العاشق المنتقم

الفصل الاول

الشخصيات..............
أدهم الأنصاري.. طالب في كليه الهندسه الفرقه الرابعه يساعد إخوته في إدارة شركه والده الراحل للهندسة. أصغر أبناء عائله الأنصاري ولكنه أكثرهم عقلا ووقارا ولا مانع من القليل من القسوه ولكن بجانبه أيضا الكثير من الحنان
...................................................
جاسم الأنصاري. يملك من العمر 29 عام كبير عائله الأنصاري يدير شركه والده الراحل مع إخوته
...................................................
حاسم الأنصاري. الاخ التوأم لجاسم ولكن جاسم الأكبر ب 5 دقائق
يتميز بمرحه الشديد وحبه للدعابه
يدير شركه والده مع أخيه الأكبر جاسم والاصغر أدهم
...................................................
ريم. زوجه جاسم حنونه للغايه تحبه بشده وهو أيضا فهي ابنه صديق والده التقى بها واحبها وتم زواجهم تمت من العمر 27 عام
...................................................
مي. زوجه حاسم رآها في أحد رحلاته الصيفيه فاعجب بها ثم التقى بها ثانيه في شركتهم تتقدم لإحدى الوظائف الشاغرة فوقع بحبها وتزوجها وها هي تحمل في أحشائها قطعه من قلب حاسم تمت من العمر 26 عام
...................................................

ادهم الصغير. الابن الوحيد لجاسم وهو أول أحفاد عائله الأنصاري ويمكننا أن نقول انه هو قطعه السكر التي تحلى حياه كل من في قصر الأنصاري يبلغ من العمر 4 سنوات
...................................................
السيده مني. هي والده اولاد الأنصاري حنونه للغايه تحب أولادها بشده وتخشى عليهم من أي مكروه
بالغه من العمر 45 عام
...................................................

