#حين_يزهر_الحجر
بقلم الشقراء(قمركانون)
ﻟﻴﺶ ﻣﺴﺘﻐﺮﺑﺔ؟؟ﺍﻧﻲ ﺷﺎﻳﻞ ﺑﺼﺪﺭﻱ ﺣﺠﺎﺭﺓ ﻭﻋﻤﺮ ﺍﻟﺤﺠﺎﺭﺓ ﻣﺘﻠﻴﻦ ..
ﺳﺎﻣﻌﺘﻠﺞ ﺑﺤﺠﺎﺭﺓ ﺧﻀﺮﺕ؟؟
ﺍﺑﺘﺴﻤﺖ ﺑﻄﺮﻑ ﺷﻔﺘﻲ ﻭﺍﻧﻲ ﻣﺮﻛﺰﺓ ﺑﻲ ..
ﺍﻱ ﻣﻤﻜﻦ ﺍﻟﺤﺠﺎﺭﺓ ﺗﺨﻀﺮ ﻭﺗﻠﻴﻦ ﻭﺗﺜﻤﺮ ﻫﻢ ..
ﺑﺲ ﺗﺤﺘﺎﺝ ﻣﻮﺟﺔ ﻣﺎﻱ ﺗﺘﻐﻠﻐﻞ ﺑﺎﻋﻤﺎﻗﻬﺎ ..
ﻭﺗﺼﻴﺮ ﺍﻟﻌﻤﻠﻴﺔ ﺑﺴﻴﻄﺔ ..
ﺗﻌﺮﻑ ﻟﻴﺶ؟؟
ﻣﺸﻴﺖ ﻟﻠﺒﺎﺏ ﺍﺭﻳﺪ ﺍﻓﺘﺤﻪ ﻭﻗﺒﻞ ﻻ ﺍﻃﻠﻊ ..
ﺭﻛﺰﺕ ﺑﻌﻴﻮﻧﻪ ﺍﻛﺜﺮ ..
ﻻﻥ ﺍﺻﻞ ﻫﺎﻟﺤﺠﺎﺭﺓ ﻣﻦ ﺗﺮﺍﺍﺍﺏ ..
ﻣﻦ ﻃﻴﻴﻴﻴﻴﻴﻦ ..
ﻣﻬﻤﺎ ﻋﻠﺖ ﻭﺍﻧﺼﺎﻏﺖ ﺫﻫﺐ ﺗﺒﻘﻰ ﺗﺮﺍﺍﺏ ...
ﺭﺩﺕ ﺍﻃﻠﻊ ...
ﻋﺖ ﺍﻳﺪﻱ ﺣﻴﻞ ﻭﺩﻓﻌﻨﻲ ﻉ ﺍﻟﻘﻨﻔﺔ ....
********************
ﻗﺼﺔ ﺣﻘﻴﻘﻴﺔ .. ﺣﻴﺚ ﺗﺠﻤﻊ ﻓﻀﺔ .. ﺫﺍﺕ ﺍﻝ٢٢ ﺭﺑﻴﻌﺎً ﻭﺷﺠﺎﻉ .. ﺭﺟﻞ ﺑﻌﻤﺮ ﺍﻝ٣٧ ..
ﺣﻴﺚ ﻳﻠﺘﻘﻲ ﻏﺮﻭﺭ ﺍﻟﺼﺒﺎ ﻣﻊ ﺭﺯﺍﻧﺔ ﺍﻟﺜﻼﺛﻴﻨﻲ ﻭﻟﻜﻦ !!
ﻫﻞ ﺗﻨﺠﺢ ﺍﻟﻤﻌﺎﺩﻟﺔ ﺍﻡ ﺍﻧﻬﺎ ﺗﻔﺸﻞ !!!
١_____٢
ﺣﻴﻦ ﻳﺰﻫﺮ ﺍﻟﺤﺠﺮ
ﺍﻟﺤﺰﺀ ﺍﻻﻭﻝ
ﻳﻮﻡ ﺍﻟﺨﻤﻴﺲ ﺍﻟﺴﺎﻋﺔ ﺑﺎﻟﻮﺣﺪﺓ ﺍﻟﻈﻬﺮ ﻭﺍﻟﺠﻮ ﺑﺎﺍﺍﺍﺭﺩ ...
ﻛﺎﻋﺪﻳﻦ ﺑﺎﻟﻐﺮﻓﺔ ﺍﻧﻲ ﻭﻣﻮﻇﻒ ﻭﻳﺎﻱ ﺍﺳﻤﻪ ﺣﺴﻦ ..
ﻛﻤﺖ ﺍﺻﺐ ﺟﺎﻱ ﻣﻦ ﺍﻟﻐﻼﻳﺔ ..
ﺳﺎﻟﺖ ﺣﺴﻦ ..
ﺗﺮﻳﺪ ﺟﺎﻱ؟
ﺍﻳﻲ ﻳﺎﺭﻳﺖ ﺧﻮﻳﺔ ﺭﺍﺳﻲ ﻣﺼﺪﻉ ﻣﻦ ﺍﻟﺸﻐﻞ ..
ﺗﺪﻟﻞ ﺑﻌﻴﻨﻲ ...
ﺻﺒﻴﺖ ﻛﻮﺑﻴﻦ ﺍﻟﻲ ﻭﺍﻟﻪ ﻭﺍﻧﻄﻴﺘﻪ ..
ﻛﻌﺪﺕ ﻭﺭﻓﻌﺖ ﺍﻟﻜﻮﺏ ﺍﺭﻳﺪ ﺍﺷﺮﺏ ﺩﻙ ﺍﻟﻔﻮﻥ ..
ﻋﻔﺖ ﺍﻟﻜﻮﺏ ﻉ ﺟﻬﺔ ﻭﺟﺎﻭﺑﺖ ...
ﺟﺎﻥ ﺍﻟﻤﺪﻳﺮ ﻃﺎﻟﺒﻨﻲ ﺍﺭﻭﺣﻠﻪ ﺣﺎﻻً ﻭﺿﺮﻭﺭﻱ ...
ﺍﺧﺬﺕ ﺷﺮﺑﺘﻴﻦ ﻣﻦ ﺍﻟﻜﻮﺏ ﻭﻛﻤﺖ ﻭﺍﻧﻲ ﺍﺳﺘﻐﻔﺮ ..
ﻫﺎﻻﻧﺴﺎﻥ ﻣﻴﻨﺒﻠﻊ ﺍﺑﺪ ﻋﺒﺎﻟﻚ ﻳﻄﻠﺒﻨﻲ ﺛﺎﺭ ...
ﺍﻛﻴﺪ ﻫﺴﻪ ﺍﻟﻜﺎﻩ ﻋﺎﻗﺪ ﺣﻮﺍﺟﺒﻪ ﻣﻮ ﺣﻮﺍﺟﺐ ﺗﻜﻮﻝ ﻛﻮﻣﺔ ﻧﺴﻮﺍﻥ ﺭﺍﻳﺤﺎﺕ ﻟﻔﺎﺗﺤﺔ .. ﻣﻜﻮﻣﺎﺕ ﻭﺳﻮﻭﺩ ..
ﻋﺎﺑﺖ ﻟﺬﺍﻙ ﺍﻟﻮﺟﻪ ﺍﻟﺼﻮﻣﺎﻟﻲ ..
ﺍﻣﺸﻲ ﻭﺍﺣﺶ ﺑﻲ ﻭﺍﺿﺤﻚ ﻉ ﻧﻔﺴﻲ ...
ﻭﺻﻠﺖ ﺩﻛﻴﺖ ﺍﻟﺒﺎﺏ ﻭﺍﺧﺬﺕ ﺍﻻﺫﻥ ﻭﺩﺧﻠﺖ ...
ﻧﻌﻢ ﺍﺳﺘﺎﺫ ﻛﺎﻟﻮ ﺗﺮﻳﺪﻧﻲ؟
ﻭﺍﻛﻔﺔ ﻭﻣﺎﺍﺑﺎﻭﻋﻠﻪ ﻭﺍﺣﺠﻲ ﺑﺤﺪﺓ ..
ﺷﻔﺘﻪ ﺍﺟﻪ ﻭﺑﻴﺪﻩ ﺍﺿﺒﺎﺭﺓ ﻭﺭﺍﻓﻊ ﺣﺎﺟﺒﻪ ﻭﻣﺘﻌﺎﻟﻲ ﻛﺄﻧﻪ ﻛﺪﺍﻣﻪ ﺣﺸﺮﺓ ...
ﺁﻧﺴﺔ ﻣﻬﺮﺓ ﻫﺎﻱ ﺍﻻﺿﺒﺎﺭﺓ ﻣﺎﻟﺘﺞ ﺻﺢ؟؟
ﺭﻓﻌﻬﺎ ﺑﻮﺟﻬﻲ ﺑﺲ ﺑﺄﺳﺘﻬﺰﺍﺀ ﻭﺣﻴﻞ ..
ﺑﺤﺮﻛﺔ ﻋﺸﻮﺍﺋﻴﺔ ﻣﻨﻪ ﺿﺮﺏ ﺍﻟﻔﺎﻳﻞ ﺧﺪﻱ ﻭﻃﺮﻓﻪ ﺣﺎﺩ ﺣﺴﻴﺖ ﺧﺪﻱ ﺍﻧﺸﺨﻂ ..
ﺑﻼ ﻭﻋﻲ ﻛﺘﻠﻪ .. ﺍﻭﻭﻱ ﺍﺫﻳﺘﻨﻲ ..
ﺟﺮ ﻧﻔﺲ ﻗﻮﻱ ﻛﺎﻝ ﺑﺼﻮﺕ ﻫﻤﺲ ﺑﺲ ﻓﻬﻤﺘﻪ ..
ﻣﻦ ﺍﻛﻮﻝ ﺟﺎﻳﺒﻠﻲ ﻛﺎﻭﻟﻴﺔ ﻣﻤﻜﺬﺏ !
ﺍﻧﻲ ﺳﻤﻌﺘﻪ ﺻﻌﺪ ﺍﻟﺪﻡ ﻟﺮﺍﺳﻲ ﺑﺲ ﺷﺤﺠﻲ ﺍﻗﻠﻞ ﻣﻦ ﻗﺪﺭ ﻧﻔﺴﻲ ﻟﻮ ﻛﺘﻠﻪ ﺳﻤﻌﺘﻚ ...
ﻛﺎﻝ .. ﻓﻬﻤﻴﻨﻲ ﺍﻧﺖ ﻣﺰﻭﺭﺓ ﺍﻻﻭﺭﺍﻕ ﻟﻮ ﺷﻨﻮ ﺍﺷﻮ ﻫﻨﺎ ﺍﺳﻢ ﻓﻀﺔ؟
ﻭﺍﻧﺖ ﺍﺳﻤﺞ ﻣﻬﺮﺓ ﻭﺍﻟﻮﺛﻴﻘﺔ ﻣﺎﻛﻮ ﻳﻌﻨﻲ ﺷﻨﻮ ؟؟
ﺩﺍﺧﻠﻪ ﺑﺎﺿﺒﺎﺭﺓ ﻭﻫﻤﻴﺔ ﻭﺍﺣﺘﻴﺎﻝ؟؟
ﺧﻠﻴﺘﻪ ﻳﻜﻤﻞ ﻛﻼﻣﻪ ..
ﺣﺎﺟﻴﺘﻪ ﺑﻬﺪﻭﺀ ﻭﺍﻧﻲ ﺍﺳﺤﺐ ﺍﻻﺿﺒﺎﺭﺓ ﻣﻦ ﺍﻳﺪﻩ ..
ﺍﺳﺘﺎﺫ ﻣﻤﺤﺘﺎﺟﺔ ﺍﻛﺬﺏ ﻭﺍﺣﺘﺎﻝ ﻭﺍﺯﻭﺭ ..
ﺗﺮﻯ ﺷﺮﻛﺘﻜﻢ ﻣﻮ ﺍﻟﺒﻨﺘﺎﻏﻮﻥ ﻭﻫﻴﺞ ﺍﺣﺘﺎﻝ ﺣﺘﻰ ﺍﺷﺘﻐﻞ ﺑﻴﻬﺎ ..
ﻫﺬﺍ ﺍﺳﻤﻲ ﺍﻟﻜﺎﻣﻞ ..
ﻓﻀﺔ ﺍﺑﺮﺍﻫﻴﻢ ﻧﺠﻢ .. ﻭﻫﺎﻱ ﺻﻮﺭﺓ ﺟﻨﺴﻴﺘﻲ ﺟﻮﺍ ﻣﻜﺒﻮﺳﺔ ..
ﺑﺲ ﺍﻧﻲ ﻳﺴﻤﻮﻧﻲ ﻣﻬﺮﺓ ﻭﻣﺤﺪ ﻳﻌﺮﻓﻨﻲ ﺑﺄﺳﻢ ﻓﻀﺔ ..
ﻭﺗﻜﺪﺭ ﺗﺘﺄﻛﺪ ﻣﻦ ﺍﺳﺘﺎﺫ ﺍﺭﻓﺪ ﺑﻬﺎﻟﺸﻲ ...
ﻋﻦ ﺍﺫﻧﻚ ...
ﺫﺑﻴﺖ ﺍﻻﺿﺒﺎﺭﺓ ﻉ ﺍﻟﻘﻨﻔﺔ ﻭﻃﻠﻌﺖ ﺑﺲ ﻣﻘﻬﻮﺭﺓ ﻫﻮﺍﻱ ...
ﺍﻛﺜﺮﻣﻦ ﻣﺮﺓ ﻳﻘﻠﻞ ﻣﻨﻲ ﻭﻳﺘﻬﻤﻨﻲ ﺑﻘﻠﺔ ﺍﻻﺩﺏ ..
ﻟﻮ ﺑﻴﺪﻱ ﺍﺑﻄﻞ ﻭﺍﺭﺗﺎﺡ ﺑﺲ ﻉ ﻛﻮﻟﺔ ﺍﻟﻘﻴﺼﺮ .. ﺍﺍﺍﻩ " ﺿﻌﻒ ﺍﻟﺤﺎﻝ .. ﻓﻘﺮ ﺍﻟﺤﺎﻝ .. ﻋﺴﺮ ﺍﻟﺤﺎﻝ .. ﻣﺄﺳﺎﺗﻲ "...
ﺭﺟﻌﺖ ﻟﻐﺮﻓﺘﻲ ﻭﺍﻧﻲ ﻣﻜﺘﺄﺑﺔ ..
ﻃﺒﻴﻌﺘﻲ ﺑﺴﺮﻋﺔ ﺍﺣﺘﺮ ﻭﻣﻦ ﺍﻧﻘﻬﺮ ﺍﺣﺘﺮ ﺍﻛﺜﺮ ...
ﺷﻔﺖ ﺣﺴﻦ ﺍﻣﺒﻴﻦ ﻳﺮﺍﺳﻞ ﻭﻣﻠﺘﻬﻲ ..
ﻃﻠﻌﺖ ﻣﻦ ﺍﻟﻐﺮﻓﺔ ﺑﻌﺪ ﻣﺎﺻﺒﻴﺘﻠﻲ ﺟﺎﻱ ...
ﺍﻟﻤﻜﺘﺐ ﺻﺎﻳﺮ ﻛﺪﺍﻣﻪ ﻣﺜﻞ ﺑﻠﻜﻮﻧﺔ ﻭﺍﺳﻌﺔ ﻣﻔﺘﻮﺣﺔ ﻉ ﺷﺎﺭﻉ ...
ﻓﺘﺤﺖ ﺍﻟﺸﺒﺎﻙ ﻭﺿﺮﺑﻨﻲ ﺍﻟﻬﻮﺍ ﺍﻟﺒﺎﺭﺩ ..
ﺑﻘﻴﺖ ﺻﺎﻓﻨﺔ ﻉ ﺍﻟﻨﺎﺱ ﻛﺪﺍﻣﻨﺎ ﻣﻜﺎﺗﺐ ﻫﻮﺍﻱ ﻭﻉ ﺟﻬﺔ ﺑﻴﻮﺕ ...
ﺍﺷﺮﺏ ﺍﻟﺠﺎﻱ ﻭﻏﺮﻛﺎﻧﺔ ﺑﻬﻤﻲ ...
ﺍﺣﺲ ﺧﺪﻱ ﻳﺤﺮﻛﻨﻲ .. ﺗﻠﻤﺴﺘﻪ ﺧﺸﻦ ..
ﻓﺘﺤﺖ ﺍﻟﻜﺎﻣﻴﺮﺍ ﺑﺎﻟﻔﻮﻥ ﺷﻔﺘﻪ ﻣﺨﺮﻣﺶ ..
ﻫﻪ .. ﻫﺎﻟﺸﺨﺺ ﻓﺾ ﺍﻟﻰ ﺩﺭﺟﺔ ..
ﻣﺎﻋﺮﻑ ﺷﻠﻮﻥ ﺍﻫﻠﻪ ﻣﺘﺤﻤﻠﻲ ﺑﺎﻟﺒﻴﺖ ﻭﻟﻮ ﺍﻟﻠﻪ ﻳﺴﺎﻋﺪﻫﻢ ..
ﻫﺬﺍ ﺍﻛﻴﺪ ﻣﺸﻮﻓﻬﻢ ﺍﻟﻤﺮ ..
ﺣﻘﻬﺎ ﻣﺮﺗﻪ ﺗﻄﻠﻜﻪ ﻫﻮ ﻣﻨﻮ ﻳﺼﺒﺮ ﻭﻳﺎﻩ ..
ﺍﺧﻼﻗﻪ ﺳﻮﺩﺍ ﻣﺜﻞ ﺟﻬﺮﺗﻪ ..
ﺳﻤﻌﺖ ﺻﻮﺕ ﺍﻟﻤﺤﺎﺳﺐ ﻣﺤﻤﺪ ...
ﺳﺖ ﻣﻬﺮﺓ ﺩﺯﻳﺘﻠﺞ ﺍﻳﻤﻴﻞ ﺑﺲ ﺟﻴﻜﻲ ..
ﺍﻧﻲ ﺭﺍﺡ ﺍﻃﻠﻊ .. ﻭﺩﺭﺑﺎﻟﺞ ﻟﺘﻤﺮﺿﻴﻦ ﻳﻤﻌﻮﺩﺓ ...
ﺍﻧﺪﺍﺭﻳﺖ ﺍﺑﺘﺴﻤﺖ ..
