حين يزهر الحجر..

37

#حين_يزهر_الحجر
٣٧
ﻣﺴﺎﺀ ﺍﻟﺨﻴﺮ
ﺣﻴﻦ ﻳﺰﻫﺮ ﺍﻟﺤﺠﺮ
ﺍﻟﺠﺰﺀ ٣٧
ﺑﻘﻴﺖ ﺍﻧﺘﻈﺮ ﻭﺗﺬﻛﺮﺕ ﺍﻭﻝ ﻣﺮﺓ ﻣﻦ ﺑﻘﻴﻨﺎ ﻧﻨﺘﻈﺮ ﺍﻧﻲ ﻭﺷﺠﺎﻉ ..
ﺍﺑﺘﺴﻤﺖ ﻟﺤﻤﺎﺳﻪ ﺑﻮﻗﺘﻬﺎ ﻭﺷﻜﺪ ﻛﺎﻥ ﻣﺘﻠﻬﻒ ...
ﺗﻘﺮﺑﺖ ﻭﺷﻠﺘﻪ ﻣﻦ ﺷﻔﺖ ﺍﻟﻨﺘﻴﺠﺔ ﺍﺭﺗﺎﺣﻴﺖ ...
ﺻﺢ ﻫﻮ ﺭﺯﻕ ﻭﻣﺤﺪ ﻣﺎﻳﺘﻤﻨﻰ ﻳﺼﻴﺮ ﻋﻨﺪﻩ ﺍﻃﻔﺎﻝ ..
ﺑﺲ ﻣﻮ ﻭﻗﺘﻪ ﻫﺴﻪ ﻫﻢ ﺍﺑﻨﻲ ﺻﻐﻴﺮ ﻭﻫﻢ ﻣﺸﺎﻛﻞ ..
ﺍﺫﺍ ﺍﺟﻪ ﺍﻟﻄﻔﻞ ﺑﻬﺎﻟﻮﻛﺖ ﺍﻧﺸﻐﻞ ﻭﺳﺎﻋﺘﻬﺎ ﻳﻤﻜﻦ ﺗﺴﻮﺀ ﻋﻼﻗﺘﻨﺎ ﺍﻛﺜﺮ ...
ﺷﻠﺖ ﺍﻻﺧﺘﺒﺎﺭ ﻭﺭﻛﺰﺕ ﺑﻲ ﻋﺪﻝ ..
ﺗﺄﻛﺪﺕ ﺑﺲ ﺧﻂ ﻭﺍﺣﺪ ﻳﻌﻨﻲ ﻣﺎﻛﻮ ﺣﻤﻞ ...
ﺫﺑﻴﺘﻪ ﻭﻏﺴﻠﺖ ﺍﻳﺪﻳﻪ ﻭﻃﻠﻌﺖ ...
ﺷﻔﺖ ﺷﺠﺎﻉ ﻉ ﺍﻟﺴﺮﻳﺮ ﻭﺯﻳﻮﻧﻲ ﺑﺤﻀﻨﻪ ..
ﻟﺒﺴﺖ ﺍﻟﺸﺎﻝ ﻭﻧﺰﻟﺖ ..
ﺷﻔﺖ ﺭﺣﺎﺏ ﻣﻜﻤﻠﺔ ﺍﻟﻐﺪﺍ ﻛﺎﻟﺖ ﻳﻼ ﺗﻐﺪﻭ ﻭﺭﻭﺣﻮ ﺗﻌﺎﺗﺒﻮ ...
ﻫﻬﻪ ﺍﻱ ﻳﻼ ﺧﻞ ﻧﺤﻀﺮ ...
ﺷﻠﻮﻧﻪ ﺍﻟﻨﻮﻧﻮ ﺧﻮ ﻣﺎﺗﻌﺒﺎﻧﺔ؟
ﻻ ﺛﺎﻧﻲ ﺣﻤﻞ ﻛﻠﺶ ﻣﻮ ﻣﺜﻞ ﺍﻻﻭﻝ ...
ﺑﺎﻻﻭﻝ ﻛﻠﺸﻲ ﻣﺘﻌﺐ ..
ﻫﺴﻪ ﺍﻟﺤﻤﺪﻟﻠﻪ ﺍﺣﺴﻦ ..
ﺻﺪﻙ ﻭﻟﺞ ﺳﻮﻳﺖ ﺍﻻﺧﺘﺒﺎﺭ ﻃﻠﻊ ﻣﺎﻛﻮ ﺣﻤﻞ ..
ﻳﺎﺍ ﻟﻌﺪ ﻛﺎﻃﻌﺘﺞ ﻻﻥ ﺗﺮﺿﻌﻴﻦ ..
ﺻﺤﻴﺢ ﻋﻔﻴﺔ ﺍﻣﻲ ﺍﺗﺬﻛﺮ ﺣﺠﺖ ﻓﺪ ﻣﺮﺓ ﻫﻴﺠﻲ ...
ﺍﻱ ﺍﻛﻴﺪ ﺑﺲ ﺭﻭﺣﻲ ﺭﺍﺟﻌﻲ ﻭﺗﺎﻛﺪﻱ ﺍﺣﺴﻨﻠﺞ ...
ﺍﻱ ﺍﻧﺸﺎﻟﻠﻪ ﺍﺭﻭﺡ ...
ﺗﻐﺪﻳﻨﺎ ﻭﺧﻠﺼﻨﺎ ﺷﻐﻞ ﺍﻧﻲ ﻭﺭﺣﺎﺏ ...
ﺻﻌﺪﺕ ﻟﻠﻐﺮﻓﺔ ﻟﻜﻴﺘﻪ ﻳﻬﺰﺯ ﺑﺰﻳﻮﻧﻲ ﺑﺤﻀﻨﻪ ..
ﺑﺲ ﺩﺧﻠﺖ ﻛﺎﻝ .. ﺯﻳﻦ ﺍﺟﻴﺘﻲ ﺧﻄﻴﺔ ﺟﺎﻉ ﻭﻧﻌﺲ ..
ﺍﻱ ﻫﻮ ﺍﺫﺍ ﺟﻮﻋﺎﻥ ﻣﻴﻨﺎﻡ ..
ﺭﺣﺖ ﺍﺧﺬﺗﻪ ﻣﻨﻪ ﻭﻫﻮ ﻣﺴﺒﻞ ﻋﻴﻮﻧﻪ ﻭﺣﺮﻛﺎﺗﻪ ﻣﻔﻀﻮﺣﺔ ..
ﻛﻌﺪﺕ ﻉ ﺍﻟﻜﺮﺳﻲ ﻭﺧﻠﻴﺘﻪ ﺑﺤﻀﻨﻲ ﻭﺧﻠﻴﺘﻪ ﻳﺮﺿﻊ ...
ﻫﻮ ﻛﺎﻋﺪ ﻛﺪﺍﻣﻲ ﻭﻓﻮﻧﻪ ﺑﻴﺪﻩ ..
ﻛﻞ ﺷﻮﻱ ﻳﺪﻳﺮ ﻋﻴﻨﻪ ﻋﻠﻴﻪ ﻭﻳﺮﺟﻊ ﻳﺒﺎﻭﻉ ﺑﺎﻟﻔﻮﻥ ..
