العاشق المنتقم

الفصل الاخير (الجزء الثانى)

(فوت_كومنت)

   مرور يومين في قسم الشرطه 
يقف أدهم مع ضابط الشرطة (اياد) لإغلاق المحضر. 
اياد. تمام كدة كل الإجراءات خلصت 
أدهم. تمام 
(أثناء حديث أدهم مع اياد جاءت عليهم فتاه في مقتبل العمر ترتدي زي اسود ويبدو على وجهها الشحوب والحزن الشديد) 
.... ممكن كلمه يا أدهم لو سمحت 
أدهم بتأفف. نعم يا جيسي هانم عايزه حاجه 
(جاسمين اكيد فاكرينها.. اخت مصطفى وبنت خاله أدهم) 
جاسمين بخجل. انا بس كنت عايزه أسألك على حاجه 
اياد بتساؤل. مين الآنسة دي يا أدهم 
أدهم بنفاذ صبر. دي بنت خالتي واخت مصطفى الله يغفرله بئا 
جاسمين ببكاء. انا اسفه يا أدهم عن كل اللي مصطفى عملة بس والله انا وماما مكناش نعرف حاجه ياريت متخدوناش في الرجلين هو دلوقتي اخد جزاءه وبين ايدين ربنا ميجوزش عليه غير الرحمه. ماما حالتها صعبه اوي فاكره أن انت وخالتو زعلانين منها أرجوك يا أدهم افتكرلنا اي حاجه حلوة وتعاله بس طمنها وهات خالتو تشوفها علشان لو حصلها حاجه تكون مرتاحه 
أدهم بأسف. متقلقيش يا جيسي انا وماما والله عارفين انكوا ملكوش دعوة بالموضوع وإن شاء الله هجيب ماما واجي نشوفها 
إياد بإعجاب. هو لما حضرتك بتعيطي وحلوه كده اومال لما بتضحكي بتبقى عامله ازاي 
أدهم بزمجره. انت هتستهبل يا عم انت دي بنت خالتي يلا قدامي يابت خلينا نمشي من قدام الراجل ده 
إياد. استنى بس دا انا بدخل البيت من بابه والله مليش في الشبابيك 
أدهم بمزاح وهو يمسك جيسي من يدها ويرحل 
أدهم. ههههههه يلا يا واقع 
إياد بحسره. منك لله يا أدهم الدنيا ناشفه هنا وأول وزه تيجي تطري القعده تاخدها وتطير كده 
............ 
انتقلت جاسمين ووالدتها للعيش مع خالتها وأولادها حتى لا يبقوا وحدهم 
جيسي بخجل. نور انا اسفه على اللي عملته معاكي 
نور بحب وهي تفتح لها ذراعيها دعوه للحضن. انتى هبله يابت يلا خش في حضن اخوك يا فواز هههههه 
جيسي. انتى طيبه اوي ربنا يديكي على قد نيتك يارب 
نور. يارب 
.............. 
تجلس جيسي في الحديقة شاردة بعض الشئ حزينه على رحيل أخيها ورفيق دربها فمهما كان فهو أخيها التي قضت معه عمرها كله في مرح وحب وخناق تدعو الله له بالمغفرة لعلها تخفف عنه 
... يقطع شرودها جلوس أحدهم بجانبها 
جيسي بخضه وهي تنفض واقفه 
جيسي. ايه ده انت ايه اللي جابك هنا يا حضرت الظابط 
اياد بمرح. لا قوليلي يا دودو 
جيسي بدهشه. حضرتك هتهزر نعم عاوز حاجه 
إياد. تؤ تؤ تؤ طب ليه الوش الخشب ده يا قمر 
جيسي. لا انت مفيش منك فايدة عن اذنك 
(امسك اياد يدها) 
إياد. لا استنى هنا دا انا طالب الحلال. 
