طوق الشرف و 🕊فـــاتــنة ومنقذهـا 🕊

البارت السادس

# طوق_الشرف 🔞
الحلقه السادسه .....

شاركوني ارائكم ومقترحاتكم والي توقعه صحيح ادمج تعليقه ويه القصه واسويله تاك ❤️⭕️⭕️⭕️

____________

صكر: لازم اتاكد كلش زين ممعقوله يطلع الهم صله باهل زياد (عمامة)
رجعت للبيت دزيتلها بصمه اذا فتحتي مسجاتي والبصمات ردي عليه بسرعه فاهمة

دخلت للغرفه بقيت اضرب حسبات بيها وراها ذكرت شكلها تنرفزت هنا حيل اريدها يمي عبالك اذكر شلون كاعده يمي بصدر سياره شلون تبجي شلون خفت عليها من تمرضت تخيلتها زوجتي وكاعده بصفي اخ ياربي ارزقها الي وناريد تشلع كلبي وتعذبني انته بليتني بحبها احسمها الي
_____
دعاء : كعدت تقريبا بال ٦صبح رأساً فتحت الجهاز لكيته كلاب الدنيا برسائل والبصمات والمكالمات خليت سماعات باذاني وبقيت اَْســـــــَِِِْمع الكلام تنهدت عفت تلفون وكمت بس طفيت الواي فاي وعفته صامت خاف وحده من البنات تنتبه
نزلت غسلت وحضرت الكريوك امي حست عليه فزت خطيه ماتعوفنه يوم بدون ماتكعدنا نزلن البنات هم لتمينا تريكنا وصعدنا بدلنا وكل وحده طلعت الدوامها

صكر : كعدت ساعه ٧ على تلفون من زياد
زياد : ولك دكعد شلون خال للجهال راح صير سوده بوجهم على هيج خال ينام للضهر

صكر : هلهل بعد هلهل جنك غاكة ٱڵـڝُـبح شبيك داك عليه من صبح ٲڵله اول تالي تذكرتني بصبح اوووووول تاليييييي وبقه يمد بكلامة

زياد : وٲڵڵه اتلوكلك لان عندي مصلحة يمك صراحة ههههههه دكوم اكعد خايب شوف عمي شوكت يريد المشيه

صكر : افه صار عمي قبل يومين جان خالي بس لا تاخذ اختي بعد حتى وجهك مشوفنيا

زياد : اخ الله على هاي ذله ابوك بسيطه
صكر: دروح خلي انزل اكله يلغي المشيه
زياد : هاههي لا حبيبي بعد كلبي انته خال جهال داشاقه شبيك
صكر : اي عبالي
زياد : ديله رجعلي خبر بسرعه
صكر : فوكاها يشرط
نزلت بعد ماسبحت وونزلت لبست دشداشه عندي هم شغله على طريق طريبيل ولازم سالت ابوي وجدي

آلُجد: انا كلت الك يا يا ابو صمد البت مانطيها لبن اخت مرتك اله يجون عمامة حتى باجـَِر عكبة ماصير مايصير يكولون زوجتوا ابنه بدون علمنا والهم حق وهمة اوله بي لان عمامة

صكر : جدي لعد ليش خليتني أگـِول للولد ونطه نشد لخواله
الجد : صكر عمرك وحياتك شفت خوال اجو مشيه بدون عمام الولد مايصير يا جدي واحنه مشايخ ونعرف الاصل

صكر : جدي بس زياد دمنه ولحمنه هم ينعرف
الجد : يجدي من طرف نسوان دمنه ولحمنه بس ابو من غير نسب وغير قبيله يريد البت احنه نطيناها بس خلي يجيب عمامه واحنه حاضرين
صكر : بويه عجل انته ليش كتله موافقين وهوة حتى ما اله صله بعمامه مكطوع عنهم يزورهم قليل
ابو صكر : ابني الشور الجدك غير رايه ٱڵـڝُـبح ونتبهت ل كلامه صحيح