عشقت فتاتى الغامضه

الحلقه13،14

《《الحلقه13》》بقلمى هايدى محمد
ادم:: عندى خبر حلو ليكى
حياه:: ربنا يستر خير🙂
ادم:: هتنزلى مصر بعد بكره
حياه:: وعيونها بدات تدمع بتتكلم بجد اوعى تكون بتضحك عليا
ادم:: بتكلم جد وباذن الله تبدائى تجهزى نفسك لان هنسافر بالطياره الخاصه بتاعتنا
حياه:: ماشاء الله والف شكر ليك
سجى:: بس ياحياه انتى فى حد تعرفيه فى مصر
حياه:: انزل وبعد كده اشوف اعمل ايه
سجى:: يعنى مالكيش مكان تروحى عليه
حياه::بصراحه لا بس هدور على اهلى واكيد هلاقيهم
ادم:: ياسلام بالسهوله دى فاكره نفسك ايه سوبر مان
سجى:: مان مين ياكابتن دى حياه برضوا😉
حياه::طيب العمل ايه
سجى:: لازم يكون ليكى مكان وغير كده هاتوصلى ازاى تعرفى مكانهم يعنى البلد اقصد
ادم:: انا اساعدك لو عرفت الاسم وهو يعدل من ياقه قميصه احم احم ماتنسوش أنى ظابط برضوا
حياه:: هو انت بجد ظابط
ادم:: امال ايه ولا شكلى بيقول غير كده
سجى:: وهى تضحك بصراحه شكلك بيقول انك زبال هههههه هههههه هههههه ههههه
ادم:: وهو يقوم يمسك بها تجرى سجى وهو يجرى ورائها وهى تستخبى فى حياه
سجى:: الحقينى الحقينى هههههههه الزبال هايضرنى
ادم:: انا زبال ياشمامه والله لاهوريكى
حياه:: صوت ضحكتها على ضحكه مميزه ورقيقه وجميله جدا
وقف ادم يتأمل الملاك البشرى كما قال هو عنها وهى مازالت تضحك تاه ادم فى صوتها وضحكتها وملامحها البريئه الجميله افاق ادم على صوت سجى وهى واقفه حطه أيدها وسط خسرها احم احم اللى اخد عقلك يا استاذ ادم
ادم:: باحراج ها بعد اذنكم خرج ادم وطلع الى غرفته وطلع كراسته وبداء يكتب فيها .....
(أحبك، فلا أدرك أي معنى في الحياة سوى ذاك الحب، أعشقك فلا تتمايل في نفسي سوى نسمات الشوق، أدرك بعدي وأحس ببعدك، أدرك قربى وأحس بقربك، ليس لى في العالم سواك وليس لك سواي، إن عشت فلا قاضٍ عنك، وإن مت فذاك قدري.
أحبك يا عابثةُ، أنت من أخجل القمر بجمالها، أنت لحن الخلود، أنت زهرة براري فاحت بعطرها، أنت لي كل الورورد، أنت من يسكن البحر في عيونها، أنت قلب بالعشق يجود، أحبك لأنك أنت و من سواكي في القلب يسود.)احبك يا حياه قلبى اعطتى لقلبى الحياه فانتى اسم على مسمى فانى اعشقك بلا انى خطيت مراحل العشق فانا بكى مجنون يا حياه الروح فيكى اموت... ملامح وجهك بعشقها نظرت عيونك دوختنى يامن دخلت بحياتها دون وعى منى يا حياه روحى.
