لا اكراه ف الحب

#البارت 2

✍لا اكراه ف الحب ✍
📚الروايه التانية للكاتبة :نيدووووووووووووووووو 📚
#الحلقة2⃣:
صحيت الصباح كالعادة بي راحتي مشيت عملت لي نسكافي وشلتو ورجعت غرفتي ماما ف غرفتا م شفتها عادي مرات بنتلاقي ف الفطور 😴شربت  واديت مكالمتي الفرضيه واجب بالصباح بتكلم مع باسم دا شي اساسي عندي
(سبحان الله ف ناس حتي الصلاة م بواظبو عليها للدرجة دي للاسف  بصحو وقت م عايزين احيانا بتزكروا يصلو واحيانا لا بسمعو اغاني اكتر من القران م بتذكرو اخر مرة فتحو مصحف قرو للله ربنا يهدي ويصلح الحال يارب 😊💔)
طلعت شايفه امي ماسكة تلفونا ووشا م ببشر بالخير اكيد اتشاكلت مع ابوي 😴كالعادة ادتني التلفون قالت لي هاكي عايزك اول م اتكلمت رد لي بدون نفس قال لي م بتستقبلي مكالماتي ورسايلي مالك وسمعني كلام واداني محاضرة وهددني انو يشيل مني التلفون طالما انا م فاضيه ليهو هو الموهم طمم بطني وعشان تكمل معاي قال لي هو جاي 😬💔💔💔
(حاجة صغيرة عايزة الناس،تنتبه ليها القسوة والاسلوب العسكري الجاف البستخدمو الاهل دا سبب ضياع معظم المجتمع م تقول لي انت صعب وكلامك بمشي البت لو عايزة تعمل شي انا واثقه تماما م ف شي بغلبا وخاصه لما انت تكون ك اب او اخ وتتعامل بالاسلوب دا بتعتبرك عقبه ف طريقا بتسمح للناس يوسوسو ليها وتبدا حبكة شيطانيه جوة راسا الله اعلم عواقبا تكون شنو انا م مع الحريه الزايدة والفايته الحد بس كمان التشدد دا م كويس وكل شي زاد عن حدو قلب ضددو ف اذا الام حنينه شديد وعامله بناتا صحباتا وماداهم حرية زيادة عن اللزوم وم ف حدود ف علاقتا بيهم يبقي م ف داعي تبقي ام كفايه دور الصديقه والاب هو الطرف الشادي دايما لكن م يشد لدرجة اللا وصف دي كونك اب م بمنع انك تعامل بناتك اولادك بطريقه حنونة تشوف مشاكلهم المارين بيهو انت زاتك يوم عشت المرحلة دي ايش معني جاي تمنعهم يعيشوها دا قانون الطبيعه شئت ام ابيت ح يتراهقو ويعملو الغلط وهم مقتنعين انو صاح ح تصاحب اولاد ح تحب وتتكلم بالتلفون حتي لو عملت روحك صعب هي ح تتحداك بتلفونا بدون تلفون برساله بدونا هي ح تعيش المرحله دي بكل تفاصيلا الشي دا برجع ليها قبلك ف اذا هي قررت تعيش كدا م ف شي لا انت لا اخوها ح يوقفا بس تعاملك معاها ح يحدد نوع تصرفاتا بالاخر هي بت فيها حياء بالفطرة لما انت تثق فيها وتحسسا انها مسئوله صدقني ح تستحي تخسر الثقه دي قبل تعمل غلط ح تتذكر انها م براها شايله سمعه اهلا وطالعه بيها لكن لما ينعدم دا لايسعني سوا القووول لاحياه لمن تنادي)
قفلت معاي شديد رجعت غرفتي ف اللحظة دي م عندي حل غير سماعتي هي منقذي الوحيد
(غلط عندنا رب ف السما منتظرنا نشكو ليهو احيانا برسل لينا مشكلة او عقبه او حاجة عترة كدا عشان نرجع ليهو اشتاق لشوفتنا بين يدينو نفضفض ليهو ونطلب العايزينو العترة الح تصلح المشيه ف اذا الموسيقا  ح تحسن مزاجك ايه قرآنيه ح تحل مشكلة مزاج دي بالمرة م بقول ليكم نحن ملائكة وم بنغلط بس خير الخطأؤن التوابون اخطأ قدرتك بس توب حاسب نفسك قبل ان تحاسب صعبه عليك تخلي الموسيقا بتحتاج ليها احيانا مدمن عليها اوك ما قلنا شي بس م تنسي بين موسيقاك دي خلي شي يذكرك ربنا سورة صغيرة م تستهون بالامر ربما تبقا سبب نجاتك اي سورة ف القران بمكانتا ختها بين موسيقاك ولو انو المكان لايليق بها بس كلوو ربنا سخرو وهونو من اجلك ي ابن ادم بعد تسمع وتتكيف ومزاجك دا حسيتو اتعدل م تقفلا اسمع الايات دي يمكن م تكون حافظ سبب نزولا زي م حافظ اسم الفنان داك ويمكن م عارف قصتا زي م فاهم اغنيتك ديك ويمكن م حافظا ولا عارف عنها شي زي م عارف اغنيتك ديك لكن حااااوول علي الاقل نل شرف المحاولة قول انا بقدر استغفر توب ربنا بقبل منك والله م ح يردك انت بس امشي صوبو خطوة وشوف كيف تتغير حياتك)
الموهم سمعت وبعد ساعه نسيت الموضوع ازعل لشنو الزعل طالما انو جاي وراجيني خليني انبسط اسي 😴كل شي ف وقتو حلو حتي لو زعل 🌚طلعت فطرت وحضرت مسلسلاتي وضربت لي منكير واتوتسبت شويه وانبسطا اتصلت لهودي قلت ليها نطلع بعد كدا قالت لي تعاليني اخر ميك اب وشياكة وقلت لامي ماشه خطوبه صحبتي كالعادة م رفضت لي هي زاتا كانت بتتجهز طالعه تكسب شهرتا الناس بتكسب لقمة عيشا ونحن ف شنو قالت لي اوصلك معاي م اعترضت لاول مرة نتونس حكايه لاتزيد عن نص ساعه ليتها كانت ونسه تذكر اصلا 😴وصلت جهزت هودي وطلعنا مشينا لمودي باركنا ليها لقيناها زعلانه قالت ابوها م ح يخليها تقرا جامعه ح تعرس طوالي وراجلا م بتعرف عنو شي ويمكن م يخليها تقرا م كانت مبسوطة
(بالنسبه للاب البحرم بناتو من الجامعه يعني م واثق ف تربيتك بعيدا عن البحصل ف الطرقات الكافتريات الجامعات عارفينك عارف انو الحاجات م صاح بس كمان م صاح انك تحرما الجامعه لمجرد كم بت عكسو صورة سيئة عن المجتمع والجامعه كتير اهل عندهم فكر انو البت ح تخرب لما تمش الجامعه وفعلا دا الحاصل عارفين ليه اتسألتو ليه جا من وين والسبب شنو اكيد لا خليني اقول ليكم جا منكم وفيكم اااااي