ﺻﺎﺭ ﺍﺳﺘﺎﺫ ﻫﺴﻪ ﺍﺷﻮﻓﻪ .. ﻳﻼ ﻟﻌﺪ ﻣﻊ ﺍﻟﺴﻼﻣﺔ ﺧﻴﺘﻲ
ﺭﺟﻌﺖ ﻟﻠﻤﻜﺘﺐ ﻭﺷﻔﺖ ﺍﻻﻳﻤﻴﻞ ﺑﻲ ﻋﻘﺪ ﺭﺍﺟﻌﺘﻪ ﻭﻛﻤﻠﺘﻪ ﻭﺭﺳﻠﺘﻪ ..
ﺍﻟﺴﺎﻋﺔ ﺑﺜﻨﺘﻴﻦ ﺍﻻ ﺛﻠﺚ ..
ﺣﺴﻦ ﻛﺎﻡ ﻛﺎﻝ ..
ﻣﻬﺮﺓ ﺍﻧﻲ ﺧﻠﺼﺖ ﺷﻐﻠﻲ ﺍﺫﺍ ﺳﺎﻟﻮ ﻋﻨﻲ ﻭﻟﻮ ﻣﻴﺴﺎﻟﻮﻥ ﺑﺲ ﺍﻻﺣﺘﻴﺎﻁ ﻭﺍﺟﺐ ..
ﺗﺤﺘﺎﺟﻴﻦ ﺷﻲ ﺧﻮﻳﺔ ..
ﻻ ﺗﺴﻠﻢ ﺧﻮﻳﺔ .. ﻣﺎﺷﻲ ﻣﻊ ﺍﻟﺴﻼﻣﺔ ...
ﻃﻠﻊ ﺣﺴﻦ ﻭﺍﻧﻲ ﻛﻤﻠﺖ ﺷﻐﻠﻲ ..
ﺍﺣﻨﺎ ﻳﻨﺘﻬﻲ ﺩﻭﺍﻣﻨﺎ ﺳﺎﻋﺔ ﺏ٣ ﺍﻟﻈﻬﺮ ..
ﺍﻧﻲ ﻣﺄﺟﺮﺓ ﺧﻂ ﺍﺑﻦ ﺟﻴﺮﺍﻧﺔ ﻭﻟﺪ ﺷﺎﺏ ﺍﺻﻐﺮ ﻣﻨﻲ ﻭﺧﺪﻭﻡ ﻛﻠﺶ ﻣﺆﺩﺏ ..
ﺍﻛﻠﻪ ﺗﻌﺎﻟﻲ ﺑﺜﻼﺛﺔ ﻣﺎﻃﻠﻊ ﻗﺒﻞ ﺍﻟﻤﻮﻋﺪ ..
ﺍﻟﻮﻟﺪ ﻳﻄﻠﻌﻮﻥ ﻋﺎﺩﻱ ..
ﺑﺲ ﺍﻧﻲ ﻣﺎﺭﻳﺪ ﻋﻠﻲ ﻧﻘﻄﺔ ..
ﻻﻥ ﺍﻟﻤﺪﻳﺮ ﻛﻠﺶ ﺿﺎﻳﺞ ﻣﻨﻲ ...
ﺑﻘﻴﺖ ﺑﺎﻟﻐﺮﻓﺔ ﻟﻮﺣﺪﻱ ..
ﺧﻠﻴﺖ ﻫﻴﺪﻓﻮﻥ ﺑﺎﺫﻧﻲ ﻭﻛﻌﺪﺕ ﺍﺳﻤﻊ ﺷﻌﺮ ..
ﺍﺣﺴﻪ ﻏﺬﺍﺀ ﻗﻠﺒﻲ ﻭﺻﺪﻳﻖ ﻣﺸﺎﻋﺮﻱ ..
ﻛﻠﺶ ﺍﺣﺐ ﺍﻟﺸﻌﺮ ﻭﺍﻟﺸﻌﺮﺍﺀ ﺍﻟﻜﺒﺎﺭ ..
ﻏﻤﻀﺖ ﻋﻴﻨﻲ ﻭﺭﺟﻌﺖ ﺭﺍﺳﻲ ﻉ ﻛﺮﺳﻲ ..
ﺟﺎﻧﺖ ﻗﺼﻴﺪﺓ ﻻﻳﻬﺎﺏ ﺍﻟﻤﺎﻟﻜﻲ .. ﺍﺳﻤﻬﺎ ﻣﺎﺭﺩﺕ ﺍﺣﺒﻚ ﺣﺎﻭﻟﺖ ..
ﻣﻦ ﻟﻔﻈﺔ ﺍﺳﻤﻚ ﺣﺎﺫﺭﺕ .. ﻛﻠﻤﺔ ﻭﺷﻠﺘﻬﺎ ﻣﻦ ﺍﻟﺴﻤﻊ ﻭﻣﻦ ﺍﻟﻠﺴﺎﻥ ﺍﺧﻔﻴﺘﻬﺎ ..
ﻛﻠﺶ ﺍﺣﺐ ﻫﺎﻟﻘﺼﻴﺪﺓ ...
ﻭﺻﻠﺖ ﻟﻤﻘﻄﻊ "... ﺗﺬﻛﺮ ﻣﻦ ﺍﺟﻴﻚ ﺑﻠﻬﻔﺘﻲ؟ﻣﺸﺘﺎﻙ ﺣﺘﻰ ﺗﺸﻮﻓﻨﻲ ..
ﻭﺗﻠﻜﺎﻧﻲ ﺭﻭﺣﻲ ﻣﺸﻜﻜﺔ ﻭﻟﻤﺴﺎﺕ ﺍﻳﺪﻳﻚ ﺗﺮﻭﻓﻨﻲ ..
ﺗﺘﺮﻛﻨﻲ ﻫﺴﻪ ﻗﺮﺭﺕ؟؟ﺗﺘﺮﻛﻨﻲ ﻫﻴﺞ ﺑﻼ ﺫﻧﺐ !
ﺑﺮﺭﻟﻲ ﺣﺘﻰ ﻟﻮ ﻛﺬﺏ ..
ﻣﻠﻴﺖ ! ﮔﻠﻲ ﻛﻤﺖ ﺍﻣﻞ ..
ﻣﺎﻳﻨﺤﻤﻞ ﺑﻌﺪﻙ ﺗﺮﻯ ﻭﻛﺬﺑﺖ ﻛﺘﻠﻚ ﻳﻨﺤﻤﻞ ...
ﻧﺰﻟﺖ ﺩﻣﻮﻋﻲ ﻭﻱ ﻫﺎﻟﻤﻘﻄﻊ ﻭﺯﺍﺩﺕ ﺷﻬﻜﺎﺗﻲ ..
ﻛﺎﻧﺖ ﻧﻔﺴﻴﺘﻲ ﺗﻌﺒﺎﻧﺔ ﻭﺍﺭﻳﺪﻟﻲ ﺣﺠﺔ ﺍﺑﺠﻲ ..
ﻭﻫﺎﻟﻤﻘﻄﻊ ﺭﺟﻌﻨﻲ ﻟﻘﺒﻞ ﺳﻨﺘﻴﻦ ..
ﻟﻠﺠﺮﺡ ﺍﻟﻲ ﺟﺮﺣﻨﻴﺎﻩ ﺍﺑﻦ ﻋﻤﻲ ﺍﻟﻲ ﺍﻟﻤﻔﺮﻭﺽ ﻳﻜﻮﻥ ﺳﻨﺪﻱ ﻭﺍﻧﻲ ﻋﺮﺿﻪ ..
ﺣﻀﻨﺖ ﻧﻔﺴﻲ ﻭﺍﻧﻲ ﺍﺗﺬﻛﺮ ﺍﻳﺎﻣﻲ ﺫﻳﺞ ..
**************************************
ﻛﻨﺖ ﻛﺎﻋﺪﺓ ﺑﺎﻟﻄﺎﺭﻣﺔ ﻭﺍﻧﺪﻙ ﺍﻟﺒﺎﺏ ...
ﻏﻠﺴﺖ ﻣﺎﺑﻴﻪ ﺍﻛﻮﻡ ﺍﻓﺘﺤﻪ ﻭﺍﻧﻲ ﻛﺎﻋﺪﺓ ﺍﻗﺮﺍ ...
ﺭﺟﻊ ﺍﻧﺪﻙ ..
ﻛﻤﺖ ﻛﻠﺖ ﻣﻨﻮ ...
ﺍﺟﺎﻧﻲ ﺍﻟﺼﻮﺕ ﺍﻧﻲ ﺑﺮﺍﻕ ﺍﺑﻦ ﺣﺠﻲ ﻣﻨﻴﺮ ..
ﻋﺮﻓﺘﻪ ﺍﺑﻦ ﻋﻤﻲ ..
ﺍﺣﻨﺎ ﻣﻤﻨﻮﻉ ﻧﺴﻠﻢ ﻉ ﺍﻗﺎﺭﺑﻨﺎ ﺳﻮﺍﺀ ﺍﺑﻨﺎﺀ ﻋﻤﺎﻡ ﺍﻭ ﺧﻮﺍﻝ ..
ﺍﺧﻮﻱ ﺍﺑﺪ ﻣﻴﻘﺒﻞ ﻧﻄﻠﻊ ﻭﻧﺸﻮﻓﻬﻢ ..
ﺣﺘﻰ ﺟﻴﺎﺗﻬﻢ ﺍﻟﻨﺎ ﻗﻠﻴﻠﺔ ﻻﻥ ﺍﺧﻮﻱ ﻛﻠﺶ ﻣﻠﺘﺰﻡ ﻣﻦ ﻫﺎﻟﻨﺎﺣﻴﺔ ﻭﻣﻌﻘﺪ ﺍﻻﻣﻮﺭ ..
ﺭﺣﺖ ﻓﺘﺖ ﻛﻠﺖ ﻻﻣﻲ ..
ﺍﺑﻦ ﻋﻤﻮ ﻣﻨﻴﺮ ﺑﺎﻟﺒﺎﺏ .. ﺗﻄﻠﻌﻴﻦ؟
ﻛﺎﻟﺖ ﻻ ﻫﻮ ﻋﺎﻃﻒ ﻳﻨﺘﻈﺮﻩ ﺍﺻﻼ ﻳﺮﻳﺪ ﻳﺎﺧﺬﻩ ﻳﺸﻮﻓﻠﻪ ﺳﻴﺎﺭﺓ ..
ﺭﻭﺣﻲ ﺩﻛﻲ ﺍﻟﺒﺎﺏ ﻉ ﻋﺎﻃﻒ ﻛﻠﻴﻠﻪ ..
ﺭﺣﺖ ﻟﻐﺮﻓﺔ ﻋﺎﻃﻒ ﺩﻛﻴﺖ ﺍﻟﺒﺎﺏ ..
ﻃﻠﻊ ﻭﻛﺘﻠﻪ ﻭﻓﺘﺖ ﻟﻐﺮﻓﺘﻨﺎ ..
ﺍﺧﺘﻲ ﺯﻫﺮﺓ ﻛﺎﻋﺪﺓ ﺗﻘﺮﺍ ﻫﻲ ﻃﺎﻟﺒﺔ ﺗﺮﺟﻤﺔ ﻣﺮﺣﻠﺔ ﺛﺎﻧﻴﺔ ..
ﻛﻌﺪﺕ ﻳﻤﻬﺎ ﻭﺑﻘﻴﻨﺎ ﻧﺤﺠﻲ ﺑﺎﻟﻜﻠﻴﺔ ..
ﺑﻌﺪﻫﺎ ﻛﻤﻨﺎ ﻭﺭﺍ ﻣﺎﺻﻠﻴﻨﺎ ﺻﻼﺓ ﺍﻟﻤﻐﺮﺏ ...
ﺑﻠﺸﻨﺎ ﺑﺎﻟﻌﺸﺎ ﺍﻧﻲ ﻭﻳﺎﻫﺎ ..
ﻻﻥ ﺗﻤﺎﺿﺮ ﻣﺮﺕ ﺍﺧﻮﻱ ﻣﺘﻘﺒﻞ ﺗﺴﻮﻱ ﺗﺘﻨﺴﻰ ..
ﺳﻮﻳﺖ ﻣﻌﻜﺮﻭﻧﻴﺔ ﻭﺛﺮﻣﻨﺎ ﺍﻟﺰﻻﻃﺔ ﻭﺳﻮﻳﻨﺎ ﺍﻟﺠﺎﻱ ﻭﺍﻧﺘﻈﺮﻧﺎ ﻋﺎﻃﻒ ﻳﺠﻲ ﻭﻧﺘﻌﺸﻰ ..
ﻛﻌﺪﻧﺎ ﻧﺒﺎﻭﻉ ﻟﻠﺘﻠﻔﺰﻳﻮﻥ ﻭﺷﻮﻱ ﻭﺳﻤﻌﻨﺎ ﻋﺎﻃﻒ ﺩﺧﻞ ..
ﻛﺎﻝ ﺳﻮﻭ ﻃﺮﻳﻖ .. ﺑﺮﺍﻕ ﺍﺑﻦ ﻋﻤﻲ ﺍﺟﻪ ﻭﻳﺎﻱ ﻭﺣﻀﺮﻭ ﺍﻟﻌﺸﺎ ..
ﺍﻧﻲ ﺟﺒﺖ ﻭﻳﺎﻱ ﻛﺒﺎﺏ ﺭﺗﺒﻮ ﺻﻴﻨﻴﺔ ﻭﺻﻴﺤﻮ ﻋﻠﻴﻨﺎ ...
ﻛﻤﻠﻨﺎ ﺍﻟﻌﺸﺎ ﻭﺭﺗﺒﻨﺎﻩ ﻭﺍﺧﺬﻩ ..
ﺣﻀﺮﺗﻠﻬﻢ ﺻﻴﻨﻴﺔ ﺟﺎﻱ ﻭﺍﺟﻪ ﺍﺧﺬﻫﺎ ﻋﺎﻃﻒ ﻭﺳﺎﻝ ﻋﻦ ﺗﻤﺎﺿﺮ ..
ﻛﺘﻠﻪ ﻧﺎﻳﻤﺔ ﺑﻌﺪﻫﺎ ..
ﺗﻨﻬﺪ ﻭﺑﺎﺳﻨﻲ ﺑﺮﺍﺳﻲ ﻭﺭﺍﺡ ...
ﻋﺎﻃﻒ ﺍﺧﻮﻧﺎ ﺍﻟﻮﺣﻴﺪ ..
ﺍﺧﺘﻲ ﻭﺭﺩ ﺍﻟﻜﺒﻴﺮﺓ ... ﻭﺑﻌﺪﻫﺎ ﻋﺎﻃﻒ .. ﻭﺍﻧﻲ ﻭﺍﻟﺼﻐﻴﺮﺓ ﺯﻫﺮﺓ ..
ﻣﻦ ﺑﻌﺪ ﻭﻓﺎﺓ ﺑﺎﺑﺎ ﺑﺴﺒﺐ ﺍﺯﻣﺔ ﺳﻜﺮ ﺧﺴﺮ ﺣﻴﺎﺗﻪ ..
ﻋﺎﻃﻒ ﺗﻜﻔﻞ ﺑﻌﻴﺸﺘﻨﺎ ﺑﺎﻻﺿﺎﻓﺔ ﺍﻟﻰ ﺗﻘﺎﻋﺪ ﺑﺎﺑﺎ ..
ﻟﻤﺎ ﺗﻮﻏﻰ ﺑﺎﺑﺎ ﻛﻨﺖ ﻋﻤﺮﻱ ﺧﻤﺲ ﺳﻨﻮﺍﺕ ﻭﻋﺎﻃﻒ ﻛﺎﻥ ﻧﻌﻢ ﺍﻻﺏ ﺍﻟﻨﺎ ...
ﺑﺲ ﺑﻌﺪ ﻣﺎﺗﺰﻭﺝ ﺗﻤﺎﺿﺮ ﻫﻮﺍﻱ ﺻﺎﺭﺕ ﻣﺸﺎﻛﻞ ..
ﺑﺲ ﺍﻣﻲ ﻣﺘﻘﺒﻞ ﻧﺤﺠﻲ ﻭﺍﺣﻨﺎ ﻫﻢ ﻟﺨﺎﻃﺮﻩ ﻧﺴﻜﺖ ﺭﻏﻢ ﻫﻲ ﻛﻠﺶ ﻣﺆﺫﻳﺔ ﻭﺗﺨﺘﻠﻖ ﺍﻟﻤﺸﺎﻛﻞ ..
ﻭﻫﺎﻟﺸﻲ ﺻﻨﻊ ﺑﺪﺍﻳﺔ ﻓﺠﻮﺓ ﺑﻴﻨﺎ ﻭﺑﻴﻦ ﺍﺧﻮﻧﺎ ..
ﺑﺲ ﻣﺎﻧﻄﻴﻨﺎ ﻫﺎﻟﺸﻲ ﻣﺠﺎﻝﺑﻘﻴﺖ ﻛﺎﻋﺪﺓ ﺑﺎﻟﻤﻄﺒﺦ ﺍﻧﺘﻈﺮﻩ ﻳﺠﻴﺒﻠﻲ ﺍﻟﺼﻴﻨﻴﺔ ﺍﻏﺴﻠﻬﺎ ..
ﺳﻤﻌﺖ ﻋﻴﻄﺔ ﻗﻮﻳﺔ ..
ﺻﻮﺕ ﺍﻣﻲ ﻫﺬﺍ ! ؟
ﺭﻛﻀﺖ ﺟﻮﺍ ﺷﻔﺖ ﻋﺎﻃﻒ ﻭﺍﺑﻦ ﻋﻤﻲ ﺭﻛﻀﻮ ﻛﺪﺍﻣﻲ ﻟﻠﺴﻄﺢ ..
ﺑﺪﻭﻥ ﻭﻋﻲ ﺭﻛﻀﺖ ﻭﺭﺍﻫﻢ ..
ﻭﺻﻠﻨﺎ ﻓﻮﻙ ﻟﻜﻴﻨﺎ ﺍﻣﻲ ﺯﻫﺮﺓ ﺑﺤﻀﻦ ﺍﻣﻲ ﻭﺗﻔﺮﻙ ﺑﻴﺪﻫﺎ ﻭﺗﻌﻴﻂ ..
ﺭﻛﻀﺖ ﺑﺮﻋﺐ ﻭﺍﻧﻲ ﺍﺑﺎﻭﻉ ﻟﺰﻫﺮﺓ ..
ﻭﺻﻠﺖ ﻳﻤﻬﺎ ﻭﻓﻘﺪﺕ ﺍﻟﻮﻋﻲ ..
ﺑﻌﺪﻫﺎ ﻛﻌﺪﺕ ﻉ ﻛﻔﺨﺔ ﻣﺎﻱ ﺑﻮﺟﻬﻲ ..
