حين يزهر الحجر..

36

#حين_يزهر_الحجر
٣٦
ﻣﺴﺎﺀ ﺍﻟﺨﻴﺮ
ﺣﻴﻦ ﻳﺰﻫﺮ ﺍﻟﺤﺠﺮ
ﺍﻟﺠﺰﺀ ٣٦
ﻛﻠﻪ ﻋﺎﻃﻒ ﺑﻌﺪ ﺍﺣﺴﻦ ..
ﻫﻮ ﻛﺎﻝ .. ﺟﻴﺒﻲ ﺍﻏﺮﺍﺽ ﺍﺑﻨﻲ ﺍﺧﺬﻩ ﻭﻳﺎﻱ ..
ﺑﻘﻰ ﻳﻜﺢ ﺍﻣﻲ ﻛﻠﺘﻠﻪ ﺍﺷﺮﺑﻠﻚ ﻣﻴﺔ ﻳﻤﺎ ...
ﺷﺮﺏ ﻭﻛﺎﻝ ...
ﻭﺍﻧﺖ ﺑﺎﺟﺮ ﺍﻟﻜﺎﺝ ﺑﺎﻟﻤﺤﻜﻤﺔ ﻭﺑﻴﺖ ﺍﻟﻄﺎﻋﺔ ﻳﻨﺘﻈﺮﺝ ...
ﻣﺎﻛﺬﺏ ﻣﻦ ﺍﻛﻮﻝ ﻣﺘﺖ ﺧﻮﻑ ﻣﻦ ﻛﺎﻝ ﺍﻧﺘﻈﺮﺝ ﺑﺎﻟﻤﺤﻜﻤﺔ ﻭﻗﺮﺭ ﻳﻄﻠﻚ ..
ﺑﺲ ﺍﻟﺨﻮﻓﻨﻲ ﺍﻛﺜﺮ ﻣﻦ ﻛﺎﻝ ﺑﻴﺖ ﺍﻟﻄﺎﻋﺔ ...
ﺍﻣﻲ ﻛﻠﺘﻠﻪ ﻣﻮ ﻫﻴﺞ ﺍﻟﺘﻔﺎﻫﻢ ﺍﺑﻮ ﺯﻳﻦ ﺍﻧﺖ ﺍﻟﻌﺎﻗﻞ ﻋﻮﺩ ..
ﺣﺠﻴﺔ ﺫﻧﻲ ﺷﻬﺮﻳﻦ ﻣﺮﻥ ﻭﺍﻧﻲ ﺍﻋﺘﺬﺭﺕ ﻭﺭﺍﺳﻠﺖ ﻭﺧﺎﺑﺮﺕ ..
ﻭﻫﻲ ﻣﻌﺘﺒﺮﺗﻨﻲ ﻧﻜﺮﺓ ...
ﻭﺳﺎﻟﻔﺔ ﻃﻼﻙ ﻣﺎﻃﻠﻚ ﻟﻮ ﺗﻨﻜﻠﺐ ﺍﻟﺪﻧﻴﺎ ..
ﻣﺮﺗﺐ ﻭﺍﺑﻨﻲ ﻭﺍﺭﻳﺪﻫﻢ ...
ﻭﺍﺫﺍ ﻫﻲ ﻣﺎﺗﻌﺮﻑ ﻣﺼﻠﺤﺘﻬﺎ ﻭﺗﺮﻳﺪ ﻃﻼﻙ ﺍﻧﻲ ﺍﻋﺮﻑ ﻣﺼﻠﺤﺘﻬﺎ ﺍﻛﺜﺮ ﻣﻨﻬﺎ ..
ﻋﺎﻃﻒ ﻛﻠﻪ ﺍﻧﺖ ﻛﻠﺸﻲ ﺑﺮﺍﺳﻚ ﺗﺴﻮﻱ؟؟
ﺗﺮﻯ ﺳﺎﻟﻔﺔ ﺍﺑﻦ ﻋﻤﻲ ﺩﺭﻳﺖ ﺑﻴﻬﺎ ...
ﻭﺍﺫﺍ ﺳﺎﻛﺘﻴﻦ ﺗﺮﻯ ﻣﻮ ﺧﻮﻑ ﻣﻨﻚ ...
ﺑﺲ ﻧﻜﻮﻝ ﻋﻴﺐ ﻭﺍﻧﺖ ﻧﺴﻴﺒﻨﺎ ..
