في عالم الحب انتا عشقي

البارت الاول

#في_عالم الحب انتا عشقي

قصة قيد الكتابة

قصة جديده يتزوجها  رغمآ عنها وعنه هيا لاتحبه وهوا لايريدها ولاكن شائت الاقدار وجمعت بين القلب الطيب والغرور والكبرياء  هل ستربح بقلبه ام كبريائه وغروره سينتصر عليها

9654vgt6

#البارت الأول

#بقلمي نونه المشهداني

#في_عالم الحب انتا عشقي

شعورآ بداخلي غريب اتظاهر بالقوة وداخلي ضعيف
اخشى على تلك الدموع ان تسقط ويسقط معها قناع قوتي ...

لم احبك خوفأ
احببتك وكنت لي امانآ

تركت خلفي جميع العثرات
امنت بحبك كخلاص لي من وحدتي

نونة المشهداني
...
ولج ادبسز شون ضربيها
والله مضربتها الله شاهد
انجبي لاجيبين اسم الله على لسانج جذابه
طرررراخ تضربني احمد
اضربج واكسر راسج
ماكلك بس حسبنا الله ونعم الوكيل
كن المظلوم ولا تكن الظالم الله يصلحكم
ولج ادبسز على شنو تتحسبين

عزه هاي شصاير رحت ل ام حيدر نص ساعه الدنيا انكلبت
ليش تعيط احمد

ادبي بنتج الي لسانها اطول منها وتضرب نور النوب اكسرها
اجيت وره ماما
ماما والله مضربتها والله بس هيا غلطت عليه وسبت بابا وكتلها ميجوز سبي حرام عليج ميت
وبقت تعيط وتحجي عليا ولمن اجه احمد كالتله ضاربتها

ام احمد . بقت تبجي ولج يمه معندي غيرج ابوج المن عافنه منو يرحمج بعد عيني

اخوانج وره نسوانهم
احمد ..يمه شتحجين انتي يانسوان ويا الحق احنا

هذا الي سمعتو هاي حياتي الي عبارة عن مكائد من زوجات اخواني وهاي البداية بس
اني وتين من بغداد
منطقه.... عمري 19 سنه كملة السادس بمعدل 97 ومخلوني اخواني اداوم جامعه
عندي 3 اخوان احمد الجبير عمره 37 مزوج بت عمي نورومعدهم اطفال  وهيا متحبنه لا اني ولا امي ولسانها طويل كلش
واخوية الثاني عباس مسافر ل تركيا يدرس عمره 29 هذا اموت عليه برغم فرق العمر الي بينه بس يذكرني بابا الله يرحمه بوجودة محد يحجي وياي
واخويه الصغير حسين عمره 26 مزوج اخت  نور  سارة ومسويات حزب بالبيت عليا  وعدهم بنيه ولد ميار عمرها 4 سنوات وعلي 6 سنوات
بابا استاذ جامعي اتوفه بحادث قبل 3 سنوات
وماما ربت بيت
عندي اخت وحده ريم مزوجه بالعمارة  ابن عم بابا لان بابا اصله من العمارة بس عاش بغداد من وره دوامه وصارلها 5 سنوات مزوجه  عمرها 22 وعدها ولد واحد سجاد  عمره سنه ونص فدوه لكلبة حبيب خالته وزوجها مصطفى كلش يحبها عمرة 28  وهيا مرتاحه ويا والحمدلله

طبعآ كلش اشتاقلها وافقتقدها
لان جانت قريبه الي كلش
 
لان متجي كل فترة طويله
عندي 3 عمام عمي الجبير خالد ابو وليد عنده وليد ممزوج وعوينجي وادبسز  وسارة ونور الي هوا ابو زوجات اخواني
هذا ميحبنه وكلبه مليان منه ومرته كلش تكره ماما ومتحبها ابدآ
وعمي الثاني ساهر
عنده بس بنات 5
سجى عمرها 34 الجبيرة مزوجه ابن خالها وعدها ولد وبنيه
ورشا عمرها 29 مزوجه واحد جانت تحبها ميقربلها شي ومعدها اطفال
وجيلان عمرها 22 ممزوجه بعدها
وسما عمرها 19 بكدي كلش احبها وقريبه مني
بس تاركه الدوام من الثالث بس برغبتها متحب الدراسة
واخر العنكود طيف عمرها 12 سنه لسانها طويل وكلها تحبها
بنات عمو ساهر احبهن كلهن ويحبني وعمو كلش احبه بي شبه من بابا
بس هماتين كل فترة يله اشوفهم لان عايشين بالعمارة

وعمو ثائر اصغر واحد عمرة 32 فدوة لكلبه كلش احبه لان طيب وحنون ويحبنه  وبالاخص اني ويا عبالك صديقي مو عمي وكل فترة يزورنه بس عايش بالعمارة لان مجتمعهم عشائري وعمامي شيوخ

وجدو نمر عايش الله يحفظه ويخلي كل فترة يجي يشوفنه شيخ ابآ عن جد

بس اخواني ميحبون يعيشون بالعمارة متعودين ع بغداد
لذلك عمامي وجدو متفهمين هذا الشي
علاقتنه نوعآ ما سطحيه

بيبي ام بابا ماتت من قهرها على بابا لمن سمعت بخبر وفاته
متحملت الصدمه

بالنسبه ل ماما فهيا وحيدة اهلها معدها اخوان او خوات
وبيبي وجدو متوفين
بيبي قبل 6 سنوات
وجدو صارله 11 سنه

اخواني مجانو يتعاملون وياي بقساوة ابدآ بس بعد الزواج كلشي تغير
تغيرو وياي حتى دراستي خلوني اتركها بس مو ضعف مني قبلت لا بس خوفآ على ماما اخاف تنقهر وتعصب عليهم ويصير بيها شي
ومبقالي بالدنيا غيرها سند الي
استند عليه ولخاطرها اتخله عن مستقبلي وحلمي
اني ابدآ مو شخصيه ضعيفه بس افكر بالعواقب قبل اي شي اسوي بلأضافة الى ضميري الي يأنبني على اقل خطأ لذلك افكر بأي شي قبل لا اكولة او اسوي
وكل قراراتي وحياتي الي عشتها انصف غيري واقدم تنازلات مفكرت بروحي بفد يوم هاي نبذة مختصرة عن حياتي واهلي

وللحكاية بقيه ...
نونه المشهداني
هذا البارت الاول عبارة عن تعريف شخصيات
واذا حبيتو القصة اكملها الكم واحداثها كلش حلوة ومشوقه .