صوبني عشگ الشيخ

البارت الثاني 2

صوبني عشگ الشيخ

البارت الثاني 2

"""""""" بقلمي ملاك علي"""""""

.
.
قبل الحدث☝

اسمي ياسمين عمري 17 سنه ماكملت دراسه عدنه بنيه تدرس عيب ؟

انعيش في احد القرى الريفية في وسط الجنوب؟
وعدنا كاع ابوي
عايشين منها ويشتغل بيها اخوي وابوي ومرات اني وامي نساعدهم
القرية زغيره لامه بعض الناس البخيته والشيوخ يعني مابينه واحد غريب ؟؟

احجيلكم عن شكلي)...
.اني شكلي حلو امتلك عيون كبار وخضر وشعر طويل بلون الذهب حواجب متصلات طولي وسط بشرتي بيضة

مالي علاقه لا باليروح ولا باليجي الشغله الي تنطلب مِڼـّي اسوية ومن تم ساكت علئ كولت اخوانه السوريين

احجيلكم احداث سالفتي قبل لا ازوج الشيخ جواد 😍

تعريف عائلتي)
امي فخرية
وابوي. حسين
واخوي علاوي عمرة 29 سنه
شخص طيب وعلئ فطرته بس اذا عصب يحرك الاخضر واليابس ومشكلته الوحيدة لازمك ياهلشارع علئ بنات الناس لان طريقهن م̷ـــِْن المدرسه علئ گاعنا
واكثر البيوت تجي تشتكي منه ابوي مايكدرله رجال جبير
امي شكثر تنصح بي وتكله ترضاها علئ اختك واحد يلزملها الطريج
يكله اذبحة غير
امي عجزت منه
اختي روائ ازغر مِڼـّي عمرها 10 سنوات
وهم نفسي كملت الآۆلْ بتدائي وتركت ماعدنا بنيه تدرس
وهاي عائلتي)

تعريف عائلة شيخ جواد)

اجواد عمرة 30 سنة هو شيخ القرية وصاحب نفوذ واموال واراضي ويحب يفرض نفسه على اهل القريه مصيطر عليهم
لانهم ناس على كد الحال واذا راد شي ياخذه غصبا على الكل

زوجته ماتت اول ما ولدت امير جان يموت عليها اخذها عن حب وصار امير الكل بالكل
ام اجواد انسانه تحب بس نفسها وتحب تسوي مشاكل بين ثنين
اجواد عنده ثنين اخوات
وحده مزوجة ابن شيخ وعايشه حياته مثل الملكه بيته وحدها عبير

و افراح تدرس صف ثالث متوسط
ابو جواد شيخ كاظم شيخ عشيرة معروف وكلها تهابه وتخاف منه لو حجا كلمه مايثنيها

بيوم وليله تغيرت حياتي وحياة اهلي وصارت الأوضاع تخوف

الساعه بـ8 الصبح امي گاعدة تنضف برة واني انضف. بالغرف وادندن ويا المسجل اغنية رعد الناصري

( الگلب مامال للغير الگلب عدكم وسلوة ادور وسأل الناس وعاين بس بالوجوة )

شويه وسمع اصياح امي

ولج ياسمين الحكي مصيبه وگعت علئ روسنا

ياسمين/ خيرج يمه شنهي شصاير

ام علاوي/ ولج يمه اخوج اخذ التفگة وراح يهد علئ بيت ابو اجواد

يا يمه وابوي وينه