في عالم الحب انتا عشقي

25

في عالم الحب انتا عشقي ❤
بقلمي نونه المشهداني ..
غيث وتين ..هممم ...كاعده ..لانايمه ودا اسولف وياك من الحلم ...ههه ولج الا اموتج اوكفيلي صارن هواي عليج ...نعسانه هسة باجر موتني نمت وعفته هههه
كعدت الصبح على بوسات غيث ...صباحؤؤ كليبي ..صباح النور حبيبي ..تعالي لحضني مشتاقلج بنيتي ..حضنته واني مشتاقتلك كوومه وبسته بخده ..ووف ياعطرج اموت بي صرت مدمن حضنج اموت بدون ماشمج ..اسم الله عليك حبيبي من عمري على عمرك ..كلبي ..ها يروحي ..لعد ماما وينها ...كعدت بال 7 وطلعت ..هسة بال 8 الساعه...اممم حياتؤؤ حتروح للشركه ..اي حبيبتي هسة ابدل واطلع ...كلبي ارجع لاتبقه دا العصر ناخذ ماما للدكتور ...صار كليبي ...باسني بخدي يله حياتؤؤ احضرلك الحمام واتريك يله تطلع مو تطلع بدون اكل ...تمام عمري ...كمت شفت ماما بالصاله صباح الخير ماما...هلاحبيبتي صباح النور ..شلون صرتي ماما ...الحمدلله يمه مبيه شي ..دوومج يارب ...حصعد احضر الحمام لغيث وانزل اسوي ريوك ونتريك ...ماشي بنيتي براحتج ...صعدت حضرت الحمام الغيث وحضرتله ملابسه الي يلبسهم وعطره والساعه والحذاء مسحته وخليتهن كدام عينه عالجربايه ...ونزلت غيث بالصاله يم ماما...حبيبي روح اسبح دا لبين ما اكمل الريوك تتريك ..ماشي كلبي ..صعد غيث واني رحت سويتلهم الريوك وجبته للصاله يم ماما ...ماما اتريكي لبين ما اصيحله لغيث وصعدت للغرفه طبيت غيث دا يلبس القميص مالته اتقربت يمه وسديتله دكم قميصه ولبسته السترة مالته سحبت الساعه من الجرباية وخليته بيده وسديتها اله وخليتله عطر شعره كله مي سحبته من ايده وكعدته عالكرسي يم الميز سحبت الشسوار نشفتله شعره وهوا ساكت بس يباوع ومبتسم  طفيت الشسوار  وبسته بخده فديت حبيبي يله حياتؤؤ كوم نتريك ويا ماما سحبني من ايدي وصرت بحضنه ...بدون كلام باسني اموت عليج والله ..واني اعشقك ..انتي هدية من الله الي واحلاشي صار بحياتي ..ياعمري انتا وانتا حياتي كلها..اخذ خصلت شعري النازله وشمها اموت على شعرج كليبي ... بس شعري ..لاكلج احبج كل ذرة بيج اعشقها ..كمت من حضنه وهوا همات وكف وحضني صرنه كدام المرايه باوعت لنفسي لابسه تراك اسود ربع ردن ودلع وبركبتي بس الكلاده اسم غيث وشعري مرفوع بطريقه نازل نصه وخصله الشكره نازله على متوني  ..وغيث مرتب كلش باوعلي من خلال المرايه وضحك وين صافن كليبي ...امممم دا اباوع لروحي شلون ممرتبه وانتا شلون انيق  ...ههههه ولج غير تخبلين بكل حالاتج واني اموت عليج على طبيعتج واعشقج هيج كيكايتي ضحكت وعض خدي اموت بالغمازه ...ههه يله يروحي انزل اتريك حتى الجاي برد ...هههه ماشي كليبي نزلنا وماما كاعده وباوعت الاكل مناقص شي بس الجاي شاربته ...ماما ليش مماكله شي ...ماشتهي والله بس الجاي شربته لان راسي يوجعني ..موزين عليج ماما لازم تاكلي شي تسندين بي نفسج لبين منروح العصر للدكتور  رحت حميت الجاي لغيث وجبت لماما كيك تاكله ويا الجاي اعرف نفسيتها مسدوده متتقبل الاكل ...صبيت جاي لغيث وانطيت لماما الكيك وصبيتلها جاي يله ماما اكلي هذا الكيك احسن متبقين بدون اكل ...تسلمين حبيبتي ..