ﻓﺘﺤﺖ ﻋﻴﻮﻧﻲ ﺻﺎﺭ ﻛﺪﺍﻣﻲ ﺑﺮﺍﻕ ..
ﺍﻭﻝ ﻣﺮﺓ ﺍﺷﻮﻓﻪ ﻣﻦ ﻛﺒﺮﻧﺎ ..
ﺍﺳﻤﺮ ﻋﻴﻮﻧﻪ ﻭﺳﺎﻉ ﻭﺷﻌﺮﻩ ﻋﺎﻟﻲ ﻭﻛﺜﻴﻒ ﺑﺘﺴﺮﻳﺤﺔ ﻣﺮﺗﺒﺔ ..
ﻭﺍﻣﻲ ﺧﻄﻴﺔ ﻭﺯﻫﺮﺓ ﺧﺎﻳﻔﺎﺕ ﻭﻳﺤﺎﺟﻮﻧﻲ ..
ﻛﻌﺪﺕ ﻛﻠﺘﻠﻬﻢ ﻣﺎﺑﻴﻪ ﺷﻲ ..
ﺍﺑﺎﻭﻉ ﻟﺰﻫﺮﺓ ﻉ ﺭﺍﺳﻬﺎ ﺩﺷﺪﺍﺷﺔ ﻻﻓﻪ ﻧﻔﺴﻬﺎ ..
ﻭﺍﻧﻲ ﺫﺍﺑﻴﻦ ﻉ ﺭﺍﺳﻲ ﺗﺸﻴﺮﺕ ﺷﻜﻠﻨﺎ ﻣﺴﺨﺮﺓ ﻟﻴﻜﻮﻝ ﻣﺘﻨﻜﺮﻳﻦ ..
ﺿﻞ ﻋﺎﻃﻒ ﻳﻀﺤﻚ .. ﻛﺎﻝ
ﺳﻮﻳﺘﻨﺎ ﻣﺜﻞ ﺍﻟﺪﻭﻣﻨﺔ ﺗﻄﻴﺢ ﻭﺣﺪﺓ ﻭﺗﻄﻴﺢ ﺍﻟﻮﺭﺍﻫﺎ ..
ﺧﻀﻴﺘﻨﺎ ﻳﻤﻌﻮﺩﺍﺕ ..
ﺳﺎﻟﺘﻬﻢ ﻫﻮ ﺷﺼﺎﺭ .. ﻛﺎﻟﺖ ﺍﻣﻲ ..
ﺯﻫﺮﺓ ﺟﺎﻱ ﺗﻠﻢ ﺍﻟﻤﻼﺑﺲ ﻣﻦ ﺍﻟﺤﺒﻞ .. ﻭﺍﻛﻮ ﻭﺍﻳﺮ ﻧﺎﺗﻠﻬﺎ ..
ﻭﺑﺮﺍﻕ ﻛﺎﻝ ﻳﻼ ﻋﺪﺕ ﺳﻼﻣﺎﺕ ﺍﻟﺤﻤﺪﻟﻠﻪ ﻗﺪﺭ ﻭﻟﻄﻒ ..
ﺑﺲ ﻧﻈﺮﺍﺗﻪ ﻋﻠﻴﻪ ﻭﻛﺎﻧﻪ ﺍﻭﻝ ﻣﺮﺓ ﻳﺸﻮﻑ ﺑﻨﻴﺔ ﻛﺪﺍﻣﻪ ..
ﺍﻧﻲ ﺧﺠﻠﺖ ﻣﻦ ﺗﺼﺮﻓﻪ ﻭﻏﻠﺴﺖ ..
ﺑﺲ ﺑﻘﻰ ﺑﺒﺎﻟﻲ ﺷﻜﺪ ﺻﺎﻳﺮ ﻭﺳﻴﻢ ﻭﻣﻤﻠﻮﺡ ..
ﻗﺒﻞ ﺟﺎﻥ ﺟﻨﻪ ﻧﻘﺎﺭ ﺍﻟﺨﺸﺐ ﻫﺴﻪ ﻻ ﺻﺎﻳﺮ ﻭﺳﻴﻢ ..
ﻣﺮﺕ ﻛﻢ ﻳﻮﻡ ﻭﻫﻮ ﺑﺒﺎﻟﻲ ..
ﺍﺗﺬﻛﺮ ﻣﻦ ﻭﺍﻛﻒ ﻛﺪﺍﻣﻲ ﻭﻧﻈﺮﺍﺗﻪ ..
ﻛﻠﺴﺎﻉ ﺍﻋﻴﺪﻫﺎ ﺑﻤﺨﻴﻠﺘﻲ ..
ﺍﻭﻝ ﻣﺮﺓ ﺍﺑﺎﻭﻉ ﻟﻮﻟﺪ ﻭﻳﻠﻔﺖ ﻧﻈﺮﻱ ..
ﺣﺠﻴﺖ ﻟﺰﻫﺮﺓ ﺍﻧﻲ ﻭﻫﻲ ﺳﺮﻧﺎ ﻭﺍﺣﺪ .. ﻭﺣﺘﻰ ﺍﺣﺴﺎﺳﻨﺎ ﻧﺤﺠﻲ ﻟﺒﻌﺾ ..
ﺿﺤﻜﺖ ﻛﺎﻟﺖ ..
ﻳﺎﺭﻳﺖ ﻳﺼﻴﺮ ﻧﺼﻴﺒﺞ ﻋﺎﺩ ﺗﺮﺗﺎﺣﻴﻦ ..
ﺑﻴﺖ ﻋﻤﻲ ﻭﺿﻌﻬﻢ ﻣﺮﺗﺎﺡ ﻭﻣﻦ ﻧﻮﻉ ﻳﺪﻟﻠﻮﻥ ﻧﺴﻮﺍﻧﻬﻢ ﻛﻠﺶ ..
ﻳﻼ ﺍﺫﺍ ﺭﺍﻳﺪﺝ ﺍﻛﻴﺪ ﺣﻴﺘﺼﺮﻑ ...
ﻭﺭﺍﻫﺎ ﺑﻴﻮﻣﻴﻦ ﺟﻨﺖ ﻛﺎﻋﺪﻩ ﻳﻢ ﺍﻟﺘﻤﺎﺛﻴﻞ ﺍﻧﺘﻈﺮ ﺯﻫﺮﺓ ﻻﻥ ﺛﻨﻴﻨﺎ ﻧﻔﺲ ﺍﻟﺨﻂ ..
ﺳﻤﻌﺖ ﺻﻮﺕ ﻭﺍﺣﺪ ﻳﺴﻠﻢ ..
ﻋﺒﺎﻟﻲ ﻣﻮ ﻋﻠﻴﻪ ﻏﻠﺴﺖ .. ﺑﺲ ﻣﻦ ﺳﻤﻌﺖ ﺍﺳﻤﻲ ﺍﻟﺘﻔﺘﺖ ﺷﻔﺘﻪ ﺑﺮﺍﻕ ..
ﻋﺮﻛﺖ ﻭﺧﺠﻠﺖ ﻭﺑﻘﻴﺖ ﺍﻣﺘﻤﺖ ﻣﺎﻋﺮﻑ ﺣﺘﻰ ﺍﺭﺩ ﺍﻟﺴﻼﻡ ..
ﺟﺎﻥ ﻛﺎﺷﺦ ﻛﻠﺶ ﻭﺍﻟﻌﻄﺮ ﻳﻔﻮﺡ ﻟﻬﺴﻪ ﺍﺗﺬﻛﺮﻩ ﻋﻄﺮﻩ ﺍﻓﺸﺎﻥ ..
ﺭﺩﻳﺖ ﺍﻟﺴﻼﻡ ﻋﻠﻴﻪ ﻛﺎﻝ ..
ﻣﺮﻳﺖ ﻟﺼﺪﻳﻘﻲ ﻫﻨﺎ ﻳﻤﻜﻢ ﺍﻣﺸﻲ ﺍﻭﺻﻠﺞ ﻭﺍﺗﺼﻠﻲ ﺑﺰﻫﺮﺓ ﺧﻞ ﺗﺠﻲ ..
ﻻ ﻣﺸﻜﻮﺭ ﺍﻟﺨﻂ ﻓﺪ ﺷﻮﻱ ﻭﻳﺠﻲ ﻟﺘﻌﺐ ﻧﻔﺴﻚ .. ﺣﺠﻴﺘﻬﺎ ﻭﺍﻧﻲ ﺍﺑﺎﻭﻉ ﻛﺒﻞ ...
ﻃﺒﻌﻲ ﺣﺘﻰ ﻟﻮ ﺍﺳﺘﺤﻲ ﻣﺎﺍﺩﻧﻚ ﺭﺍﺳﻲ ﻻ ﺍﺑﺎﻭﻉ ﺑﻐﻴﺮ ﺍﺗﺠﺎﻩ ..
ﻫﻮ ﺿﺤﻚ ﻛﺎﻝ ..
ﻋﻴﺐ ﺍﺑﻦ ﻋﻤﺞ ﻭﻋﻀﻴﺪ ﺍﺧﻮﺝ ﻣﻮﺟﻮﺩ ﻭﺗﺮﺣﻴﻦ ﻭﻱ ﺍﻟﻐﺮﻳﺐ؟ﻣﻴﺼﻴﺮ ﺍﺑﺪ ..
ﻃﻠﻊ ﺟﻬﺎﺯﻩ ﻭﺧﺎﺑﺮ ﻣﻦ ﺳﻤﻌﺖ ﺍﺳﻢ ﻋﺎﻃﻒ ﺍﻟﺘﻔﺘﺖ ﻋﻠﻴﻪ ..
ﺑﻌﺪﻫﺎ ﺳﺪﻩ ﻛﺎﻝ ...
ﺍﺳﺘﺄﺫﻧﺖ ﻣﻦ ﻋﺎﻃﻒ ﻭﺭﺡ ﺍﻭﺻﻠﻜﻢ ﺑﻌﺪ ﻣﺎﻛﻮ ﺣﺠﺔ ..
ﺍﻭﻛﻲ ﻣﺜﻞ ﻣﺘﺮﻳﺪ ﺑﺲ ﻟﺤﻈﺔ ﺍﺗﺼﻞ ﺑﺰﻫﺮﺓ ...
ﺩﻛﻴﺖ ﻉ ﺯﻫﺮﺓ ﻛﺎﻟﺖ ﻣﺨﻠﺼﻴﻦ ﺑﺲ ﻣﺎﻋﺒﺎﻟﻲ ﺍﻧﺖ ﻣﺨﻠﺼﺔ ﺩﻭﻣﺞ ﻣﺘﺎﺧﺮﺓ ..
ﻫﺴﻪ ﺭﺡ ﺍﺟﻲ ..
ﺳﺪﻳﺘﻪ ﻭﺑﻘﻴﺖ ﻭﺍﻛﻔﺔ ﺍﻧﺘﻈﺮﻫﺎ ..
ﻫﻮ ﺭﻓﻊ ﻧﻈﺎﺭﺗﻪ ﺧﻼﻫﺎ ﺑﻨﺺ ﺷﻌﺮﻩ ... ﻛﺎﻝ ..
ﻣﻬﺮﺓ ﺗﺪﺭﻳﻦ ﺷﻜﺪ ﻣﺘﻤﻨﻲ ﺍﺷﻮﻓﺞ؟ﻣﻦ ﻛﻨﺎ ﺻﻐﺎﺭ ﻭﺍﻧﻲ ﺍﻛﻮﻝ ﻟﻌﻤﺘﻲ ﺍﻡ ﻋﺎﻃﻒ ﻟﺘﺰﻭﺟﻴﻬﺎ ﻫﻲ ﺍﻟﻲ ..
ﺑﺎﻭﻋﺖ ﻋﻠﻴﻪ ﺑﻨﻈﺮﺍﺕ ﻣﺼﺪﻭﻣﺔ !! ﻫﺬﺍ ﺻﻤﺖ ﺩﻫﺮﺍً ﻭﻧﻄﻖ ﻛﻔﺮﺍً ..
ﻳﻌﻨﻲ ﺻﺎﺭﻟﻚ ﺷﻜﺪ ﻣﻦ ﻛﻨﺎ ﺻﻐﺎﺭ ﻣﻤﺘﺸﺎﻭﻓﻴﻦ ﻭﻣﻦ ﺷﻔﺘﻚ ﺗﻜﻠﻲ ﻫﻴﺞ .. ﺑﺪﺍﺧﻲ ﻛﻠﺖ ﺷﻜﺪ ﺟﺴﺮ ﻫﺬﺍ ..
ﺳﻜﺘﺖ ﻣﺠﺎﻭﺑﺘﻪ ﻉ ﻛﻼﻣﻪ ..
ﺭﺟﻊ ﻛﺎﻝ ..
ﺍﺳﻒ ﺍﺫﺍ ﺧﺠﻠﺘﺞ ﺑﺲ ﺳﺎﻟﻴﻬﺎ ﻟﻌﻤﺘﻲ ﺩﻭﻡ ﺍﻛﻠﻬﺎ ﻫﻴﺠﻲ ..
ﺑﺲ ﺗﻌﺮﻓﻴﻦ ﺗﺨﺒﻠﻴﻦ ﻣﻦ ﺗﺨﺠﻠﻴﻦ ﺗﻔﺎﺡ ﻟﺒﻨﺎﻧﻲ ﻳﺼﻴﺮ ﺧﺪﺝ ..
ﺑﺎﻭﻋﺘﻠﻪ ﻭﺍﻧﻲ ﺍﺧﺰﺭﺑﻲ ..
ﺍﺭﻳﺪ ﺍﺭﺯﻟﻪ ﺍﺷﻮ ﺭﺍﻳﺢ ﺯﺍﻳﺪ ؟؟
ﺍﺷﻮ ﻫﺬﺍ ﻃﻜﻬﺎ ﺿﺤﻜﺔ .. ﻭﻓﺮﻙ ﻭﺟﻬﻪ .. ﻭﻛﺎﻝ ..
ﻟﺘﺘﻌﺼﺒﻴﺖ ﺗﺮﻯ ﺍﺗﺸﺎﻗﻰ ﻭﻳﺎﺝ ﺑﺖ ﻋﻤﻲ ..
ﺭﺟﺎﺀﺍً ﻋﺎﻃﻒ ﻣﻴﻘﺒﻞ ﻧﺨﺘﻠﻂ ﻭﺍﻧﺖ ﺗﻌﺮﻑ ﻫﺎﻟﺸﻲ ..
ﻳﺎﺭﻳﺖ ﺍﻻﻣﺎﻧﺔ ﺍﻟﻲ ﺍﻣﻨﻬﺎ ﻳﻤﻚ ﺗﻜﻮﻥ ﻛﺪﻫﺎ ..
ﻋﻔﺘﻪ ﻭﻣﺸﻴﺖ ﻫﻮ ﺍﺟﻪ ﻳﻤﺸﻲ ﻭﺭﺍﻱ ﻭﻳﻌﺘﺬﺭ ﻭﻳﻀﺤﻚ ..
ﻏﺜﺘﻨﻲ ﺳﻔﺎﻫﺘﻪ ..
ﺷﻔﺖ ﺯﻫﺮﺓ ﻭﺻﻠﺖ ﺍﻟﻨﺎ ﻫﻮ ﺳﻜﺖ ..
ﺻﻌﺪﻧﺎ ﺑﺎﻟﺴﻴﺎﺭﺓ ﻭﻫﻲ ﺗﺒﺎﻭﻋﻠﻲ ﻭﺗﺒﺴﺒﺲ ﻣﺴﺘﻐﺮﺑﺔ ﻻﻥ ﺷﻜﻠﻲ ﺿﺎﻳﺞ ..
ﺍﺷﺮﺗﻠﻬﺎ ﺑﻌﻴﻮﻧﻲ ﻓﻬﻤﺘﻨﻲ ﻭﺳﻜﺘﺖ ...
ﺑﻘﻴﻨﺎ ﺳﺎﻛﺘﻴﻦ ﺍﻟﻰ ﺍﻥ ﻭﺻﻠﻨﺎ ..
ﺗﺸﻜﺮﻧﺎ ﻣﻦ ﻋﻨﺪﻩ ﻭﻫﻮ ﻧﺰﻝ ﻭﻳﺎﻧﺎ ..
ﺳﻠﻢ ﻉ ﺍﻫﻠﻲ ﻭﺭﺍﺡ ..
ﺑﻌﺪﻫﺎ ﺻﻠﻴﺖ ﻭﺍﻛﻠﺖ ﻭﺭﺣﺖ ﺗﻤﺪﺩﺕ ﻏﻔﻴﺖ ..
ﻭﺭﺍ ﻓﺘﺮﺓ ﺣﺴﻴﺖ ﻉ ﺻﻮﺕ ﻋﺎﻃﻒ ﻳﺤﺠﻲ ﻭﻱ ﺯﻫﺮﺓ ..
ﺧﺎﺑﺮﻧﻲ ﺑﺮﺍﻕ ﺍﻟﻔﻮﻥ ﻣﺎﻟﺘﺞ ﻧﺎﺳﻴﺘﻪ ﺑﺎﻟﺴﻴﺮﺓ ﻭﻫﺴﻪ ﻳﺠﻴﺒﻪ ..
ﻟﻜﻴﺖ ﺍﻟﺪﻧﻴﺎ ﻣﻐﺮﺏ ﻛﻤﺖ ﺣﺎﺟﻴﺖ ﺯﻫﺮﺓ ..
ﻃﻠﻌﺘﺖ ﻧﺎﺳﻴﺔ ﻓﻮﻧﻬﺎ ﺑﺎﻟﺴﻴﺎﺭﺓ ..
ﻛﻠﺖ ﻫﺬﺍ ﺑﻘﻰ ﻳﺪﻭﺭ ﺣﺠﺞ ﺍﺷﻮ ﺣﺴﻴﺘﻪ ﻣﻮ ﺭﺍﺣﺔ ..
ﻻ ﺑﺲ ﺣﻠﻮ ﻫﻬﻪ ...
ﺍﺟﻪ ﺟﺎﺏ ﺍﻟﻔﻮﻥ ﺑﺲ ﻣﺸﻔﺘﻪ ﺑﻌﺪ ..
ﻟﻠﻴﻞ ﺍﺟﺎﻧﻲ ﻣﺴﺞ ..
