الأمل المفقود

الفصل الخامس وعشرون

نهله:انا موافقه انى اسمعك عشان بس حلفتنى بأغلى حاجه فى حياتى وهى وسام
احمد:بجد حتى لو ايه انا موافق على اى شرط عشان تسمعينى انا بجد ندمان على اللى عملته ومتعرفيش انا عدت عليا السنين اللى فاتت ازاى
نهله:اولا النهارده كان عقد قران سلمى وانا مش عايزه ابوظ الجو فهنأجل الكلام لبعدين لأنى بعتبر ادم وسلمى زى وسام واكتر وفرحتهم عندى بالدنيا كلها
احمد:عارفه ان عمر مايكون فى حد زيك يانهله بس عندى طلب هو ان لو حصلى حاجه متفكريش تسيبى ادم وسلمى كفايه اللى مروا بيه
نهله:ربنا يخليك ليهم يااحمد بس حتى لو ايه مش محتاجه توصيه قولتلك انهم عيالى
...........
اميره:اممم فاكر يوم فرحنا ياعمرو واللى عملاناه مش قدره اصدق ان مر شهر على جوازنا
عمرو:اه طبعا فاكر وكان احلى شهر ياميرو فى حياتى
اميره:😄كفايه رومانسيه هفطس منك وهتبقى السبب بس عارف كل اللى مفرحنى ان ميرا بقت كويسه وفرحانه وقدرت تحب ادم
عمرو:مفسده للحظات السعيده والرومانسيه ياحبيبتى كان المفروض ده يبقى لقبك😂😂
..............
ادم:خلصنا رقص والكل كان فرحان وانا ارتحت ان بعض المشاكل ابتديت تتحل هشام وعمو امجد مشيوا وعمرو واميره باركولهم ومشيوا هما كمان
ميرا:انا حسه ان خطتنا نجحت شويه ياشباب ولاايه
يوسف:شباب واو بتصدمينى ياميرا كل مره عليكى تعبيرات تحفه😂اه فعلا خدت بالى ان محصلتش خناقه بس قلقان انها تحصل بعدين
ادم:ربنا يستر وتعدى على خير بمناسبه اسيبك يايوسف تعد مع سلمى براحتكم واحنا هنروح ننام تصبحوا على خير واه خليك مبيت النهارده فى البيت بدل ماتروح متأخر كده
يوسف:طيب ياادم شكرا وانتوا من اهلو
سلمى:انا هروح اشوف حاجه وكنت قايمه راح شدنى من ايدى،رايحه فين ياسلمى انا ماصدقت نقعد مع بعض لوحدينا اعدى بقى،ادينى اعدت يايوسف اممم فى ايه،كنت هسأل سؤال ياسلمى وهو انك مش هتضايقى يوم من الايام بسبب كلام اى حد على انى مليش اهل اوحتى فاكرهم،بص يايوسف اولا انا مبهتمش بكلام الناس وبعدين احنا مش اهلك برضو ولاعندك مشكله مثلا فى ده😂،اكيد لأ طبعا وبعدين مقولتليش كنتى عايزه تهربى منى ليه مش معقول ان سلمى احمد بتخاف منى ولاايه😉،وهخاف ليه ولسه هكمل راح شدنى لحضنه من الصدمه متكلمتش،سلمى انتى نمتى ولارحتى فين،احم لأصاحيه بس انت اللى قطعت كلامى باللى عملته😶،اوعى تقوليلى ان كل ده عشان حضنتك😂،ااالأ بس انت خضتنى بس،😂😂ماشى ياسلمى لينا كلام تانى بعدين ورحت قبلتها على خدها وقلتلها تصبحى على خير،بعد مامشى وسابنى وانا لسه على نفس صدمتى وحطيت ايدى على خدى مكان ما باسنى فيه بس سعتها حسيت بأحساس غريب مقدرتش اعرفه اذا كان سعاده او دهشه
🍁🍁🍁🍁🍁🍁
ميرا:انا مش جيلى نوم ياادم لانى حسه بقلق غريب
ادم:ميرا حبيبتى ايه بس اللى مخليكى قلقانه ماكل حاجه كويسه اهى،مش عارفه ياادم بس مش مطمنه وخايفه،ميرا مفيش حاجه وانا جنبك كمان يعنى متخفيش تعالى خدتها فى حضنى واعدت امسح على شعرها لحد مانامت بعد فتره طويله شويه ونمت انا كمان وهى لسه فى حضنى صحيت الصبح على حركتها بين ايدى ميرا انتى صحيتى،امممم صحيت ادم عندى طلب ماتخليك النهارده معايا ومترحش الشركه😓،مينفعش ياميرا لان ورايا حاجات ده اولا ده غير ان مش عارف ايه اللى قلقك كده ده انا قولت هتصحى