وره ايام قررو يزوجون حسين وبدينا كلنا نحضر اني وامل نتفق على اللبس وخالد ملتهي بشغل وعلي وحسين ديجهزون غرفه حسين وهوسه كلش بس هوسه تونس مادام اكو عرس جنا اني وامل وخالتي يوميا تقريبا نطلع للسوك نجهز للحنه والعرس وخالتي تشتري شغلات لايه بحيث مجنت التقي هواي ويه خالد يعني هو يطلع صبح يرجع بالليل ومرات يرجع واني نايمه لان كلش يتاخر
خالد: هاي الفترة جان عندي شغل كومه وشغلات مكومه عليه من وره الحادث فجنت اريد اصفيها كلها قبل عرس حسين وجنت ماتواجد بالبيت هواي على كد النومه واطلع من صبح ماعدا شغلي الي بغداد لازم اروح فجنت كلش ملتهي يمكن هذا الشي خلاني اتحمل تصرفات حياة ويايه واصلا ابتعدت عنها حتى تجي ايام ماحجي وياها مو لان زعلان منها بس لان تعبت منها ماعرف شتريد اتقرب منها ترفض ابتعد ترفض مجنت اعرف شتريد
حياة: قبل يومين من حنه حسين اجوي خوات خالد يمنا وخالاته وعماته وبناتهن بحيث البيت كومه نسوان بي بحيث كمنا منلحك عالشغل وخطيه بنات خالته لخالد يساعدونه وميكعدن ويانه ويانه عكس بنات عمه النقيض مالتهن كلشي ميسون
جانت دنيا عصر كاعدين كلنا والكل ديسولف والكل ديذكر ايام عرسه بحيث اني كاعده خاله ايدي على راسي وصافنا عليهن لان ماعرف على منو انتبه الكل يسولف حمام نسوان ومكطوع الماي
اجتي ساره كالتلي شيخ يريدج
اني كمت ركض لان خالد صاله فتره كلشي ميطلب مني حتى شغلاته هو يسويهن بنفسه وهذا الشي صار كلش يزعجني كمت ركض للغرفه لكيته بالحمام وشويه وطلع خشمه طاك دم كلي جيبيلي قطن بسرعه وين خالته صار ساعه ادور عليه ركضت جبتله وجيت وهو كام يخلي قطن على خشمه
كتله شبيك ليش طك خاف ضغطك صاعد
خالد: مابيه شي
حياة: حروح اجيب جهاز الضغط اقيسه .. رحت ركض جبت الجهاز ورجعت شفته كاعد واحسه تعبان ومصعد راسه متجي عالحايط اني كعدت بصفه واخذت ايده اقيس ضغطه لكيته 16 على 10 كتله صاعد ليش هيج
خالد: صايره دكتوره واني مادري
حياة: باوعت عليه كتله عندي خبره جنت دايما اقيس لابويه
ليش هيج صاعد
خالد: مادري روحي جيبيلي من امي حبايه مال ضغط من مالاتها
حياة: وشون تاخذ هي شكل وانتي شكل
خالد: يولي كافي تحجين روحي جيبي الحبايه راسي حينفجر
حياة: كمت لخالتي كتله اريد حبايه لخالد نطتني وجتي على خالد شوفه
خاله : هايمه شبيك حياة كالت مرتفع ضغطك
خالد: اي يمه صاعد شويه هسه اخذ حبايه وينزل
خاله: اي يمه اخذها كلش زينه هاي هسه ينزل
حياة: نطيته الحبايه اخذها وظل كاعد بس شكله مو طبيعي احسه ضايج كلش كلتله كوم مدد لظل كاعد هيج
خالد: اكو شي ضامته عليه
حياة: شنو ضامته
خالد: اني داسئلج اكو شي ضامته عليه
حياة: ظليت صافنه عليه بس جنت داراجع نفسي اذكر شنو الي ضامته عليه
خالد: ها سكتي لازم ضامه
حياة: لا والله مضامه
خالد: متاكده
حياة: اي متاكده
خالد: اقسم بالله اذا عرفت انتي ضامه عليه شي متلومين الا نفسج
حياة: ظليت صافنه عليه وكمت اخاف واني ماممسويه شي اصلا بس مدري كلامه وعصبيته تخوف .. صاير حتى تحجي هيج
خالد: مصاير
حياة: كتله حروح بره اذا ردت مني شي صيحني
أنت تقرأ
فصليه ولكن
Romanceحياة : اني حياة عمري 22سنه اني وحيده ابويه امي توفت من جان عمري 13سنه ابويه تعب وره وفاه امي لان جان كلش يحبها عمامي اصرو عليه يتزوج بس هو جان رافض لان جان يحب امي هواي ويخاف عليه من مرت الاب ابويه مقصر ويايه بشي كل الي اريد جيبه الي ومجان يقبل...