ﺑﺖ ﻋﻤﻲ ﺍﻟﺘﻔﺎﺣﺔ ﻣﻤﻜﻦ ﺍﺳﻠﻢ ﻋﻠﻴﺞ
ﺣﻴﻦ ﻳﺰﻫﺮ ﺍﻟﺤﺠﺮ
ﺍﻟﺠﺰﺀ ﺍﻟﺜﺎﻧﻲ
ﻗﺮﻳﺖ ﻣﺴﺞ ﺑﺮﺍﻕ ﻣﺎﺗﻔﺎﺟﺄﺕ ﻻﻥ ﻫﺎﻟﺸﺨﺺ ﺍﺣﺴﻪ ﺟﺮﻱﺀ ﺯﻳﺎﺩﺓ ..
ﻭﻣﺎﺳﺘﻐﺮﺏ ﻓﺘﺢ ﻓﻮﻥ ﺯﻫﺮﺓ ﺍﻟﻲ ﻟﻜﺎﻫﺎ ﻓﺮﺻﺔ ﺣﺘﻰ ﻳﺎﺧﺬ ﺍﻟﺮﻗﻢ ...
ﺣﺎﺟﻴﺖ ﺯﻫﺮﺓ ﻛﺎﻟﺖ ﺟﺎﻭﺑﻲ ﻟﻴﺶ ﺧﺎﻳﻔﺔ ..
ﺗﺸﺠﻌﺖ ﻭﺟﺎﻭﺑﺘﻪ ..
ﺍﻫﻼ ﺑﻴﻚ ﻭﺻﻞ ﺳﻼﻣﻚ ...
ﺑﺲ ﻗﺮﺍ ﺍﻟﻤﺴﺞ ﺍﺗﺼﻞ ..
ﺑﻘﻴﺖ ﻣﺤﺘﺎﺭﺓ ﺍﺟﺎﻭﺏ ﻟﻮ ﻻ ..
ﺧﺎﻳﻔﺔ ﻭﻣﻤﺘﻌﻮﺩﺓ ﻧﺴﻮﻱ ﻫﻴﺞ ﺷﻲ ..
ﺯﻫﺮﺓ ﺷﺠﻌﺘﻨﻲ ﻭﻛﺎﻣﺖ ﻗﻔﻠﺖ ﺍﻟﺒﺎﺏ ﻭﺗﺎﺷﺮﻟﻲ ﺭﺩﻱ :..
ﻓﺘﺤﺖ ﺍﻟﺨﻂ ﻭﺳﻜﺘﺖ ..
ﻛﺎﻝ ... ﺷﻠﻮﻧﻬﺎ ﺍﻟﺘﻔﺎﺣﺔ ..
ﺿﺤﻜﺖ ﺑﺼﻮﺕ ﻧﺎﺻﻲ ﻛﺘﻠﻪ .. ﺗﺮﻯ ﻋﻨﺪﻱ ﺑﺪﻝ ﺍﻻﺳﻢ ﺛﻨﻴﻦ ﻟﻴﺶ ﺑﻌﺪ ﺗﺼﻴﺤﻠﻲ ﺗﻔﺎﺣﺔ ..
ﺑﺲ ﺍﺷﻮﻑ ﺧﺪﺝ ﺍﺗﺬﻛﺮ ﺍﻟﺘﻔﺎﺡ ﺍﻛﻠﺞ ﺷﺘﺎﻛﻠﻴﻦ ﻭﻫﻴﺞ ﺧﺪﻭﺩﺝ؟ ..
ﻫﻬﻪ ﻫﺴﻪ ﺍﻧﺖ ﻣﺘﺼﻞ ﻋﻠﻲ ﺣﺘﻰ ﺗﺴﺎﻝ ﻋﻦ ﺧﺪﻭﺩﻱ ..
ﺍﻧﺘﺒﻬﺖ ﻟﻨﻔﺴﻲ ﺷﺤﺠﻴﺖ ﺑﻘﻴﺖ ﺍﺿﺮﺏ ﻉ ﺣﻠﻜﻲ ﺑﻴﺪﻱ ..
ﺷﻜﺪ ﺛﻮﻟﺔ ﻫﺴﻪ ﺷﻴﻜﻮﻝ ﻛﺎﺗﻠﺔ ﺭﻭﺣﻬﺎ ﻭﺗﺮﻳﺪ ﺗﺴﻮﻟﻒ ..
ﺟﺎﻭﺑﻨﻲ ﻉ ﺳﺆﺍﻟﻲ ...
ﻻ ﺑﺼﺮﺍﺣﺔ ﺧﺎﺑﺮﺗﺞ ﺣﺘﻰ ﺍﺣﺎﺟﻴﺞ ﺑﻤﻮﺿﻮﻉ ..
ﻫﻨﺎ ﺻﺨﻨﺖ ﻭﺑﻘﻴﺖ ﺍﻫﻔﻲ ﺑﺎﻟﻤﺨﺪﺓ ﻭﺯﻫﺮﺓ ﻟﻄﺸﺖ ﺍﺫﻧﻬﺎ ﻉ ﺍﻟﻔﻮﻥ ﺣﺘﻰ ﺗﻌﺮﻑ ﺷﻨﻮ ﺻﺎﺭ ..
ﺍﺳﺘﺠﻤﻌﺖ ﻗﻮﺗﻲ ﻭﺟﺎﻭﺑﺘﻪ .. ﺗﻔﻀﻞ ﺍﺳﻤﻌﻚ ..
ﺍﺍﺣﻢ .. ﺷﻮﻓﻲ ﺑﺖ ﻋﻤﻲ ﺑﺼﺮﺍﺣﺔ ﺍﻧﻲ ﻣﻦ ﻛﻨﺘﻲ ﺻﻐﻴﺮﺓ ﺗﻌﺠﺒﻴﻨﻲ ﻭﺭﺍﻳﺪﺝ ..
ﻯﺒﻌﺪ ﻣﺎﺷﻔﺘﺞ ﻣﻦ ﻛﺒﺮﺗﻲ ﺍﻧﺪﻫﺸﺖ ﺑﻴﺞ ..
ﺷﻨﻮ ﻣﻦ ﻃﻮﻝ ﻭﺟﺴﻢ ﻭﻭﺟﻪ ﺗﻔﺎﺣﻲ ..
ﻟﻮﺍﻟﺸﺨﺼﻴﺔ ﻭﺍﻻﺳﻠﻮﺏ ﺧﺒﻠﺘﻴﻨﻲ ..
ﺻﺎﺭﻟﻲ ﺷﻬﺮﻳﻦ ﻣﻦ ﺷﻔﺘﺞ ﺑﺲ ﻣﺎﺣﺴﻬﺎ ﺷﻬﺮﻳﻦ ﻋﺒﺎﻟﻚ ﺳﻨﺘﻴﻦ ..
ﺍﻧﻲ ﻣﻤﻨﻮﻥ ﻣﻦ ﺯﻫﺮﺓ ﻭﻧﺘﻠﺘﻬﺎ ﺧﻠﺘﻨﻲ ﺍﺷﻮﻓﺞ ..
ﺍ .. ﺑﺮﺍﻕ ﺍﻧﺖ ﻫﻮﺍﻱ ﺟﺮﻱﺀ ! ؟
ﺍﻭﻑ ﻫﺬﺍ ﺍﺳﻤﻲ ﻫﻴﺞ ﺣﻠﻮ ﺍﻭﻝ ﻣﺮﺓ ﺍﺩﺭﻱ ..
ﻟﺘﺪﻭﺭ ﺍﻟﻤﻮﺿﻮﻉ ﺍﺣﺴﻚ ﻣﺘﻤﺎﺩﻱ ﻫﻮﺍﻳﻪ ﻭﻳﺎﻱ ..
ﻣﺘﻮﻫﻤﺔ ﻣﻮ ﺟﺮﺃﺓ ﻫﺎﻱ .. ﺑﺲ ﻣﻴﺎﻧﺔ ﺑﺤﻜﻢ ﺍﻧﺖ ﺑﺖ ﻋﻤﻲ ﻭﺍﻣﻮﻥ ﻋﻠﻴﺞ ..
ﺑﺲ ﺍﻛﻮﻝ ﻣﻬﺮﺓ ﺧﻠﻲ ﺯﻫﺮﺓ ﺗﺸﻴﻞ ﺭﺍﺳﻬﺎ ﻣﻦ ﺍﻟﺴﻤﺎﻋﺔ ..
ﻻﻥ ﻣﺠﺎﻱ ﺍﻓﻬﻢ ﻣﻦ ﺍﻧﻔﺎﺳﻬﺎ ﺷﻲ !!!
ﺻﺨﺎﺍﻡ ﻫﺬﺍ ﺷﻤﺪﺭﻱ !! ﻛﻤﺰﺕ ﺯﻫﺮﺓ ﻟﻨﻬﺎﻳﺔ ﺍﻟﻐﺮﻓﺔ ﻭﻫﻲ ﺳﺎﺩﺓ ﺣﻠﻜﻬﺎ ﺑﻴﺪﻫﺎ ..
ﻭﻣﻴﺘﻪ ﺿﺤﻚ ..
ﺍﻧﻲ ﺑﻘﻴﺖ ﺍﻣﺘﻤﺖ .. ﺷﻨﻮ ﺯﻫﺮﺓ ﺗﺮﻯ ﻣﺠﺎﻱ ﺗﺘﺼﻨﺖ ..
ﻫﻬﻬﻪ ﻟﻌﺪ ﻣﻨﻮ ﻳﺘﺼﻨﺖ ﺍﺑﻮﻱ ﻭﻟﺞ ﻏﻴﺮ ﺍﻧﺖ ﺗﺤﺠﻴﻦ ﻭﺻﻮﺕ ﺗﻨﻔﺲ ﻭﻳﺎﺝ ..
ﻫﺴﻪ ﻋﻮﻓﻴﻨﺎ ﻭﺟﺎﻭﺑﻴﻨﻲ ..
ﻉ ﺷﻨﻮ ﺍﺟﺎﻭﺏ ..
ﻣﻬﺮﺓ ﺷﻨﻮ ﺗﺤﺴﻴﻦ ﺗﺠﺎﻫﻲ؟
ﻣﺎﻋﺮﻑ ﻳﻌﻨﻲ ﺑﺼﺮﺍﺣﺔ ﻣﺎﻛﺪﺭ ﺍﺣﻜﻢ ﻫﺴﻪ ﻻﻥ ﺑﻌﺪﻧﺎ ﺗﻮﺓ ﺗﻌﺮﻓﻨﺎ ..
ﺍﻧﺖ ﺗﻮﺝ ﺗﻌﺮﻓﺘﻲ ..
ﺑﺲ ﺍﻧﻲ ﺍﻋﺮﻓﺞ ﻭﺍﺭﻳﺪﺝ ﻣﻦ ﺯﻣﺎﺍﺍﺍﻥ ...
ﻫﻬﻪ ﻣﺎﺷﻲ ﺍﺣﺘﺎﺝ ﻭﻗﺖ ﺍﻧﻲ ..
ﻛﻞ ﺍﻟﻮﻗﺖ ﺍﻟﺞ ﺑﺲ ﺧﻠﻴﻨﺎ ﻧﺘﻯﺎﺻﻞ ..
ﺍﻭﻛﻲ ﺑﺲ ﻣﺎﻛﺪﺭ ﻧﺘﺨﺎﺑﺮ ﻫﻮﺍﻱ ﺗﻌﺮﻑ ﺍﺧﺎﻑ ..
ﻭﺍﻧﻲ ﻫﻢ ﺍﺧﺎﻑ ﻋﻠﻴﺞ ﻃﺒﻌﺎ ﻣﺎﺭﻳﺪﻟﺞ ﺍﻟﻤﺸﺎﻛﻞ ..
ﺍﻭﻛﻲ ﻫﺴﻪ ﺍﺭﻭﺡ ﺍﻧﺎﻡ ﺗﻌﺒﺎﻧﺔ ..
ﺍﻭﻛﻲ ﻧﺘﻮﺍﺻﻞ ﻭﺳﻠﻤﻲ ﻉ ﺯﻫﺮﺓ ...
ﻫﻬﻪ ﺑﺎﻱ ...
ﺳﺪﻳﺘﻪ ﻣﻨﻪ ﻭﺍﻧﻲ ﺍﺿﺤﻚ ﺷﻠﻮﻥ ﻟﻮﺗﻲ ﻋﺮﻑ ﺯﻫﺮﺓ ﺗﺘﺼﻨﺖ ..
ﺣﺴﻴﺘﻪ ﻣﻮ ﺳﻬﻞ ﻭﺍﻣﺒﻴﻦ ﻣﺎﺭﺓ ﻋﻠﻴﻪ ﻫﺎﻟﻜﻼﻭﺍﺕ ﻛﻠﻬﺎ ﻳﻌﻨﻲ ﻣﻠﻌﺐ ..
ﺿﻞ ﻳﺘﻮﺍﺻﻞ ﻭﻳﺎﻱ ﻛﻞ ﻳﻮﻡ ﻭﺷﻮﻱ ﺷﻮﻱ ﺍﺧﺬﺕ ﻣﻴﺎﻧﺔ ﻭﻫﻮ ﻃﺒﻌﻪ ﻓﻜﺎﻫﻲ ﻭﻛﺸﻜﻮﻟﻲ ..
ﺍﻋﺘﺮﻓﻨﺎ ﻟﺒﻌﺾ ﺑﺤﺒﻨﺎ ﻭﺗﻘﺮﺑﻨﺎ ﺍﻛﺜﺮ ..
ﻣﻦ ﻭﺻﻠﺖ ﻣﺮﺣﻠﺔ ﺛﺎﻟﺜﺔ ﺗﻘﺮﺑﻨﺎ ﻛﻠﺶ ...
ﻭﺑﻘﻴﻨﺎ ﺍﻟﻠﻴﻞ ﻧﺼﻪ ﻧﺴﻬﺮﻩ ﻧﺴﻮﻟﻒ ﺑﺎﻟﺘﺎﻧﻐﻮ ..
ﺑﺪﺍ ﻳﺘﺠﺮﺀ ﺑﻄﻠﺒﺎﺗﻪ ﺑﺲ ﺍﻧﻲ ﺍﺭﻓﺾ .. ﻭﻛﻞ ﻣﺮﺓ ﻳﻄﻠﺐ ﻣﻨﻲ ﺻﻮﺭﺓ ﺑﻠﺒﺲ ﺧﻔﻴﻒ ﻟﻮ ﻳﻄﻠﺐ ﺍﻟﺒﺲ ﺑﺎﻻﺗﺼﺎﻝ ﻣﻼﺑﺲ ﺗﺒﺮﺯ ﺟﺴﻤﻲ ..
ﺍﺟﺎﻭﺑﻪ ﺑﺎﻟﺮﻓﺾ ﻭﺍﻟﻌﺮﻛﺔ ..
ﻣﺎﺭﻳﺪ ﻫﺎﻟﺸﻲ ﺑﻴﻨﺎﺗﻨﺎ ﺍﺣﺴﻪ ﻋﻴﺐ ﻭﻫﻮ ﺍﺑﻦ ﻋﻤﻲ ﻏﻴﺮ ﻳﺨﺎﻑ ﻋﻠﻲ ..
ﺷﻠﻮﻥ ﻳﻄﻠﺐ ﻣﻨﻲ ﻫﺠﻲ ﺷﻲ ..
ﺟﺎﻧﺖ ﺯﻫﺮﺓ ﺗﻜﻠﻲ ﺷﺪﻱ ﻭﺍﺭﺧﻲ ﻭﻳﺎ ..
ﻟﺘﻤﻨﻌﻲ ﺑﺲ ﻫﻢ ﻟﺘﺤﺮﻣﻲ ..
ﻣﺜﻞ ﻣﺎﺍﻧﻲ ﻫﺴﻪ ﺍﻛﺴﺮ ﻭﺍﺟﺒﺮ ﻭﻱ ﺣﺴﻴﻦ ..
ﺯﻫﺮﺓ ﺣﺒﻬﺎ ﺍﺑﻦ ﺍﺧﺖ ﺻﺪﻳﻘﺘﻬﺎ ﺟﺎﻥ ﺳﻴﺪ ﻭﻳﺪﺍﻭﻡ ﺑﻜﻠﻴﺔ ﺍﻟﻘﺎﻧﻮﻥ ..
ﻭﺗﻌﺮﻓﻮ ﻉ ﺑﻌﺾ ﻭﺣﺒﻬﺎ ..
ﺑﺲ ﺍﻛﺜﺮ ﻣﻦ ﻣﺮﺓ ﻧﺼﺤﺘﻬﺎ ﻟﺘﺘﻮﺭﻁ ﻻﻥ ﺍﻫﻠﻲ ﻣﻴﺒﺒﻠﻮﻥ ﻧﺘﺰﻭﺝ ﻣﻦ ﻏﻴﺮ ﻃﺎﺋﻔﺔ ..
ﺍﺣﻨﺎ ﺳﻨﺔ ﺑﺲ ﻧﺰﻭﺭ ﻭﻧﺤﺐ ﺍﻫﻞ ﺍﻟﺒﻴﺖ ﻋﻠﻴﻬﻢ ﺍﻟﺴﻼﻡ ﻻﻥ ﻫﻢ ﺍﻫﻞ ﻧﺒﻴﻨﺎ ﻭﺍﻛﻴﺪ ﻧﺤﺒﻬﻢ ..
ﺑﺲ ﺍﻫﻠﻲ ﺑﻴﻬﻢ ﻃﺒﻊ ﻣﻴﻨﻄﻮﻥ ﺷﻴﻌﺔ ﻭﻻ ﻳﺎﺧﺬﻭﻥ ﻣﻨﻬﻢ ...
ﺍﻛﺜﺮ ﻣﻦ ﻣﺮﺓ ﻳﺨﻄﺒﻮﻧﺎ ﺷﻴﻌﺔ ﺑﺲ ﺍﻟﺮﻓﺾ ﻗﻄﻌﻲ ..
ﻋﺎﻃﻒ ﻣﺘﻌﺼﺐ ﻣﻦ ﻫﺎﻟﻨﺎﺣﻴﺔ ﻛﻠﻠﻠﺶ ...
ﻟﻬﺬﺍ ﺣﺬﺭﺕ ﺯﻫﺮﺓ ﺑﺲ ﻫﻲ ﺗﻜﻠﻲ ﺍﻟﻴﺤﺐ ﻣﻦ ﺻﺪﻙ ﻟﻮﺯﻓﺔ ﻟﻮ ﺗﺎﺑﻮﺕ ..
ﻭﻣﻦ ﺗﻜﻠﻲ ﻫﻴﺞ ﻗﻠﺒﻲ ﻳﻮﺟﻌﻨﻲ ﻋﻠﻴﻬﺎ ..