ﺑﺴﻴﻄﺔ ﺍﻻ ﺍﺣﺮﻣﺴﻚ ﻭﺍﻃﻠﻊ ﻛﺘﻠﺘﻲ ﻣﻦ ﻋﻴﻨﻚ ..
ﻧﺎﻡ ﺯﻳﻮﻧﻲ ﻭﺣﻄﻴﺘﻪ ﺑﺴﺮﻳﺮﺓ ...
ﺍﺧﺬﺗﻠﻲ ﺛﻮﺏ ﻗﺼﻴﺮ ﻭﺭﺑﻊ ﺭﺩﻥ ﻭﺭﺩﻱ ..
ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺑﺪﻟﺖ ﺍﺟﻴﺖ ﺗﻤﺪﺩﺕ ...
ﻫﻮ ﺫﺏ ﺍﻟﻔﻮﻥ ﻭﺍﻧﺪﺍﺭ ﻋﻠﻴﻪ ...
ﺑﻘﻰ ﻳﺒﺎﻭﻉ ﻭﺍﻧﻲ ﺳﺎﻛﺘﻪ .. ﻫﺎﻟﺤﺠﻲ ﻋﻮ ﻛﺎﻋﺪ ﻭﺍﻧﻲ ﻣﺘﻤﺪﺩﺓ ...
ﺗﺎﻟﻲ ﻛﺎﻝ ﺑﻌﺪﺝ ﺯﻋﻼﻧﺔ؟
ﺗﻤﻄﻴﺖ ﻭﻛﺘﻠﻪ ﺑﻌﺪﻳﻦ ﻧﺤﺠﻲ ﻧﻌﺴﺎﻧﺔ ...
ﻫﻮ ﺍﻋﺮﻓﻪ ﻣﺎﻳﺘﻨﺎﺯﻝ ..
ﻧﻔﺦ ﻛﺎﻝ ﺑﺮﺍﺣﺘﺞ ...
ﺍﻧﻄﻴﺘﻪ ﻇﻬﺮ ﻭﻏﻤﻀﺖ .. ﻣﺎﻛﻨﺖ ﻧﻌﺴﺎﻧﺔ ﻏﻤﻀﺖ ﻫﻴﺞ ﺣﺘﻰ ﺍﺭﻳﺢ ﻋﻴﻮﻧﻲ ...
ﺑﻘﻰ ﻛﻞ ﺷﻮﻳﻪ ﻳﺘﺤﺮﻙ ﻭﻳﻄﺨﻨﻲ ...
ﻭﻛﻞ ﻣﻴﻄﺨﻨﻲ ﺍﻧﺰ ... ﺍﺧﺮ ﺷﻲ ﻃﺨﻨﻲ ﺑﺲ ﻣﺘﺤﺮﻛﺖ ...
ﻫﻮ ﻋﺒﺎﻟﻪ ﻏﻔﻴﺖ ...
ﺟﺮﻧﻲ ﻭﺻﺮﺕ ﺑﺤﻈﻨﻪ ﻛﻠﺶ ...
ﺍﺷﺘﺎﻗﻴﺖ ﻟﻘﺮﺑﻪ ﻫﻮﺍﻱ ﺻﺎﺭﻟﻲ ﻣﺤﺮﻭﻣﻪ ﻣﻦ ﺣﻀﻨﻪ ...
ﺑﺲ ﻣﺎﺭﻳﺪ ﺍﺿﻌﻒ ﻻﺯﻡ ﺍﺗﺤﻤﻞ ...
ﺣﻂ ﺷﻔﺘﻪ ﺑﺮﻛﺒﺘﻲ ﻭﻳﺒﻮﺱ ﺧﻔﻴﻒ ﺣﺘﻰ ﻻ ﻳﻔﺰﺯﻧﻲ ﻋﻮﺩ ...
ﺻﺮﺕ ﺑﺤﻀﻨﻪ ﺍﻛﺜﺮ ﻭﺣﺴﻴﺘﻪ ﺍﻧﺘﻬﻰ ﻭﺍﻧﻲ ﺍﻧﺘﻬﻴﺖ ﺑﺲ ﻻﺯﻡ ﺍﻗﺎﻭﻡ ...
ﺳﻮﻳﺖ ﻧﻔﺴﻲ ﻓﺰﻳﺖ ﻣﻦ ﺍﻟﻨﻮﻡ ...
ﺟﺮﻳﺖ ﻧﻔﺴﻲ ﻣﻦ ﺣﻀﻨﻪ ﻭﻛﻌﺪﺕ ﻟﺤﻴﻠﻲ ...
ﻫﻮ ﺑﻘﻰ ﻳﻨﻔﺦ ..
ﻋﺎﻓﻨﻲ ﻭﻛﺎﻡ ...
ﺑﻘﻴﺖ ﺑﻤﻜﺎﻧﻲ .. ﻭﺭﺍ ﺷﻮﻳﺔ ﻃﻠﻊ ﻣﻦ ﺍﻟﺤﻤﺎﻡ ...
ﺣﻀﺮﻳﻠﻲ ﺩﺷﺪﺍﺷﺔ ﻋﻨﺪﻱ ﺍﻟﻴﻮﻡ ﺭﻭﺣﺔ ﻟﻠﻌﻤﺎﺭﺓ ...
ﺷﻠﻮﻥ ﺷﻌﻨﺪﻙ ! ﺣﺠﻴﺘﻬﺎ ﺑﻼ ﻣﺎﺣﺲ ...
ﻭﺍﻛﻒ ﻳﺠﻔﻒ ﺑﺸﻌﺮﻩ ﻭﻳﺤﺠﻲ ...
ﺟﺪﺓ ﻓﻠﻴﺤﺔ ﺭﺍﻳﺤﺔ ﻟﺨﺎﻟﻲ ﻫﻨﺎﻙ ﻻﻥ ﺟﺎﻧﺖ ﻣﺮﻳﻀﺔ ...
ﻭﺍﺭﻳﺪ ﺍﺟﻴﺒﻬﺎ ﻳﻤﻨﺎ ...
ﻛﻞ ﺍﻟﻬﻼ ﺑﻴﻬﺎ ...
ﻛﻤﺖ ﻃﻠﻌﺖ ﺩﺷﺪﺍﺷﺘﻪ ﻭﺧﻠﻴﺘﻬﺎ ﻉ ﺍﻟﺴﺮﻳﺮ ﻭﻏﻴﺎﺭﺍﺕ ﺑﺼﻔﻬﺎ ...
ﻭﻛﻒ ﻛﺪﺍﻣﻲ ﻭﺫﺏ ﺍﻟﺨﺎﻭﻟﻲ ﻭﻳﻠﺒﺲ ...
ﺩﻧﻜﺖ ﻋﻨﻪ ﻭﻫﻮ ﻳﺼﻔﺮ ﻭﻳﻠﺒﺲ ...
ﻛﺸﺦ ﻭﺗﺮﺗﺐ ﻭﺗﻌﻄﺮ .. ﺑﺎﻭﻋﺘﻠﻪ ﻗﻠﺒﻲ ﺭﺟﻒ ..
ﺷﻜﺪ ﺻﻮﻣﺎﻟﻲ ﻭﻣﻌﻄﺐ ﺑﺲ ﺷﺎﻳﻞ ﻭﺳﺎﻣﺔ ﺗﻔﺮ ﺍﻛﺒﺮ ﻭﺣﺪﺓ
ﺷﻔﺘﻪ ﻃﻠﻊ ﺍﻟﻌﻼﺝ ﻭﺷﺮﺏ ..