متاخر لانك عمرك ماصحيتى بدرى كده طيب عندى حل كويس ماتيجى معايا امكن لما تعملى حاجه ترتاحى وتبطلى قلق😊،طيب هقوم اغير هدومى،شطوره ياحبيبتى ورحت بايسها على خدها وياريت تهدى شويه كل حاجه كويسه واه نسيت اقولك ياميرا ان فى حفله صغيره بليل لانها الذكرى الثانويه بتاعت الشركه،طيب ياادم عشر دقايق واكون جاهزه انا خلصت،واو ايه القمر ده ياميرو متاكده انك عايزه تخرجى ولانعد احسن😉،بقيت قليل الادب اوى ياادم😮،لأخالص انتى اللى تفكيرك وحش ياميرو انا كنت اقصد كل خير😂،امممم معتقدش يلا مش هنمشى😂،شوفتى ان قدرت اخليكى تضحكى اهو عارفه انى بحبك وانتى بتضحكى وبيبقى شكلك حلو😄،احم يلا مش هنمشى ياادم😅،انتى بتهربى ياميرو ماشى يلا😂
🍁🍁🍁🍁🍁🍁🍁
ريهام:اعتقد ان النهارده يوم مناسب عشان نتمم المهمه يااياد
اياد:اممم متخفيش يامدام ريهام انا جهزت كل حاجه والموضع هيتنفذ النهارده
🍁🍁🍁🍁🍁
سلمى:ايه ده يوسف انت هنا من امتى
يوسف:لأمش من كتير لسه جاى،هوانت مش وراك شغل النهارده ولاايه،اولا النهارده الجمعه ده غير يعنى ده اعتبره انك عيزانى امشى عشان مكنتيش عيزانى اجى مثلا😕،لأ مقصدش بس نسيت ان النهارده الجمعه بطل تفهم كلامى غلط يايوسف،انتى اللى تعبيراتك غلط ياسلمى بس معالنا امال فين الباقى،طنط نهى وطنط نهله مشغولين فى المطبخ ووسام راحت كليتها عندها محاضره وادم وميرا راحو لعمو امجد بس كده😂،انتى طفشتى البيت كله ولاايه 😂موحشتكيش من امبارح ياسلمى،لأ موحشتنيش يايوسف انا اقوى من انك توحشنى😝،بقى كده ماشى ياسلمى وجريت وراها لحد ماجبتها كفانى تواضع اللى بيخر منك ده😒،قطعت نفسى حرام عليك😧وبعدين وانت مالك بتواضعى وبعدين اوعى
نهى:قفشتكوا كنتوا بتعملوا ايه من ورانا
نهله:اكيد كانوا فى حاله رومانسيه واحنا قطعناها عليهم بس احسن😂
يوسف:انتوا فهمين غلط خالص احنا كنا بنتخانق ثانيا بزمتكم يعنى سلمى والرومانسيه ميجوش مع بعض اصلا😂،بقى كده ماشى يايوسف عالموم انا همشى وسيبكم احسن وبالمناسبه متنسوش حفله بليل😊
🍁🍁🍁🍁🍁🍁
بليل والكل جيه الحفله
ميرا:كنت لبسه فستان كشمير وكان تحت الركبه
وادم كان لابس بدله سوده على قميص ابيض
ادم:يعنى اخيرا روقتى ياميرا شويه شايفك احسن
ميرا:اممم طب اعمل ايه انا معرفش حتى قلقانه من ايه بس معالنا هحاول انسى،اممم طيب موحشتكيش ياميرو،لأ حتوحشنى ليه مثلا مانت كنت طول اليوم قدامى😂،قربت من ودانها بس انت بتوحشينى حتى لو قدامى لانى بحبك ياميرو وامكن انتى السبب اللى خلانى اتفائل فى حياتى واعرفى انى من المستحيل اسيبك وهفضل معاكى لأخر
شخص:تمام يااستاذ هنفذ المهمه دالوقتى وبسرعه واهرب قبل ماحد ياخد باله حضرت السلاح وصوبته ناحيه ادم وضغطت على الزناد وماتاكدت انى نفذت المهمه هربت
ميرا:لسه كنت هرد عليه بس لقيته اتنفض فاجئه ادم مالك انت كويس وقلت احط ايدى على صدره والصدمه انى لقيت دم وفاجئه لقيته وقع عليا وكل ده حصل فى لحظات الكل اتلم علينا وانا عدلته ادم عشان خطرى قوم طيب فتح عينك ااادم قلت بصريخ حد يتصل بالاسعاف بسرعه ويوسف اتصل بالاسعاف وجت بعد شويه واتنقل لمستشفى ودخلوه لأوضه العمليات
يوسف بقلق:سلمى اهدى انشاء الله يبقى كويس و اهدى وادعيله سبتها مع طنط نهله ورحت لميرا لانها كانت منهاره ومصدومه ميرا كل اللى فى ايدينا دالوقتى ان ندعيله ربنا يقومه بالسلامه