ﻭﻣﻊ ﻫﺬﺍ ﺍﺳﺘﻤﺮﺕ ﻭﻱ ﺳﻴﺪ ﺣﺴﻴﻦ ﺍﻟﻲ ﻛﻠﺶ ﻳﺤﺒﻨﻲ ﻭﻳﺤﺘﺮﻣﻨﻲ ..
ﺍﺳﻠﻮﺑﻪ ﺭﺯﻥ ﻭﺷﺨﺼﻴﺘﻪ ﺭﺯﻧﺔ ﻭﺛﻜﻴﻞ ﺣﺘﻰ ﻛﻌﺪﺕ ﻭﺣﺠﻴﺖ ﻭﻳﺎ ..
ﺑﻮﻗﺘﻬﺎ ﺩﻙ ﺻﺪﺭﻩ ﻭﻛﺎﻝ ﻛﺪﺍﻣﺞ ﺯﻟﻤﺔ ﻭﺍﺧﻮ ﺍﺧﺘﻪ ..
ﻟﻮ ﻃﻠﻌﺖ ﻣﻨﻲ ﺍﻟﺸﻴﻨﺔ ﻣﺎﻋﻠﻰ ﻭﺟﻬﻲ ﺷﺎﺭﺏ .. ﻭﺍﻫﻠﺞ ﺍﻗﻨﻌﻬﻢ ﻭﺍﺧﺬﻫﺎ ﻣﺪﺍﻡ ﺑﺎﻟﺤﻼﻝ ﺭﺏ ﺍﻟﺤﻼﻝ ﻫﻮ ﺍﻟﻴﺴﻬﻞ ..
ﻭﺍﻧﻲ ﻣﺴﺘﻌﺪ ﺍﺧﻄﺒﻬﺎ ﻫﺴﻪ ..
ﺑﺲ ﻫﻲ ﺗﻜﻠﻲ ﺍﺻﻴﺮ ﻣﺮﺣﻠﺔ ﺭﺍﺑﻌﺔ ﻳﻼ ﺗﺠﻲ ﺗﺨﻄﺐ
ﻭﻓﻌﻼ ﺷﻔﺘﻪ ﺧﻮﺵ ﺍﻧﺴﺎﻥ ﻭﻣﻦ ﺩﺯﻳﺖ ﺻﺪﻳﻘﺘﻲ ﺭﺣﺎﺏ ..
ﺭﺣﺎﺏ ﺟﺎﻧﺖ ﻋﻼﻗﺘﻲ ﺑﻴﻬﺎ ﺑﺴﻴﻄﺔ ..
ﺑﺲ ﺑﻤﺮﻭﺭ ﺍﻟﻮﻗﺖ ﻋﺮﻓﺘﻬﺎ ﺣﺒﺎﺑﺔ ﺧﻮﺵ ﺑﻨﻴﺔ .. ﻭ
ﻗﻮﺕ ﻋﻼﻗﺘﻲ ﺑﻴﻬﺎ ﺑﻤﺮﺣﻠﺔ ﺛﺎﻟﺜﺔ ﻭﻛﺘﻠﻬﺎ ﺗﺴﺎﻝ ﻋﻦ ﺣﺴﻴﻦ ..
ﺍﻟﻜﻞ ﻳﻤﺪﺡ ﺑﻲ ﻭﻣﺎﻛﻮ ﻣﻨﻪ ﺳﻴﺪ ﺣﺴﻴﻦ ﻭﺣﺘﻰ ﻟﺼﺪﻳﻘﻬﺎ ﻛﺎﻟﺖ ﻭﺳﺄﻝ ﻋﻨﻪ ..
ﻭﻛﻠﻬﺎ ﺍﻋﺮﻓﻪ ﻃﺎﻟﺐ ﺑﻜﻠﻴﺘﻨﺎ ﻭ ﺧﻮﺵ ﻭﻟﺪ ﻭﻛﻠﺶ ﺷﺮﻳﻒ ..
ﺗﻄﻤﻨﺖ ﻋﻠﻴﻬﺎ ﻭﻋﺮﻓﺖ ﻫﻲ ﺧﻮﺵ ﺍﺧﺘﺎﺭﺕ ..
ﺑﺲ ﺍﻧﻲ ﺑﺪﺕ ﻋﻼﻗﺘﻲ ﺗﺴﻮﺀ ﻭﻱ ﺑﺮﺍﻕ ..
ﺑﻘﻴﻨﺎ ﻛﻞ ﺍﺗﺼﺎﻝ ﻧﺨﺘﻤﻪ ﺑﻌﺮﻛﺔ ..
ﻃﺒﻌﺎ ﺭﺣﺎﺏ ﺑﺎﻻﻭﻝ ﺗﺴﺎﻟﻨﻲ ﻋﻦ ﺳﺒﺐ ﺍﻟﻌﺮﻛﺔ .. ﺑﺲ ﺍﻧﻲ ﻣﺎﻛﻠﻬﺎ ﺍﻟﺤﻘﻴﻘﺔ ..
ﺍﻟﻰ ﺍﻥ ﻓﺪ ﻳﻮﻡ ﺍﺟﻪ ﺑﺮﺍﻕ ﻭﺭﺍﺩ ﻳﻜﻌﺪ ﻭﻳﺎﻱ ..
ﻫﻮ ﺟﺎﻥ ﻳﺠﻲ ﻳﺸﻮﻓﻨﻲ ﻣﻦ ﺑﻌﻴﺪ ..
ﺑﺲ ﻫﺎﻟﻤﺮﺓ ﻛﺎﻝ ﺍﺭﻳﺪ ﻧﺘﻔﺎﻫﻢ ﻉ ﻛﻠﺸﻲ ..
ﻛﻌﺪﻧﺎ ﺍﻧﻲ ﻭﺭﺣﺎﺏ ﺍﻧﺘﻈﺮﻩ ﻳﺠﻲ ..
ﺍﻟﻤﻔﺮﻭﺽ ﺑﺎﻟﺘﺴﻌﺔ ﺑﺲ ﺍﺟﺎﻧﻲ ﺑﺎﻟﻌﺸﺮﺓ ﺍﻻ ﺭﺑﻊ ..
ﺍﺟﻪ ﻛﻌﺪ ﺑﺲ ﻭﺟﻬﻪ ﻣﻜﻠﻮﺏ ﻛﻠﺖ ﺍﻣﺒﻴﻦ ﻫﺎﻟﻨﻘﺎﺵ ﺣﻴﻴﺪﻱ ﺑﻌﺮﻛﺔ ..
ﺟﺎﻥ ﺑﻴﺪﻩ ﺑﻄﻞ ﻣﺎﻱ ﻓﺘﺤﻪ ﻭﺷﺮﺏ ﻭﺑﻌﺪﻫﺎ ﻓﺘﺢ ﺍﻟﻤﻮﺿﻮﻉ ..
ﻭﺍﻧﻲ ﺣﺒﻴﺒﺢ ﻭﻣﻦ ﺣﻘﻲ ﺍﺗﻮﻧﺲ ﻭﻳﺎﺝ ﻭﺍﺫﺍ ﻣﻮ ﺣﺒﻴﺒﺘﻲ ﺗﺮﻳﺤﻨﻲ ﻭﻳﻦ ﺍﺭﻭﺡ ﻭﻫﻢ ﻣﺤﺴﻮﺏ ﻉ ﻧﺎﺱ ﻋﻨﺪﻱ ﺣﺒﻴﺒﺔ !
ﻣﻤﺤﺴﻮﺏ ﻋﻨﺪﻙ ﺣﺒﻴﺒﺔ؟؟؟ﻳﻌﻨﻲ ﻻﻥ ﺭﻓﻀﺖ ﺍﺗﻌﺮﻯ ﺍﻟﻚ ﺻﺮﺕ ﻣﻤﺤﺴﻮﺑﺔ ؟؟
ﺍﻧﺖ ﺷﻠﻮﻥ ﺍﺑﻦ ﻋﻤﻲ؟؟ﺍﺷﻮ ﻣﺘﻐﺎﺭ ﻋﻠﻲ؟
ﺍﻧﺠﺒﻲ ﻭﺳﺪﻱ ﺣﻠﻜﺞ ﺍﺩﺑﺴﻴﺰ ..
ﺗﺮﻯ ﺻﺒﺮﺕ ﻋﻠﻴﺞ ﻫﻮﺍﻱ ..
ﺑﺮﺍﻕ ﻟﺘﻐﻠﻂ ﻣﻮ ﺍﻧﺖ ﺍﻟﺘﺤﺠﻲ ﻋﻦ ﺍﺩﺑﻲ ..
ﻭﻟﻮ ﻓﻌﻼ ﺍﺩﺑﺴﻴﺰ ﺟﺎﻥ ﺩﺯﻳﺘﻠﻚ ﺻﻮﺭ ﻋﺮﻳﺎﻧﺔ ﻭﻣﺜﻞ ﻣﺘﺮﻳﺪ ﺣﻀﺮﺗﻚ ..
ﺑﺲ ﺍﻧﻲ ﺻﻮﺟﻲ ﺍﻟﻈﺎﻫﺮ ﺭﺧﺼﺖ ﻧﻔﺴﻲ ﻣﻦ ﺣﺒﻴﺘﻚ ..
ﺩﻛﺎﻓﻲ ﺍﺵ ﺭﺧﺼﺖ ﻧﻔﺴﻬﺎ ..
ﺍﺻﻼ ﺷﻜﻠﺞ ﻭﺷﻄﻠﺐ ﻣﻨﺞ ﻋﻴﺐ ﻭﺣﺮﺍﻡ .. ﺗﻜﻮﻝ ﺣﺎﺑﻠﻲ ﺷﻴﺦ ﺟﺎﻣﻊ ..
ﺍﻧﻲ ﻣﺴﺘﻐﺮﺑﺔ ﻣﻦ ﻫﺎﻻﺳﻠﻮﺏ ﻫﺬﺍ ﺍﻭﻝ ﻣﺮﺓ ﺗﺤﺎﺟﻴﻨﻲ ﻫﻴﺞ؟؟ﺍﺣﺴﻚ ﻣﻜﻠﻮﺏ ﻭﺍﺣﺪ ﻏﻴﺮﻙ ..
ﻟﺘﺘﺤﺠﺠﻴﻦ ﺑﻠﺔ ﻭﺗﻔﺮﻳﻦ ﺍﻟﻤﻮﺿﻮﻉ ﻋﻠﻴﻪ ... ﺣﺠﺎﻫﺎ ﺑﻨﺘﺮﺓ ﻭﻭﺍﺣﺪ ﻣﻄﺎﻳﻖ ﻧﻔﺴﻪ ..
ﻣﺎﺗﺤﻤﻠﺖ ﺑﻌﺪ ..
ﻛﻤﺖ ﻭﻋﻔﺘﻪ ﻛﺎﻋﺪ ﺻﺎﺡ ﻋﻠﻲ ﻣﺎﺟﺎﻭﺑﺖ ..
ﺗﻤﺸﻴﺖ ﻟﺮﺣﺎﺏ ﻛﺘﻠﻬﺎ ﻛﻮﻣﻲ ﺑﺴﺮﻋﺔ ..
ﺍﺧﺬﺗﻬﺎ ﻭﺍﻧﻲ ﺍﻣﺸﻲ ١٨٠ ﻟﻮ ﺍﻋﺜﺮ ﺑﺤﺼﻮﺓ ﺗﻜﻠﺒﻨﻲ ..
ﺍﻭﻝ ﻣﻔﺘﻨﺎ ﻟﻘﺎﻋﺔ ﺟﺎﻥ ﺑﻴﻬﺎ ﻭﺍﺣﺪ ﻭﻛﺒﻠﺘﻪ ﻣﻦ ﺩﺧﻠﻨﺎ ﻃﻠﻌﻮ ﺑﺴﺮﻋﺔ ..
ﺍﻧﻲ ﺫﺑﻴﺖ ﻧﻔﺴﻲ ﻉ ﺍﻟﺴﺘﻴﺞ ﺣﻴﻞ ﻭﻏﻄﻴﺖ ﻭﺟﻬﻲ ﺑﻴﺪﻱ ..
ﺑﻘﻴﺖ ﺍﺑﺠﻲ ﺣﻴﻞ ﺭﺣﺎﺏ ﺗﻨﺰﻝ ﺑﺎﻳﺪﻱ ﻣﻦ ﻭﺟﻬﻲ ﻭﺗﺴﺎﻟﻨﻲ .. ﺷﺒﻴﺞ ﻓﻬﻤﻴﻨﻲ ﺷﺼﺎﺍﺭ ..
ﺑﻘﻴﺖ ﺍﺑﺠﻲ ﻭﺍﺣﺠﻴﻠﻬﺎ ﻃﻠﻌﺖ ﻛﻠﻴﻨﻜﺲ ﻭﺗﻤﺴﺢ ﺑﻮﺟﻬﻲ ﻭﺷﺒﻌﺘﻪ ﻣﺴﺒﺔ ..
ﻛﺎﻟﺖ ﻳﻮﻟﻲ ﻳﺮﻭﺣﻠﺞ ﻓﺪﻭﺓ ﻫﺬﺍ ﺑﻄﺮﺍﻥ .. ﻭﻟﺘﺠﺎﻭﺑﻲ ﺑﻌﺪ ﺷﻠﻲ ﺣﺎﻟﻪ ﻭﻛﻠﻴﻠﻪ ﺍﺫﺍ ﺗﺮﻳﺪ ﻃﻴﺤﺎﻥ ﺣﻆ ﺗﻌﺎﻝ ﺍﺧﻄﺒﻨﻲ ...
ﺑﻘﺖ ﺗﻌﺪﻱ ﺑﻴﻪ ﻭﺷﻮﻱ ﻫﺪﺋﺖ ﻭﺳﻜﺘﺖ ..
ﺑﻴﻮﻣﻬﺎ ﻣﺪﺧﻠﺖ ﻭﻻ ﻣﺤﺎﺿﺮﺓ ..
ﺍﻧﺘﻈﺮﺕ ﻧﻬﺎﻳﺔ ﺍﻟﺪﻭﺍﻡ ﻭﺍﺭﺟﻊ ﻭﺍﻧﺎﻡ ﻣﺎﻟﻲ ﺧﻠﻚ ﻻ ﺍﺣﺠﻲ ﻭﻻ ﺍﻛﻮﻝ ..
ﺭﺣﺖ ﻛﻌﺪﺕ ﺍﻧﺘﻈﺮ ﺯﻫﺮﺓ ﻭﺭﺣﺎﺏ ﻣﻘﺒﻠﺖ ﺗﻌﻮﻓﻨﻲ ..
ﻳﻮﻣﻴﺔ ﻫﻲ ﺗﻄﻠﻊ ﻗﺒﻠﻲ ﻻﻥ ﺣﺒﻴﺒﻬﺎ ﺍﺭﻓﺪ ﻫﻮ ﻣﺎﺧﺬﻫﺎ ﺧﻂ ﻫﻲ ﻭﺑﻨﺎﺕ ﻭﻳﺎﻫﺎ ...
ﺍﺭﻓﺪ ﺟﺎﻥ ﻃﺎﻟﺐ ﻣﺮﺣﻠﺔ ﺭﺍﺑﻌﺔ ﻗﺎﻧﻮﻥ ...
ﻭﻋﻼﻗﺘﻲ ﺑﻲ ﻛﻠﺶ ﺣﻠﻮﺓ ﻭﻧﻌﻢ ﺍﻻﺥ ﻭﻳﺎﻧﺎ ﺍﻧﻲ ﻭﺯﻫﺮﺓ ﻭﻋﺮﺽ ﻋﻠﻴﻨﺎ ﻳﻮﺻﻠﻨﺎ ﻭﻱ ﺭﺣﺎﺏ ..
ﺑﺲ ﻛﺘﻠﻪ ﺍﺧﻮﻱ ﻣﻴﻘﺒﻞ ﺳﻴﺎﺭﺓ ﺣﺪﻳﺜﺔ ﻧﺄﺟﺮﻫﺎ ..
ﺍﻟﻤﻬﻢ ﺑﻴﻮﻣﻬﺎ ﺭﺣﺎﺏ ﺑﻘﺖ ﻳﻤﻲ ﺍﻟﻰ ﺍﻥ ﺍﺟﺖ ﺯﻫﺮﺓ ﻭﺗﺮﺧﺼﺖ ﺭﺣﺎﺏ ﻭﺭﺍﺣﺖ ..
ﻃﺒﻌﺎ ﺯﻫﺮﺓ ﺗﻌﺮﻓﻨﻲ ﻣﻦ ﻭﺟﻬﻲ ﺑﺴﺮﻋﺔ ﺳﺎﻟﺘﻨﻲ ﻭﺍﺣﻨﺎ ﻧﻤﺸﻲ ﻟﻠﺴﻴﺎﺭﺓ ..
ﻛﺘﻠﻬﺎ ﻣﻦ ﻧﻮﺻﻞ ﺍﺣﺠﻴﻠﺞ ﻻﻥ ﺩﺍﻳﺨﺔ ﻭﻣﺘﻀﺎﻳﻘﺔ ﻛﻠﺶ ..
ﻛﺎﻟﺖ .. ﻭﺍﻧﻲ ﻫﻢ ﻻﺯﻡ ﺍﺣﺎﺟﻴﺞ .. ﻣﺠﺎﻭﺑﺘﻬﺎ ..
ﻭﺻﺎﻧﺎ ﻟﻠﺴﻴﺎﺭﺓ ﻭﺳﻜﺖ ﺍﻟﻰ ﺍﻥ ﻭﺻﻠﻨﺎ ﻟﻠﺒﻴﺖ ...
ﺑﺪﺧﻠﺘﻨﺎ ﻭﺍﺳﻤﻊ ﺗﻤﺎﺿﺮ ﺗﺘﻼﻏﻰ ﻭﻱ ﺍﻣﻲ ..
ﻻﻥ ﺍﻣﻲ ﺗﺮﻳﺪ ﺗﺮﻭﺡ ﻟﻔﺎﺗﺤﺔ ﺍﺧﺖ ﻣﺮﺕ ﻋﻤﻲ ﻭﻛﺎﻳﻠﺘﻠﻬﺎ ﺍﻛﻮ ﻣﻼﺑﺲ ﺑﺎﻟﻐﺴﺎﻟﺔ ﻃﻠﻌﻴﻬﺎ ..
ﻭﻣﺎﺩﺓ ﺍﻟﻠﺴﺎﻥ ﺷﻄﻮﻟﺔ ...
