Bnsr lbnat
Bonne lecture
لمهم بعد شهر من لحكاية كنت فالمسيد ندير فالسبور حتى طحت تغاشيت نضت لقيت روحي فالسبيطار
تانيا: وين راني؟
خزرت لقيت ملاك على وجه الأرض بلون شعرو شاتان وعينيه زروقا باين صغيير
الدكتور: راكي مليحة؟
تانيا: وين راني كيفاش لحقت لهنايا
الدكتور: جابوك مالمؤسسة التربوية تغاشيتي لتماك
تانيا: واش بيني؟
الدكتور: نسحق نهدر مع باباك و يماك
تانيا: علاش غير الخير؟
الدكتور : كي يجو تعرفي
تانيا: بليييز قوولي الله يسترك
الدكتور: راكي حامل فالشهر الأول
أنا وجهي صفار و قلبي بدا يخبط قريب حبس بدييت نبكييي
تانيا: الله يسترك على وجه ربي ساعدني الله يسترك ساعدني على وجه ربي
الدكتور: ما نقدر ندير والو
تانيا: طيحهولي و خلصني منووو
الدكتور: جامي هادا عمل غير قانووني
تانيا: لازم نتخلص منو
الدكتور: أستغفري مولاك يا طفلة تقتلي روح ما فيها حتى ذنب و زيد واش داك ديري هكدا
تانيا: لالا ما درت والو ستغلوني و غتاصبوني
الدكتور: علاش ما خبرتيش والديك؟
تانيا: خفت بزاف و زيد ما حبيتش بابا يحس بالذنب
الدكتور: نقدر نعاونك في حاجة وحدة
تانيا: وشنوها ؟
الدكتور: ما نخبرش والديك هادا واش راني قادر عليه نسترك و ربي يجيب لي فيها الخير
تانيا:نشاء الله يعطيك الصحة ربي يسترك كيما سترتني
رحت نمشي و نبكي حكيت لسونيا و إشراق كيما خممنا في حل كيما حللنا الطبة و القابلات ما قدرناش و فقدت الأمل
قعدا ندور برا و قعدت نبكي حتى نشوف يد شادة منديل طلعت راسي لقيتو الدكتور
تانيا: هادا نتا واش راك دير هنايا ؟
الدكتور: هه جيت نتمشى راكي مليحة شويا ؟
تانيا: لالا
الدكتور: ما تقوليليش ما حليتيش المشكل
تانيا: 😭😭😭
الدكتور : خلاص ما جيتش باش نبكيك بالاك ربي زاد لاقاني بيك باش نعاونك بالمناسبة أنا الدكتور أحمد 25 سنة
تانيا: متشرفين أنا تانيا 18 سنة
أحمد: متشرفين تانيا قوليلي كيفاش حتى صرالك كامل هاد الشي
حكيتلو كلش
أحمد: يا حراام رحتي ضحية كي خطفوك غير هو لي توشاك؟
تانيا: إيه
أحمد: سما الطفل وليدو
تانيا: وي
أحمد: ما تخافيش أعطيني الرقم ديالك أنا نوقف معاك
عطيتو الرقم درنا شويا حتى جات وحد لعجوزة
أحمد: نعرفك بيما
تانياا: الله يبارك مسلخير الحاجة أنا تانيا راكي مليحة شويا
الحاجة: لاباس الحمد لله يابنتي و نتي واش راكي واش راهوم داركوم
تانيا: نقولو الحمد لله
الحاجة: شحال في عمرك ؟
تانيا: 18
الحاجة: الله يبارك شابة بوبية تقراي؟
تانيا: هاد العام الباك
الحاجة: الله يبارك فيها خير
A la prochaine 😍