ﺑﺎﻻﻭﻝ ﻣﺎﺭﺩﺕ ﺍﺳﺄﻟﻪ ﺑﺲ ﻗﻠﺒﻲ ﻣﺎﻧﻄﺎﻧﻲ ...
ﻛﺘﻠﻪ ﺷﻨﻮ ﻫﺬﺍ ﺍﻟﻌﻼﺝ؟
ﺍﻟﺘﻬﺎﺏ ﺻﺎﺭ ﻋﻨﺪﻱ ﺑﺪﺑﻲ ﻭﺗﺤﺴﻨﺖ ﻻ ﺗﻬﻤﻴﻦ ...
ﻛﻠﺖ ﺍﻻ ﺍﺑﻮﻙ ﺟﻜﺎﻳﺮﻩ ...
ﻳﻌﻨﻲ ﺻﺪﺭﻩ ﻭﻳﻜﺢ ﻭﻳﺪﺧﻦ ...
ﺍﺣﺘﺎﺭﻳﺖ ﺳﺸﻮﻱ ﻫﻦ ﻉ ﻣﻴﺰ ﺑﻌﺪﻩ ﻣﺎﺧﺬﻫﻦ ...
ﺣﺎﻭﻟﺖ ﺍﻟﻜﻰ ﻓﺮﺻﺔ ﻣﻜﺪﺭﺕ ...
ﻛﻠﺖ ﺧﻞ ﻳﺮﺟﻊ ﺑﺴﻴﻄﺔ ...
ﺭﺍﺡ ﻟﺴﺮﻳﺮ ﺯﻳﻮﻧﻲ ﺑﺎﺳﻪ ..
ﻭﺗﻘﺮﺏ ﻳﻤﻲ ﻛﺎﻝ ﻭﺩﺍﻋﺔ ﺍﻟﻠﻪ ...
ﺑﻼ ﻣﺎﺑﺎﻭﻉ ﻛﺘﻠﻪ ﺍﻟﻠﻪ ﻭﻳﺎﻙ ...
ﺟﺮ ﺭﺍﺳﻲ ﻭﺑﺎﺳﻨﻲ ﺑﻴﻦ ﻋﻴﻮﻧﻲ ﻭﻃﻠﻊ ...
ﺍﺩﻋﻲ ﺑﺲ ﻛﻮﻥ ﺍﻗﺎﻭﻡ ﻭﻣﺎﺍﺿﻌﻒ ...
ﻻﻥ ﺍﺣﺒﻪ ﻭﺷﻜﺪ ﻣﺎﻛﻨﺖ ﻧﺎﻭﻳﺔ ﺍﻋﺬﺑﻪ ﻣﺎﻛﺪﺭ ...
ﺑﺲ ﻻﺯﻡ ﻳﻜﻮﻧﻠﻪ ﺩﺭﺱ ﺣﺘﻰ ﻳﺒﻄﻞ ﻭﺣﺸﻴﺔ ...
ﺳﺎﻋﺔ ﺑﺎﻟﺘﺴﻌﺔ ﺑﺎﻟﻠﻴﻞ ﻭﺻﻠﻮ ...
ﺍﺳﺘﻘﺒﻠﻨﺎﻫﺎ ﺧﻄﻴﺔ ﺗﻌﺒﺎﻧﺔ ..
ﺻﺒﻴﻨﺎ ﺍﻛﻞ ﻭﺍﻛﻠﻮ .. ﻛﺎﻟﺖ ﺧﻠﻨﻲ ﺍﻧﺎﻡ ﺟﺪﺓ ...
ﻣﺘﺖ ﻣﻦ ﺍﻟﻄﺮﻳﻖ ﺻﺎﺭﺕ ﺑﻴﺔ ﺳﻬﺒﺔ ...
ﺍﺧﺬﺗﻬﺎ ﻟﻠﻐﺮﻓﺔ ﺗﻤﺪﺩﺕ ﻭﻏﻄﻴﺘﻬﺎ .:
ﺭﺩﺕ ﺍﻃﻠﻊ ﻛﺎﻟﺖ ..
ﺟﺪﺓ ﻣﻬﺮﺓ ﻋﻠﻴﺶ ﻣﺘﻌﺒﺔ ﺯﻟﻤﺘﺞ ...
ﺧﺎﻳﺒﺔ ﻣﻦ ﺟﺎﻧﻲ ﻫﻨﺎﻙ ﻋﻴﻮﻧﻬﻦ ﺗﺸﻮﻫﺮ ﻋﻠﻲ ..
ﻭﺣﺪﺗﻬﻢ ﻋﺎﻳﺰ ﺗﻤﻄﻠﻪ ﻭﺗﺤﺒﻪ ...
ﺍﻧﻲ ﻣﻦ ﻛﺎﻟﺖ ﻫﻴﺞ ﺧﻔﺖ ..
ﻛﺘﻠﻬﺎ ﺷﻌﻨﺪﻱ ﻏﻴﺮﻩ ﺑﻴﺒﻲ ﻻ ﺗﻔﻜﺮﻳﻦ ﺑﻴﻨﺎ ﺍﺭﺗﺎﺣﻲ ، ..
ﻃﻔﻴﺘﻠﻬﺎ ﺍﻟﻀﻮﺍ ﻭﻃﻠﻌﺖ ...
ﺍﻟﺤﺠﻲ ﻭﺍﻟﺤﺠﻴﺔ ﺭﺍﺣﻮ ﻟﻐﺮﻓﺘﻬﻢ ﻭﺑﻴﺖ ﺍﺭﻓﺪ ﻫﻢ ...
ﺑﺲ ﺷﺠﺎﻉ ﺑﺎﻟﺼﺎﻟﺔ ﻛﺎﻋﺪ ﻳﻠﻌﺐ ﺯﻳﻮﻧﻲ ...
ﺷﺎﻓﻨﻲ ﺍﺟﻴﺖ ﻛﺎﻝ ..
ﻫﺎ ﺧﻠﺼﺘﻲ؟
ﺍﻱ ﻟﻴﺶ؟ﺣﺠﻴﺘﻬﺎ ﺑﺨﻮﻑ ﻻﻥ ﻗﺒﻞ ﺍﻭﻝ ﺳﺆﺍﻝ ﻳﺴﺎﻟﻪ ﻫﺬﺍ ﻣﻦ ﺍﺣﺴﻪ ﻣﺤﺘﺎﺟﻨﻲ ...
ﻛﺎﻝ ﺣﺘﻰ ﺗﺎﺧﺬﻳﻦ ﺯﻳﻮﻧﻲ ﻻﻥ ﺍﻧﻲ ﻧﻌﺴﺎﻥ ﻭﺗﻌﺒﺎﻥ ﻣﻦ ﺍﻟﻄﺮﻳﻖ ...
ﺍﻱ ﺟﻴﺒﻪ ...
ﻻ ﺻﻌﺪﻱ ﺍﻧﻲ ﺍﺻﻌﺪﻩ ...
ﺻﻌﺪﺕ ﺭﻛﺾ ﻛﺪﺍﻣﻪ ﺣﺘﻰ ﺍﺧﻠﺺ ﻣﻦ ﺷﺮﻩ ...