.... اثبت مكانك 
اياد بخضه مصطنعة. ايه يا أدهم قطعتلي الخلف 
أدهم. التار ولا العار يا هريدى يا ولدي انت ازاي يا استاذ يا محترم تسمح لنفسك وتمد أيدك على واحدة من حريم البيت ده ايه انا احنا هنركب الأرايل ولا ايه 
إياد بسرعه. ياعم متبقاش متنشن زي بنت خالتك كدة دا انا كنت باخد رأيها فيا بس واشوف أتقدم بقلب جامد ولا لا طبيت انت علينا زي القدر المستعجل ملحقناش نقول الكلمتين والتار ولا العار محسسني انك قافشني معاها في اوضه نوم 
جيسي بخجل. يا نهارك اسود ايه اللي انت بتقوله ده انا ماشيه 
.. ثم جرت إلى الداخل سريعا 
إياد. ههههههه اية البت الكيوت دي 
أدهم. انت حمار ياله حد يقول الكلام ده قدام بنت دا انت قفلتها منك يا شيخ منك لله 
إياد. اية ده بجد اومال ايه هي عايزة شغل حبيبتي وبيبي والكلام ده لا لا فهمها إني ظابط ومليش في الشغل الناعم ده هي فكراكي عيل توتو دا حتى عيب على شنبي يا راجل 
أدهم. يا عيني يا بنت خالتي حظك وقعك في واحد كل تعامله مع المجرمين وحمار حمار يعني 
إياد. أجرى أجرى ادخل قول للمجنونه دي تجهز نفسها يوم الخميس هجيب الحج واجي اطلبها وقولها كدة كده هجوزها يعني موافقتها ولا رفضها مش هيفرق حاجه ده مجرد تحصيل حاصل كده شكليات ولازم تتعمل لو حصلت اغتصبها واخدها بفضيحة هههههه 
أدهم. يخرب بيت اهلك امشي يا حيوان من هنا والله ما عارف البت جيسي عملت ايه في حياتها وقعها في واحد زيك 
إياد بفخر. دا الحاجه خالتك كانت بتدعيلها في ساعه استجابه 
أدهم. طب يلا ياخويا ورينا عرض كتافك انا جاي من الشغل تعبان ومش ناقصك وآخر مره اجي ألاقيك مشرف هنا ولا زانق البت الزنقه السودة دي والله فيها رقبتك 
.. وضع إياد يده على رقبته برعب مصطنع ثم وقف انتباه 
إياد. تمام يا فندم 
.............. بعد مرور كم شهر 
.. تمت خطوبة جيسي وإياد 
.. وأنجبت ريم ولد آخر جميل ووسيم كأخيه وأبيه وسماه أباه احمد علي اسم المرحوم والدة.. فأصبح لدية أدهم وأحمد 
...... 
بعد مرور خمس سنوات.. 
كانت نور في المستشفى تستعد إلى وضع حملها الثالث 
ففي خلال هذه الفترة حملت وأنجبت بنوتتين توأم جميلات كوالدتهم الرقيقة أسماهم أدهم (رنا و ريناد) 
فأصبح لديه حور ورنا وريناد.. وها هي الآن ستدخل لتضع مولديها التوأم التي تعرفت من خلال السونار انهم بنوتتين 
........ 
بعد برهه قصيره 
كانت نور مسطحه على سرير المشفى مرهقة كثيرا أثر الولاده 
نور ب ابتسامه مرهقه. كان نفسي اجبلك ولد للبنات بس يلا نصيبك كده 
أدهم بحب. الحمد لله على نعمه متقوليش كده مالها خلفه البنات زي العسل هو الواحد يطول يبقا عنده شويه بنات قمرات كده دا انا بكره اقعد احط رجل على رجل واشوف نفسي عالعرسان 
نور بإرهاق. ههههههه والله انت رايق يا حبيبي 
أدهم ب ابتسامه. ومروقش ليه عندي 6 بنات يقولوا للقمر قوم وانا اقعد مكانك 
نور بدهشه. 6 ايه يا راجل هما 5 انت مجوز عليا ومخلف ولا ايه 
أدهم بحب. انتى يا حبي بنتي رقم 6 دا انتي الأولى وحبيبه ابوها 
نور. ربنا يخليك ليا يا بابا 
.... 
