رايكم لبنات 😔
حتى وحد النهار كونت جايا ملمسيد وحدي و نحس فواحد يتبعني👺 مي كي ندور ما نصيب حتى واحد حسيت روحي فالفيلم تاع San of davel قاعدا نزيد فالخطوات دياولي👣 حتى بديت نجري كي المهبولة 🏃
تانيا : حلو الباااب 🚪
ماما: بلعقل واش بي جدك
دخلت بدلت 👗حوايجي و قعدت نحفض 📒📑فليل خرجت ندي السردين🐟 لسوزي 🐈هههه حاوزناها جابتلتا المشاكل و لاو يجو يداربو عليها لقطوطا 😂حتى نشوف في واحد خرج من لكوانا لي قدام دارنا شغل كان متخبي و يعس ما شفتوش كانت الظلما و يزيد كان بين لحشيش دخلت نجري للدار و قلبي❤ يخبط ميا فالثانية 🕦🕦
غدوة منذاك نضت لبست سروال👖 بلون مقطع فالجونو مع بول نوار👕و بابوش 👟بوغدو كاسيت بيها ليكولور درت كوتشوفال و ساك بلون 👜غوجالاف خفيف💄 مع غيسيل كيالعادة و خرجت و رحت للمسيد لعشية كنت جاايا للدار مع إشراق و سونيا و نسمعو:
أرواحيي الشابة إيي هايا أرواحي الزين 😍
واحدا ما ريبوندات كيالعادة يتبلاو في بنات الناس
حتى حكمني من يدي ندور و نلقااه 😱😱تقول جوني ديب سببپحان الله😍😍 بلون و طويل كوغ مخدوم لحية خفيفة عندو خدودو داخلين علامة وسامة الرجل يا محاينك و عينيه خضورا شعرو كحل👨 و دايرلو التحفيفة العصرية خرجت علييك 😍 بصح أحبسو ✋أنا من الجنس لي يسموه ألطف😊 الكائنات ألوغ لازملي شويا تقلاش و نطيح خشينة 😎
هو:كي نعيطلك الدوري و تسمعيني ما جوزيش عليا رولو 😉
تانيا: أطلقني وسمك 😡
هو:ما نطلقكش حتى تسمعيني ☺
سونيا: نحي يديك 😡
هو:روحي نتي دي صاحبتك و روحي ما هدرتش معاك 😏
إشرراق : أطلقها ولا نلم عليك الناس 😡
هو:ههههه يا وادي أدي حكايتك و روحي أنا هادي نسحقها ديري لي يخرج عليك😂
تانيا: أطلقني سينون نعيط لخويا و لا لبابا يجي ليك مع عمومي و الله غير يمرمدوك
هو عينيه ولاو حمورا😡 حسبتلي راني في توايلايت😐 بصح ما فهمتش إيلا مستذئب ولا فومبير 😶
هو:عموومااك بابااك و عموومااك تهدديني بيهوم دوك نكسرلك وجهك و جيبيهوم 😡😡😡😡😡😡😡
أنا فشلت😮 السيد راهو سيريو وجهي ولا صفر و قلبي طاح في تقاشري و هو يزير في يدو و أنا ما حملتش و بديت نبكي😭 لتماك تكالما و برد و طلقني و راح يجري أنا بقيت ستااتووو و دموع يطيحو وحدهوم و سونيا و إشراق يسكتو فيا