ميرا بأنهيار:انا معرفش امتى حصل كل ده ده كان واقف معايا وفاجئه لقيته وقع وغارقان فى دمه انا متاكده انو مش هيسبنى هو وعدنى بده اكيد يايوسف مش هيخلف بوعده لياصح
يوسف:اه اكيد ياميرا بس انت ادعيله وحاولى تهدى وبعد فتره طويله خرج الدكتور فكلنا رحناله هو عامل ايه يادكتور دالوقتى
دكتور:بصوا ياجماعه الصراحه احنا طلعنا الرصاصه بس هى كانت قريبه لقلب شويه فكانت صعبه ده غير انو فقد دم كتير فأحنا ناقلناله دم بس هو حالته لسه مش مستقره ومقدرش اقولكم حاجه عالموم احنا عملنا اللى علينا والباقى على ربنا احنا هننقله العنايه المشدده لو حالته استقرت على شروق الشمس يبقى هو عدى مرحله الخطر وهننقله اوضه عاديه
ميرا:مرت ساعات كتير لحد مالشمس شرقت والكل منهار حاولوا انهم يهدونى بس معرفوش وسلمى وطنط وعمو راحوا يصلوا ويدعوله وبعد شويه جيه الدكتور ودخله وانا بدعى انو يبقى كويس وبعد فتره خرج فانا واللى كانوا قاعدين راحوله
يوسف وهشام:دكتور هو عامل ايه دالوقتى
دكتور:هو عدى مرحله الخطر ودى معجزه لان الاصابه كانت خطيره بس دى حادثه والشرطه هتيجى تتحق فيها بس طبعا لما يتحسن هتاخد اقواله احنا هننقله اوضه عاديه بس مع رعايه لان مازال تعبان
ميرا:دكتور هو انا ممكن ادخله وافضل معاه
الدكتور:هو انا ممكن اسمح بمرافق واحد بس ده غير لو فاق متتعبهوش فى الكلام او لو احتاج حاجه هتبقى فى ممرضه يلا عن اذنكم
هشام:بس انت ياميرا تعبانه وكمان هدومك كلها دم روحى انتى ارتاحى وانا او يوسف هنفضل معاه
ميرا:انا مش هقدر اروح واسيبه هنا انا هفضل معاه وبعدين انا كويسه وبالنسبه لهدومى فمش مشكله ياهشام،يوسف:طيب ياميرا اللى يريحك بس هما لأسف مش هيرضوا يدخلونا ليه غير لما يفوق فأحنا هنروح وكمان كام ساعه هنيجى احنا طبعا مكناش عايزين نسيبك بس هما مش هيرضوا اننا نفضل فهنمشى بس قبل مانمشى انتى محتاجه حاجه
ميرا:انا عارفه انكم لو بأديك كنتوا فضلتوا بس متقلقوش انا كويسه ولو احتجت حاجه يايوسف او هشام هتصل بيكوا
هشام:طيب خلى بالك من نفسك ياميرا،سلمى:احنا هنروح الكل عشان تعبان وهرجع مع يوسف واجبلك معايا هدوم من البيت عشان هدومك كلها دم
ميرا:حاضر سلام
ميرا:بعد مالكل مشى دخلت لأدم الاوضه وقعدت جنبه فمسكت ايده عارف انك وحشتنى ياادم امكن مقدرتش اعبر سعتها بس بجد كنت هموت لو حصلك حاجه وامكن من غير ماعرف بقيت كل حياتى ياادم بعد فتره رجعت سلمى مع يوسف وجبتلى الهدوم ومشيوا فرحت غيرت هدومى ورجعتله وتقريبا كان مر سعات وكان جيه بليل اعده جنبه وانا مسكه ايده لقيته ابتدى يحرك ايده ادم انت كويس
ادم بتعب:ابتديت افتح عينى بتعب انا فين آآآه،ادم انت كويس حمد لله على السلامه،سألت بصعوبه:هو ايه اللى حصل،مش مهم ياادم اهم حاجه انك كويس،استنى اساعدك بدل ماتتعب،ايه اللى حصل لأنى مش فاكر اللى حصل بالظبط،....