خلقت لاعذب من قبل الرجال((مكتمله))

البارت الثاني

خلقت لاعذب من قبل الرجال
بقلم هدى حيدر 44howda✍️

عندماَ يخذُلناَ اَحدهمْ 💔
تصبحِّ لناَ عقدهِّ مع الاَخرين
يصبح الجميع في نظرناَ لا يستَحقْون !

راح ابو ايسر وضلت ام ايسر تبجي وتدعي
الله يحنن گلبه على بته وعليه
ودت ام احمد القابله ام ايسر لبيت اهله

طبعا اهل ام ايسر 15نفر بيت 50متر
ابوه وامه وخوته مزوجين وماطالعين
وي اهلهم كاعدين وحالتهم الماديه ضعيفه

دخلت وضلت 10ايام وشافت الذله من
نسوان اخوته وخوته يطبون ويطلعون
يذبون عليه حجي
الى ان اجه ابوه كله
بويه ارجعي لبيت رجلج
كلتله بويه اني بيدي الوا
ارجع ادري بروحي ثكلت عليكم
ودموعه نزلت على خدوده
كله ابوه بويه احنه لكمتنه كوه مدبرينه
وخاف رجلج يزوج عليج ويطلكج
ادري بي كلشي يسوي مخبل
اني شويه وروح احاجي وخلي يرجعج
كلتله مثل مشوف بويه
بس بتي ماعوفه اريده بنيتي وشبكه بته وزادت دموعه
بويه هاي قطعه من روحي ماعوفه

وراح ابو خالد ايحاجي ابو ايسر

ابو خالد ابني هاي مرتك وبتك محتاجاتك
ونت هم متبهذل ولدك هم متعودين
على امهم

ابو ايسر مشوفه جابتلي بنيه واني
مصويه كايلله ماريد بنات البنيه عار
وميجي من وراه بس دوخه الراس

ابو خالد. اكلك هذا رزق ربك لدكول هيج

ابو ايسر. ماريده هاي بته اذا تريد ترجع ترجع وحده بدون بته

ابو خالد. وطفله ون توديه

ابو ايسر. مشكلته مثل ماجابته تتخلص منه

خله وراح ابو خالد لان شاف الحجي ويا
ميجيب نتيجه

راح لبته وكله بويه ترا هذا حجيه رجلج

كامت تبجي وكلتله راح ارجع وبتي وياي
وشيريد يسوي خل يسوي لان گلبي مثل الجمر على جهالي
راح يطك  ولدي اريد.
اشوفهم

اخذه ابوه وداهه لبيت رجله
وطبعا رجعت مالكت رجله
لكت بس ولده جوعانين والبيت عباره عن

سوك هرج صاير المطبخ كله ماعين وصخ
والغرف كله تراب وملابس وصخه

راح ابوه وشبكت ولده وضلت تبجي وسوت الهم اكل وكامت تنظف وتبجي
وتتالم من الوجع بعده صارله 10ايام من جايبه
بعده مطيبانه

كملت تنظيف ونيمت الجهال ونامت وياهم

وماحست خير رفسه بطنه ورفسه بضهره

كعدت تصيح من الوجع ولكت ابو ايسر
راجع وتلكاه بضرب
وشافه كعدت زاد بضرب
كعدو الجهال يبجون على صوت الصياح
والضرب
كعدت على حيله وتريد تشرد منه
نوب فتر على الطفله

شاله وكله ليش جبتيه هاي
اني موكتلج لجيبيه وكلت لبوج ماريده

كامت تبجي وتصيح لا جاسم موهيج راح تكتله بشيلتك هاي حباب بتي عوفه