ﻭﻟﻮ ﺍﻧﺖ ﻣﺎﻋﺮﻓﺖ ﺍﻟﻌﻴﺐ ﻭﻫﺪﺩﺗﻪ ﻭﺷﺮﺩﺗﻪ ...
ﻛﻠﻪ ﺷﺠﺎﻉ ﺑﻨﺒﺮﺓ ﺷﺒﻪ ﻋﺼﺒﻴﺔ ...
ﺍﻟﻌﻴﺐ ﻧﻌﺮﻓﻪ ﻛﻠﺶ ﺯﻳﻦ ﺍﺑﻮ ﻓﺆﺍﺩ ...
ﻣﻮ ﺍﺣﻨﺎ ﺍﻟﻨﺎﻛﻞ ﺑﻠﺤﻤﻨﺎ ﺗﺮﻯ ﺍﻟﻌﺮﺽ ﺍﻏﻠﻰ ﻣﻦ ﺍﻟﺮﮔﺒﺔ ...
ﻭﺍﺑﻦ ﻋﻤﻚ ﺗﺤﺮﺵ ﺑﻌﺮﺿﻚ ﺑﻨﺺ ﺑﻴﺘﻚ ..
ﺷﻨﻮ ﺍﻟﺴﻮﻳﺘﻪ ﺑﻠﺔ ﻫﺎﺍﺍ؟؟؟؟؟
ﻗﺎﻃﻌﺘﻪ ﺷﻬﺮﻳﻦ ﻭﺭﺟﻌﺖ ﻛﻌﺪﺗﻪ ﺑﻨﺺ ﺑﻴﺘﻚ ...
ﻭﻫﺴﻪ ﺟﺎﻱ ﺗﻜﻠﻲ ﺍﺣﻨﺎ ﻣﺎﻧﻌﺮﻑ ﺍﻟﻌﻴﺐ؟؟؟
ﺍﻟﻌﻴﺐ ﻋﻠﻴﻪ ﻭﻉ ﻛﻼﻣﻪ ﺍﻟﻜﺎﻟﻪ ﺣﺘﻰ ﻣﺎﻳﺸﺮﻓﻨﻲ ﺍﻧﻄﻘﻪ ...
ﻣﺮﺗﻲ ﻭﺭﺩﺗﻬﺎ ﻭﺍﺧﺬﺗﻬﺎ .. ﻭﻣﺤﺪ ﺍﻟﻪ ﺷﻲ ﻋﻨﺪﻱ ..
ﺗﻌﺎﺭﻛﻨﺎ ﺗﺬﺍﺑﺤﻨﺎ ﻣﺼﻴﺮﻧﺎ ﻧﺮﺟﻊ ..
ﻟﻬﻨﺎ ﻭﻛﺎﻓﻲ .. ﻣﺎﺗﺠﻲ ﺑﺎﻟﻄﻴﺐ ﺍﺧﺬﻫﺎ ﻏﺼﺐ ..
ﻭﻫﺬﺍ ﺍﺫﺍ ﻳﻨﺪﻙ ﺑﻴﻪ ﻳﺘﻨﺪﻡ ...
ﻭﻣﺎﻧﻜﺮ ﻭﻻ ﺍﺧﺎﻑ .. ﻛﺘﻠﻪ ﺑﻴﻮﻡ ﺍﻟﺘﻨﺪﻙ ﺑﻴﻪ
ﺍﻏﺴﻠﻚ ﻏﺴﻞ ﻭﺍﻋﻠﻤﻚ ﺍﻟﻤﺮﺍﺟﻞ ﺷﻠﻮﻧﻬﺎ ..
ﻭ ﺍﺩﻭﺱ ﺭﺍﺳﻚ ﺟﻮﺍ ﺭﺟﻠﻲ ...
ﺍﻧﻲ ﺟﻨﺖ ﺍﺑﺎﻭﻉ .. ﻣﻦ ﻛﺎﻝ ﻫﻴﺞ ﺑﺴﺮﻋﺔ ﺩﺭﺕ ﻧﻈﺮﻱ ﻋﻨﻪ ﻭﺩﻣﻌﺖ ..
ﻫﻮ ﻛﺎﻝ ﺍﺗﺮﺧﺺ ﻭﺑﺎﺟﺮ ﻧﺘﻼﻛﻰ ...