ﺍﺧﺬﺕ ﺯﻳﻮﻧﻲ ﻭﻛﻌﺪﺕ ﺑﺎﻻﺭﺽ ﻭﻓﺘﺤﺖ ﺍﻟﻔﻮﻥ ﻻﻥ ﻣﺘﺎﺑﻌﺔ ﻗﺼﺔ .. ،
ﻟﻜﻴﺖ ﺑﺮﻧﺎﻣﺞ ﺑﺲ ﻗﺼﺺ ﻭﺑﻠﺸﺖ ﺍﺗﺎﺑﻊ ﻫﻮﺍﻳﻪ ﺣﻠﻮﺍﺕ ...
ﻫﻮ ﺗﻤﺪﺩ ﻉ ﺍﻟﺴﺮﻳﺮ ﻭﺭﺍ ﺷﻮﻱ ﺍﻧﺘﺒﻬﺘﻠﻪ ﻧﺎﻡ ...
ﺍﻧﻲ ﺑﻘﻴﺖ ﻟﺤﺪ ﻣﺎﻧﺎﻡ ﺯﻳﻮﻧﻲ ﺳﺪﻳﺖ ﺍﻟﻔﻮﻥ ﻭﻧﻤﺖ ..
ﺑﺲ ﻛﻞ ﺷﻮﻱ ﺍﺣﺲ ﺑﻲ ﻳﻜﺢ ..
ﻳﻌﻨﻲ ﻧﻮﻣﺘﻪ ﻣﺘﻘﻄﻌﺔ ﺻﺎﺭﺕ ..
ﻭﻛﻞ ﻣﻴﻔﺰ ﻳﻜﺢ ﻭﻳﺮﺟﻊ ﻳﻨﺎﻡ ﻳﺠﺮﻧﻲ ﻟﺤﻀﻨﻪ ﻭﺍﻧﻲ ﻣﻜﻴﻔﺔ ﺑﺤﺠﺔ ﻧﺎﻳﻤﺔ ...
ﻳﻮﻡ ﺛﺎﻧﻲ ﻛﻌﺪﺕ ﺳﻮﻳﺘﻠﻪ ﺭﻳﻮﻙ ﻭﺭﺍﺡ ﺑﺲ ﺍﺳﻠﻮﺑﻨﺎ ﺭﺳﻤﻲ ﻳﻌﻨﻲ ﺛﻨﻴﻨﺎ ﻧﺘﺼﺮﻑ ﻏﺼﺐ ﻋﻨﺎ ...
ﺍﻧﺘﻈﺮﺗﻪ ﻳﺠﻲ ﻭﺍﺗﻐﺪﺍ ﻭﻳﺎ ﻻﻥ ﺑﻴﺒﻲ ﻓﻠﻴﺤﺔ ﺗﻐﺪﺕ ﻭﻳﺎﻫﻢ ...
ﻭﻫﻢ ﻣﺎﻟﻬﺎ ﺣﻴﻞ ﺑﻘﺖ ﻣﺘﻤﺪﺩﺓ ﺗﻌﺒﺎﻧﺔ ﻛﻠﺶ ...
ﺍﺟﻪ ﺗﻐﺪﺍ ﻭﺍﺧﺬ ﺯﻳﻮﻧﻲ ﻭﻛﻌﺪ ﻳﻢ ﺑﻴﺒﻲ ﻓﻠﻴﺤﺔ ...
ﺍﻧﻲ ﻛﻤﻠﺖ ﺍﻟﻤﻮﺍﻋﻴﻦ ﻭﺍﺧﺬﺕ ﺍﻟﺠﺎﻱ ﺷﺮﺏ ﻭﻱ ﺑﻴﺒﻲ ...
ﺑﻌﺪﻫﺎ ﺗﺮﺧﺺ ﻣﻨﻬﺎ ﻭﺻﻌﺪ ..
ﺻﻌﺪﺕ ﻟﻜﻴﺘﻪ ﻣﺘﻤﺪﺩ ﻭﺯﻳﻮﻧﻲ ﻉ ﺻﺪﺭﻩ ...
ﻣﻦ ﺩﺧﻠﺖ ﺍﺷﺮﻟﻲ ﺍﻭﺷﺶ ..
ﻋﺮﻓﺖ ﺯﻳﻮﻧﻲ ﻧﺎﻳﻢ ..
ﺗﻘﺮﺑﺖ ﺍﺧﺬﺕ ﻭﺣﻄﻴﺘﻪ ﺑﺴﺮﻳﺮﻩ ...
ﻛﺎﻝ ﺑﺼﻮﺕ ﻧﺎﺻﻲ ...
ﺍﺫﺍ ﺧﻠﺼﺘﻲ ﺗﻌﺎﻱ ...
ﺍﻱ ﻫﺴﻪ ...
ﺭﺣﺖ ﻏﺴﻠﺖ ﻭﻟﺒﺴﺖ ﺑﺮﻣﻮﺩﺍ ﻣﺨﻄﻄﻪ ﻭﺑﺪﻱ ﺍﺣﻤﺮ ﺭﺑﻊ ﺭﺩﻥ ...
ﺍﺟﻴﺖ ﻛﻌﺪﺕ ﻉ ﺍﻟﺴﺮﻳﺮ ﻭﻫﻮ ﻛﻌﺪ ...
ﺍﻧﺘﺒﻬﺖ ﺑﺼﻔﺤﺔ ﻋﻠﺒﺔ ﺑﻴﻀﻪ ﻣﺎﻟﺖ ﺫﻫﺐ ..
ﺟﺮﻫﺎ ﻭﻓﺘﺤﻬﺎ .. ﻃﻠﻌﻠﻲ ﻣﺤﺒﺲ ﻓﻀﻲ ﻭﺑﻲ ﻟﺆﻟﺆﺓ ﺑﻴﻀﺔ ...
ﺟﺮ ﺍﺻﺒﻌﻲ ﻭﻟﺒﺴﻨﻲ ..
ﺷﻮﻱ ﻛﺒﻴﺮ ..
ﺟﺮ ﺍﻟﻮﺳﻄﺎﻧﻲ ﻭﻟﺒﺴﻨﻲ ﺻﺎﺭ ﺗﻤﺎﻡ ..
ﺑﺎﻭﻉ ﻻﻳﺪﻱ ﻛﺎﻝ ﺣﺘﻰ ﻣﺤﺒﺴﺞ ﻣﻮ ﺭﺍﺣﺔ
ﺍﻧﻲ ﺑﺎﻭﻋﺘﻠﻪ ﺑﻨﻈﺮﺍﺕ ﻋﻮﺩ ﺻﺎﻳﺮ ﻟﻮﺗﻲ ..
ﻫﻮ ﺍﺑﺘﺴﻢ ﻛﺎﻝ ﻋﺠﺒﺞ؟
ﻛﻞ ﻣﻤﻴﺰ ﻭﺣﻠﻮ .. ﺣﺠﻴﺘﻬﺎ ﺑﺜﻜﻞ ..
ﺗﺴﺘﺎﻫﻠﻴﻦ ﺍﻛﺜﺮ .. ﺑﺲ ﻣﻜﺎﻧﻪ ﻣﺎﻋﺠﺒﻨﻲ ..