انتو اذا الواحد م بدي بتو نصايح م بقعد معاها يسالا شي عن حياتا عن طموحاتا اذا الاخ مستعد يتونس مع الف بت ف اليوم واول م يفتح خشمو مع اختو ي اما جيبي الاكل ولا هاك غسلي دا او اكوي دا يااااخ دي برضو بت وهي احق بالحديث معاك من كل البتتكلم معاهم اذا انت الليله م اتكلمت معاها بكرة ح تلقي اليجي ياخد مكانك دا ح يتكلم معاها يوهما بالاهتمام وانو عايز يسمع ليها تفضفض ليهو تحكي ليهو الشي الكان تسمعو انت وبعد دا هو م بكون صادق ف حال انو انت كان ممكن تختصر وتنهي المهزلة دي بكلمتين حلوين منك لاختك قدرا هي م غساله ولا طباخه هي انثي زي البتعرفهم ديل عايزة. زول يهتم بيها يسمعا ويسندا ويقيف معاها لي م تكون انت السند انت الاهتمام لي تخلي نصيبك من حبها يمش لغيرك تلقاها عندها كميه صداقات تقول ليك دا بعتبرو زي اخوي واعز لو كان ف خطين جريتهم ليك تحت اعز دي دا مكانك اخدو بعدا خلي بنات الناس البتنشط عشانهم ديل وربما تلجا لانك تحول ليهم رصيد وتساهر معاهم ديل ينفعوك😒💔)