واغلق اوراق حياته وادخلها فى مكتبه واخلد الى النوم العميق واحلامه الورديه
هل ستدوم ام سايفوق على كابوس؟
_____________haydy_______________
سمر:: الو ايوه يابنتى انتى فين انا قدام البيوتى وانتى
دنيا:: انا قدامى 5دقايق واكون قدامك ياقلبى
سمر:: اوك يلا بسرعه سلام
وبعد 5د وصلت دنيا لسمر وبعد السلام دخلوا الاثنين الى البيوتى وقامت سمر بالتحضير وبعد فتره طويله جهزت سمر وكانت قمه فى الاناقه والجمال والشياكه فانها كانت ترتدى فستانا( طويل باكمام ومفتوح من على الصدر ومن الظهر وكانت لبسه سلسله لظهر الفستان ولاول مره تتخلى عن حجابها لاجل انقاذ والد صديقتها بلا اختها وكانت عامله مكياج اظهر معالم أنوثتها مع تسريحه الشعر والبرفان الخلاب فاكانت حقا قمه في الجمال ابهرت كل من الفتايات والشباب  مع حذاء بكعب عالى وبوك فضى لون شغل الفستان الاسمر )
خرجت سمر لتتفاجئ بيها دنيا على جمالها وتطلق صفير عالى
دنيا:: يخربيت جمال امك ايه يابت كل ده دانتى هاتتخطفى مننا النهارده😂
سمر :: بس أبت بقى علشان اقدر احافظ على ثباتى
دنيا:: طيب بلا علشان ياسين جاب اخره بره
سمر:: هو وصل
دنيا :: من زمان .......... سمر:: طيب اوووعى تنسى تجيبى الورق من المحامى تمام
دنيا:: حاضر بس انا خايفه عليكى
سمر:: ماتخافيش انا واصحاب اخوكى وواحده معرفه جبتها تعمل دور السكرتيره الخاصه بتاعتى
دنيا:: يخربيت دماغك ربنا يستر يلا العربيه بره
سمر:: أن شاء الله خير نتقابل فى المخزن اوك سلام ......خرجت سمر وسلمت على الكل وفهمتهم على اللى هيحصل وركبت وبدات تتحرك اتجاه الفندق اللى هيحصل فى المقابله وبعد فتره وصلت سمر الفندق ودخلت ومعاها البدى جارد 6 ورائها القت نظره داخل الكافيه لاقت فارس فى انتظارها دخلت بخطوات ثابته وصلت لحد الطرابيزه ووقفت
سمر:: استاذ فارس
فارس:: ايوه وحضرتك سوسو
سمر :: وهى تمد يدها تشرفت بمعرفه حضرتك
فارس :: وهو يمسك يدها ويقبلها ده شرف ليا سحب كرسى لتجلس سمر
جلست وبعد كلام كتيييير فى الفارغ
سمر:: انا هشرب وسكى ساك وحضرتك
فارس:: وهو يضحك ببلاها زايك ياجميل
سمر:: وهى تشاور لرجالتها عايزه ٢  وسكى وعايزه الكاس نظيف فاهمين 
فارس:: طيب ماكنا قولنا للجرسون
سمر:: انا بحب رجالتى تشرف على كل شئ وبعد فتره من الشرب بدا فارس يفقد توازنه وبالفعل فقد توازنه كامل
سمر:: وهى تشاور لرجالتها يلا شالوه ومشيوا على المخزن ووصلوا نزلوا كان ياسين ودنيا فى انتظارها مداريين
سمر:: جلست وامسكت بالورق والقلم وبدات تتدلع على فارس حتى مضى وبعد كده بدات تسال تعرف ايه عن محمد الراوى
فارس:: بضحك ده ابن......
سمر:: ليه ده معروف انه كويس بس اللى وصلتله ان دى حد عاملها فى
فارس:: اه ده واحد اسمه يازيد بيه الهاشمى كان بنهم عداء كبير من زمان
سمر:: ومين مساعده
فارس::
بضحك هههههههه انا طبعا
سمر:: ازاى ده كان ولى نعمتك
فارس:: احنا كنا اكتر من الاخوات بس سافر بره رجع معاه فلوس وعمل المشروع وخلانى شغال معاه بس انا كنت متغاظ منه ازاى هو يبقى معاه الفلوس دى كلها وانا لا و احسن منى فى ايه علشان يلاقى الست اللى تخلصله والاولاد البنت والولد وشركات وفيلا وعربيات ورصيد فى البنك وانا صاحب عمره مافكرش يساعدنى
سمر:: بس عملت ايه علشان يتحجز على كل ده
فارس:: والله فى يوم جالى تليفون من واحد طلب يقابلنى وروحت قابلته عرض عليا مليون جنيه واحط كميه حشيش فى مخازن الشركه وبصراحه المبلغ كان مغرى عملت كده وجت الشرطه صدرت كل شئ
سمر::يعنى الحشيش ده مش بتاعه
فارس:: بقولك ايه يا حلوه ماتفكك بقى من السيره دى وتيجى اقولك كلمه فى بوئك
سمر:: بضحكه هههههههه بس قولى ياسوسه انت ده مش بتاعه
فارس:: لا محمد الراوى برئ من كل ده بس يستاهل
خرج :: ياسين من مخبائه يعنى انت ياكلب ورا كل ده ونزل ضرب فى دنيا كانت اتصلت بالشرطه ووصلت اخدته واخدت التسجيل وكان معاهم المحامى وانفتحت القضيه من جديد وبعد مداولاه من النيابه والقاضى والمحامى