وصلت العائله إلى المشفى للإطمئنان على سلامه نور وطفلتيها 
جاسم بمزاح. مبروك.. كده بقيت ابو البنات رسمي نظمي فهمي 
حاسم. يا عيني عليك يا أدهم يا اخويا دا انا هما حتت بنت وولد ومطيرين النوم من عيني 
أدهم بمرح. خمس بنات في عينك وعين الحسود 
مني. الف مبروك يا حبيببي عقبال ما تخاويهم وتجبلهم اخ
............ 
مني. الف مبروك يا حبيبي عقبال ما تخاويهم وتجبلهم اخ 
أدهم بمزاح. لا أخ ايه جبرنا على كده انا بقيت بشتغل ساعات اضافيه يا نور اعقلي 
سعاد بحنان. ربنا يكرمكوا يا حبايبي ويهديكوا خصوصا انت هه فاهمني طبعا 
أدهم بحرج مصطنع. احم احم 
ريم. من دلوقتي يا أدهم انا اصلا حاجزه حور لادهم ابني من زمان ده موضوع مفروغ منة.. هاخد بئا واحدة من القمرات دوول لأحمد صح يا جاسومي 
جاسم. طبعا يا حياتي 
نور. وانا كمان هاخد التانية لسليم ابني صح يا حسومه 
حاسم. طبعا يا قلبي 
أدهم. طب يلا يا بتاعه حسومه وجسومه انتو بره وخدوا عيالكوا معاكوا انا مش هجوز بناتي اصلا هخليهم جنبي كده 
نور بتعب. هتسميهم ايه يا دومي 
أدهم بتفكير. امممم احنا عندنا حور والتوينز رنا وريناد يبقا دوول هنا وجنا اية رايك يا قلبي 
نور. جميل يا حبيبي يتربوا في عز ابوهم 
أدهم بحب. وحنان امهم 
جاسم. نطلع احنا بئا علشان منكونش عزول في أطفال يا راجل اتلم 
الجميع. ههههههه 
.............. 
#بعد مرور كم شهر تحسنت حاله نور كثيرا 
.. اليوم هو حفل زفاف إياد وجاسمين 
... 
في غرفة أدهم ونور،
نور. اوووف بئا 
أدهم. ايه يا حبيبتي مالك بتنفخي ليه وفين البنات 
نور. البنات لبستهم الفساتين بتاعتهم وماما مني وماما سعاد اخدوا جنا وهنا ورنا وريناد واحده مع جاسم وواحدة مع مي وحور دايره ورا أدهم 
أدهم. ههههههه والله انا خايف الواد أدهم ده يغفلني 
بس بتنفخي ليه كده انتي 
نور. تخنت اوي ووسطي بئا مليان ازاي 
أدهم بخبث. اية دة بجد وريني أما اشوف الموضوع ده 
نور. ههههههه ما بتصدق انت 
أدهم. انا اصلا حابك وانتي مقلوظه وبطايه في نفسك كده حتى الواحد يجي يحضن يلاقي حاجه يحضنها 
نور بخجل. انت قليل الادب اوي يا حبيبي مفيش فيك فايده 
.. أدهم وهو يضع وجهه في عنقها 
أدهم. انتى اللى قمر اوي يا حبيبتي 
نور. طب يلا بئا هنتأخر ابعد علشان ألبس الطرحه 
أدهم. ألبسي انا ماسكك 
نور. يا سلام ألبس ازاي وانت مكلبش فيا كده 
أدهم. طيب هبعد دلوقتي بس حسابنا لما نرجع 
نور. يا أخي أنت مبتزهقش حسابات امشي اطلع اطلع 
أدهم. اتقل يا جميل اتقل سبع سنين جواز ولسه مجنناني 
.............. 
بعد مرور 14 عام.. 