ﺍﺑﺎﻭﻉ ﻟﻌﺎﻃﻒ ﺗﻐﻴﺮﺕ ﻣﻼﻣﺤﺔ ﻭﺣﺠﻪ ﺑﻨﺒﺮﺓ ﺭﺿﺎ ...
ﻛﻠﻪ ﺍﺳﺘﺮﻳﺢ ﻳﻤﻌﻮﺩ ﻭﻳﻦ ﺑﺎﺟﺮ ..
ﻋﻮﻑ ﺍﻟﻤﺤﺎﻛﻢ ﻉ ﺟﻬﺔ ﻭﻳﺼﻴﺮ ﺧﻴﺮ ..
ﻻ ﻣﺎﻟﻲ ﻛﻌﺪﺓ ﻭﻟﻮ ﺣﺎﻟﻒ ﻣﺎﺍﺩﻭﺱ ﻋﺘﺒﺘﻜﻢ ..
ﺑﺲ ﺑﻌﺪ ﻟﻠﻐﺎﻟﻲ ﻳﺮﺧﺺ ﻛﻞ ﻏﺎﻟﻲ ..
ﺍﻣﻲ ﻛﻠﺘﻠﻪ ﻋﻮﻓﻬﻢ ﺍﻟﻴﻮﻡ ..
ﺑﺎﺟﺮ ﺗﻌﺎﻝ ﻭﺗﻔﺎﻫﻤﻮ ..
ﺍﻧﺖ ﺭﺍﺟﻊ ﻣﻦ ﺳﻔﺮ ﻭﺗﻌﺒﺎﻥ ﺭﻭﺡ ﺍﺭﺗﺎﺡ ﻭﻧﺎﻡ ..
ﻭﺑﺎﺟﺮ ﺗﻌﺎﻟﻲ ﻭﺗﻔﺎﻫﻤﻮ ﺛﻨﻴﻨﻜﻢ ..
ﻻ ﺍﻧﺖ ﻧﺮﺩﻙ ﻭﻻ ﻫﻲ ﻧﻐﺼﺒﻬﺎ ﻭﻧﺮﺟﻌﻬﺎ ﻛﻮﺓ ..
ﺍﻧﻲ ﻃﻠﻌﺖ ﻭﺑﻘﻰ ﺯﻳﻮﻧﻲ ﺑﺤﻀﻨﻪ ...
ﺭﺟﻌﺖ ﻟﻠﻐﺮﻓﺔ ﺑﺲ ﻣﺸﻔﺖ ﺑﺮﺍﻕ !
ﻳﺎ ﻫﺬﺍ ﺑﺲ ﻻ ﺷﺮﺩ ﻣﻦ ﺳﻤﻊ ﺑﺸﺠﺎﻉ ﺍﺟﻪ ...
ﺷﻜﺪ ﺿﺎﻳﺠﺔ ﺑﺲ ﻫﺎﻟﻤﻮﻗﻒ ﺿﺤﻜﻨﻲ ...
ﻭﺍﻧﻲ ﺧﺎﻳﻔﻪ ﻳﺘﺸﺎﻭﻓﻮﻥ ﻭﻳﺘﻌﺎﺭﻛﻮﻥ ...
ﺍﻧﻮﺏ ﻫﺬﺍ ﺷﺎﺭﺩ ...
ﻭﻟﻮ ﺣﻘﻪ ﻫﻮ ﻣﻨﻮ ﻣﻴﺨﺎﻑ ﻣﻦ ﺷﺠﺎﻉ ...
ﺍﻛﻴﺪ ﺑﺮﺍﻕ ﺻﺎﺭﺕ ﺑﻴﻪ ﺣﺎﻟﻪ ﻧﻔﺴﻴﺔ ﻣﻦ ﺍﻟﺪﻙ ﺍﻻﻛﻠﻪ ...
ﻭﺑﻘﻰ ﻳﺨﺎﻑ ﺣﺘﻰ ﻣﻦ ﺍﺳﻢ ﺷﺠﺎﻉ ...
ﺑﺲ ﺍﻭﻑ ﺷﻜﺪ ﻣﺸﺘﺎﻗﺘﻠﻪ ..