فى حد ضربك برصاصه بس منعرفش مين لو موجوع ياادم اجبلك الدكتور،لأ خليكى جنبى مترحيش فى حته،طيب انا هروح اطمن الكل عليك واجى مش هتأخر عليك خرجت بره كلمتهم ومكملتش حاجه ورجعتله انا رجعت🙋،عارف الساعات اللى فاتت مرت عليا بصعوبه وكانها سنين بس عارف انى اكتشفت قلبى كان وجعنى ليه لان كنت حسه ان اقرب الناس ليا هيحصله حاجه كنت فكراها اوهام بس انا كنت لازم اصدق احساسى وامنعك تروح😢،امممم بصى ياميرا اللى حصل حصل مش هتقدرى تغيريه ثانيا اللى ضربنى كان ممكن يعملها فى اى وقت لان هدفه يقتلنى فمكنش هتفرق معاه الوقت،ادم انت لو حصلك حاجه لاقدر الله مش هقدر اعيش من غيرك وبعدين انت وعدتنى انك مش هتسبنى فمتجيش تقول كده،طب خلاص اهدى يامير تعالى بس لفى من الناحيه التانيه عشان الجرح لفت وراحت مرميه فى حضنى ممكن تهدى انا كويس اهو ولسه عايش قدامك وكمان واضح انك معيطه كتير وتعبانه فأهدى بدل ماتتعبى اكتر،انا كويسه متقلقش عليا بس انت ريح عشان متتعبش،اولا انا مش تعبان وعايز اعد كده وبعدين انا مش هسيبك لوحدك وانام يعنى،.....انا هريح على الكنبه اللى هناك وانت نام ولو احتجت حاجه نادينى انا هريح راسى بس،طيب ياميرا،ساعدته عشان يريح ورحت اعدت على الكنبه وريحت راسى بعد ماطمنت عليه وبعد فتره حسيت بحركه ففتحت عينى فلقيتها الممرضه بس مش عارفه ليه حسيت بأحساس غريب وانى ارحلها .ااا بتعملى ايه هنا
الممرضه بتوتر:اااالدكتور طلب منى اضيف الدوا ده لمحلول بس من الواضح انى قلقت حضرتك
ميرا بشك:طيب انتى ليه اتوترتى لما سألتك وبعدين انا سألت الدكتور مقاليش حاجه زى كده وبعدين دوا ايه ده وخدت الحقنه منها
الممرضه بخوف وقلق:حضرتك مينفعش كده هاتى الدوا ده،لقيت علبه الدوا وقعت منها لما حاولت تاخد الحقنه منى فلما مسكتها الممرضه ارتبكت ،طيب هما كانوا عايزنى فى مكان تانى ومشيت بسرعه عشان اهرب منها لانها شبه كشفتنى فكرت انى قدرت اخلص منها بس لقتها لقتنى،احسنلك تقوليلى الحقيقه والأ هتصل بالشرطه يجوا يخدوكى انطقى كنتى عايزه تسمميه ليه،انا مليش دعوه يامدام سبينى فى حالى وخلينى امشى،مش هسيبك الأ متقوليلى مين اللى وراكى لان لو مقلتيش هيبقالى تصرف ليكى هيأذيكى مش هتفيدك الفلوس اللى واخدها حتى،قالت بخوف:لأ انا هقولك اللى حصل انا معرفش الشخص بس هو اللى طلب منى اعمل كده وانا وافقت مقابل فلوس انا اسفه جدا انا مش عارفه كنت هعمل كده ازاى انا هحكيلك كل اللى حصل
فلاش باك
شخص:انا عايزك تحطى دوا فى محاليل الشخص ده
الممرضه:بس ده سم مش دوا ده كده جريمه لانها هتقتله ولو حد اكتشف هروح فى داهيه،انا هديكى الفين مقابل المهمه ديه واعتقد ان عيلتك محتجاجاكى ولاايه نفذى من غير مناقشه واه كمان مراته اعده معاه فخدى بالك وكمان الدوا ده بيبان على انه مات موته طبعيه لانه بيدى اثار السكته الاقلبيه وخلال خمس دقائق من اخدانه بيموت😈
نهايه الفلاش باك
الممرضه:بصى انا بجد بعتذر بس الشخص ده فعلا مجنون ولو معرفش ينفذ المرادى هيفضل يحاول فخلى بالك،ماشى ممكن تمشى دالوقتى انا لازم ارجع الاوضه رجعت اطمنت عليه وقلت انى لازم اتصل بأى حد فتصلت بيوسف
يوسف:اتخضيت لما شفت اسم ميرا الو انتى كويسه ياميرا وادم كويس،انا محتاجه انك تجيلى على المستشفى،طيب ياميرا مسافه السكه وهجيلك يلاسلام وبعد فتره رحت المستشفى فى ايه ياميرا انتى كويسه شكلك تعبان،انا هقولك اللى حصل كله وحكتله،لأ مش معقول احنا لازم ناخد حذرنا لان منضمنش ممكن يعمل ايه المره الجايه،انا خايفه يايوسف ومش عارفه اعمل ايه،اهدى ياميرا انا هطلب حراسه على اوضته لحد مايطلع من المستشفى بس ياترا مين الشخص ده مسيره اعرفه......
يكمل