يحدث ضجيج في فيلا الأنصاري وصوت عالي يهز أرجاء المكان 
أدهم. بااااااااس في اية لكل ده 
حور ببكاء. ألحقني يا بابا من المجنون ده 
أدهم الصغير (هههههه بس طبعا مش صغير ده بئا عنده دلوقتي 26 سنه وحور 21) 
يرضيك يا عمو اروح اجيب الهانم من الكلية ألاقيها نازلة هق ومق مع واد ملزق كده وانا اللي طالع عين اهلي ومفحوت في الشغل علشان اتقدملها وابقي قد المقام مع ان ابويا عرض عليا مساعدة كتير بس الهانم عيزاني أبدا من الصفر وفعلا عملت كده في الاخر ألاقيها مش محترماني في غيابي 
حور بصراخ. والله يا بابي كان بياخد مني كشكول المحاضرات 
أدهم بغضب. متعليش صوتك عليا يا حور احسنلك وبعدين مش لاقي غيرك يعني 
حور. يوووه بئا طب اعمل ايه انا دلوقتي 
أدهم. وبعدين ايه لبسك ده 
حور بملل. ماله 
أدهم. اللحم الأبيض كله باين مش كفايه انك مش محجبة وساكت لكن درعاتك كلها باينه بالشكل ده ما هو ليه حق يجي ياخد الكشكول منك انتي بالذات 
حور بعصبيه. لا بئا انت بجد لا تطاق انا بابي عايش وهو بس اللي يقولي اعملي أو متعمليش صح يا با... 
(قطعت حور حديثها حينما لم تجد ابيها) 
ايه دة هو بابي راح فين 
أدهم. اكيد زهق منا ومن القرف طلع عند طنط نور تفرفشه هههههه 
حور بخجل. بس يا قذر 
أدهم . انا قذر طيب يا حور انا مش هجوزك واروح اشوفلي بنت بتسمع الكلام مش عنيده وصوتها عالي ودماغها ناشفه زي الحجر وشبه صاحبي كمان 
حور بصدمة. انا شبه صاحبك انا 
(أدهم وهو يرحل من أمامها) 
أدهم. لا صاحبي احسن منك يلا يا موزتي معطلكيش اروح اشوفلي موزه جديدة 
.. حور وهي تجري خلفه 
حور. استنى بس يا راجل انت قفوش كده ليه قال تجوز حد تاني قال دا بيقولولي انك بتبوسني من وانا في اللفه الشرف يا واطي الشرف مين هيرضي يجوزني دا البنت سمعه 
أدهم. لا وبيئة كمان الحمد لله اني هخلع بدري بدري 
...... 
نور. اية الصوت اللي تحت ده 
أدهم ب ابتسامه. المجانين بتوعنا 
نور. هما لسه بيتخانقوا دوول عاملين خناقه الصبح لرب السما 
أدهم. البنات اتأخروا يعني 
نور. لا اللي في المدرسه واللي في النادي واللي نايمه 
أدهم بحب. مهما تمر السنين انتي زي القمر يا فراشتي 
نور ب ابتسامه. انت لسه فاكر الاسم ده 
أدهم. وانا من امته بنسي حاجه تخص ملاكي 
نور بحنان. ربنا يخليك لينا يا حبيبي 
.. أدهم وهو يضمها إلى صدره بحب 
أدهم. ويخليكوا ليا 
.............. 
((((تمت)))) 
انا مقفلتش الروايه بمشهد رومانسي بين البطل والبطله زي أغلب القصص 
انا سبتها مفتوحه 
.. طبعا اللي انا عايزه اوضحه أن الرواية دي نص أحداثها حقيقيه وحصلت مع ناس قريبين مني جدا كمان مع بس انا عدلت في كذا جزئية وحطيت لمستي ب كفكره رئيسية حقيقي 100%
طبعا الجزء بتاع حور وادهم دة من وحي خيال الكاتب لأن حور وادهم الحقيقين لسه صغيرين جدا بس دة اللي انا اتمنى انه يحصل في المستقبل