طوق الشرف و 🕊فـــاتــنة ومنقذهـا 🕊

البارت الخامس

#طوق_الشرف
الحلقه الخامس

طبعاً اعتذر منزلت البارحة لان نمت من وقت وعندي ضرف ونطيت تنويه بدايه نشر القصه انوو االنشر مابي موعود ف يوميه انزلها بعد منتصف الليل  اتمنى تتفهمون هذه الشي التنزيل يوميه بعد منتصف الليل  علمود اطول البارت لان داربط اكثر من بارت

دعاء : عفت البنات وصعدت نمت بعد ما حضرته ولعبانه نفسي من رَوَحي حتى كل ما الزم شفايفي تلعب نفسي حتى من اريد اكل تلعب نفسي

صكر : اخخخ لك شبيك صكر انته مومتسلط هم حقها البنيه شتعرف عنك متكولي بس لا راح تعرف اني اريدها هاي هيه قفلت حبيتها زين اني ممتاكد من حبها وشلون بهاي سهوله ؟ لاااا حبيت شكلها وادبها ومبينه مؤدبه بس خاف متحبني لك ايييي طبعا اذا صرت هيج وياها متحبني خلي اجيها بالهين

تعوذت الشيطان وصعدت الغرفتي .....

______

ثاني يوم كعدنا البنات الي عدنه جامعة وكعدنه حمودي هم دوامه صباحي
اسراء : ها ماما صباح الخير
ام دعاء : هلا ماما صباح نور خواتج وين مانزلن
اسراء : هسه حينزلون
دعاء : نزلت وحس وجع ببطني موتني خرررب اني كل ما تجيني هاي الغضب اصير فلم هندي عووووذه هسه هنيالهم الولد مرتاحين
ولاء: شبيج تبسبسين شصايرلج
دعاء ؛ ماكوو نزلي نزلت لكيت امي واسراء بالمطبخ ونزل حمودي كال دعاء راجعيلي عندي متحان شفهي كعدت اراجع اله
ام دعاء : يمة ليش هيج وجهج اصفر
دعاء : يمة جايتني هاي الغضب
ام دعاء : دصبري خلي افورلج كمون شويه يوخر الوجع
دعاء : ماشي يمة صدك فورتلي كمون وخلصت مراجعة حمودي وطلعنه اني والبنات

___________

صكر : كعدت ساعه ٦الصبح سبحت وتعطرت وبدلت ونزلت جوة هم لكيت الكل ملتمه تريكت ويه جدي وجدتي
جدي : ها صكوري جدي اليوم تاخذ بنات عمك للمدرسه نقلهن ابوهن
صكر : جدي عندي شغل كل عقلك اني حوراء ما جنت اخذها واجيبها عدهن ابو وياخذهن
الجد : ع كيفك دومك لبگ كليتني بكشوري ابوهن طلع من ٱڵـڝُـًْـُپًٍح عنده شغل  اخذهن بطريقك بس هل مره ابو راس اليابس جا معزتك طلعها علينا دولي يله اخذ بنات عمك
صكر : جدي اروحلك فدوة تدري بيه اضوج من طلابه النسوان والبنات خاف اوصلهن وتجيني بلوة
الجد : دمش وصلهن ويصير خير ترجع وحسابك وياي صاير تعلي صوتك بوجهي ولك المعنفص اول تالي هاي تربيتي بيك
اجه ابو صكر ها صباح الخير من صبح مناكركم شني بويه عدنه الفار والبزون شرايك انتو خوما شرايك
صكر : بويه انا طالع هاي اخر مره اوصل بنات اخوك
الجد : ولك لا يا هتلي على هاي السالفه ولك محد نطاك مجال غيري كام عليه بالعكازه
صكر : جدي عوفني رحمة الاهلك وبتسم خرب راحت هيبه العصبيه
الجد : لا طيح حظك وحظ العبيه يله امشي لا اطروا الراسك طر
صكر : طفرت للباب الرئيسي انتضرت بنات عمي ينزل
نزلت بنيه مشايفها قبل مرتبه ومحتشمه وصغيرونه اول ماصعدت سلمت عليه عرفتها هاي بنت عمي الثانيه ايه
ايه : هلوو صقر اخويه شلونك
صكر : بدون ما باوع عليه هلاوبيج وين اختج
ايه : هسه تجي
صكر : اباوع من بعد نزلت وحدة موجنها رايحة المدرسه رايحة العرس الحجاب طالعه منه الزلوف والكذله والصدريه كد ما هيه ضعيفه ومسلوعه لاطشتها لطش بالجسم ولابستلها شحاطه ام الاصبع ومصبغه الاضافر والجنطه شايلتها تك يدة صعدت وطبكت الباب صباح الخير وتتمعلج
باوع عليها بالمرايه كتلها بشرفج من طلعتي امج باوعتلج