ﺍﺧﺬﻩ ﻟﺼﺎﻳﻎ ﻳﺼﻐﺮﻩ ﺍﻟﺞ ﺣﺘﻰ ﻳﺼﻴﺮ ﺑﺎﻟﺒﻨﺼﺮ ...
ﻟﻴﺶ ﺻﺎﻳﻎ ﺷﻨﻮ ﻫﻮ ﺫﻫﺐ ﺍﺑﻴﺾ ؟
ﻻ ﺍﻟﻤﺎﺱ ﻫﺬﺍ ﻭﺍﻟﺪﺍﻧﺔ ﺍﻟﺒﻲ ﺍﺻﻠﻴﺔ ﻭﺍﺻﻴﻠﺔ ﻣﺜﻠﺞ ...
ﺍﻧﻲ ﺩﺭﺕ ﻭﺟﻬﻲ .. ﺩﺍﺭﻩ ﻋﻠﻴﻪ ﻭﻛﺎﻝ ..
ﻟﻴﻤﺘﻰ ﺗﺒﻘﻴﻦ ﻫﻴﺞ ﻣﺠﺎﻓﻴﺘﻨﻲ؟
ﺣﺠﻴﺘﻬﺎ ﺑﺤﺰﻥ .. ﻣﺎﻋﺮﻑ ﺑﺲ ﺍﺫﻳﺘﻨﻲ ﻫﻮﺍﻱ ...
ﺍﻋﺮﻑ ﺍﺫﻳﺘﺞ ﺑﺲ ﺛﻨﻴﻨﺎ ﺍﺫﻳﻨﺎ ﺑﻌﺾ ...
ﺍﻧﻲ ﺗﻌﺮﻓﻴﻨﻲ ﺍﻓﻘﺪ ﺍﻋﺼﺎﺑﻲ ﻭﺭﺍﺩ ﺗﻴﻨﻲ ﺑﻮﻛﺘﻬﺎ ﺟﻨﺖ ﺍﻋﺼﺎﺑﻲ ﺗﻠﻔﺎﻧﺔ ..
ﺗﺠﻤﻌﺖ ﻛﻠﺸﻲ ﻋﻠﻴﻪ ﺑﻴﻮﻣﻬﺎ ...
ﻭﺭﻏﻢ ﻫﺬﺍ ﺗﺤﻤﻠﺘﺞ ﺑﺲ ﻣﻦ ﻛﺘﻴﻠﻲ ﺗﻠﻌﺐ ﻧﻔﺴﻲ ﺣﺮﮔﺘﻲ ﻛﻠﺒﻲ ﻭﺍﻋﺼﺎﺑﻲ ...
ﻣﻮ ﻗﺼﺪﻱ ﺗﻌﺮﻑ ﺑﻴﻪ ..
ﺑﺴﺎﻋﺔ ﺍﻟﻌﺼﺒﻴﺔ ﺍﻓﻜﺮ ﺑﻘﺼﺪ ﻟﻮ ﻣﻮ ﻗﺼﺪ ..
ﺗﺨﻴﻠﻲ ﺍﻧﻲ ﺍﻛﻠﺞ ﺗﻠﻌﺐ ﻧﻔﺴﻲ ﻣﻨﺞ؟ﺗﻘﺒﻠﻴﻬﺎ؟
ﻣﺎﻗﺒﻠﻬﺎ ﺑﺲ ﻣﺎ ﺍﻫﺠﻢ ﻋﻠﻴﻚ ﻣﺜﻞ ﻣﻬﺠﻤﺖ ﻋﻠﻴﻪ ...
ﺷﺠﺎﻉ ﺍﻧﺖ ﺗﺨﻮﻑ ﻭﻛﻠﺘﻬﺎ ﺍﻟﻚ ﻗﺒﻞ ...
ﺍﻧﺖ ﻗﺎﺳﻲ ﻭﻣﻦ ﺗﻠﺰﻡ ﺍﻟﺒﺸﺮ ﻣﺎﺗﺮﺣﻤﻪ ...
ﻣﻬﺮﺗﻲ ﺍﻧﻲ ﺍﻋﺘﺮﻑ ﻭﺍﻭﻝ ﻣﺮﺓ ﺍﺣﺠﻴﻬﺎ ...
ﺑﺲ ﺍﻧﻲ ﺍﺫﺍ ﺗﻌﺼﺒﺖ ﻣﺎﺣﺲ ﺑﺮﻭﺣﻲ ...
ﻣﻮ ﻣﻦ ﻫﺴﻪ ﻣﻦ ﺻﻐﺮﻱ ...
ﺯﻳﻦ ﻫﺬﺍ ﻛﻠﻪ ﺗﺮﻛﻪ .. ﻟﻴﺶ ﺗﺨﻠﻴﻨﻲ ﺍﻋﺮﻑ ﻋﻨﻚ ﻭﻋﻦ ﻣﺎﺿﻴﻚ ﻣﻦ ﺍﻟﻐﺮﻳﺐ ...
ﺣﺒﻴﺒﻲ ﺍﻧﻲ ﻣﻴﻬﻤﻨﻲ ﺍﺫﺍ ﺣﻨﺖ ﻣﺴﺠﻮﻥ ﻳﻮﻡ ﻟﻮ ﻋﺸﺮ ﺳﻨﻮﺍﺕ ...
ﻋﺎﺩﻱ ﺍﻟﺤﻴﺎﺓ ﻣﺸﺎﻛﻞ ﻭﺍﻟﺪﻧﻴﺎ ﻏﺪﺍﺭﻩ ..
ﺑﺲ ﺍﻟﻴﻬﻀﻤﻨﻲ ﻏﻔﺮﺍﻥ ﺗﺤﺠﻲ ﺑﺎﻟﻤﻮﺿﻮﻉ ﺑﺸﻤﺎﺗﻪ ﻻﻥ ﺗﻌﺮﻑ ﺍﻧﻲ ﻣﺎﺩﺭﻱ ....
ﻟﻮ ﺑﻮﻗﺘﻬﺎ ﻣﻨﺖ ﺍﺩﺭﻱ ...
ﺍﻋﺮﻑ ﺷﻠﻮﻥ ﺍﺭﺩﻫﺎ ﻭﺍﻓﺸﻠﺘﺎ ﻭﺍﻃﻴﺢ ﺣﻈﻬﺎ ...
ﺷﻔﺘﻪ ﻛﺎﻡ ﻭﻓﺮﻙ ﻭﺟﻬﻪ ﺑﻴﺪﻩ ﺣﻴﻞ ...
ﻃﻠﻊ ﺟﻜﺎﺭﺓ ﻭﺣﻄﻬﺎ ﺑﺤﻠﻜﻪ ...
ﺗﻘﺮﺑﺖ ﺣﺮﻳﺘﻬﺎ ﻣﻨﻪ ...
ﻣﺎﺗﺪﺧﻦ ﻭﺍﻧﺖ ﻣﺮﻳﺾ ...
ﺑﺎﻟﻠﻴﻞ ﻛﻮﺓ ﺗﻨﺎﻡ ﻭﺗﺠﺐ ﺗﺪﺧﻦ ﺷﻨﻮ ﻫﺬﺍ ﺍﻧﺘﺤﺎﺭ ؟
ﻣﺪ ﺍﻳﺪﻩ ﻻﻳﺪﻱ .. ﺟﻴﺒﻲ ﻭﻟﺞ ﻣﺎﻛﺪﺭ ...