الله يسلمج ماما ..اكل غيث وباس راس ماما يله اني رايح تحتاجون شي سلامتك ...طلع وطلعت وراه للمطبخ ..باسني بخدي احبك يالنبض ...ههه واني اموت بيك يله عمري تحتاجين شي...سلامتك يروحي ما احتاج غيرك ....الله يسلمج حياتي ..طلعت ورا لباب المطبخ لان ميقبل اطلع للكراج هيج لابسه طبيت شلت الريوك وغسلت مواعينه ونضفت البيت كله وغرفتي  وغسلته للبيت  طلعت للكراج غسلته  طلعت ملابسي وملابس غيث وملابس ماما اني متعوده اغسلهن ويا ملابسنه غسلتهن كلهن ونشرتهن ونزلت سويت غده برياني وشويت سمجه وسويت ويا مركه مالت لحم
كملت طفيته ورحت للغرفة ماما نايمه باوعت الساعه 11 ونص صعدت سبحت ولبست تراك اسود ونشفت شعري وخليت عطر تمددت عالجربايه تعبانه سحبت الموبايل خابرت غيث شوية وجاوب هلا يالنفس ..هلابيك حبيبي شلونك ..تمام يروحي وانتي الحمدلله كلبي ..امي شلون صارت ..والله كلبي نايمه ...ان شاء الله مبيها شي فد شوية واجي والعصر ناخذها للدكتور ...تمام حياتؤؤ لاتتأخر سويتلك برياني من الي تحبه وسمجه شوي ...امممم فديت مريتي الحلوة عاشت ايدج ياروحي اليوم اكل الغده وصاحبته ...هههههه تمام عمري ثنينهن كدامك ..يله كليبي اكمل الي بايدي واجي فد نص ساعه ...ماشي حبيبي اخذ راحتك ...مع السلامه حبي ..الله وياك كلبي ...سديته من غيث واتصلت على ريم سولفنه شوية وسالتها على عباس كالت هياته يمنه وسديته واتصلت على انهار مشغول ههه اكيد تحجي ويا حسام ...واتصلت على نورس شويه وجاوبت ...الو ..هلا كلبي شلونج ..هلابيج عمري الحمدلله ..اخوج الصاك اخباره ...ههههه ادبسز بالج يم اخوية ...ههههه لج شسوي غير حلو ودا اسأل عنه ...هههه لعد الا اكله هاي الي شفتها نفس الفارة واكفه بالطرف وتبجي معجبه بيك ...عزه بعينج وتين اشاقه والله لاتكليله ...ضحكت عليها صدوك خبله صدك بسرعه ...سولفنه شوية وسديته منها ونزلت حضرت الزلاطه والطرشي والخضورات سويت لبن
رحت لغرفة ماما كاعده كعدت يمها ...ماما شنو يوجعج ..والله مادري مصاير بيا هيج قبل جسمي احسه مكسر وابقه تعبانه ونعسانه ماعرف شنو السبب ..ان شاء الله مبيج غير العافيه والله يخليج النا خيمه ...الله يرضه عنج حبيبتي والله الي دا سوي وياي بناتي مسون نفسج...لاتكولين هيج ماما اني هماتين بنتج الثالثه والله شاهد احبج وحاسبتج بمقام امي ..والله اني حاسبتج بنتي ومشفت منج الا كل خير ...يله ماما كومي وياي نطلع للصاله لحد ما يجي غيث دا نتغده شويتلج سمجه دا تاكليها صحيه ومترفع ضغطج ...عاشت ايدج يمه ...طلعنا للصاله شوية واجه غيث ...وتغدينه شلت الغده وجبتلهم جاي ورحت غسلت المواعين اجيت ماما نايمه عالقنفه وغيث دا يكلب بجهازه كعدت ماما تنام بالغرفه وصلتها للغرفه وغطيتها واجيت تمددت يم غيث وحضنته عاف الجهاز وبادلني الحضن ...حبيبتي ايمان دزتلي مسج راجعه اليوم ...اي هلابيها ...حبيبي ..عيونه ..شوكت طلكها..بس تجي اطلكها ولاتكلهم ل اهلها وتبقه معززه مكرمه واذا رادت تزوج الله وياها ...بسته بخده ياروحي انتا ...حبيبي لو كالولج ازوج لو اموت ياهي تختارين منهن بس ازوج وحده من صدك ..