السلام عليكم
تخرج هذة الفتاة من المحكمة تفصح عن نفسها عن وجودها هي مازلت علي قيد الحياة واعلنت ذلك عن طريق المحكمة و الصحف ..اتسألون كيف؟!
حسنا لدينا صديقة لبطلتنا وفية للغاية تدعا أميرة زيدان تعمل صحفية و هي من ساعدت نور علي تزيف خبر موتها و كذلك خبر أنها عائشة و ذلك فقد كان تشابه اسماء كما أن الطب الشرعي لم يستطيع أن يعرف هوية الجثة لأنها كانت محروقة اثر الحادث ..و ذلك ما حدث...
____________________________________
ادهم:يعني خلاص كدا تقدري تظهري ..مش مزورة يعني..
نور:هتفضحني خلاص .. كل حاجة رجعت لاصلها كدا..
راشد:نور..ممكن نتكلم
ادهم:طيب اسبكم انا...
نور:لا انت تقف هنا...رشاد تقدر تتكلم ادهم مش غريب عني...
راشد:نور انا اسف ..انا اول ماعرفت انك عايشة جيت جري عشان اعتذرلك عن كل الي حصل..
نور:تعتذر..بعد لما ظهرت الحقيقة ..ياسين برئ وانا قولتلك دة و حتي لو ياسين كان مجرم تاخدني بذنبه و تسبني خوفا علي اسمك و اسم عيلتك عالعموم خلاص انا اتخطيتك و مفيش داعي للعتذار..بعد اذنك
راشد:انا لسة بحبك وعايز نرجع..
نور:...
ينظر لها ادهم بالتاكيد ستعود له ..ستتركه من جديد..يبدوا بأنها لم تكن له من البداية و لن تكون..
نور:رشاد انت كنت حبي الاول..
هم ادهم بالانصراف لن يستطيع أن يسمع كلمه احبك منها لغيره هذا قاس جدا عليه..مسكت يده مانعة لذهابه جذبته بجانبها من جديد وامسكت يده بكل ثقه قائلة..
نور:بس انا لقيت حبي الحقيقي خلاص..انا مش عايزاك في حياتي يا رشاد لاني خلاص اكتفيت بحد واحد هو كل حياتي..
ذهب رشاد محطما أرادت انا تشعره بما شعرت .. ما شعرت به عندما تركتها شعرت بالتحطم والان جاء دورك لتذوقه ..انا هي فالان وجدت السعادة و الحب ولا نريد التخلي عنهما ابدا . .
نور:ادهم..ادهم انت كويس
ادهم:ها...انتي ..انتي قولتي اي
نور:انا ..انا مقولتش حاجة
ادهم:نور استني ..نوور
ذهبت مسرعة قبل أن يري بعينيها حبها له و انها كانت تعي كل كلمه قالتها..من يقع بالحب يستطيع أن يقول للجميع أنه يحب هذا الشخص و لكن لايستطيع قول تلك الكلمة له..أمر صعب اليس كذلك!
____________________________________
عودة للحاضر
يحاول أن يعيد تلك الهائمة الي الارض الواقع فمنذ زمن وهي علي تلك الحال ..تعيد سرد حياتها من جديد..كما أنها تحارب بين عقلها و قلبها..حرب داخلية لا يعرف عنها أحد..
ادهم:نور..نور...نووور رحتي فين
نور:ها...اسفة كنت سرحانه شويه
ادهم:كنتي سرحانه في اي..
نور:ولا حاجة..بص الشمس طلعت المنظر حلو اوي صح...
ادهم و هو ينظر لها:ايوه حلو اوي.. اوي
ليصنع هذا التواصل البصري بينهم..
ادهم:نور انتي قولت اي قدام المحكمة
نور:أي محكمة
ادهم:انهاردة لما شفنا رشاد
نور:ااا..لا مقولتش حاجة انا قولت كدا عشان يمشي...
ادهم:بجد
نور: ايوا
ادهم:نور متسفريش انتي مكانك هنا ..انسي كل دة ابداي من جديد ..نور انا مش عايزك تبعدي عن تاني ..خليكي
يقطع حديثهم صوت هاتف نور لتنظر لادهم تارة و اخري للهاتف..هي تريد أن تبقي ولكن خائفة ..هي حائره بين قلبها وعقلها ..
نور: الو..ايو يا عمي ..الطيارة بعد ساعة..اااا..انا مش هسافر
لينظر لها فرحا احقا استطاع أن يجعلها تتخلي عن هروبها ..استبقي معه..استحبه وتقبل حبه لها...
نور:أيوة هفضل و حمزة هيفضل معايا..مع السلامة...
ادهم:مش هتسفري
نور:لا
ادهم: ليه
نور:انا مكاني هنا..صح؟
أحاط وجهها بيده مبتسما قائلا:اكبر صح..
لتبتسم هي الأخري قائلة:اااا..انا عايزة اقولك حاجة...
ادهم:همممم
نور:انا فعلا كنت فاهمة انا بقول اي قدام المحكمة وقولت كدا عشان انا بعترف بدة...انا لقيت حبي الحقيقي و مش عايزه ابعد عنه تاني..
ليبتسم قائلا:اخيرا ...اخيرا قولتيها...من دلوقتي مش هتبعدي ابدا..انت نور حياتي الي مش هينطفئ حياتي مهما حصل ..بحبك
___________________________________
ربما لم تقول اي شئ ولكن هو يشعر بحبها له لا يوجد بالحب فقط الكلام المعسول فالحب الحقيقي يأتي بالافعال و ربما ايضا بعد تجربة فاشلة ستحصل عليه بالنهاية أن كنت حقا تستحق....
النهاية
____________________________________
هاااي شباب...الرواية خلصت ...انا بجد حبيت التجربة جدا خصوصا انها أول رواية ليا و بجد شكرا لكل الي دعمني و بالنسبة للنهاية انا حاولت اكتبها بشكل حلو علي قد ما قدرت...😀
.
.
تمت بحمد الله❤️
أنت تقرأ
الحقيقة المزيفة (مكتملة)
Mystery / Thrillerانا الفتاة التي ذهب أباها بلا رجعة.. انا الفتاة التي تخلي عنها حبها الاول و الجميع..انا الفتاة التي قتل أخاها صديقه..انا الفتاة التي أصبحت جثة هامدة للعالم أجمع...هذة الحقيقة ولكنها..المزيفة.. ____________________________________ الغلاف تصميم asmaa...
