مساء الخير يا متابعيني الوروود😍🌺🌺
اتمنى تدعموني بالتعليقات
لان اول مرة اكتب روايه😇
رحت لامتحاني واني تفكيري متشتت مابين الامتحان
وبين الي شفته البارحه
لسه المنظر الي شفته يدور براسي عزا شكد ثولة
اني غير اتاكد من الوضع
حاولت اشد بالي يم الامتحان وبس وجمعت قوواي
وركزت ع ورقه امتحاني
لان لازم اطلع المعدل الي ابالي خلي
اكمل امتحاني وبعدين افكر
بفشلتي مال البارحه طلعت من الامتحان
وجنت اخر
وحدة تطلع من القاعه الامتحانيه
ولكيت صديقتي اسراء منتظرتني طبعا هذي اكثر
من صديقه بالنسبه اليه
اسراء... هابشري حبي جاوبتي؟
لمار... يي الحمدلله بس بالشافعات الا جمعت تفكيري
اسراء،. هاليش خيرج شصاير؟
لمار... وج اسكتي مريت بموقف محرج البارحه شل تفكيري.
اسراء... وج سولفي الفضول كتلني
وكعدت اسولف لاسراء عالشفته البارحه
؟......................................
عززززا شنو هاااي
منو انت؟.؟.؟
طفر الولد من فجأته بيه وصار يتلعثم بالكلام
ميعرف شيحجي
يوومه منو انت شسوي ابيتنه؟
صرت اريد اشرد منه كل ظني انو هو
حرامي او شخص
متسلل لبيتنه
ردت اصيح لاهلي حسيت انشل الساني من الصدمه
ركضت وهو حس بيه اني خايفه منه
ركض ورايه
من شفته ركض ورايه صارت نيتي استنجد بأهلي
صحت الحكولي لكن كان صوتي يرجف
وممسموع من الرعبه
الحكولي حر......
بعدني ممخلصه كلمه حرامي حسيت بأيد اجتي
ع حلكي ولصمتني
من ان يطلع صوتي
جرني وهو ساد حلكي خاطر ميطلع صوت وننفضح
او بالاحرى هو الي ينفضح
جان متوجه للمرجوحه واني لسه مااعرف
منو هذا وشيسوي ابيتنه؟
حسيت رجليه ميعينني ع المشي بعد ؟.
يجر بيه ويحجي ويايه بصوت ناصي
شبيج تردين اتفضحينه يبت الناس
حتى الجكارة ماخليتيني اتهنا بيهه
منين طلعتيلي انتي
جنت خايفه مكدر احرك اي ساكن
وصلت لعند المرجوحه كعدت وهو لسه سادة لحلكي
شوفي رح ابعد ايدي عن حلكج ديربالج اتصيحين
واني رح افهمج على كولشي
وخر ايدة واصلا اني حتى لو ميوصيني
انو مااصيح اصلا مبقه صوت
عندي يعيني ع الصياح والنجدة
كلي شوفي يبت الناس اني اعتذر منج واصلا اني
مو من حقي اتنقل ابيتكم
ع هووواي بس والله ضااايج وابوج وابويه وصديقهم
نايمين وصارت بنفسي جكارة وكلت
اطلع ادخن برة خااف اخنكهم بريحه الجكارة
وهمه نايمين
من سمعت كلامه عرفت انو هو من
الخطار الي عدنه
لج انتي شكد ثولة يالمار غير تتاكدين منو ابيتكم
جنت اكلم برووحي وااعاين بعيونه
- اصلا اني الاسفه لان ماادري
انتو بعدكم موجودين ابيتنه
عبالي اتعشيتوا ورحتوا من عدنه
-لا بالعكس اصلا هذا بيتكم واني الي لازم مااطلع
واتجاوز حرمه هالبيت
جان يحجي واني اعاين بعيونه شلون يملك عيوون تسحر
الشخص المقابل
جان صاحب عيون عسليه وذات رمووش طويله ومكحله
من قدرة الخالق
شعرة كثيف ومخربط ولحيته محددهه والشارب الي
محدد ع شفته العليا
طبعا اتأسفلي هوواي وكلي استاذن
وياريت محد يعرف بلي صارر
لان هالشي غلطه مني
واني مااعرف شلون سويت الي سويته
عافني ودخل لبيتنه وجنت اعاين عليه
شنو هالطوول والضخامه والعضلات الس مبينه
من ورة القميص الي لابسه
جان لابس قميص نص ردن ويريد
يطك من عضلات اديه
ياالله شنو هالافكار الي كامت تجيني
شبيج لمار فصلتي الولد
كومي لمي كتبج وادخلي ليشوفوج
اهلج (الم بكتبي واحجي ويه روحي)
دخلت للبيت ولسه بعدني بخووف من
الموقف الي صار
واذا جان عندي شويه واهس للدراسه
هسه اختفى نهائيا
ضليت مخليه كتابي واضرب اخماس بسداس
واني خجلانه من الي صار
هسه شيكول عليه الولد بله اقتنع لمن كلتله عبالي
رحتوا من ورة العشه
خااف كال بكلبه هاي جذابه وهمه نسوانهم
مايهتمون للخطار
ياالله شنو هالموقف شراح يحجي عليه
هسه عزا بعينج يالمار
دكعدي بغرفتج وانجبي الا صرتي ادورين اجوواء
...........................................