نور الأنصاري. هي ابنه عم(أدهم وجاسم وحاسم) ولكنها لم تراهم منذ أن كانت في عمر الثامنه وهاي هي الآن في ال 19 من عمرها ولم تراهم بعد تحمل ملامح طفوليه بريئه بعينيها الرماديتين واهدابها الكثيفه وبشرتها البيضاء تعيش في أمريكا مع خالها منذ أن توفي والديها في حادث سير وهي في عمر الثامنه
...................................................
البارت الأول..............
بعد منتصف الليل بقليل على أحد شواطئ اسكندريه الجميله يجلس شاب في أوائل العمر تذرف عيونه الدموع بصمت وهو يتذكر الماضي وما حدث فيه
Flash back
يجلس طفل بجوار والده على الاريكه بغرفة مكتب الأخير
الأب :يلا بئا يا أدهم اطلع نام امك لو نزلت وشافتك لسه صاحي لدلوقتي هتقلب الدنيا على دماغنا
أدهم : لا يا بابا انا مش عايز انام ولا اروح المدرسه بكره انا عايز اجي معاك الشغل علشان أبقا زيك
الاب: هههههه يا أدهم يا حبيبي ما انت لازم تروح المدرسه وبعدين تدخل كليه هندسه علشان تساعد بابا في شغله زي جاسم وحاسم كده
أدهم بطفوله :عملوا ايه يا بابا هما
الاب: دخلوا هندسه علشان يساعدوا بابا
أدهم : بس هما مش بيطلعوا يناموا بدري يا بابا زي كده وكمان عندهم عربيات وانا لا
الأب : يا حبيبي هما دلوقتي في الكليه إنما أنت لسه صغير لما تكبر زيهم هبقا أجب....
_ قطع الأب حديثه عندما سمع صوت التركات العالي على باب منزله
الأب :استر يارب في ايه
_ فتح الباب ليتفاجئ بأخيه الأصغر يبدو على وجهه علامات الحنق الشديد
يوسف. بئا انت عايز تحرمني من حقي في ميراث ابويا يا واطي
احمد. وطى صوتك يا يوسف ومتنساش إني اخوك الكبير
يوسف. ياريت انت بس اللي متنساش انك اخويا الكبير اللي المفروض يحافظ على حق اخوه مش ياكله
احمد بهدؤ. ما انا علشان عايز احافظ على حقك مش موافق اننا نفض الشراكة اللي بينا وكل واحد ينفصل جلال اللي انت ماشي وراه ده هيوديك في داهيه يا يوسف دا واحد غيار بيغير منك وعايز يدمرك
يوسف بسخرية. هو برضو ولا اخويا اللي من دمي هو اللي عايز يعمل كده
احمد. والله اللي انت عايز تفهمه أفهمه بس موضوع فك الشراكة ده مش هيتم غير على جثتي يا يوسف
يوسف. تمام اوي كده وانت اللي اخترت استحمل بئا وهقتلك هقتلك يا احمد
احمد. أعلى ما في خيلك اركبه بئا
(كل هذا وادهم يقف يتابع ما يحدث بدموع)
(بعد هذا اللقاء بأسبوع وجدوا احمد مقتول في غرفه مكتبه بشركته هو واخاه)
(قتل الأخ الآخر وزوجته بعدها بيوم في حادث سير اثر فك مكابح سيارته)
back
أدهم. قتلت اخوك يا واطي علشان الفلوس ومن نيتك السوده تموت بعدها على طول ومتلحقش تتهني بيها.. ان شاء الله هيجي اليوم اللي اخد تاري منك يا ههههه يا عمي
(آفاق أدهم من ذكرياته المؤلمة على صوت هاتفه النقال)
أدهم بصوت مختنق. جاسوم حبيب قلبي فينك يا راجل
جاسم بحزن. برضو يا أدهم برضو زي كل سنه يوم سنويه بابا تختفي ومحدش يعرفلك طريق
أدهم ببرود. طب لما انت عارف بتتكلم ليه
جاسم بعصبيه. انا اخوك الكبير يا أدهم احترمني شويه
أدهم. انا اسف يا جاسم بس انا متعصب شويه بس
جاسم. خلاص يا حبيبي ولا يهمك بس تعالي يلا علشان ماما لسه مش راضيه تطلع تنام غير لما انت تيجي وتطمن عليك
والواد أدهم ابني مش راضي يسكت وعايز اهدم عايز اهدم
أدهم. ههههههه حبيب قلب اهدم ده اصلا مش عارف انا امته هيحترمني ويقولي عمو زي ما بيقول لحاسم
جاسم. ما انت اللي مدلعه يا عم ويلا بئا باي صدعتني تعاله بئا
أدهم. ما انت اللي عمال ترغي من الصبح سلام يا عم الشباب
.................
(بعد قليل وصح أدهم إلى فيلا عائلته الصغيره)
(أدهم وهو يقبل يد والدته)
أدهم. بلغني أن ست الكل عيزاني سبت كل اللي في أيدي وجيت جرى
مني. ههههههه يا واد يا بكاش كل بعقلي حلاوه يا ولا
أدهم بمغازله. دا انا ممكن اكلك انت يا قمر وانت حلو كده
جاسم. ايوووه خدنا في دوكه زي عادتك
حاسم. في حاجه عاوزين نقولهالك يا سبع البرومبا
أدهم. يا عم قول ازيك الأول ولا اي حاجه
حاسم بسخرية. ازيك الأول ولا اي حاجه هاااااا اقدر اتكلم بئا
أدهم. طبعا يا باشا اتفضل
جاسم. أدهم بصراحه كده احنا جالنا تليفون من امريكا النهارده يبلغنا أن خال بنت عمك اللي كانت قاعده عنده اتوفى ولازم ترجع
أدهم بعصبيه مفرطة. ما تيجي ولا تتنيل وانا مال اهلي
مني. اهدي يا أدهم يا حبيبي وغير الوساوس اللي في دماغك دي عمك مقتلش ابوك انا قلبي حاسس دا روحهم كانت في بعض يا ابني بلاش نظلم حد
أدهم وقد احمرت عيناه من شده الغضب. لا يا ماما لا متدافعيش عن واحد مجرم زي ده ده قتل اخوه بكل دم بارد وانا كنت موجود وهو بيهدده
جاسم. ده مجرد تهديد في ساعه شيطان بس متتصلش للتنفيذ ابدا انا كنت كبير يا أدهم وعمك يوسف ده كان مستحيل يقتل فرخه حتى
أدهم بقرف. بصوا بصوا قفلوا على سيره الراجل ده علشان انا بقرف من مجرد سيرته حتى
حاسم. بنت عمك هتكون في مطار القاهره بكره الساعه 5 العصر ولازم نروح نجيبها معانا هنا عالبيت
أدهم بسخرية. ما تبوسها من بقها احسن
انا مستحيل اقعد في مكان فيه بنت المجرم ده مش بعيد تكون مجرمه إيه هي كمان ما هو اللي خلف مماتش
مني. بطل تريقه بئا يا أدهم البنت جايه بكره وهتعيش معانا هنا معززه مكرمه ومحدش يقدر يتعرضلها طول ما انا على وش الدنيا دي بنت الغاليين الله يرحمهم
أدهم بغضب. يا أمي متجبيش سيره الناس دي هنا خلاص بدال مصممين كده خلوها تيجي بس مترجعوش تزعلوا من اللي هعمله فيها دا انا هخليها تسيبلكوا البيت ده وتمشي من اول يوم
مني بحزم. لم عفاريتك يا أدهم عن البنت احسنلك
أدهم. فين أدهم يا جاسم خليني اقعد معاه هو اللي مش بينرفزني
جاسم بخفه حتى يقلل حد التوتر بين أخيه وأمه. اسكت ده فضل يزن مش عايز ينام غير معاك قولت لريم تطلع تنيمه وتنزل هاااااا تنزل وبقالهم ساعه مفيش صوت خالص يا خوفي لتكون نامت هي كمان وراحت الليله على كده
أدهم. ههههههه دا انت غلبان طب وليه من الأول الجواز اصلا بلا عوله هم
حاسم. هم في عينك بكره لما تقابل واحده تخطف قلبك كده مش هتقول الكلام ده
جاسم. يا سيدي يا سيدي فينك يا مي تسمعي الكلام الحلو ده
حاسم. مي نايمه من المغرب زمانها تقول النهار طلع دلوقتي
الأخوات بقهقه عاليه. ههههههههههههههههه
مني. بس يا واد منك ليه هو الحمل كده بيحب الأكل والنوم
جاسم. انتى هتقوليلي يا ماما دا ريم وهي حامل في أدهم كنت خايف تاكلني
أدهم. بما اني انا السنجل هنا انا طالع انام علشان مش فاضي للهري بتاعكوا ده
.....