ﺩﺧﻠﻨﺎ ﻛﺘﻠﻬﺎ ﻣﺎﻣﺎ ﺗﻮﻛﻠﻲ ﻭﺍﺣﻨﺎ ﻧﻄﻠﻌﻬﻢ ﻭﻣﺮﺓ ﺛﺎﻧﻴﺔ ﺧﺎﺑﺮﻳﻨﺎ ﻭﻧﺮﺟﻊ ﻉ ﻭﻛﺖ ﻭﻟﺘﻄﻠﺒﻴﻦ ﻣﻦ ﺍﻟﻐﺮﻳﺐ ..
ﻻ ﺣﺎﺟﻴﻨﺎ ﺗﻤﺎﺿﺮ ﻭﻻ ﻋﺎﺭﻛﻨﺎﻫﺎ ﻻﻥ ﻧﺪﺍﺭﻱ ﺧﺎﻃﺮ ﻋﺎﻃﻒ ...
ﺭﻏﻢ ﺟﻨﺖ ﺭﻭﺣﻲ ﺑﺨﺸﻤﻲ ﻭﺩﻱ ﺍﻟﺰﻣﻬﺎ ﺍﻛﻄﻌﻬﺎ ..
ﺑﺲ ﺑﺪﻟﻨﺎ ﺑﻠﺸﻨﺎ ﺍﻧﻲ ﻭﺍﻳﺔ ﺑﺎﻟﻤﻼﺑﺲ ﻭﺣﺠﻴﺘﻠﻬﺎ .. ﻛﺎﻟﺖ ..
ﺍﻟﻴﻮﻡ ﺍﺻﻼ ﺍﺟﻪ ﻟﻜﻠﻴﺘﻨﺎ ﻭﺳﻠﻢ ﻋﻠﻲ ﺑﺲ ﻣﺪﺭﻱ ﺷﺒﻲ ﻧﻈﺮﺍﺗﻪ ﻣﺪﺭﻱ ﺷﻠﻮﻧﻬﺎ ﻭﺗﺎﻟﻲ ﻛﻠﻲ ..
ﺗﻨﻮﺭﺗﺞ ﺟﻨﻬﺎ ﺣﺼﺮ ﺷﻮﻱ ﻟﻮ ﺍﻧﺖ ﺳﻤﻨﺎﻧﺔ ..
ﺑﻠﺔ ﺫﻱ ﺍﺧﺘﺞ ﻣﺮﺑﺮﺑﺔ ﻭﻻﻳﻜﻠﻬﺎ ﺑﺲ ﺍﻧﺖ ﻳﻠﻮﻛﻠﺞ ﺍﻟﺮﺷﺎﻗﺔ ..
ﺟﺎﻭﺑﺘﻪ .. ﺍﺑﻦ ﻋﻤﻲ ﻏﺾ ﺍﻟﺒﺼﺮ ﺗﺮﻯ ﺍﻟﻨﻈﺮﺓ ﺳﻬﻢ ﻣﻦ ﺳﻬﺎﻡ ﺍﻟﺸﻴﻄﺎﻥ .. ﻣﻦ ﺭﺧﺼﺘﻚ ﻋﻨﺪﻱ ﻣﺤﺎﺿﺮﺓ ...
ﻋﻔﺘﻪ ﻭﺭﺣﺖ ...
ﻫﻪ ﻟﺞ ﻫﺬﺍ ﻣﺎﻋﺮﻑ ﺷﻨﻮ ﻭﺿﻌﻪ ﻣﺎﺍﻓﻬﻤﻪ ﺟﺴﺮ ﻣﺪﺭﻱ ﺟﺮﻱﺀ ﻣﺪﺭﻱ ﺟﻔﺎﺹ ...
ﻫﻮ ﻟﺴﺎﻧﻪ ﻃﻮﻳﻞ ﻭﺷﻮﻱ ﻋﻨﺪﻩ ﻗﻠﺔ ﺍﺣﺘﺮﺍﻡ ﺑﺲ ﻣﻴﻤﻨﻊ ﻳﺤﺒﺞ ﻭﻣﻦ ﻳﺘﺼﻞ ﺗﻔﺎﻫﻤﻮ ﻟﺘﻄﻨﻜﺮﻳﻦ ..
ﻛﺘﻠﻬﺎ ﻳﺼﻴﺮ ﺧﻴﺮ ﻭﺑﻘﻴﺖ ﺍﻓﻜﺮ ﺑﻜﻼﻣﺔ ﻭﻱ ﺯﻫﺮﺓ
ﺧﻠﺼﺖ ﺷﻐﻞ ﺭﺣﺖ ﻧﻤﺖ ﻛﻌﺪﺕ ﺍﻟﻌﺼﺮ ﻉ ﻋﻴﺎﻁ ﻋﺎﻃﻒ ..
ﻃﻠﻌﺖ ﺍﻟﻨﻌﻮﺳﺔ ﺑﻌﻴﻨﻲ ﺑﺲ ﻣﺮﻋﻮﺑﺔ ﺷﻨﻮ ﺻﺎﺭ ﺧﻔﺖ ...
ﻟﻜﻴﺘﻪ ﻳﺘﻼﻏﻰ ﻭﻱ ﺯﻫﺮﺓ ﺷﻠﻮﻥ ﻣﺘﻌﺎﺭﻛﺎﺕ ﻭﻱ ﺗﻤﺎﺿﺮ ...
ﺷﺎﻓﻨﻲ ﻓﺘﺢ ﺍﻟﺒﺎﺏ ﻛﺎﻝ ..
ﻣﻬﺮﺓ ﻟﺴﺎﻧﺞ ﻛﺼﺮﻱ ﻭﺍﺣﺘﺮﺍﻡ ﺗﻤﺎﺿﺮ ﻣﻦ ﺍﺣﺘﺮﺍﻣﻲ ... ﻣﻮ ﺍﺧﻠﻴﻬﺎ ﻳﻤﻜﻢ ﺍﻟﻜﺎﻫﺎ ﻣﺬﻟﻮﻟﺔ ..
ﻣﻨﺎ ﻭﻫﻴﺞ ﺗﻤﺎﺿﺮ ﻣﺘﺸﻴﻞ ﻗﺸﺔ ﺑﻬﺬﺍ ﺍﻟﺒﻴﺖ .. ﻛﺎﻓﻲ ﻋﻠﻴﻬﺎ ﺑﺘﻬﺎ ﻭﻫﻲ ﻣﻨﺎ ﺣﺎﻣﻞ ..
ﺍﻧﻲ ﺭﺑﻴﺘﻜﻢ ﻭﺍﺭﻳﺪ ﺣﮓ ﺍﺭﺑﺎﻱ ﻭﺗﻌﺒﻲ !! ﻫﻼ ﻫﻼ ﺑﻤﺮﺗﻲ ..
ﻋﺎﻓﻨﺎ ﻭﺩﺧﻞ ﺑﻘﻴﻨﺎ ﺻﺎﻓﻨﺎﺕ ﺑﻮﺟﻪ ﺑﻌﺾ !! ﺷﺒﻲ ﻋﺎﻃﻒ ﻟﻴﺶ ﻫﻴﺞ ﻳﻌﻴﺮﻧﺎ ﺑﺘﺮﺑﻴﺘﻪ ﺍﻟﻨﺎ ..
ﺻﻔﻨﺖ ﻉ ﺯﻫﺮﺓ .. ﺍﻛﻠﺞ ﺍﻟﻴﻮﻡ ﺑﺮﺟﻲ ﻭﻳﻦ ﺩﺍﺧﻞ؟
ﻳﻤﻜﻦ ﻣﻀﻴﻊ ﺍﻟﺪﺭﺏ ﺑﺮﺟﺞ ﺍﻟﻴﻮﻡ ..
ﻻ ﺧﻴﺔ ﺷﻮﻓﺔ ﺍﻟﻌﻴﻦ ﺩﺍﺧﻞ ﺑﺰﺣﻞ ﻭﻣﻴﻨﺪﻝ ﺩﺭﺑﻪ ﻳﺮﺟﻊ ..
ﺍﻛﻠﺞ ﺍﺣﻨﺎ ﻣﻮ ﺳﻔﻴﻬﺎﺕ ﺗﻮﺓ ﻣﺘﺮﺯﻻﺕ ﻭﻧﻀﺤﻚ ..
ﻫﻪ ﻳﻤﻜﻦ ﻣﻦ ﺍﻟﺼﺪﻣﺔ ﻳﺎ ﺧﻴﺘﻲ ﺍﺫﺍ ﻋﺎﻃﻒ ﻫﻴﺞ ﻳﺤﺠﻲ ﻉ ﺍﻟﺪﻧﻴﺎ ﺍﻟﻌﻔﺎ ﺑﻌﺪ ...
ﻣﺮﺕ ﻳﻮﻣﻴﻦ ﻭﻋﺎﻃﻒ ﻭﺟﻬﻪ ﺛﻜﻴﻞ ﻋﻠﻴﻨﺎ ﻭﻳﺤﺠﻲ ﻣﻦ ﻭﺭﺍ ﺧﺸﻤﻪ ..
ﺍﻣﻲ ﻛﺎﻟﺖ ﺍﻋﺘﺬﺭﻭ ﻣﻨﻪ ﻫﺬﺍ ﻣﺜﻞ ﺍﺑﻮﻛﻢ ﻭﻓﻌﻼ ﺍﻋﺘﺬﺭﻧﺎ ﻣﻨﻪ ..
ﻭﻣﻘﺒﻞ ﻧﻌﺘﺬﺭ ﻛﺎﻝ ﻣﺎﺭﻳﺪﻛﻢ ﺗﻌﺘﺬﺭﻭﻥ ﺍﻧﺘﻮ ﺑﻨﺎﺗﻲ ﻭﺗﺼﻴﺮ ﺍﻻﺷﻜﺎﻻﺕ ...
ﺑﻴﻮﻡ ﺍﻟﺜﺎﻟﺚ ﺑﺮﺍﻕ ﺧﺎﺑﺮﻧﻲ ﺍﻟﻌﺼﺮ ..
ﺷﺠﻌﺘﻨﻲ ﺯﻫﺮﺓ ﺍﺟﺎﻭﺑﻪ ﻭﻧﺘﻔﺎﻫﻢ ..
ﺟﺎﻭﺑﺘﻪ ﺑﺎﻻﻭﻝ ﺍﻋﺘﺬﺭ .. ﺗﺎﻟﻲ ﻛﺘﻠﻪ ﺑﺮﺍﻕ ﺍﺣﻨﺎ ﻃﺮﻳﻘﻨﺎ ﻣﺴﺪﻭﺩ ..
ﺍﻟﺘﻄﻠﺒﻪ ﻣﻨﻲ ﻣﺎﺭﻳﺪ ﺍﺳﻮﻱ ﻭﺍﺫﺍ ﺗﺮﻳﺪ ﺗﻌﺎﻝ ﺍﺧﻄﺒﻨﻲ ﻭﺑﺎﻟﺤﻼﻝ ﺍﺣﺴﻦ ..
ﺍﻧﺖ ﻣﻤﺤﺘﺎﺝ ﻭﺗﻜﺪﺭ ﺗﺨﻄﺒﻨﻲ ﻟﻴﺶ ﻣﺘﺎﺧﺮ ﺑﻌﺪ؟؟؟
ﺑﻌﺪ ﻭﻛﺖ ﻉ ﺍﻟﺰﻭﺍﺝ ﻣﻬﺮﺓ ﻧﺘﻔﺎﻫﻢ ﺍﺣﺴﻦ ﻣﺘﺸﻮﻓﻴﻦ ﻳﻮﻣﻴﺔ ﻧﺘﻌﺎﺭﻙ !!
ﺑﻌﺪ ﻭﻛﺖ ﻉ ﺯﻭﺍﺝ ﻟﻴﺶ؟؟ﻣﻦ ﺍﻻﺧﻴﺮ ﺑﺮﺍﻕ ﻭﺑﻼ ﻣﺎﻧﺘﻌﺐ ﻧﻔﺴﻨﺎ ﺛﻨﻴﻨﺎ ..
ﻗﺼﺘﻨﺎ ﺍﻧﺘﻬﺖ ﻭﺍﻧﺖ ﺍﻻﺧﺘﺎﺭﻳﺖ ﻫﺎﻟﺸﻲ ..
ﺍﻛﻠﻲ ﺗﺒﻦ ﻭﻣﻮ ﻛﻴﻔﺞ ﻟﺘﻘﺮﺭﻳﻦ ﺷﻲ ﻟﻮﺣﺪﺝ ..
ﻣﻮ ﻋﺒﺎﻟﺞ ﺷﻔﺘﻴﻠﺞ ﺷﻮﻓﺔ ﺗﺮﻯ ﺣﻠﻜﺞ ﺍﺷﻜﻪ ﻭﻏﺼﺒﺎ ﻋﻠﻴﺞ ﺗﺒﻘﻴﻦ ﻭﻳﺎﻱ ..
ﺍﻧﻲ ﺍﺭﻳﺪ ﺍﺧﻄﺒﺞ ﻭﺗﺪﺭﻳﻦ ﺍﺣﺒﺞ ﺑﺲ ﺍﺭﻳﺪ ﺍﺗﺎﻛﺪ ﻣﻨﺞ ﺗﺤﺒﻴﻨﻲ ..
ﻭﻣﺎﺍﺗﺎﻛﺪ ﺍﻻ ﺗﺴﻮﻳﻦ ﺍﻻﺭﻳﺪﻩ ..
ﻫﻪ ﻟﻌﺪ ﺍﻧﺘﻈﺮ ﻉ ﺍﻟﻔﺎﺭﻍ ﺍﺳﺘﺎﺫ ﺑﺮﺍﻕ ... ﻣﻊ ﺍﻟﺴﻼﻣﺔ ..
ﺳﺪﻳﺘﻪ ﺑﻮﺟﻬﻪ ﻭﺷﻜﺪ ﺩﺯ ﻣﺴﺠﺎﺕ ﻭﻏﻠﻂ ﻭﻓﺸﺮ ﻭﻻ ﺍﻫﺘﻤﻴﺖ ...
ﻭﺯﻫﺮﺓ ﺍﻳﺪﺗﻨﻲ ﻛﺎﻟﺖ ﻳﻮﻟﻲ ﻣﻴﺤﺘﺮﻡ ﻭﻫﺬﺍ ﻳﻠﻌﺐ ﻣﺎﻋﻨﺪﻩ ﻗﺮﺍﺭ ...
ﺑﻘﻰ ﺍﻻﻳﺎﻡ ﺍﻟﺒﻌﺪﻫﺎ ﻳﺘﺼﻞ ﻭﻳﺘﻘﺮﺏ ﻭﺍﻧﻲ ﻣﻐﻠﺴﻪ ﻋﻠﻴﻪ ..
ﺗﺎﻟﻲ ﻧﺼﺤﺘﻨﻲ ﺭﺣﺎﺏ ﻭﺯﻫﺮﺓ ﺍﻧﻄﻲ ﻓﺮﺻﺔ ..
ﺍﻧﻄﻴﺘﻪ ﺑﺲ ﻛﺎﻥ ﺍﻟﻜﻼﻡ ﻛﻠﻪ ﺑﻼ ﻧﻔﺲ ﻭﻳﺎ ﻣﺎﻋﺮﻑ ﻭﻻ ﻛﺎﻧﻲ ﺍﺣﺒﻪ ..
ﺣﻘﺪﺕ ﻋﻠﻴﻪ ﻭﺿﺠﺖ ﻣﻨﻪ ...
ﺍﺗﺬﻛﺮ ﻓﺪ ﻳﻮﻡ ﻃﻠﺐ ﻧﻠﺘﻘﻲ ﻭﻛﺘﻠﻪ ﻣﺎﻛﺪﺭ ﺑﺲ ﺑﻌﺪ ﺍﻟﺤﺎﺡ ﻗﺒﻠﺖ ...
ﺍﻟﺘﻘﻴﻨﺎ ﻭﻛﻌﺪﻧﺎ ﺑﺎﻟﺴﻴﺎﺭﺓ ﺑﺎﻟﻜﺮﺍﺝ ﺣﺘﻰ ﻟﺤﺪ ﻳﺸﻮﻓﻨﺎ ...
ﺍﻟﻜﺮﺍﺝ ﺗﺼﻴﺮ ﻗﺮﻳﺐ ﻉ ﺍﻟﺒﺎﺏ ﻣﺎﻟﺖ ﺍﻟﺠﺎﻣﻌﺔ ...
ﻛﻌﺪﻧﺎ ﺳﻮﻟﻔﻨﺎ ﻭﻫﻮ ﺷﺎﺑﻚ ﺍﻳﺪﻱ ﻃﻮﻝ ﺍﻟﻮﻗﺖ ..
ﺗﺎﻟﻲ ﺷﺎﻑ ﺍﻟﻤﻜﺎﻥ ﻫﺪﻭﺀ ﻛﻠﺶ ﻭﻇﻬﺮ ﺻﻴﻒ ..
ﺍﻧﻲ ﺩﻧﻜﺖ ﻓﺘﺤﺖ ﺍﻟﺠﻨﻄﺔ ﺷﻔﺖ ﺍﻟﻮﻗﺖ ﺑﺎﻟﻔﻮﻥ .. ﺑﺲ ﺭﻓﻌﺖ ﺭﺍﺳﻲ ﺍﺟﻪ ﻭﺟﻬﻲ ﺑﻮﺟﻬﻪ .. ﻭﻟﺰﻡ ﺭﺍﺳﻲ ﺭﺍﺩ ﻳﺒﻮﺳﻨﻲ .. ﺩﻓﻌﺘﻪ ﻣﻦ ﺻﺪﺭ ﺑﻼ ﻭﻋﻲ ﻓﺘﺤﺖ ﺍﻟﺒﺎﺏ ..
ﻧﺰﻟﺖ ﻭﺭﻛﻀﺖ ﺧﺎﻳﻔﺔ ﻭﻣﺘﻮﺗﺮﺓ ﻭﻣﺮﻋﻮﺑﺔ ﻣﻦ ﺗﺼﺮﻓﻪ ..
ﻣﺸﻴﺖ ﺳﺮﻳﻊ ﻭﻫﻮ ﻳﺼﻴﺢ ﻭﺭﺍﻱ ﻣﺎﻫﺘﻤﻴﺖ .. ﺳﻤﻌﺖ ﻫﻮﺭﻥ ﻛﻠﺖ ﺍﻛﻴﺪ ﻫﻮ ﻣﺎﺭﻳﺪ ﺍﺻﻌﺪ ﻭﻳﺎ ..
ﺧﻔﺖ ﻳﺠﺮﻧﻲ ﻟﻠﺴﻴﺎﺭﺓ ﻣﺮﺓ ﺛﺎﻧﻴﺔ ﻟﻮ ﻳﺴﻮﻱ ﺑﻴﻪ ﺷﻲ ...