مودي كانت مكسوة بالحزن اكتر من اكتساءها بمكياجات التجميل م ف شي كان بدل انها مبسوطة م تقررو حياه الناس ي جماعه رفقا بهم الله يرفق بيكم دنيا واخرة😊💔الموهم واسينا صحبتنا شويه حضرنا الخطوبة وطلعنا خليناها وحيدة تقاسي شعور حتي هذه الثمانيه وعشرون حرف ليست كفيله بوصفه
(الاب البجبر بتو علي واحد هي م عايزاهو بحسسني انو هي عاله عليهو عايز يتخلص من مسؤليتا اذا انت م قدرت بتك وحبيتا وحققت ليها احلاما عايز راجل تاني يعمل ليها كدا ماذا لو ان كل الرجال مثلك 😒💔)
رجعت البيت زهجانة ونفسياتي تحت الصفر دي م حياه ياخ 😴اتصل لي باسم اتونس معاي ببرود او بالاحري انا م قادرة استوعب قفلت منو نمت م عارفه امي جات متين ولا م جات م بههمني اصلا صحيت بالليل بس من الصداع العلي م قدرت اقوم رجعت نمت 😴😴صحيتي الصباح لقيت امي بتبخر الصالون ومشت المطبخ اتذكرت ابوي

اكيد جاي الليله هي م بتعمل حاجات كتيرة لما ابوي م ف كونها تقعد ف البيت من الصباح للمسا وتلفونا يسكت من المكالمات وم تمسك ف يدها مجلة وم تفتح قنوات الازياء دا دليل كافي خلاني اقتنع انو ابوي جاي سلمت عليها قالت لي ابوكي انتي عارفاهو كويس ف م محتاجة اوصيك قلت ليها لمتين قالت لي لما يمش وسكتت قعدنا ابوي جا كان ظاهر انو مبسوط اتونس معانا بدون اي ملاحظات ولا مشاكل الغريبه جاب لي معاهو هدايا اول مرة احس انو عندي ابو يهتم لامري كان يوم حلو مقارنة ببقيه ايامي شوفه امي وابوي جمبي شي اسعدني كتير ابوي سالني عن النتيجة متين وعايزة اقرا شنو طبعا دي كلها بالنسبه لي حاجات كماليه كنت بقرا عشان احصل علي شهادة ليس الا م عندي هدف معين بحب الرسم والموسيقا بس ابوي م ح يخليني اقراهم 😴ف بقيت بقرا اي شي ولسه م خططت اقرا شنو والنتيجة م عارفاها ح تكون كيف عشان كدا قلت ليهو ترجمة لغه انجليزية بدون م احس قال لي كويس ربنا يوفقك استئذنت مشيت غرفتي شلت تلفوني لقيت كم مكالمة من باسم اول م رجعت ليهو فصل الخط رجع لي شاكلني فهمتو اني م بقدر اتونس معاهو الايام دي ابوي قاعد بس م اقتنع يلا اصلا هو الايام دي عايز ليهو سبب م ح اتناقش معاهو كتير قفلت منو ومشيت انوم 😴
#نهاية_الحلقة2⃣
📚✍بقلم الكاتبة نيدووووووووووووووووو ✍📚