ﺟﺮﻳﺘﻬﺎ ﻭﺣﻄﻴﺘﻬﺎ ﺑﺼﺪﺭﻱ ...
ﻣﺎﻧﻄﻴﺘﻬﺎ ﻭﻋﻮﻑ ﺍﻟﺠﻜﺎﻳﺮ ...
ﺣﺴﻴﺖ ﺣﺮﻛﺘﻲ ﺩﻭﺧﺘﻪ ﺷﻮﻳﻪ ﺍﻟﺘﻬﻰ ...
ﺟﺮﻳﺘﻪ ﻣﻦ ﺍﻳﺪﻩ ﻭﻛﺘﻠﻪ ﺗﻌﺎﻝ ..
ﻛﻌﺪﻧﻲ ﺑﺎﻻﺭﺽ ﻧﻔﺲ ﻣﻜﺎﻥ ﻳﻮﻡ ﺍﻟﻌﺮﺱ ..
ﻫﻮ ﺍﺣﺴﻪ ﻣﺘﻮﺗﺮ ﻭﻣﺘﻀﺎﻳﻖ ﺣﻴﻞ ...
ﺍﺧﺬﺕ ﺍﺑﺪﻩ ﻭﻓﺮﻛﺘﻬﺎ ...
ﺷﺠﺎﻉ ﺍﺳﻤﻌﻨﻲ ...
ﺣﺠﻪ ﻭﻫﻮ ﺻﺎﻓﻦ .. ﻛﻮﻟﻲ ...
ﺗﺘﺬﻛﺮ ﻫﺎﻟﻤﻜﺎﻥ؟
ﺍﺑﺘﺴﻢ ﻧﺼﻒ ﺍﺑﺘﺴﺎﻣﺔ ...
ﺍﻱ ﺍﺗﺬﻛﺮﻩ ﻫﻨﺎ ﺍﻭﻝ ﻃﻌﻢ ﻟﻠﺮﺍﺣﺔ ﺿﻜﺘﻪ ..
ﻭﺍﻧﻲ ﻣﺜﻞ ﻣﺎﺿﻮﻛﺘﻚ ﺍﻟﺮﺍﺣﺔ ﻭﺍﻧﻄﻴﺘﻚ ﻛﻠﺸﻲ ﺑﻬﺎﻟﻤﻜﺎﻥ ...
ﺍﺭﻳﺪ ﺗﺮﻳﺤﻨﻲ ﻭﺗﺤﺠﻴﻠﻲ ﻋﻨﻚ ﻛﻠﺸﻲ ﻫﻨﺎ ...
ﺭﻓﻊ ﺍﻳﺪﻩ ﻭﺧﺮ ﺷﻌﺮﻱ ﻣﻦ ﻳﻢ ﻋﻴﻨﻲ ...
ﺻﺎﻳﺮﺓ ﺗﺴﺎﻭﻣﻴﻦ ﺻﺪﻙ ﻣﺤﺎﺳﺒﺔ ﻭﻟﺞ ...
ﻭﻣﻨﻜﻢ ﻧﺴﺘﻔﻴﺪ ﺍﺑﻮ ﺍﻟﻌﻘﻮﺩ ...
ﺧﻠﻴﺖ ﺭﺍﺳﻲ ﻉ ﺭﺟﻠﻪ ﻭﺗﻤﺪﺩﺕ ..
ﻫﺴﻪ ﺍﺣﺠﻴﻠﻲ ﻭﺍﺭﻳﺪ ﺍﺳﻤﻊ ... ﻭﺍﻥ ﻛﺎﻥ ﺫﻛﺮﻯ ﺳﻴﺌﺔ ﺍﺭﻳﺪ ﺍﺷﺎﺭﻛﻚ ﺑﻴﻬﺎ ...
ﻋﺪﻝ ﺣﻮﺍﺟﺒﻲ ﺑﻴﺪﻳﻪ ﻭﺍﻧﻲ ﺍﺑﺎﻭﻋﻠﻪ ..
ﻛﺎﻝ ...
ﺍﻧﺴﺠﻨﺖ ﻣﻦ ﺟﻨﺖ ﻋﻤﺮﻱ ٢٣ ﺳﻨﺔ ..
ﺳﻨﺔ ٩٨ ﺍﻭ ﺑﺪﺍﻳﺔ ٩٩ ...
ﺟﺎﻥ ﻋﻨﺪﻱ ﻧﺸﺎﻁ ﺩﻳﻨﻲ ...
ﺣﺴﻴﺘﻪ ﻳﺮﻳﺪ ﻳﻨﻔﺠﺮ ﻛﻮﺓ ﻳﺴﻮﻟﻒ ...
ﻛﻤﺖ ﻛﻌﺪﺕ ﺑﺤﻀﻨﻪ ...
ﺍﺭﻳﺪ ﺍﻧﺴﻴﻪ ﻭﺍﺑﺮﻩ ﺑﺎﻱ ﺷﻜﻞ ..
ﻻﻥ ﺳﺎﻣﻌﻪ ﻋﻦ ﻫﻴﺞ ﺣﺎﻻﺕ ﻭﺷﻜﺪ ﻳﻌﺎﻧﻮﻥ ...
ﻛﻌﺪﺕ ﻉ ﺭﺟﻠﻪ ﻭﺧﻠﻴﺖ ﺭﺍﺳﻲ ﻉ ﺻﺪﺭﻩ ...
ﻛﻤﻞ ﻳﺮﻭﺣﻲ ﺍﺳﻤﻌﻚ .. ﺍﺻﻼ ﻫﺬﺍ ﻭﺳﺎﻡ ﺷﺮﻑ ﺳﺒﺐ ﺳﺠﻨﻚ ...
ﻋﺼﺮﻧﻲ ﻟﺼﺪﺭﻩ ﻭﻛﺎﻝ ...
ﺑﻘﻴﺖ ﻟﺤﺪ ٢٠٠٢ ﻳﻼ ﻃﻠﻌﺖ ...
ﺟﺎﻧﻦ ﺛﻠﺚ ﺳﻨﻮﺍﺕ ﻭﻧﺺ ﺑﺲ ﺷﻔﺖ ﺍﻟﻤﺮﺭﺭﺭﺭ ....
ﻭﺗﻌﺮﻓﻴﻦ ﻣﻨﻮ ﺍﻟﺬﺑﻨﻲ؟؟؟؟ !
ﺫﺑﻨﻲ ﺧﺎﻟﻲ ﺍﺧﻮ ﺍﻣﻲ ...
ﺟﺎﻥ ﺭﻓﻴﻖ ﺟﺒﻴﺮ ﻭﻳﻄﻴﺮ ﺭﻛﺎﺏ ..
ﺍﻟﻲ ﻣﻦ ﺻﺎﺭﺕ ﺗﺼﻔﻴﺔ ﺍﻟﺤﺰﺑﻴﻴﻦ ﺍﺟﻪ ﻟﺒﺪ ﻳﻤﻨﺎ ..
ﻭﺻﺎﺭﺕ ﻛﺘﻠﺘﻪ ﻉ ﺍﻳﺪ ﻧﺴﻴﺒﻪ ...
