لا اكراه ف الحب

البارت 3

✍لا اكراه ف الحب ✍
📚الرواية التانية للكاتبة:نيدووووووووووووووو📚
#الحلقة3⃣
مرت الايام سريعا وابوي م اتغير زي م هو صحي الطبيعه جبل الزول لو غاب اسأل من عافيتو م تسأل من طباعو م ح يتغير مرات كتيرة بتزهج فينا وكم مرة حماني اطلع مع صحباتي ياااخ انا بكره الحركة دي برستيجي قدام صحباتي 😬💔اسي كل مرة اكذب ليهم واتهجج ليهم بهجج واهيه غاااايتوو حاله الله يصبرني 😐💔اليوم كلو بقعد ف البيت م بعمل شي لو قعدت براي مشكلة يقول لي انا م بطلع اتكلم معاهو ولو طلعت مشكلتين كلماته لاتروق لي 😬اوووف عديت ايام اسؤا من اصفها ليكم اشبه بالسجن تماما😴االنتيجة طلعت جبت 65بس لكن ماما قالت بتسجل لي خاص م فارقه معاي خاص عام كلو واحد 😴علاقتي مع باسم ساءت جدا لدرجة م اتصورتها
(الزول المابقدر ظروفك وبتخلي عنك ف اول عاصفه تواجهكم يستحسن تنهي البينكم لانو ف العلاقات ف مواسم زي م ف الطبيعه لحظات برود بتصيب الطرفين وفترة نقاهة الواحد بكون محتاج يقعد مع نفسو بسلام بعيدا عن اي زول ولحظات بتكونو ف اووج مشاعركم ودي فترة ربيعيه وتعلمون م اقصر الربيع ف بالله المابقدر يتماشي مع مواسمك دي ي ريت تفارق دربو احسن ليك وليهو )
ابتعدت عنو علي امل انو يتغير لحدي م نزلنا الجامعه وبدت علاقتي معاهو تتصلح شوية بقينا نتلاقي طوالي ومشي معاي الجامعه كم مرة ف البدايه ظنيت انو الامور علي م يرام ونسيت ان بعض الظن اثم🙂💔اتعرفت علي كمية من الناس والاصدقاء كنا شله حديث الجامعه اساتذة لطلبه بعرفنا كنا شاذين شديد بنعمل كل شي علي كيفنا طلعاتنا الكتيرة كل شلتي ناس ميسورين الحال بل مبذرين 😴تلاته اولاد وتلاته بنات كنا العندو عربيه والبجيبو السواق مرات ماما بتوصلني غيرت دواما صباحي مكياجي ولبسي كان دايما بسبب لي مشكلة مع ابوي لدرجة مرات بتمكيج ف العربيه الموهم مرت السنه الاولي نجحت بمعدل بسيط الشي الوحيد الزايد عدد اصحابي وطلعاتنا بقينا مرات م بنحضر المحاضرات وباسم نسيتو زات اخر مرة حصل موقف لقاني مع اصحابي وكم مرة كان بعترض لي ف علاقتي معاهم اخر مرة قال لي ي انا ي اصحابي م رديت ليهو صراحة م ناقصه الشي الوحيد البفرق عني الجامعه شي جديد حصل ابوي خلا السفر ومرة بتونس معاهو قال عندو ولد اخوهو جاي الخرطوم م اهتميت للموضوع كتير اصلا م عندي علاقه معاهم ولا بعرفهم البيت واسع لو كلهم عايزين يجو خليهم يجو م بهمني😴اخدنا اجازة حقت سنه اولي الوضع ممل نوم تلفزيون لا مكالمات ولا طلعات 😴مرة بالعصر كدا ابوي جا جاب معاهو ولد شاب عمرو بين 25-26سنة كدا طويل اسمر اللون ملتحي باسم الثغر برئ الملامح يكسوه الحياء حلو الحديث سلم علينا م صافح شكلو م بصافح قال اسمو ابو القاسم ابوي ساقو اداهو غرفه ف الطابق التاني حسب انو م متعودين يكون معانا ناس وبنحب ناخد راحتنا ف البيت نادرا م اشوفو بمش الصباح بجي المغرب م حصل شفتو ولا اتونست معاهو ابوي قال مسافر عندو مقابله مشي نزلت الجامعه للسنة التانية مرة بالصباح طالعه الجامعه لقيت قاسم واقف للمواصلات قلت لحمدان يناديهو يركب اتشكرو وركب سلم علي اول مرة نتكلم اتكلم معاي سالني بقرا وين وسنة كم وعلي كدا سكتنا ووصل نزل انا وصلت الجامعه لقيت شلتي منتظراني قعدنا فطرنا وطلعنا شارع النيل المغرب رجعت البيت كل يوم كدا نفس الروتين بقيت بتلاقي مع قاسم طوالي هو م بيتكلم بس انا اضايقت من حكايه كل يوم اركب معاهو دي مرة جينا داخلين البيت سوا زي المغرب كدا عاين لي نظرة م فهمتها سلم علي وطلع انا دخلت بقا ف فراغ ف حياتي باسم وانتهي البينا م ناويه اغوص تجربه جديدة واتخزل كميه الخزلان العشتها تكفي وتوفي 😴عندي اصحاب كتار ف الجامعه منهم الحاولو يلفتو انتباهي بس خلاص انا فقدت الثقه ف شي اسمو حب رغم اني كتير مرات بتذكر باسم وزكرياتي معاهو