7:00 صونا الرافاي⏰ كي العادة طفيتو و رقدت😴 حتى جات نبع الحنان و دق ناقوس الخطر 😱
ماما: تانيااااا آيا نوضي ما تخلينيش حتى نجي نكركرك من هاداك الشعر 😠😠
تانيا:علاش يا ربي علاش كاين لي يغير من بنتو هادا الشعر الله الله راكي حابة طيريه 😟
ماما: تانياااا آني ما نعاودش الهدرة 😡😡
تانيا:خلاص راني نوضت أفف 😒
ماما: الحمد لله أيا وجدي روحك و شربي حليبك و مدي معك لحليب لسوزي
تانيا: 😑😑مدي لسوزي ديري لسوزي أعملي لسوزي واش واقيلا ربيتي عليها الكبدة ديجا نتي واش قاعدة ديري
ماما: راح نمشط لختك يا مكسرت اليدين 😒
تانيا: ياك عندنا حفافة فالدار واش راهي دير لالا 😕
ماما: راهي توجد في روحها باش تروح تخدم
رحت لبست حوايجي سروال جين زرق👖 فيه لي بياغ بلون و تريكو بلون 👕فيه لي بياغ تاني أو باسكات نواغ 👟و ساك نواغ👜 ليسيت شويا شعري 💇 سخنت لحليب 🍶ديت شوية لستوتة تاع سوزي 🐈
تانيا: نتي أقعدي تاكلي أو تخراي 💩وتانيا تخدم عليك بفف الرفق بالحيوان لي فيه الخير ماشي كيما نتيا ملي نادولك تفارتين و نتي تسيي فيهوم في وجهي شدي شربي 😡
روحت شربت حليبي و درت شويا غيسيل و غوج ألاف 💄 و جات ليا إشراق جزنا عند سونيا و رحنا لليسي رحنا قرينا عادي ڨصرنا ڨطعنا فالغاشي 😂ضحكنا و ولينا للدار على 12 جزت عند ختي صالون💆 تاعها قدام الدار
تانيا : بوون جووغ 😀
عيشة: واش جيتي أرواحي سلمي 😘
تانيا: راكو ملاح
لميس: عيانين برك
تانيا: أمم لازم ههه لمهم أنا نطلع نجيبلكم لفطور
رحت لدار هبطت لفطور 🍝🍎🍷لختي و لي يخدمو معاها و زدت فطرت معاهم طلعت للدار غسلت هادوك لمواعن قعدت نكونيكتي📱 حتى لحق الوقت ⌚و ليت للمسيد عشية دخلت للدار على 4:30 رحت لقيت ختي دايرا تاغت أو شوكولا🍩 نمووت 😍علييها كليت جا بابا درتلو قهوة ☕و قعدت نكونيكتي فليل زاد جا خويا تعشينا رحت قريت📖شوية ياسمين و قعدت نتفرج فالتيليفيزيون جات رايحة تديني عيني حتى نسمعو لعياط برا 😱
