لا اكراه ف الحب

البارت 7

✍لٱ اكراه ف الحب ✍
📚الرواية التانية للكاتبة:نيدوووووووووووو📚

#الحلقة7⃣
جا قاسم داخل فتح النور انا رفعت راسي طوالي قال ليـّۓ قاعدة ف الضلام ليه قلت ليهو بحب الضلام 😊💔قال ليـّۓ حاولي تحبي النور حياتك ح تبقي مشرقه سكتا قفل الباب وجا علي انا ساكتة بعاين ليهو قال ليـّۓ ناوليني المخدة شالا وقال ليـّۓ تصبحي ع خير طلع قفل الباب وراهو انا بقيت م عارفه اعمل شنو معانا ضيوف انا وهو بس بنعرف انو علاقتنا علي الورق طلعت لقيتو بطبظ تلفونو وراقد ف الهول قلت ليهو قاسم قال ليـّۓ مرحبا قلت ليهو م. ترقد هنا الصباح يمكن يشوفك زول قال ليـّۓ م تخافي انا بصحا اول زول وبعدين عملت منبه احتياطي. انَـỲǑŲـْتي امشي نومي مطمنة قلت ليهو لٱ م بقدر كدا ابوي او امك او اي زول لْـۆ شافك ح يعملو لينا مشڱلھِ نحن ف غني عنها علي الاقل الليله بس لحدي بكرة يمشو بعداك. قال ليـّۓ طيب مشي وراي قلت ليهو خلي النور فاتح قال ليـّۓ طيب رقدنا والصباح صحيت كانت الساعه 7وحاجة لقيت قاسم م ف اخدت ليـّۓ دوش ولبست توبي وطلعت لقيت ناس امو وعمتي طالعين سلمو علي وقالو هم ح يسافرو المدرسة مي وبنات عمتي عندهم امتحانات م بقدرو يقعدو ودعتهم مشو وبابا كمان طيارتو الليله بالليل رجعت غرفتي طلعت جهاز اللابتوب بقيت اشوف صوري زمان وحياتي كانت كيف واسي كيف زي سَـآعــهْْ انا بشوف ف الصور والزكريات جا قاسم دق الباب فتحت ليهو قال ليـّۓ مشيت قدمت ناس امي معليش قلت ليهو م مضطر تعتذر مِڼـّي الموضوع ايزي وكمل حياتك زي م هي. قفلت الجهاز وشلت حاجاتي بقيت ارجعهم غرفتي هو دخل المطبخ عمل نسكافي جابو ليـّۓ قال ليـّۓ اتفضلي عاينت ليهو قلت ليهو وكمان م مضطر تعمل ليـّۓ شي ومشيت قال ليـّۓ علي الاقل لحدي م تتعودي تعملي حاجاتك براك وناولني الكباية شلتها ومشيت غرفتي خلاص انا زهجت م̷ـــِْن الزول دا هو مالو ومالي بتصرف معاي كدا 😬شربت وطلعت قعدت ف التلفزيون جا قال ليـّۓ امتحاناتك متين قلت ليهو الاسبوع الجاي قال ليـّۓ بالتو‏فـ♡ـيق ابوي جا داخل سلم لينا وقال لينا انا ح اسافر الليله ويمكن اجي بعد شهرين او اكتر امك انا م بمنعك ‏​‏​منـِْهـ♡̨̐ـِْا بس يستحسن م تكتري مشياتك ليها وقاسم دا بقا مسؤل مـڼـڱ بعدا ي ريت تبطلي اساليبك المالايقه دي عاينت ليهو ومشيت طوالي دخلت غرفتي انا ناقصة😒💔يعني قعدت م طلعت زمن الفطور جا قاسم قال ليـّۓ الفطور جاهز قلت ليهو م جيعانه ابوي ناداني مشيت قال ليـّۓ انا اسي كنت بقول ليكي ف شنو قلت ليهو م جيعانة قال ليـّۓ طيب امشي مشيت قعدت م طلعت م̷ـــِْن غرفتي الا الساعه 3دخلت المطبخ عملت ليـّۓ سندويش ورجعت غرفتي يوم ممل 😴😴تميت باقي الًيَوُمًِ ف تلفوني بين الواتس والفيس والاستماع بعد المغرب  طلعت لقيت ابوي بجهز ف شنطو قال ح يمش المطار اسي كان بتكلم مع قاسم قال ليهو ح اخلي ليك العربية وصل ميمان الجامعه وقضي بيها اشغالك قال ليـّۓ ميمان م ح تقدميني المطار قلت ليهو اجهز واجي مشيت غيرت احسن اطلع م̷ـــِْن البيت اغير جو شوية طلعنا قاسم كان سايق ابوي بيتكلم معاهو وانا ساكتة وصلنا ابوي ودعناهو وراجعين. قاسم قال ليـّۓ دقيقه انزل اشيل عشا م ف شي ف البيت