هنيه ف مريكان

23

عند هنية لوصلها عماار البيوتي سونتر ...داخل مع الباب و فمها محلول لدازت الموت دخلها قمت الرُقي و شياكة ..من أكبر و أفخم مراكز تجميل فيويورك .
رسها مزال كيضور حتى قطعها صوت انوتي رقيق مفيقها من تباركيكها .
......:احم احم انيسة تفضلي معايا.
هنية:
😕واش انا
.....:وي نتي اجي معايا...كانت بنت فمقتبل العومر باينا خدامة هنا من للبسة للابسة جيب قصيرة من توب لونها حمر وشوميز غوز بارد مطبوع على صدرها شيعار المركز.
هنية:
😑ستغفر الله بحال لمعندها متلبس (سولتها) ختي واش مجاك البرد.
البنت:
😕عفوا
هنية: خالتي زهرة جاتكم
البنت: اه كتقصدي مدام زهرة دبا نديك عندها.

الخدامة غادا و هنية وراها راسها كي ديما كيضور حبسو قدام الاسنسور حلتو البنت و كتسنا هنية طلع.
البنت: (كانت عطياها بضهر)احم احم (مدرتش نغزتها)انيسة.
هنية: هاا نعام
البنت:
😃 تفضلي .
طلت هنية براسها كيبليها سانسور من جاج كيبين كولشي عند بالها شرجم كبير دخلات.
هنية: واش غنطلو على خالتي من هنا .
البنت:(كليكات على زر باش إطلع)دبا نديك عندها..
هنية:(كتحس بيه كتحرك)
😨ش ش شهادشي مالو كتحرك (طلت باليها طالع) وااااااع حبسي حبسي .
البنت: تهدني عفاك را مغيوقع والو
هنية:(سادا عنيها وكتشهد) اشهد اشهد ان واااااااع شهادا تالفت واااا حبسي ميمتي الموت واااك واااك
عيات البنت تهدنها والو هيا عاد مزايدا فالغوات موصلو طابق سابع حتى كان قلب هنية غيسكت و روح البنت غتخرج كانت قجاها.
البنت:كح كح صافي هاهوا حبس بليز طلقيني كح كح.
هنية: هاا( طلقتها وشدات راسها) الموت الموت فين اختي طالعين فين.
البنت:
😒وصلنا انيسة غير زيدي..الموت انا لشفتها شهاد بنادم.
هنية: كلتي شي حاجة .
البنت : ها لا ها مدام زهرة فهذ شومبر دخلي.

كانت زهرة ناعسة على كرسي المسج لكيتحرك ودايرا ماسك خضر وحجار البوركان بين صباع رجليها حداها ملاك و فتيحة و توبة نفس شي كولشي مسطح بالبينوار فالغوز بيبي .
البنت: مدام الانيسة جات.
زهرة:(حلت عنيها) اه هنية على سلامتك.
هنية غير حالة فمها كتشوفهم كاملات كيتزعزعو المساج زعمة.
زهرة:
😟مالها هي هنية
هنية:
😱ويلي مالك فوجهك اخالتي على خر يامك طليتيه خضر.
زهرة:
😕طليتو خضر ههههه نو هذا ماسك .
هنية: ومالك فيك بوتفتاف ولحداك مركوبين الله استر
توبة:(طلت عليها) ههههه علام والله غير حنى و هذا مساج ماشي مركوبين .
زهرة:مهم هذي هيا لدويتليك عليها شوفي خدمتك
البنت : واخا مدام كوني هانيا انيسة تفضلي معايا
هنية: الفين؟
زهرة:غير سيري معاها مخفتي والو.
هنية: الله اخرج جرتها على خير را هيا لخصها تخاف.

حلت البنت باب غرفة خاصة ومجهزة بجميع لوازيم لغتحتاج العملية إصلاح هنية كانو فيها ربعات البنات بنفس الابسة لبسين ليكات رحبو بيها بتيسمة و هيا غير كتشوف فيهم طلبو منها تكلس على سرير و كلست 
شوية تقدمت وحدا فيهم هازا بلاطو فيه عصير الاناناس ..بجنبو طبسيل فواكه مخلطة وفوطة صغيرة على اساس من ورا المساج تبرد بيه هنية ....ساعة كان عندها بلان تاني بمجرد متحطو على طبلة لحدا راسها نزلت على الكأس و تبعتو طبسيل وباش ختمتها مسحت فمها بالفوطة.
البنت:
😮
😮
هنية:(كتمسح فمها) اححح الله إخلاف عليكم بردنا بيه ريق نشف .
البنت:
😑يالله انيسة حيدي حوايجك باش نبداو و لبسي هذا...مدات ليها البينوار.
هنية:
😕حوايجي و نبداو تي شوية لباس.
البنت: اه را ضروري تعراي اول شي لاسيغ عاد تقشير الجسم من بعد ماسك الاوجه وعاد نشوفو شعر.
هنية:(وقفت) بلاتي بلاتي وهادشي كامل لسايرا تكولي و انا عريانة.
البنت: تماما انيسة هذي اوامير مدام زهرة.
هنية:حيدي حيدي نخرج تي ولينا فنصيل الحوايج خالتي وااااا خالتي .