خلقت لاعذب من قبل الرجال((مكتمله))

البارت التاسع

شلونكم حبي.   عساكم بخير

خلقت لاعذب من قبل الرجال
.بقلم هدى حيدر 44howda✍️

احزان.

كعدن يمي شويه يسولفن ويشاقن وفرحانات

اله اني منتضره امي
عسى ولعل تجي
طلعن وكللي شويه ويجي سالم

نمت على الجربايه واخذت حسره
وصافنه شنو الي جاي يصير مفاهمه شي
ليش هيج سوى سالم
وليش امي مجتي وياي اريده محتاجته
ضليت ابجي الى ان سمعت صوت الباب
مال الغرفه نفتحت
خفت سوت روحي نايمه

فتحت شويه عيوني شفت سالم وغمضت عيوني بسرعه

نزع دشداشته وضل بلباس والفانيله
ونام على الجربايه وندار على الجه الثانيه

كل شويه اباوعله  وغمض مكدرت انام اتكلب
مكان جديد ورجال نايم يمي على نفس الفراش
كمت. رحت على الكنتور فتحت الباب اريد اطلع شي البسه على السيت لان بردت
صاح سالم.
هاي شبيج اريد انخمد كافي نامي
زعطوطه وبتليت بيج

خفت منه رجعت نمت بسرعه
غمضت عيوني ونمت كوه
كعدت الصبح على صوت الدمام
باوعت شفت سالم ماهو يمي
باوعت للساعه شفته 7٠00الصبح
بعدني نعسانه بس صوت الدمام قوي
رجعت غمضت عيوني وكوه اريد اسد اذاني وماسع الصوت
نفتحت الباب دخلت
وحده ماعرفه كلتلي
اكعدي كافي نوم ماشبعتي سالم كعد ونتي بعدج نايمه
عمتي ام سالم تصيحلج

احزان بنعاس وهي تفرك بعيونه. والله بعدني
مشبعانه نوم نعسانه

-لضلين تزعططين شويه وتجي العالم كومي اسبحي وبدلي يله
وهسه اجيج ومكيجج

احزان برائه. امي ماجتي ٠٠وانتي منو

-اني مروه مرت همام ابن عمج
وامج شويه وتجي

احزان. اي كمت هسه

مروه. سلمي على عمتي ام سالم وبوسي راسه ونوب جري ايده وحبيه ماشي

احزان. اي ميخالف

كمت طلعت من الغرفه وشفت ام سالم

ام سالم مره چبيره
والبيت كله بيده كل شخص يمشي باوامره
والي يكسرحچايته
هذا بعد الله كتبه عليه
اجيت سلمت عليه وبست راسه
وجرت ايده حبيته
دخلت للحمام سبحت ولبست
ثوب وطلعت دخلت لغرفتي
اجت مروه مرت همام مكيجتني
وطلعنه كعدت على الكرسي
شويه واجو اهلي وياهم كوثر  سلمت على ابوي وامي

وكعدت امي يم النسوان يسولفن
طبعن اني بيومه بدون ريوك محد ذكرني
المفروظ نتريك اني ورجلي بس رجلي كعد
قبلي وتريك ستحيت اكلهم جوعانه
كتلني الجوع بس سكتت محجيت

شفت تلاث نسوان يباوعلي
بنضرات حقد
سئلت مروه
منوهذني٠٠كالت هذني نسوان سالم يعني
شراجج وضحكت هههههه