هو الي يمشي بابا اريد أبيع البيت وينتقل لمنطقه ثانيه يرجع يم أهله أبابل بس ماما متقبِّل اتعلمت ع بغداد وجوها وناسها وطيبها بالرغم من بابل نفس الطبع متختلف بشي ..
المهم ضلو ع هاي المشاكل أشهر الى ان محد اشترى البيت وضلينه كاعدين ورجعت ألمي لمجاريها اشويه هدت الأمور
بهذا الاثاء جانت المراجعه مالت الامتحانات كلش واهسي مات بس احاول اريد شي زين كومه قريت
اجتي الامتحانات وامتحنت وخلصت
بس ماتوفقعت ولا أجلت ماده حتى أعيد
جنت ماماخذه دروس ولا ملازم أخذت ولا كملنا المواد بالمدرسة جنت اني واستيعابي فقط
نجحت دور اول وطلعت معدل ٥٨ شبعت قهر جان حلمي الوحيد اطلع قانون مثل عشقي لعمي ولبابا عشقي لهالقسم ... المهم رضيت بالأمر الواقع ماعندي خيار ثاني
بابا اصر عليه انه أدخلني اهلي او مسائي حتلو تربيه مو اله قانون كيفت اول شي وكلش فرحت 😌☺️
بس الفرحه مدوام 😩😞
جنت كلش حساسه بهيج شي صديقاتي كالو هذا التعب كله وتاليها ادرسين بفلوس ابوج شبعت قهر هالكلمه لحد هسه اتوجعني ابويه مو غير ماادخل باامور صديقاتي ليش يدخلون بيه
طبعا الأدبي اموت منه ولا رغبتي بس جانت رغبت امي واصرارها عليه وضليت بلا صديقات لان صديقاتي كلهم علمي
المهم ماوافقت وكتلهم شيطلعلي خلي يطلع هذا تعبي ونصيبي وراضيه بي طلعلي معهد نجف انصدمت اول صدمه اكثر من المعدل عزه شنو نجف شراح اوديني زين لبسي حجابي فهموني شسوي
عمي كلش كيف كال تبقين يمي معليج باي شي
وصدك أخذني ويا قبل الدوام وقبل لا ابلش كلشي شوفي المكان اول وفعلا افتريت يعني اقتنعت بس جنت شايله هم اللبس هههه والشعر طبعا والمكياج بالرغم مالبس شي مامقبول ولا ابالغ بس احب شي نازك وامفصل كل واحد ورغبته
افتريت وسالت كالو عادي شتلبسين البسي بس من اطلعين الحرم الجامعي البسي عبايه
شنو شنو شلبس من اطلع 😟😟
عبايه شنو شبيج 😏
لا مابيه
اي اوك
شكرا
مرت فتره وقدمت مريت شفت الأقسام الداخلية كلش عجبتني واني اعرف ماراح اكدر اضل بيت عمي احبهم واحبوني ادري بس مااخذ راحتي وسنتين مو يوم ويومين
قدمت وطلعلي قسم اداره قانونيه شي مشابه للقانون كلش حبيته
واخذتني مرت عمي ماخلت شي مااشترته إليّ وكالت معليج من تنورات قصيره وطويله وفساتين بس ماقبلت بنطرون متحبه هههه
ورجعت لكيت ماما كلشي امجهزتلي
وطبعا عمو كلش ضاج لان كتله اكعد قسم داخلي لان صدك مااتحمل يوميه من بابل للنجف صعبه
كلي اوك بس ياعمو كل خميس اجيج واموتج اذ كلتي لا
مينا ؛ اوك عمو تدلل
عمها ؛ فدوه للبنات
مينا ؛ اجيت ثاني يوم ويا بابا وماما وعمي لبابل  اتغدينه وارتاحينه وطلعنه للنجف
جان وكت العصر
دخلوني وسجلت ودعت ماما وبابا