ﺑﻘﻴﺖ ﺍﻣﺸﻲ ﻭﺍﺗﻌﺜﺮ ﻭﻗﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ ﻛﺪ ﻣﻴﻨﺒﺾ ...
ﻧﺰﻟﺖ ﺩﻣﻮﻋﻲ ﻉ ﻣﻮﻗﻔﻲ ﺷﻜﺪ ﺍﺣﺘﻘﺮﺕ ﻧﻔﺴﻲ ...
ﺑﻘﻴﺖ ﺍﻣﺸﻲ ﻭﺍﻟﻬﻮﺭﻥ ﻳﺪﻙ ﺣﺴﻴﺖ ﺗﻘﺮﺑﺖ ﺍﻟﺴﻴﺎﺭﺓ ﻣﻨﻲ ﺭﺟﻠﻴﻪ ﺑﺎﺩﺕ ...
ﺳﻤﻌﺖ ﺻﻮﺕ ﺍﺭﻓﺪ ﺻﺎﺡ ...
ﻣﻬﺮﺓ ﺧﻴﺘﻲ ﻣﻬﺮﺓ ﺍﻭﻛﻔﻲ ...
ﻭﻛﻔﺖ ﻭﺍﻧﻲ ﺍﺧﺬ ﺯﻓﻴﺮ ﻗﻮﻱ .. ﺍﻟﺤﻤﺪﻟﻠﻪ ﻟﻜﻴﺖ ﺍﺭﻓﺪ ﻳﻌﻨﻲ ﻣﻴﻜﺪﺭ ﻳﺴﻮﻳﻠﻲ ﺷﻲ ﺑﺮﺍﻕ ...
ﻣﺴﺤﺖ ﻭﺟﻬﻲ ﻭﺍﻟﺘﻔﺘﺖ ﻋﻠﻴﻪ .. ﻧﺎﺯﻝ ﻣﻦ ﺍﻟﺴﻴﺎﺭﺓ ﻭﺻﻞ ﻳﻤﻲ ..
ﺍﻣﺸﻲ ﻧﻮﺻﻠﺞ ﻭﻳﺎﻧﺎ ﻣﻬﺮﺓ ... ﺑﺲ ﻣﺎﺳﺄﻟﻨﻲ ﺷﻨﻮ ﺍﺳﻮﻱ ﻫﻨﺎ ﻭﻟﻴﺶ ﻟﻮﺣﺪﻱ ...
ﺑﺎﻻﻭﻝ ﻣﻘﺒﻠﺖ ﺍﺻﻌﺪ ﺗﺎﻟﻲ ﻛﻠﺖ ﺑﻼ ﻣﺘﺼﻴﺮﻟﻲ ﺑﻠﻮﺓ ﻋﺎﺩ ﺑﺮﺍﻕ ﺧﻮﺵ ﺍﻧﺴﺎﻥ ..
ﻓﺘﺤﺖ ﺍﻟﺒﺎﺏ ﻭﺻﻌﺪﺕ .. ﺗﺒﺴﻤﺮﺕ ﺑﻤﻜﺎﻧﻲ ﻭﺍﻧﻲ ﺍﺷﻮﻑ ﻭﺍﺣﺪ ﻛﺎﻋﺪ ﺑﺎﻟﺼﺪﺭ ..
ﺑﺎﻭﻋﺖ ﺑﻮﺟﻪ ﺍﺭﻓﺪ ﺑﻨﻈﺮﺍﺕ ﻳﺎﺋﺴﺔ ﺍﺭﻳﺪ ﺍﻋﺮﻑ ﻣﻨﻮ ﻫﺬﺍ ..
ﻛﺎﻝ ﺍﺭﻓﺪ ﻣﻬﺮﺓ ﺍﻋﺮﻓﺞ ﻉ ﺷﺠﺎﻉ ﺍﺧﻮﻱ .. ﺷﺠﺎﻉ ﻫﺎﻱ ﻣﻬﺮﺓ ﺻﺪﻳﻘﺔ ﺭﺣﺎﺏ ..
ﺑﺎﻭﻉ ﺑﺎﻟﻤﺮﺍﻳﺔ ﻭﻛﺎﻝ ﺍﻫﻼ ﻭﻣﻦ ﻭﺭﺍ ﺧﺸﻤﻪ ﺣﺠﺎﻫﺎ ..
ﺷﺒﻴﻚ ﻳﺤﻈﻲ ﻫﺴﻪ ﻣﻦ ﺣﻮﺭﻙ ﺑﻜﺪ ﺟﺪﻱ ..
ﻻ ﻻ ﻫﻮ ﺻﺢ ﺑﻜﺪ ﺟﺪﻱ ﺑﺲ ﺣﻠﻮﻭ ..
ﺍﺳﻤﺮ ﻭﺷﻌﺮﻩ ﺧﺸﻦ ﺍﺳﻮﺩ ﻭﻳﺒﻴﻦ ﺟﺴﻤﻪ ﻣﺮﺗﺐ ﻻﻥ ﻛﻌﺪﺗﻪ ﻫﻴﺒﻪ ..
ﻣﻼﻣﺤﻪ ﺣﻠﻮﺓ ﻋﻴﻮﻧﻪ ﻭﺣﻮﺍﺟﺒﻪ ﺗﺨﺒﻞ ﻣﺮﻓﻌﺎﺕ ... ﺷﻜﻠﻪ ﺣﻴﻞ ﺟﺬﺍﺏ ﺑﺲ ﻣﺴﺘﻮﻱ ﺯﻳﺎﺩﺓ ﻧﺎﺳﻲ ﺑﺎﻟﻔﺮﻥ ..
ﻭﻓﻮﻛﻬﺎ ﻳﺘﻜﻠﺐ ﻋﻠﻲ ﺩﻳﻼ ﻫﺴﻪ ﺿﻠﺖ ﻋﻠﻴﻚ
ﻭﺻﻠﻨﺎ ﻭﺗﺸﻜﺮﺕ ﻣﻨﻪ ﻭﻧﺰﻟﺖ ..
ﻟﻜﻴﺖ ﺯﻫﺮﺓ ﺗﻨﺘﻈﺮﻧﻲ .. ﺣﺠﻴﺘﻠﻬﺎ ﺍﻟﺼﺎﺭ ﻭﺑﻘﺖ ﺗﻠﻮﻡ ﺑﻴﻪ ..
ﻛﺎﻟﺖ ﻛﻄﻌﻲ ﻋﻼﻗﺘﺞ ﺑﻲ ﻫﺬﺍ ﻣﺎﻭﺭﺍﻩ ﻛﻞ ﻓﺎﻳﺪﺓ ...
ﻭﻓﻌﻼ ﻗﺮﺭﺕ ﺍﻗﻄﻊ ﻋﻼﻗﺘﻲ ﺑﻲ ...
ﻣﻦ ﻫﺎﻟﻴﻮﻡ ﺷﻜﺪ ﺍﺗﺼﻞ ﺷﻜﺪ ﺭﺍﺩ ﻣﺠﺎﻭﺑﺘﻪ ...
ﺑﻔﺘﺮﺓ ﺍﻻﻣﺘﺤﺎﻧﺎﺕ ﺟﺎﻥ ﻳﺨﺎﺑﺮ ﺯﻫﺮﺓ ..
ﻛﻞ ﻳﻮﻡ ﻳﺪﻙ ﺍﻭﻝ ﺷﻲ ﺭﺯﻟﺘﻪ ﻉ ﺍﻟﺼﺎﺭ ﺑﻴﻨﺎ ﻭﻛﻠﺘﻠﻪ ﺗﺤﺒﻬﺎ ﺍﺧﻄﺒﻬﺎ ﻭﺍﻧﻲ ﻣﺎﺍﺗﻮﺳﻄﻠﻚ ﻟﺘﺤﺎﻭﻝ ..
ﻭﺍﻧﻄﺘﻪ ﺣﻀﺮ ..
ﺑﺲ ﺧﻠﺼﺖ ﺍﻻﻣﺘﺤﺎﻧﺎﺕ ﻭﺍﺧﺬﻧﺎ ﺍﻟﻨﺘﺎﺋﺞ ﺍﻧﻲ ﺻﺮﺕ ﺭﺍﺑﻌﺔ ﻭﺯﻫﺮﺓ ﺛﺎﻟﺜﺔ ...
ﺍﺟﺖ ﻣﺮﺕ ﻋﻤﻲ ﻭﺟﺎﻳﺒﻪ ﻭﻳﺎﻫﺎ ﺣﻠﻮﻳﺎﺕ ﻭﺑﺎﺭﻛﺘﻠﻨﺎ ..
ﻃﺒﻌﺎ ﻭﻻ ﻣﺮﺓ ﻣﺴﻮﻳﻨﻬﺎ ﺑﺤﻴﺚ ﺍﺳﺘﻐﺮﺑﻨﺎ ..
ﺑﺲ ﺍﻟﻄﻠﺐ ﺍﻟﻄﻠﺒﺘﻪ ﺑﻴﻮﻣﻬﺎ ﻣﻮ ﺑﺎﻟﺤﺴﺒﺎﻥ ..
ﻛﺎﻟﺖ ﺍﻧﻲ ﺟﺎﻳﺔ ﺍﺧﻄﺐ ﺯﻫﺮﺓ ﻟﺒﺮﺍﻕ ...
ﺟﻨﺎ ﻛﺎﻋﺪﻳﻦ ﺛﻨﻴﻨﺎ ﺑﻘﻴﻨﺎ ﻭﺣﺪﺓ ﻓﺎﻫﻴﺔ ﺑﻮﺟﻪ ﺍﻟﺜﺎﻧﻴﺔ ...
ﺻﺪﻙ ﺻﺪﻣﺔ ﻣﻤﺘﻮﻗﻌﺔ ﻳﺴﻮﻳﻬﺎ ﺑﺮﺍﻕ ﻣﻌﻘﻮﻟﺔ ﻫﺎﻟﺸﻲ ...
ﺭﺍﺣﺖ ﺍﻣﻪ ﻭﺯﻫﺮﺓ ﺧﻄﻴﺔ ﺗﻌﺘﺬﺭ ﻣﻨﻲ ﻭﺗﻤﻠﻲ ﻳﻤﻜﻦ ﺍﻣﻪ ﻏﻠﻄﺎﻧﻪ ﻭﻫﻮ ﺩﺍﺯﻫﺎ ﻋﻠﻴﺞ ...
ﺑﺲ ﺑﻌﺪ ﻣﺎﺍﺟﻪ ﻋﺎﻃﻒ ﻭﺍﻣﻲ ﺣﺠﺘﻠﻪ ..
ﻛﺎﻝ ﺣﺎﺟﺎﻧﻲ ﺑﺮﺍﻕ ﻭﺍﺷﻮﻓﻬﺎ ﺧﻮﺵ ﻗﺴﻤﺔ ...
ﺣﺠﻪ ﻭﻱ ﺯﻫﺮﺓ ﺑﺲ ﺯﻫﺮﺓ ﻛﻠﺘﻠﻪ ﻋﺎﻃﻒ ﻋﻨﺪﻱ ﻭﻳﺎﻙ ﻣﻮﺿﻮﻉ ﺑﺲ ﺣﺴﺎﺱ ..
ﺍﻧﻲ ﻛﻠﺖ ﺯﻫﺮﺓ ﻟﻜﻔﺖ ﺣﺘﻜﺖ ﺍﻻﻭﻝ ﻭﺍﻟﺘﺎﻟﻲ ...
ﻋﺎﺩ ﻛﻌﺪﻭ ﻳﻤﻲ ﺑﺎﻟﻐﺮﻓﺔ ..
ﻛﻠﺘﻠﻪ ﺷﻮﻑ ﺧﻮﻳﺔ .. ﺍﻧﺖ ﻣﺮﺑﻴﻨﺎ ﻉ ﺍﻟﺼﺮﺍﺣﺔ ﻭﺍﻧﻲ ﺍﺭﻳﺪ ﺍﻛﻠﻚ ﺗﺮﻯ ﻣﺎﻗﺎﺑﻠﺔ ﺑﺒﺮﺍﻕ ..
ﺗﻌﺮﻑ ﻟﻴﺶ؟ﺟﺎﻭﺑﻬﺎ ﺑﺎﺳﺘﻐﺮﺍﺏ ﻟﻴﺶ؟
ﻻﻥ ﺑﺮﺍﻕ ﻋﻨﺪﻩ ﻋﻼﻗﺔ ﺑﺎﺧﺖ ﺻﺪﻳﻘﺘﻲ ﺍﻟﻤﻘﺮﺑﺔ ..
ﻣﺎﻛﺎﻟﺖ ﺻﺪﻳﻘﺘﻲ ﻻﻥ ﻋﺎﻃﻒ ﺣﻴﺘﻌﺼﺐ ﻭﻳﻜﻠﻬﺎ ﺷﻠﻮﻥ ﺗﻤﺎﺷﻴﻦ ﻭﺣﺪﺓ ﻫﻴﺞ ..
ﻟﺬﻟﻚ ﻛﻠﺘﻠﻪ ﺍﺧﺖ ﺻﺪﻳﻘﺘﻲ .. ﻭﺍﺍﺑﻨﻴﺔ ﺷﺮﻳﻔﺔ ﻭﺑﺖ ﻧﺎﺱ ﻭﻭﺍﻋﺪﻫﺎ ﺑﺰﻭﺍﺝ ...
ﺑﺲ ﻗﺒﻞ ﻛﻢ ﻳﻮﻡ ﺭﺍﻳﺪ ﻳﻌﺘﺪﻱ ﻉ ﺷﺮﻓﻬﺎ ﻭﺷﺮﺩﺕ ﻣﻨﻪ ﺍﻟﻜﻠﻴﺔ ﻭﺍﺣﻨﺎ ﺷﻔﻨﺎﻩ ..
ﺗﻘﺒﻞ ﻳﺎﺧﻮﻱ ﺗﻨﻄﻴﻨﻲ ﻟﻬﻴﺞ ﺷﺨﺺ؟؟
ﻻ ﻃﺒﻌﺎ ﻳﺮﻭﺣﻠﺞ ﻓﺪﻭﺓ ..
ﻳﻮﻟﻲ ﺍﻧﺴﻲ ﺍﻟﻤﻮﺿﻮﻉ ﻭﻫﻮ ﺍﻋﺮﻑ ﺷﻠﻮﻥ ﺍﺻﺮﻓﻪ ...
ﻭﻣﻦ ﺭﺍﺡ ﺍﻳﺔ ﺗﺴﻮﻟﻒ ﻭﻳﺎﻱ ﻭﺗﺤﺎﻭﻝ ﺗﻨﺴﻴﻨﻲ ...
ﺑﺲ ﺍﻧﻲ ﺑﻌﺪﻧﻲ ﻣﻤﺘﻘﺒﻠﺔ ﺍﻟﺨﺒﺮ ﻣﺪﺭﻱ ﻣﺼﺪﻭﻣﺔ ﻣﺪﺭﻱ ﻣﻤﻬﺘﻤﺔ ...
ﻭﺻﻠﻪ ﺧﺒﺮ ﺍﻟﺮﻓﺾ ﻭﺑﻌﺪ ﻣﺎﺍﺗﺼﻞ ﻻ ﺑﻴﻪ ﻭﻻ ﺑﺰﻫﺮﺓ ..
ﻭﺭﺍ ﺍﺳﺒﻮﻋﻴﻦ ﻋﺰﻣﻮﻧﺎ ﻉ ﺧﻄﻮﺑﺘﻪ ..
ﺧﻄﺐ ﺑﺖ ﻭﺍﺣﺪ ﻣﻦ ﻣﻌﺎﺭﻑ ﻋﻤﻲ ...
ﻣﻦ ﻳﻮﻣﻬﺎ ﺣﺴﻴﺖ ﺍﻧﻲ ﺍﻏﺒﻰ ﻭﺣﺪﺓ ﺑﻬﺎﻟﺪﻧﻴﺎ ..
ﺧﻠﺼﻬﺎ ﻟﻌﺐ ﻋﻠﻲ ﻭﺗﺎﻟﻲ ﺧﻄﺐ ﺍﺧﺘﻲ ﻭﻣﻦ ﺭﻓﻀﺘﻪ ﺗﺰﻭﺝ ﻭﺑﻜﻞ ﺻﻼﻓﺔ ...
ﻣﺮﺕ ﺍﻻﺷﻬﺮ ﻭﺍﺟﻪ ﺍﻟﺪﻭﺍﻡ ..
ﺑﺲ ﺍﺣﺲ ﻣﺎﺷﺘﻬﻲ ﺣﺘﻰ ﺍﺩﺍﻭﻡ ..
ﻻﻥ ﺑﺎﻟﻌﻄﻠﺔ ﺧﻠﺼﺘﻬﺎ ﻛﺂﺑﺔ ﻭﺑﺲ ﺍﻧﺎﻡ ﻟﻮ ﻣﻦ ﺍﻛﻌﺪ ﺍﺣﻮﻙ ...
ﺍﻭﻝ ﺍﻳﺎﻡ ﺍﺩﺍﻭﻡ ﻳﻮﻡ ﻭﻳﻮﻡ ﺍﻏﻴﺐ ..
ﺍﻟﻰ ﺍﻥ ﺷﺪﻭ ﻋﻠﻲ ﺭﺣﺎﺏ ﻭﺯﻫﺮﺓ ..
ﻭﺭﺟﻌﺖ ﺍﺩﺍﻭﻡ ﻋﺪﻝ ...
ﻭﺟﺎﻧﺖ ﻣﺮﺣﻠﺔ ﺭﺍﺑﻌﺔ ﻣﻮﺍﺩ ﻗﻠﻴﻠﻪ ..
ﻋﺪﻧﺎ ﺭﻳﺴﺘﺎﺕ ﻧﻔﺘﺮ ﻭﻳﺠﻲ ﺍﺭﻓﺪ ﻳﻮﻧﺴﻨﺎ ﻭﻳﺴﻮﻟﻒ ﺷﻠﻮﻥ ﺍﺧﻮ ﺷﺎﻭﻱ ﻉ ﺍﺫﻧﻪ ﺑﺼﻞ ﺑﺎﻟﺸﻐﻞ ..
ﺍﺧﻮﻩ ﺷﺠﺎﻉ ﺍﻟﻲ ﺷﻔﺘﻪ ﺑﺎﻟﺴﻴﺎﺭﺓ ..
ﻋﻨﺪﻩ ﺷﺮﻛﺔ ﻣﺎﻝ ﻣﻌﺪﺍﺕ ﻭﻫﻮ ﻳﺸﺘﻐﻞ ﻳﻤﻪ ﻻﻥ ﺗﺨﺮﺝ ﻫﺎﻟﺴﻨﺔ ...
