في يوم الحفل ..
كانت واقفة أمام المرأة وهي ترتدي اقراظها
مريم: كرم يله البس بسرعة راح نتأخر تره
كان يرتدي سترته وهو يحدق بجمالها الى ان اقترب واخذ يصفف شعره بعدها اخذ قنينة العطر وضع القليل منها على ثيابه ورقبته و وقف امامها
كرم: شنو رأيج شلون طالع
مريم: الله يحفظك من العين حبيبي
وضربت على الخشب بيدها ليضحك هو
مريم: شلونه فستاني حلو مو
كرم: حبيبي انتي ملاكي الجميل شتلبسين تطلعين حلوة القالب غالب
مريم: فديت الذوق يا ناس لعد لبسني العقد مالتك حتى يصير حلو ويه الفستان
البسني العقد واختتمها بقبلة حنونة على رقبتي انساتني الكون في ثواني
خرجنا متجهين للمطعم وجدنا جميع الحاضرين ياسر متأنق ودينيز ترتدي فستانها امي فرحة والجميع سعيد
البسناهم الخواتم وقطع كرم الشريط الاحمر
كرم: الله يجعله خير عليكم وتتبقون طول العمر سوه
ليقص الشريط وسط تصفيق الجميع
بعدها اتجه الجميع لتناول العشاء حملت صحني وقفت بجانبه
كرم: الله يسلم ايدج حبيبتي الاكل والزينة وكلشي مرتب
مريم: ويسلملي حلكك الي ينكط عسل
ليضحك
كرم: خجلتيني تره
مريم: فديت حبيبي الخجول
كنا نطالع مريم الصغيرة وقد بدأت تمشي وتتحرك بقدميها الصغيرة الى ان وصلت لتشبث بأقدام كرم ليحملها وهو يدغدغها وهي تضحك
مريم: تحب الاطفال
كرم: شوفي اني احب الاطفال بس اذا جنت امهم اعشقهم مو بس احبهم
مريم: يعني اذا صارت عدنه بنوتة او ولد شراح نسميهم
كرم: شوفي اذا بنوتة انسميه ايرام على نفس وزن اسمج مريم
مريم: واذا ولد
كرم: اذا ولد نسميه علي
مريم: بس علي مو نفس وزن كرم
كرم: بس نفس عدد حروفه 3
مريم: اي والله صحيح احبك يا اذكى رجال بالعالم كله
قبلت جبينها وانا ارى ابتسامتها
من جانب اخر كانت تلك العاشقة تهيم عشقاً بحبيها او زوجها المستقبلي جالسة بجانبه ويتبادلان الوعود
دينيز: راح اخليك اسعد رجال بدنيه كله احبك ياسر
ياسر: بكد ما الحياة ظلمتج راح اخليه بعينج جنة ومريم اعتبريه بنتي منا ورايح وهيه وامه بنص عيوني
أنت تقرأ
رواية قلوب متحجرة
Romanceولأننا الأنقى نكون أكثر عرضة للألم أكثر عرضة للخيانة لخيبة الأمل .............. قصة كرم ومريم ..........