ﺣﻀﻨﺘﻪ ﺍﻛﺜﺮ ﻛﺘﻠﻪ .. ﻋﺠﻴﺒﻪ ﻟﻴﺶ ﺧﺎﻟﻚ؟
ﻻﻥ ﺍﺿﺮ ﻣﺼﻠﺤﺘﻪ ..
ﺟﻨﺎ ﻧﺼﻠﻲ ﻭﻧﺰﻭﺭﻭﻋﺪﻧﺎ ﺍﺗﺠﺎﻩ ﺩﻳﻨﻲ ﻣﻦ ﺍﻳﺎﻡ ﺍﻟﺠﺎﻣﻌﺔ ..
ﻭﻫﺎﻟﺸﻲ ﻣﺎﻳﺼﺮﻓﻠﻪ ﻭﻳﻬﺪﺩ ﻣﻨﺼﺒﻪ ...
ﺍﺧﺬﻭﻧﻲ ﺑﻨﺺ ﺍﻟﻠﻴﻞ ﻭﺍﻣﻲ ﻟﻬﺴﻪ ﻛﻌﺪﺗﻬﺎ ﺑﻴﻦ ﻋﻴﻮﻧﻲ ...
ﺷﻜﺖ ﺯﻳﺠﻬﺎ ﻭﺻﺮﺧﺖ ﺷﺠﺎﺍﺍﺍﺍﺍﻉ ﻉ ﻉ ﻉ ﻉ ﻉ ... ﺻﺪﺍﻫﺎ ﺑﺎﺫﻧﻲ ﻭﺍﻧﻲ ﻳﺴﺤﻠﻮﻧﻲ ﻟﻠﺴﻴﺎﺭﺓ ...
ﻭﻫﻮ ﻳﺤﺠﻲ ﺣﺴﻴﺘﻪ ﺍﺧﺘﻨﻚ ﺑﻌﺒﺮﺗﻪ ﺑﺲ ﻣﺎﺑﻴﻨﻠﻲ ...
ﺑﻘﻰ ﻳﻜﺢ ...
ﺑﻘﻴﺖ ﺍﺩﻟﻜﻠﻪ ﺻﺪﺭﻩ ... ﻛﺎﻝ ...
ﺍﺧﺬﻭﻧﻲ ﺍﻧﻲ ﻭﺟﻤﺎﻋﺘﻲ ﺧﻤﺴﺔ ...
ﺷﻔﻨﺎ ﺗﻌﺬﻳﺐ ﺣﺘﻰ ﺑﺎﻓﻼﻡ ﺍﻟﺮﻋﺐ ﻣﺎ ﻣﺎﺭ ﻋﻠﻴﻨﺎ ...
ﻛﺘﻞ ﻧﺘﻞ ﺣﺮﻙ ﺣﺘﻰ ﺟﻼﺏ ﻫﺪﻭ ﻋﻠﻴﻨﺎ ...
ﺿﻜﻨﺎ ﺍﻟﻮﻳﻞ ﻭﺍﻟﻌﺬﺍﺏ ﺑﺲ ﻣﺎﻋﺘﺮﻓﻨﺎ ﺑﺸﻲ ...
ﺗﺎﻟﻲ ﺳﺠﻨﻮﻧﻪ ...
ﺍﻧﻲ ﻋﻮﺩ ﺟﺎﻧﻮ ﺷﺒﻪ ﺯﻳﻨﻴﻦ ﻭﻳﺎﻱ ..
ﺑﺲ ﺑﻘﻴﺔ ﺟﻤﺎﻋﺘﻲ ﻻ ﻗﻀﻮ ﻋﻠﻴﻬﻢ ...
ﻭﺭﺍ ﺍﻟﺴﺠﻦ ﺑﺸﻬﺮﻳﻦ ﺟﻤﺎﻋﺘﻲ ﺍﻧﻌﺪﻣﻮ ...
ﺑﺲ ﺍﻧﻲ ﺑﻘﻴﺖ ...
ﺍﻟﺴﺠﻦ ﺟﺎﻥ ﺑﺆﺭﺓ ﻭﻛﻠﺸﻲ ﺑﻲ ...
ﺑﻲ ﺍﻟﺸﺎﺏ ﻭﺍﻟﺸﺎﻳﺐ ﻭﺍﻟﺘﻘﻲ ﻭﺍﻟﻌﺎﻳﺐ ...
ﺳﻜﺖ ﻋﻦ ﻛﻼﻣﻪ ﻛﺎﻝ ...
ﺗﻌﺮﻓﻴﻦ ﺳﺒﺐ ﻫﺠﻤﻮﻳﺘﻲ ﻭﺍﻧﻔﻌﺎﻟﻲ ...
ﺍﻟﻔﺘﺮﺓ ﺍﻟﻲ ﻛﻀﻴﺘﻬﺎ ﺑﺎﻟﺴﺠﻦ ﻣﻮ ﺍﻟﺘﻌﺬﻳﺐ ...
ﺟﻨﺖ ﺍﻧﺎﻡ ﺑﻨﺺ ﻋﻴﻦ ...
ﺍﻭﻝ ﺍﻳﺎﻡ ﻛﻠﺴﺎﻉ ﺍﻓﺰ ﻭﻣﺤﺘﺎﻅ ﻣﺜﻞ ﺍﻟﻨﺎﻳﻢ ﺑﺴﺎﺣﺔ ﺣﺮﺏ ...
ﺗﻌﺮﻓﻴﻦ ﻟﻴﺶ؟؟؟؟؟؟؟
ﻻﻥ ﻫﻨﺎﻙ ﺍﻟﺮﺧﻲ ﻭﺍﻟﺮﭼﻴﭻ ﻳﺮﻭﺡ ﺑﺎﻟﺮﺟﻠﻴﻦ ...
ﺍﻧﺖ ﻣﺮﻳﺘﻲ ﻭﻣﺎﺭﻳﺪ ﺍﻗﻠﻞ ﻣﻨﺞ ﻣﻦ ﺍﺣﺠﻲ ﻛﺪﺍﻣﺞ ﻫﺎﻟﺴﻮﺍﻟﻒ ...
ﺑﺲ ﺍﻟﻀﻜﻨﺎﻩ ﻣﺮ ﻋﻠﮕﻢ ﻭﻣﺎ ﻇﻨﻴﺖ ﻭﺭﺍ ﺑﻌﺪ ﺍﺿﻮﻙ ﺍﻟﺼﺒﺮ ﻣﻮ ﺑﻌﺪ ﺍﻟﻌﺴﻞ ...
ﺟﺎﻧﻮ ﺍﻛﻮ ﺷﻜﻢ ﻭﺍﺣﺪ ﻣﺴﻜﻄﻴﻦ ..
ﻳﻌﺘﺪﻭﻥ ﻉ ﺍﻟﻤﺴﺎﺟﻴﻦ ﺧﺼﻮﺻﺎ ﺍﻟﺸﺒﺎﺏ ...
ﻧﺸﻮﻑ ﺑﻌﻴﻨﺎ ﻭﻧﻔﺴﻨﺎ ﺗﻠﻌﺐ ﺗﺎﻟﻲ ﺍﻟﻠﻴﻞ ...
ﻣﻨﺎﺿﺮ ﻳﺸﻴﺐ ﻣﻨﻬﺎ ﺍﻟﻤﻜﻤﻂ ....
