الحقيقة المزيفة (مكتملة)

*3*

السلام عليكم

..السابعة صباحا الهدوء يعم المكان جميع شوارع البلدة هادئة وبدأ الجميع بيومه الجديد..
بشارع***عمارة رقم ١٤ الشقة ٢بالدور الخامس:
عااااااااااااااااا ياسيييييين
صرخة معتادة من هذة الفتاة المسكينة فالمعتاد انها تتلقي دلو الماء كل صباح من اخيها (ياسين) ولكن هذة المرة شاركة الآخر حمزة..اعرفكم بها انها بطلتنا نور يوسف ابو الخير طالبة بكلية الطب....

أما عن ياسين و حمزة ...ياسين يكبر نور و هو بكلية الحقوق و متفوق و لكن يعذب أباه بسبب أتباعه لأصدقاء غير صالحين له بالمارة

الصغير هو حمزة و هو بمدرسة داخلية لذلك لا نراهه كثيرا ...
____________________________________
اجتمع الجميع علي طاولة الطعام وعلي رأسها رجل يبلغ من العمر ٥٠سنة كان يشبه ياسين بشكل كبير و يدعي يوسف ..المهندس يوسف ابو الخير
يوسف:مش هتبطل الهبل دة ياسين
ياسين:يتبقي قمر يا بابا و هي مبلولة..وبعدين حمزة هو الي غرقها انهاردة
نور:شوف الواد البرئ
يوسف ضاحكا:طب خلاص خلاص ...اخبار الكلية اي يا نور..
نور :فل يا هندسة
يوسف:هندسة و فل كمان واد يا ياسين غرقها كل يوم..
ياسين بمرح:من عنيا..
يوسف:حال جمعتك اي
ياسين :اهو ماشي ..هجيب امتياز زي السنة الي فاتت إنشاء اللة
يوسف:إنشاء اللة ..يلا عشان متتاخروش
حمزة يتذمر:لا بقي كل حد علي كدا..وانا مين يقعد معايا ..
نور:متزعلش يا حبي هنرجع بدري
يوسف:طب اي رايكم نخرج لما ترجعوا
حمزة:أيواااا
نور:اكيد موافقي...
قاطعها باسين وهو يفعل لها إشارة أنه لا يريد
يوسف انتبه له:في اي
ياسين:لا مافيش
يوسف:اة..خارج مع شلة الفشل زي كل يوم صح..
ياسين:بابا دول صحابي..مش شلة الفشل
يوسف: صحابك!!
ياسين:ايوة
يوسف:انت مافيش فايدة فيك يعني يوم لما جبتك من القسم مش كان سببهم ..قولي كدا حد.فيهم بينجح..يا بني يا بني انت خلاص قربت تتخرج و عايز اشوفك حاجة كبيرة و تاخد بالك من البيت بعدي انا مش هعيش علطول ..
ياسين نهض واتجه له:بعد الشر عنك يا بابا ..حاضر هنفذ الي قولته بس انت متزعلش ..
يوسف:ربنا يهديك يا بني ..
ضم يوسف أولاده له ..هم حياته وكل ما يتمناه ..أسرة سعيدة راضية لا ينقصها سوا الام ولكنها ذهبت من زمن ...
____________________________________

يتبع ...