باوعتله بطارف عيني هاي جديده السالفه تريد تزوج الخ وانتا مقتنع عادي ازوج بس اني ماابقه بدل ويا وحده لو تشاركني بيك وحده كدام عيوني  ....لا كلبي مجرد سؤال...اممم اي ارضه تزوج مو وحده 10 اهم شي بخير وشم الهواء واشوفك عادي اتعذب وانقهر الاهم انته ....يمه فديت عمري ولو اخر يوم بعمري ما اخلي وحده تاخذ مكانج بحياتي لو تسمه مريتي غيرج يرويحتي ...بسته وختلت بحضنه حبيبي نعسانه ...فديت بنيتي هسة اصعدج للغرفه تنامين تعدل وشالني وصعدنه للغرفه ...خلاني عالجربايه وبدل  ملابسه لبس بجامه وكيمونه واجه يمي سحبني على صدرة حضنته بقه يلعب بشعري وبعدها محسيت على نفسي نمت كعدت باوعت للساعه كدامي 4 كمت بسرعه حبيبي باوع الساعه 4 راح الوقت دا ناخذ ماما للدكتور فتح عيونه وحجه ...تمام عمري كعدت .... اني حروح اشوف ماما لبين متبدل اوك حياتي ...نزلت ماما بالصاله وتفاجئت ب ايمان كاعده يمها ويوسف الي اجه يركض حضني عمه وتين...هلا حبيبي بسته فدوه لكلبه ...سلمت على ايمان وتحمدتلها عالسلامه وسالت ماما شوكت نروح للدكتور وتفاجئت بجوابها ...ماروح للدكتور شبيه قابل لو تردين تموتيني ...لا ماما اسم الله عليج شلون اموتج هوا احنا شعدنه غيرج بس غير خايفين عليج...بله عياره زايده كلشي مابيه ...كلش نصدمت منها عبالك مو هيا نفسها وايمان الي تبتسم بخبث ...صعدت واني الدمعه بعيني لان ممتعوده على هيج اسلوب وبالأخص من ماما مسحت دموعي الي خانوني ونزلو وطبيت للغرفه غيث دا يبدل اجيت يمه حبيبي لاتبدل ماما زينه مبيها شي ومتقبل تروح للدكتور كالت مبيه شي وخاف الح عليها وضوج ...لا كليبي مو بكيفها ميصير تبقه هيج حبيبتي شبيج باجيه ...لا حياتؤؤ على شنو ابجي بس مادري شنو طب بعيني وصدوك ايمان واصله هنا ..اها زين لعد بدلي ولحكيني ناخذ ماما للدكتور ..ماشي كلبي بقه غيث بالغرفه ينتضرني بدلت ونزلنه سوية ...راح غيث لماما ...يمه ليش متقبلين ترحين مو تفقنه نروح ...ومنو كلك ماريد اروح اني كتلها لوتين كالت غيث تعبان ميكدر ياخذنه كتلها لعد منروح شنسوي ..باوعلي غيث بطارف عينه واني انصدمت من كلامها يالله شبيها وياي والله نامت مبيها شي ...حجه غيث يله يمه مصار شي خلي نروح هسة
وتين جيبي عباية امي من غرفتها رحت جبتها والدمعه كوه كاتمتلها لبستها وطلعنا والطريق كله محجيت شي ابدآ ولا هما حجو وصلنه ونزلنا للدكتور  فحصها كاللها مبيج شي سجل العمر 50 وكاللها ضغطج كلش زين جائز تنامين هواي جسمج تعبان بس فحوصاتج زينه رجعنا للبيت وصعدت بدلت واني محجيت شي أبدآ اجه غيث باسني بخدي شبي حبيبي ضايج ..لاكلبي مبيه شي  ...حبيبي اعرفج كتيلها ل أمي بس جائز افتهمتج غلط لازعلين منها ..لاحبيبي عادي مازعل منها نفس امي الا تجيها اوقات تعصب وضوج عادي حياتي لاتفكر بالموضوع
حضني ياعمري انتي ربي يخليج الي ...ويخليك الي حياتؤؤ..حبيبتي اني طالع هسة ويا حسام ما اتأخر قبل العشه ارجع لايبقه بالج ولاضوجين عمري انتي ..ماشي حبيبي براحتك باسني ونزل واني بقيت ابجي جنت حابستها للدموع خنكتني استغفرت ربي وكمت صليت والله محقدت عليها ولاكرهتها بس ليش هيج صرفت وياي معقولة مسمعتني اي اكيد هيج لان ماما معدها هيج تصرفات خليتلها اعذار ..