القاضى:: حضرت المحكمه بقضيه رقم 365 فى قضيه الحشيش لمحمد الراوى وبعد مداولات حكمه المحكمه بالإفراج عنه وارجاع كل ممتلكاته المتصدره
الكل:: هييييييبيه الحمد الله ظهر الحق ظهر الحق وخرج محمد لبيته وشغله واولاده
_________________haydy___________
وبعد يومين تنزل كل سجى وحياه الى للعربيه حتى يرجعوا الى ارض مصر ارض الامن والامان ووصلوا المطار واقلعت الطياره وبعد فتره فى الطياره تعلن عن هبوطها فى مطار مصر على ارض مصر تهبط الطائره وتنزل كل من البنتين وادم
حياه:: وهى تخر ساجده على الارض الف حمد وشكر ليك يارب أنى وصلت هنا سالمه
ادم:: يلا يا حياه
ومشيوا الى فيلا صغيره يملكها ادم
ادم:: حياه هاتى اسم العيله
حياه:: اسم محمد الراوى عايزه عنوانه
ادم:: الاسم مش غريب بس بكره هايكون عندك العنوان
حياه:: هتعبك معايا
ادم:: لا تعب ولا حاجه يلا هدخل ارتاح تصبحوا على خير
______________ haydy______________
هادى:: ياعمى ياعمى
يازيد:: خير ياغم
هادى:: عرفت ان محمد الراوى طلع من السجن وافرجوا عن ممتلكاته
يازيد:: مش بقولك وشك نحس غور من وشى
لنفسه هو انا مش هاعرف انتقم منك لالا هانتقم فى اعز ماتملك يامحمد استنى عليا
________________haydy______________
وفر صباح يوم جديد فى مصر ام الدنيا
يخرج ادم ليبحث على الاسم حتى يجد العنوان ويذهب لحياه ليفرحها
ادم:: حياه  جبت العنوان جبته
حياه:: بفرحه بجد بجد ياادم
ادم:: يلا البسى علشان اوصلك
طلعت حياه لتجهز لمقابله عمرها وكان جواها خوف بفرحه وجهزت ونزلت ومشيت مع ادم ووصلوا للفيلا
ادم:: هستناكى هنا
حياه:: بخوف اوك
ودخلت .....الخادمه حضرتك عايزه مين
حياه:: مدام وفاء
الخادمه:: لاحظه وبعد دقائق خرجت وفاء اهلا اهلا اتفضلى يابنتى انتى صاحبه دنيا
حياه:: وعيونها امتلاؤ بالدموع انا لا
وفاء:: امال انتى مين
حياه:: انا ...ا.ان....انا حياه يازيد الهاشمى بنت حضرتك
وفاء بنت يازيد وبتتى ازاى
حياه:: عرفت من الداده فاطمه أن انا ابقى بنت حضرتك وان بابا اخدنى وانا صغيره منك وسافر بيا
وفاء:: فاطمه انتى تعرفيها
حياه:: ايوه دى الداده بتاعتى بس بابا موتها
وفاء:: يعملها بس انا مش مراته وماتجوزتوش هو خطف بنتى من جوزى محمد الراوى وهرب بيها وبعد فتره عرفت انها ماتت
حياه:: يعنى هو مش ابويا انا مش فاهمه وبدات فى البكاء
حياه:: طيب حضرتك الداده ادتنى الظرف ده قبل ماتموت وقالت أنى اوصلهولك
اخذته وفاء منه وفتحته وهنا كانت المفاجئه
مضمون الرساله
السلام عليكم مدام وفاء انا فاطمه خدامتك سامحينى ياستى على اللى حصل منى بس كان تحت تهديد يازيد باشا خلانى خطفت حياه واخذنا احنا الاتنين حياه بنتك ياستى وانا علمتها كل حاجه حلوه سامحينى ارجوكى سامحينى وهتلاقى السلسه بتاعتك فى رقابتها هى ماتعرفش أن محمد باشا يبقى ابوها
وقع الكلام على وفاء كاصاعقه انهمرت الدموع من عيونها كالسيول
وفاء وهى تنظر لحياه انتى انتى بنتى بنتى واخذتها فى حضنها وبدأوا فى البكاء هما الاثنين وهنا أدخلت دنيا مين دى اللى بنتك يا ماما دى شكلها واحده حراميه وبعدين فين الدليل احنا اختنا ماتت اطلعى بره
وفاء:: انتى بتقولى ايه يابت انتى
دنيا:: واحده بتقولك اسمها على اسم عدو بابا وانتى تقولى بنتى وامسكت حياه من أيدها وشدتها لخارج الفيلا
خرجت حياه وهى تبكى ومنهاره ومش عارفه تتصرف ازاى
ادم:: حياه مالك
حياه:: اترمت فى حضنه ومازالت تبكى
اخذها ادم وركبها العربيه وطلع بيها الا الكورنيش ونزلوا وقعدوا الاتنين وبعد فتره من السكوت
حياه:: اعمل ايه كل حاجه مقفوله فى وشى
ادم:: مالك ممكن اساعدك
حياه :: انا هاحكيلك كل حاجه عن نفسى ياادم بس اوعدنى إنك تقف معايا وتساعدنى
ادم:: اوعدك يا حياه
حياه::.........
تخلص حلقتنا رايكوا يهمنى