عشقت فتاتى الغامضه

الحلقه الثالثه

الحلقه(3)بقلمى هايدى محمد
سجى::شوفى ياحجه احنا بابانا كان عايش معانا بس على طول اوامر على طول مسافر يعنى الوقت إللى بيقعده معانا مزهقنا من عشتنا فى يوم خدنا معاه طبعا بعد زن من مام عليه المهم جينا هنا وطبعا بحكم شغله ليه بيت هنا إللى هو ده مام قالت هاتعيش هنا ومش عايز ترجع تانى هو لما صدق
حياه: : بس واضح انه كويس
سجى::مين ده بابا 😂😂انتى غلبانه اووى ده اعوذ بالله منه تعبنا اووى معاه وطبعا انا فضالت اعيش مع مام كان وقتها عندى حوالى 12 سنه وفعلا عشنا هنا وهو بيجلنا كل سنه مره يقعد اسبوع ويمشى
حياه:: بس ازاى قادر يعيش من غيركوا
سجى:: بحزن ماهو متجوز
حياه::ايه ومامتك عادى كده
سجى:: مام بقى ماصدقت بعدت عنه علشان تاخد راحتها لانها مش بتحبه
حياه:: بس لو مش بتحبه كانت تطلق وتعيش براحتها
سجى:: لو اطلقت مش هتلاقى تصرف
حياه:: يعنى هى عايشه معاه علشان الفلوس مش علشانكوا
سجى:: احنا😂😂😂 ضحكتينى
حياه:: ليه🤔
سجى::لان مام كل همها نفسها  ومصلحتها غير كده كله تحت رجليها
حياه:: بس واضح ان باباكى بيحبكوا انه يكتبلكوا البيت باسمكوا
سجى:: بابى بيحب مين هو عمل كده علشان مصلحه مش اكتر
حياه:: مش عارفه وانتى واخوكى ايه دنيتكوا معاهم
سجى:: شوفى بقى  ادم هو ابويا و اخويا وامى هو إللى مربينى بس غصب عنه لانه ظابط
حياه:: بنظره اعجاب ياااه بس واضح انه قاسى
سجى:: بالعكس خالص هو علشان عارف مام وعمايلها
حياه:: اممممم طيب وانتى مش عايشه معاه ليه
سجى:: لان درستى هنا فاضلى سنه وهنزل مصر وابقى كده برائه
حياه:: مصر هاموت وانزلها
سجى:: ليه انتى مانزلتيش خالص مصر🤔
حياه:: ولا عمرى شوفتها
سجى:: ازاى وانتى بتتكلمى مصرى كويس
حياه:: لان كان معايا داده من مصر هى إللى كانت مهتمه بيا علشان كده اتعلمت منها مصرى
سجى:: امممم انتى ايه حكايتك ياحياه
حياه:: بقلق ها ولا حكايه ولا حاجه المهم انا عايزه خدمه منك
سجى:: اكيد تحت امرك
حياه:: هاديكى بيانات خالتى عايزاكى تجبيلى رقمها وعنونها ماشى
سجى::: هى عايشه هنا
حياه:: للاسف لا هى فى مصر
سجى:: تمام هاخلى ادم  يقوم بالمهمه دى
حياه:: مش عارفه اشكرك ازاى
سجى:: عيب اووى انا اعتبرتك صديقه ليا
حياه::وانا والله حبيتك بس المشكله اننا اتقبلنا فى وقت غلط
يقطع حدثهم دخول شاب وسيم جدا من الواضح أنه من اسبانيا
الشاب:: وهو يتحدث اسبانى هاى
سجى:: نعم عايز ايه
الشا ب:: قولتلك بلاش تتكلمى معايا كده لاهاتزعلى منى
سجى:: اعلى مافى خيلك اركبه مش انا الى اتهدت ومن مين منك انت😒
الشاب:: اممم تمام ماتزعليش من إللى هايحصل
سجى:: طز والف طز فيك  واعمل حسابك مش هاتطول منى اى شئ
خرج الشاب وهو يسب ويلعن هذه السجى وعلى جبروتها وقوتها امامه
حياه:: فى ايه ياسوسو
سجى:: ده انسان زباله عايز ياخد قرشين من على قفايا وقال ايه بيهددنى ان صور مام هايبعتها لبابا وادم وايه راح ينزلها على السوشيال ميديا
حياه:: اوه بس كده فضيحه كبيره للكل
سجى:: وانا مالى هى تستاهل
حياه:: طيب كلمى اخوكى وعرفيه
سجى:: لما ابقى اشوفه انا هطلع انام شويه عايزه حاجه
حياه:: لالا شكرا
اذهب سجى الى غرفتها وتجلس حياه على الارجوحه الساعه تجرى بقت حوالى 3 م بليل يدخل آدم سكران وبحذته فتاه
حياه:: تقف مصدومه وتتجه اليه ايه ده
ادم:: اخفى من وشى
حياه : انت انسان زباله وانا كنت فكراك راجل علشان زعقت لمامتك بس للاسف طلعت حقير خاف يااخى على اختك انك تعمل كده قدامها انت  ايه
ادم:: بزعيق وانتى مين انتى علشان تتكلمى كده معايا ولا تكونيش زعلانه انى جبت من بره وانتى موجوده
حياه:: لترفع يدها وتصفع آدم على وجهه انت زباله وقليل الأدب وكمان مافيش عندك دين ياعديم الدين 
تنزل سجى:: على صوتهم
سجى:: فى ايه حصل ايه
ادم:: والله يابنت.. ...... لاربيكى على القلم ده
حياه:: وهى تقف امامه بقوه ربى نفسك الاول قبل ماتتكلم
ادم:: انتى واحده زباله وجايه تعملى علينا الطهره الشريفه شوفى مين خدك لفه ورماكى
حياه:: فعلا زباله علشان واقفه اتكلم مع واحد زايك زباله معدوم الأخلاق والحيا بس العيب فى تربيتك
ادم:: بره يازباله يا......
حياه:: انا مايشرفنيش اقعد فى مكان زاى ده فعلا
إذا كان رب البيت بالدف ضارباً.. فشيمة أهل البيت كلهم الرقص
سجى:: استنى بس ياحياه
ادم:: سجى سبيها تغور
سجى:: فوق بقى من الهباب إللى شربه ده فوق وخرجت تجرى وراء حياه وفاجئه تصرخ سجى ..........
تخلص حلقتنا رايكوا يهمنى