ﻓﺪ ﻣﺮﺓ ﻭﺍﺣﺪ ﻳﺴﻤﻮ ﻋﻤﺮﺍﻥ ﺑﻄﻞ ...
ﻫﺬﺍ ﻣﺪﻛﺪﻙ ﻭﻣﺤﻔﺤﻒ ﻭﺍﻛﺮﻉ ...
ﻣﺎﺧﺬ ﻉ ﺍﻟﺴﺠﻦ ﻛﻠﻪ ...
ﺑﻴﻮﻡ ﺑﻠﻴﻞ ﺍﺟﻪ ﻭﺑﺪﻩ ﻳﺬﺏ ﺣﺠﻲ ... ﻋﺒﺎﻟﻪ ﺍﻧﻲ ﺧﻨﻴﺜﺔ ﻟﻮ ﺍﺧﺎﻑ ...
ﺫﺑﻠﻪ ﻛﻢ ﻛﻠﻤﺔ ..
ﺍﺧﺮ ﺷﻲ ﻛﺎﻝ ﻳﺤﻠﻮ ﺍﻟﻠﻴﻠﺔ ﻧﺰﻭﺭﻙ ...
ﺍﻧﻲ ﻛﻠﺒﻲ ﻣﺤﺒﻞ ﻣﻨﻪ ﻣﻦ ﻛﺎﻝ ﻫﺎﻟﻜﻠﻤﺔ ﻃﻜﻴﺘﻪ ﺑﻮﻛﺴﻲ ﻋﻮﺟﺖ ﻭﺟﻬﻪ ...
ﺑﻘﻰ ﻳﺬﺏ ﺩﻡ ﻭﺳﻨﻮﻥ ...
ﻣﻄﻠﺘﻪ ﻭﻛﻌﺪﺕ ﻉ ﺭﻛﺒﺘﻪ ﻭﺷﺒﻌﺘﻪ ﺑﻮﻛﺴﻴﺎﺕ ﻟﺤﺪ ﻣﺎﻧﺘﻬﻰ ﺑﻴﺪﻱ ...
ﻣﻦ ﻭﻛﺘﻬﺎ ﻛﻒ ﻣﻨﻲ ﻭﺧﺎﻑ ﻭﻣﺎﻧﺪﻙ ﺑﻴﻪ ﺑﻌﺪ ..
ﺑﺲ ﺿﻞ ﻳﺪﺯ ﺯﺑﺎﻧﻴﺘﻪ ﻳﺘﻌﺎﺭﻛﻮﻥ ﻭﻳﺎﻱ ﺣﺘﻰ ﺍﺳﻮﻱ ﺷﻐﺐ ﻭﺍﺗﻌﺎﻗﺐ ...
ﻭﻛﻞ ﻣﺎﻭﺍﺣﺪ ﻳﻨﺪﻙ ﺑﻴﻪ ﺍﻛﺘﻠﻪ ﻛﺘﻠﺔ ﻣﻮﺕ ...
ﺿﻞ ﺍﻟﻜﻞ ﻳﺨﺎﻑ ﻣﻨﻲ ﻭﻳﺨﺎﻑ ﻳﻮﺻﻠﻲ ...
ﻭﺟﻨﺖ ﻋﻨﺎﺩ ﺑﺎﻟﻀﺒﺎﻁ ﻭﺍﻟﺤﺮﺍﺱ ﻭﺑﻜﻞ ﻭﺍﺣﺪ ﻣﺴﺆﻭﻝ ﺑﺎﻟﻤﻜﺎﻥ ...
ﺍﻭﻛﻒ ﺍﺻﻠﻲ ﺑﺼﻮﺕ ﻋﺎﻟﻲ ...
ﻭﺷﻜﻮ ﺩﻋﺎﺀ ﺣﺎﻓﻈﺔ ﺍﻗﺮﺍﻩ ...
ﺗﻌﺒﺖ ﺍﻋﺼﺎﺑﻬﻢ ﻭﺩﻣﺮﺗﻬﻢ ﺑﺲ ﺑﺪﺍﺧﻠﻲ ﻣﺘﺪﻣﺮ ...
ﻣﻤﻨﻮﻉ ﺍﻟﺰﻳﺎﺭﺓ ﻭﻣﺤﺪ ﻳﻮﺻﻞ ﻟﻮ ﻧﺸﻮﻑ ﺍﺣﺪ ...
ﺳﻨﺘﻴﻦ ﻣﺎﻋﺮﻑ ﺧﺒﺮ ﻋﻦ ﺍﻫﻠﻲ ﻭﺑﺎﻟﻲ ﻛﻠﻪ ﺑﺎﻣﻲ ...
ﺷﻜﺪ ﺣﺎﻭﻟﺖ ﻭﺭﺩﺕ ﺑﺲ ﻣﺎﻛﻮ ﺣﻴﻠﺔ ...
ﺍﻟﻰ ﺍﻥ ﻓﺪ ﻳﻮﻡ ﺍﻟﻤﻐﺮﺏ ...
ﺟﻨﺖ ﻧﺎﻳﻢ ﻭﻛﻌﺪﻧﻲ ﺭﺟﺎﻝ ﺟﺒﻴﺮ ﺟﺎﻥ ﺧﻴﺮ ﻭﺍﻧﻲ ﺭﺍﻓﮕﺘﻪ ...
ﻛﻠﻲ ﺍﻟﺤﺎﺭﺱ ﻳﺮﻳﺪﻙ ....
ﻛﻤﺖ ﻣﻔﺰﻭ ﻉ ﻭﺻﺪﺭﻱ ﺿﻴﻚ ...
ﻃﺒﺒﻨﻲ ﻉ ﺍﻟﻀﺎﺑﻂ ...
ﺟﺎﻥ ﺷﺎﺏ ﺍﻛﺒﺮ ﻣﻨﻲ ﺑﺸﻮﻳﺔ ...
ﺷﻜﻠﻪ ﻣﺘﻌﺎﻃﻒ ﻭﻳﺎﻱ ﻭﻭﺟﻬﻪ ﻣﻜﺴﻮﺭ ...
ﺑﻌﺪ ﻣﺎ ﻣﻬﺪﻟﻲ ﻭﺳﻮﻟﻒ ﻭﺍﻧﻲ ﻧﺺ ﻛﻼﻣﻪ ﻻﺑﺴﻪ ﻭﻣﺎﻣﻨﺘﺒﻪ ...
ﺑﺲ ﺍﻟﻨﺒﻬﻨﻲ ﻣﻦ ﻛﺎﻝ ...
ﻭﺍﻟﺪﺗﻚ ﺗﻮﻓﺖ ...
ﻟﻠﺤﻜﺎﻳﺔ ﺑﻘﻴﺔ
ﺑﻘﻠﻢ ﺷﻘﺮﺍﺀ ‏( ﻗﻤﺮ ﻛﺎﻧﻮﻥ )
ﻃﺒﻌﺎ ﻫﺬﺍ ﺍﻟﺒﺎﺭﺕ ﻛﻮﺓ ﻛﺘﺒﺘﻪ ﻭﺟﻊ ﻗﻠﺒﻲ ﻛﻠﺶ ﺍﺣﺲ ﺍﺣﺪﺍﺛﻪ ﺗﻌﺒﺖ ﻧﻔﺴﻴﺘﻲ
#روووعه