ﻭﻣﻦ ﻳﺤﺠﻴﻨﺎ ﻉ ﺧﺒﺎﻻﺕ ﺍﺧﻮﻩ ﺻﺪﻙ ﻧﺘﻮﻧﺲ ..
ﻃﺒﻌﺎ ﻛﻞ ﻣﻴﺸﻮﻓﻨﻲ ﺿﺎﻳﺠﺔ ﻳﻜﻠﻲ ﻟﺘﻀﻮﺟﻴﻦ ..
ﺗﺨﺮﺟﻲ ﻭﺍﺧﺬﺝ ﺍﺷﺘﻐﻠﻲ ﻳﻢ ﺷﺠﺎﻉ ﻭﻫﻨﺎﻙ ﻋﺮﻓﻲ ﺍﻟﻀﻮﺟﺔ ﺷﻠﻮﻧﻬﺎ ...
ﺻﺪﻙ ﻳﻀﺤﻜﻨﻲ ...
ﻭﻣﺮﺕ ﻫﺎﻟﺴﻨﺔ ﺑﺴﺮﻋﺔ ﻭﺧﻠﺼﺖ ﻭﺍﺟﻪ ﺍﻟﺘﺨﺮﺝ ..
ﺑﻴﻮﻣﻬﺎ ﺍﺟﻮ ﺑﻴﺖ ﻋﻤﻲ ﻣﻨﻴﺮ ﺍﺑﻮ ﺑﺮﺍﻕ ﻭﻣﺮﺗﻪ ﻭﻣﺮﺕ ﺑﺮﺍﻕ ﻭﻳﺎﻫﻢ ﺗﺒﺎﺭﻛﻮﻟﻲ ﻻﻥ ﺗﺨﺮﺟﺖ ..
ﻣﺮﺕ ﺑﺮﺍﻕ ﺟﺎﻧﺖ ﺣﺎﻣﻞ ﻭﻫﻮ ﻛﺎﻋﺪ ﻳﻤﻬﺎ ﻃﻮﻝ ﺍﻟﻮﻗﺖ ﻋﻴﻨﻪ ﻋﻠﻴﻪ ..
ﺑﻜﻞ ﻭﻗﺎﺣﺔ ﻳﺒﺎﻭﻉ ﻭﻻ ﻛﺎﻧﻪ ﻣﺴﻮﻱ ﺷﻲ ...
ﻣﺎﻛﻮﻝ ﻛﺪﺭﺕ ﺍﺗﺤﺎﺷﺎ ﻻﻥ ﺑﻌﺪﻧﻲ ﺍﺣﻦ ﺍﻟﻪ ﻣﻮ ﺳﻬﻠﻪ ﺍﻟﺼﺎﺭ ﻭﻳﺎﻱ ﻭﻣﻮ ﺑﻴﺪﻱ ﺍﺣﻦ ...
ﻗﺒﻞ ﻟﻴﻄﻠﻌﻮﻥ ﺳﻠﻤﻮ ﻋﻠﻴﻨﺎ ﺍﻧﻲ ﺟﺎﻭﺑﺘﻬﻢ ﻭﻟﺒﺴﺘﻪ ..
ﺍﻣﻪ ﻛﻠﺘﻠﻲ ﻳﻮﻡ ﺍﻟﻨﺸﻮﻓﺞ ﻋﺮﻭﺱ ﻣﻬﺮﺓ ﺗﺴﺘﺎﻫﻠﻴﻦ ﺍﺣﺴﻦ ﻭﺍﺣﺪ ﺟﻤﺎﻝ ﻭﻛﻤﺎﻝ ..
ﻃﺒﻌﺎ ﻫﻲ ﻣﺎﻋﻨﺪﻱ ﺷﻲ ﻭﻳﺎﻫﺎ ﺑﺲ ﻫﻢ ﺗﺤﻨﺺ ﺟﻨﺘﻬﺎ ﻻﻥ ﻣﻮ ﻣﺘﻔﻘﺎﺕ ﻭﻫﻮﺍﻱ ﻣﺸﺎﻛﻞ ..
ﺍﺑﺘﺴﻤﺘﻠﻬﺎ ﻛﺘﻠﻬﺎ ﺍﻭﻝ ﺍﻟﻤﻌﺎﺯﻳﻢ ﻋﻤﺔ ﺍﻧﺖ ﺗﺰﻓﻴﻨﻲ ﺑﻌﺪ ﻫﻬﻬﻪ ..
ﻫﻮ ﻳﺨﺰﺭ ﻭﻋﻴﻮﻧﻪ ﺗﻜﻠﺒﺖ ﻋﺒﺎﻟﻪ ﻣﺴﺆﻭﻝ ﻋﻨﻲ ﻗﻠﻴﻞ ﺍﻟﻮﺟﻮﻟﺔ ..
ﻋﺎﺩ ﻟﺰﻡ ﻣﺮﺗﻪ ﻣﻦ ﻇﻬﺮﻫﺎ ﻭﻃﻠﻌﻮ ...
ﺑﻬﺎﻟﻔﺘﺮﺓ ﺍﺭﻓﺪ ﺧﻄﺐ ﺭﺣﺎﺏ ﻭﺗﺰﻭﺟﻮ ﺑﻤﺪﺓ ﻗﻠﻴﻠﺔ ...
ﻭﻗﻮﺕ ﻋﻼﻗﺘﻲ ﺍﻛﺜﺮ ﺑﺎﺭﻓﺪ ﺣﺘﻰ ﻛﻢ ﻣﺮﺓ ﻳﻮﺻﻞ ﺭﺣﺎﺏ ﻭﻳﺸﻮﻑ ﻋﺎﻃﻒ ﻭﻳﺴﻠﻢ ﻋﻠﻴﻪ ...
ﻭﻫﻮﺍﻱ ﻳﻤﺪﺡ ﺑﻲ ﻋﺎﻃﻒ ...
ﻣﺸﺖ ﺍﻻﻳﺎﻡ ﻧﻔﺴﻬﺎ ﻣﺘﺸﺎﺑﻬﺔ ...
ﺑﺲ ﺑﻘﺖ ﻛﻌﺪﺓ ﺍﻟﺒﻴﺖ ﻭﺍﻟﻜﺂﺑﺔ ﻭﺍﻟﻀﻮﺟﺔ ..
ﻭﺟﺎﻥ ﺍﻟﻮﺿﻊ ﺑﺎﻟﻌﺮﺍﻕ ﻣﻮ ﺯﻳﻦ ﺳﻨﺔ ٢٠١٤ ﻭﺩﺧﻮﻝ ﺩﺍﻋﺶ ..
ﻭﺍﻟﻮﻇﺎﻳﻒ ﺧﺼﻮﺻﺎ ﺑﺎﻟﺒﺼﺮﺓ ﻣﻌﺪﻭﻣﺔ ﻧﺘﺨﺮﺝ ﻭﻧﺴﻔﻂ ﻭﻧﻜﻌﺪ ..
ﺑﺲ ﻭﻋﺪ ﺍﺭﻓﺪ ﻣﺎﻧﺴﺎﻩ ..
ﺑﻴﻮﻡ ﺧﺎﺑﺮﺗﻨﻲ ﺭﺣﺎﺏ ﻛﺎﻟﺖ ﺍﺭﻓﺪ ﻳﻜﻮﻝ ﺗﺮﺩﻳﻦ ﺷﻐﻞ؟
ﺍﻳﻲ ﻟﺞ ﻳﺎﺭﻳﺖ ﺣﺘﻰ ﻟﻮ ﺟﺎﻳﺠﻲ ﻋﺎﺩﻱ ﺍﻟﺸﻐﻞ ﺍﻟﺤﻼﻝ ﺣﻠﻮ ..
ﻭﻟﺞ ﺷﻔﺘﻴﻨﻲ ﻓﻴﻔﻲ ﻋﺒﺪﻩ ﺍﺷﻮ ﺗﺸﻤﺮﻳﻦ ...
ﻫﻬﻬﻪ ﺩﻭﻟﻲ ﻳﻼ ﺻﺪﻙ ﻳﺮﻳﺪﻧﻲ ..
ﺍﻳﻲ ﺍﻧﻄﻲ ﺍﻫﻠﺞ ﺧﺒﺮ ﻟﻮ ﻗﺒﻠﻮ ﺭﻭﺣﻲ ﺍﻻﺣﺪ ﺣﺘﻰ ﺗﺒﺎﺷﺮﻳﻦ ..
ﻻﻥ ﺍﺧﻮ ﻣﻤﻮﺟﻮﺩ ﻭﻫﻮ ﻧﺎﺋﺐ ﻋﻨﻪ ﻳﻌﻨﻲ ﻣﺘﺤﺘﺎﺟﻴﻦ ﻣﻘﺎﺑﻠﺔ ﻭﺩﻭﺧﺔ ..
ﺍﻳﻲ ﻳﺎﺭﻳﺖ .. ﺑﺲ ﺍﻛﻮﻝ ﻟﻌﺎﻃﻒ ﻭﺑﻠﻜﻲ ﻳﻘﺒﻞ ...
ﺍﺟﻪ ﻋﺎﻃﻒ ﻭﺣﺎﺟﻴﺘﻪ ﻭﻗﺒﻞ ..
ﻳﻮﻡ ﺍﻻﺣﺪ ﺍﺧﺬﻧﻲ ﻭﺷﺎﻑ ﺍﺭﻓﺪ ﻭﻭﺻﺎﻩ ﻋﻠﻲ ..
ﺑﻌﺪﻫﺎ ﺍﺧﺬﺗﻲ ﺍﺭﻓﺪ ﻟﻤﻜﺘﺐ ﺑﻲ ﻭﻟﺪ ﺍﺳﻤﻪ ﺣﺴﻦ ..
ﺷﺎﻓﻨﻲ ﻛﻠﻪ ﻭﺍﺧﻴﺮﺍ ﺟﺒﺘﻮ ﻭﺍﺣﺪ ﻳﺴﺎﻋﺪﻧﻲ ﺑﺎﻭﻋﻠﻲ ﻛﻠﻲ ﺭﺡ ﺗﺮﺣﻤﻴﻨﻲ ...
ﺟﺎﻭﺑﻪ ﻣﻬﺮﺓ ﺷﺎﻃﺮﺓ ﻭﺳﺒﻌﻪ ﻭﻻ ﻳﻬﻤﻚ ﺍﻛﻴﺪ ﺣﺘﺸﻴﻞ ﺍﻟﺸﻐﻞ ﻛﻠﻪ ...
ﺑﻌﺪﻫﺎ ﺑﻠﺸﺖ ﻭﺳﺎﻋﺪﻧﻲ ﺣﺴﻦ ﺑﺸﻨﻮ ﻣﻄﻠﻮﺏ ﻣﻨﻲ ﻋﺮﻓﺖ ﻧﻤﻂ ﺍﻟﺸﻐﻞ ...
ﺧﻠﺼﺖ ﻭﺭﺟﻌﺖ ﻟﻠﺒﻴﺖ ﻭﻱ ﺣﻴﺮﺍﻧﻪ ...
ﻛﻠﻔﻪ ﻋﺎﻃﻒ ﻳﻠﺘﺰﻣﻨﻲ ﺧﻂ ﻭﺧﻮﺵ ﻭﻟﺪ ﺣﺒﺎﺏ ...
ﻳﻮﻡ ﺛﺎﻧﻲ ﻗﺮﺭﺕ ﺍﻛﺸﺦ ﻭﺑﻠﺶ ﺍﺧﺬ ﺭﺍﺣﺘﻲ ﻻﻥ ﻣﻮ ﻣﺜﻞ ﺟﺎﻣﻌﺔ ﻭﺯﻱ ﻳﻘﻴﺪ ﻫﻨﺎ ﺗﻨﻮﻳﻊ ﻟﺒﺲ ...
ﻟﺒﺴﺖ ﺗﻨﻮﺭﺓ ﺭﺻﺎﺻﻲ ﻣﺎﻟﺖ ﺍﻟﻜﻠﻴﺔ ..
ﺍﺷﺘﺮﻳﺘﻬﺎ ﺍﺧﺮ ﺷﻲ ..
ﺑﺲ ﺍﺷﻮ ﻛﻮﺓ ﺍﻧﺴﺪ ﺍﻟﺴﺤﺎﺏ ﻟﻠﻨﺺ ﻫﺬﺍ ﻛﻠﻪ ﻣﻦ ﻛﻌﺪﺓ ﺍﻟﺒﻴﺖ ﻭﺍﻻﻛﻞ ..
ﻭﺯﻧﻲ ﺻﺎﻳﺮ ٦٥ ﺩﺑﺪﺑﺖ ﻻﺯﻡ ﺍﻗﻠﻞ ﺍﻛﻞ ..
ﻟﺒﺴﺖ ﺳﺘﺮﺓ ﺍﺳﻮﺩ ﻭﺟﻮﺍﻫﺎ ﻗﻤﻴﺺ ﺍﺑﻴﺾ ﻭﺭﺻﺎﺻﻲ ﻭﺷﺎﻝ ﺍﺣﻤﺮ ..
ﺧﻠﻴﺖ ﺷﻮﻱ ﻛﺤﻞ ﻭﺣﻤﺮﺓ ﻭﻣﻮﺭﺩ ﺧﺪ ..
ﺑﺎﻭﻋﺖ ﻟﻨﻔﺴﻲ ﺑﺎﻟﻤﺮﺍﻳﺔ ..
ﺟﻨﻲ ﻣﻮ ﺭﺍﺣﺔ ﻟﺒﺴﻲ ﻳﺨﺰﻱ !! ﻻ ﻻ ﺍﻧﻲ ﻣﺘﻮﻫﻤﺔ ﺷﺒﻲ ﻟﺒﺴﻲ ﺣﻠﻮ ﻋﺎﺩﻱ ..
ﻃﻠﻌﺖ ﻭﻭﺻﻠﺖ .. ﺳﻠﻤﺖ ﻉ ﺍﻻﻣﻨﻴﺔ ﺑﺎﻟﺒﺎﺏ ﻭﺍﺑﺎﻭﻋﻠﻬﻢ ﻋﻴﻮﻧﻬﻢ ﺗﻠﻮﺏ ﻋﻠﻲ ..
ﺍﺳﺘﺤﻴﺖ ﺑﺲ ﺍﻛﺎﺑﺮ ﻣﺪﺭﻱ ﺍﻗﻨﻊ ﻧﻔﺴﻲ ...
ﻭﺻﻠﺖ ﻭﺍﺟﻪ ﺣﺴﻦ ﺑﻌﺪﻫﺎ ﻭﺍﺷﺘﻐﻠﻨﺎ ﺷﻮﻱ ..
ﺧﺎﺑﺮﻧﻲ ﺍﺭﻓﺪ ﻳﺮﻳﺪﻧﻲ ﺑﻐﺮﻓﺔ ﺍﻟﻤﺪﻳﺮ ..
ﻻﻥ ﺍﻟﻴﻮﻡ ﺍﺟﻪ ﻭﻳﺮﻳﺪ ﻳﺸﻮﻓﻨﻲ ..
ﺑﺪﺍﺧﻠﻲ ﻛﻠﺖ ﻻ ﻫﻼ ﺭﺣﺖ ﻭﺍﻧﻲ ﺍﺩﻋﻲ ﻭﺧﺎﻳﻔﺔ ﻣﺎﻋﺮﻑ ﻣﻦ ﺷﻨﻮ ﺭﻏﻢ ﻣﻤﺴﻮﻳﺔ ﺷﻲ ..
ﺑﺲ ﻣﺠﺮﺩ ﺍﺳﻢ ﻣﺪﻳﺮ ﺍﻟﻪ ﻫﻴﺒﺔ ﻭﻳﺨﻮﻑ ..
ﻓﺘﺖ ﻭﻫﻮ ﻭﺍﺭﻓﺪ ﻣﺪﻧﻜﻴﻦ ﻉ ﻻﺑﺘﻮﺏ ﻛﺪﺍﻣﻬﻢ ..
ﺭﻓﻊ ﺭﺍﺳﻪ ﻭﺣﺎﺟﺒﻪ ﻭﻳﺎ ﻣﺮﻓﻮﻉ ﻭﻳﺒﺎﻭﻉ ﺑﻘﺮﻑ ..
ﺳﻠﻤﺖ ﻭﺭﺩﻭ ﻋﻠﻲ ..
ﺩﺧﻠﺖ ﻭﺣﺎﺟﺎﻧﻲ ﻋﺒﺎﻟﻚ ﻋﻨﺪﻩ ﻃﺎﻟﺐ ﻭﻳﺎﻣﺮ ﺑﻲ ..
ﻣﻴﺮﻳﺪ ﺗﺎﺧﻴﺮ ﻭﻳﺮﻳﺪ ﺟﺪﻳﺔ ﺑﺎﻟﺸﻐﻞ ..
ﺷﺎﻓﻨﻲ ﻛﺎﻋﺪﻩ ﺍﻋﺰﻑ ﻋﻮﺩ ﻳﻤﻜﻦ ﻫﻪ ...
ﺑﻌﺪﻫﺎ ﻛﺎﻝ ﻭﻗﻌﻲ ﻉ ﺍﻟﻌﻘﺪ ..
ﺍﺧﺬﺕ ﺍﻟﻮﺭﻗﺔ ﻭﻗﻌﺖ ﻭﺍﺳﺘﺄﺫﻧﺖ ...
ﺳﺪﻳﺖ ﺍﻟﺒﺎﺏ ﻭﺭﺍﻱ ﺍﺳﻤﻌﻪ ﻳﻜﻮﻝ ﻻﺭﻓﺪ ..
ﻣﻨﻴﻦ ﺟﺎﻳﺒﻬﺎ ﻫﺎﻱ ﺻﺪﻙ ﺟﺬﺏ ..
ﺟﻨﻬﺎ ﺭﺍﻗﺼﺔ ﺗﻤﺸﻲ ﻭﺗﻬﺰ ﻭﺗﻤﻂ ﺑﺤﺠﻴﻬﺎ .. ﺍﻱ ﺧﻠﻞ ﻳﺼﻴﺮ ﺑﺴﺒﺒﻬﺎ ﺍﻧﺖ ﺍﻟﻤﺴﺆﻭﻝ ....
ﻟﻠﺤﻜﺎﻳﺔ ﺑﻘﻴﺔ غدا بنفس الموعد
ﺑﻘﻠﻢ ﺷﻘﺮﺍﺀ ( ﻗﻤﺮ ﻛﺎﻧﻮﻥ)
تحياتي
#روووعه