ﻫﺎ ﻣﻬﺮﺓ ﺳﻼﻣﺎﺕ ﺍﻟﻤﻦ ﻣﺸﺘﺎﻗﺔ؟
ﻻ ﻻ ﻣﻮ ﺍﻟﻪ ﻣﺎﺭﻳﺪﻩ ﺑﻌﺪ ﺧﺒﻴﺚ ﻳﺮﻳﺪ ﻳﺎﺧﺬﻧﻲ ﺑﻴﺖ ﺍﻟﻄﺎﻋﺔ ...
ﺍﻋﺮﻓﻪ ﻣﻴﺼﺒﺮ ﻫﻮ ﻣﻮ ﺣﺒﺎً ﺑﻴﻪ ...
ﺷﻜﺪ ﻛﻨﺖ ﺍﻛﻮﻝ ﻣﺎﺭﺟﻊ ...
ﺑﺲ ﻫﺴﻪ ﻻ ﺍﺭﻳﺪ ﺍﺭﺟﻊ ﻣﻦ ﺷﻔﺖ ﺑﺮﺍﻕ ﻳﺤﻮﻡ ﻭﻋﺎﻃﻒ ﻣﺘﻘﻠﺐ ﻛﻠﺴﺎﻉ ﺑﺮﺍﻱ ...
ﺍﻫﻢ ﺷﻲ ﺍﺑﻨﻲ ﻣﺎﺗﺘﺨﺮﺑﻂ ﺣﻴﺎﺗﻪ ..
ﻭﻛﻼﻡ ﺷﺠﺎﻉ ﺻﺢ ﻛﻠﺸﻲ ﻛﺎﻟﻪ ...
ﺑﺲ ﺍﺧﺎﻑ ﻫﺴﻪ ﻳﺎﺧﺬﻩ ﻭﻳﺎﺑﺲ ﻻ ﺻﺪﻙ ﻫﺴﻪ ﻳﺎﺧﺬ ﺯﻳﻮﻧﻲ ﻳﻮﻭﻣﻪ !!
ﻃﻔﺮﺕ ﺑﺴﺮﻋﺔ ﻓﺘﺤﺖ ﺍﻟﺒﺎﺏ ..
ﻻﻛﻴﺘﻪ ﻳﺮﻳﺪ ﻳﻄﻠﻊ ﻭﺍﻣﻲ ﺑﻴﺪﻫﺎ ﺯﻳﻮﻧﻲ ﻭﻋﺎﻃﻒ ﻭﺭﺍﻩ ﻭﺍﻧﻲ ﻣﺜﻞ ﺍﻟﺮﺍﻛﺾ ﻭﺭﺍﻱ ﺍﺳﺪ ..
ﺍﺟﻴﺖ ﺭﺍﻛﻀﺔ ﺷﻜﺪ ﻋﻴﺐ ..
ﺍﻣﻲ ﻛﺎﻟﺖ ﺍﺳﻢ ﺍﻟﻠﻪ ﺍﻟﺮﺣﻤﻦ ﺷﺒﻴﺞ !!
ﻫﺎ .. ﻻ ﺷﻔﺖ ﺷﺴﻤﻪ ﺻﻮﺕ ﺷﺴﻤﻪ ﺻﻮﺕ ﺳﻤﻌﺖ ...
ﻫﻮ ﺍﺑﺘﺴﻢ ﺑﺮﻓﻌﺔ ﺣﺎﺟﺐ ﺍﻧﻲ ﺍﺧﺬﺕ ﺯﻳﻮﻧﻲ ﻣﻦ ﺍﻣﻲ ...
ﺩﺧﻠﺖ ﻭﺣﻄﻴﺘﻪ ﺑﺤﻀﻨﻲ ﻭﺍﺷﻤﺸﻢ ﺑﻴﻪ ..
ﺍﻭﻭﻑ ﻫﺬﺍ ﺍﻟﻌﻄﺮ ﺍﻟﻄﻴﺢ ﺣﻈﻲ ...
ﺑﺲ ﺷﻜﺪ ﺍﺣﺒﻪ .. ﺍﻳﻲ ﺍﺣﺒﻪ ﺍﺣﺒﻪ .. ﺣﺠﻴﺖ ﻭﻧﺰﻟﺖ ﺩﻣﻮﻋﻲ ...
ﺗﺬﻛﺮﺕ ﻗﺒﻞ ﻣﻦ ﺟﺎﻥ ﻣﺎﻳﻨﺎﻡ ﺍﻻ ﺍﻧﻲ ﺑﺤﻀﻨﻪ ..
ﻭﻟﻮ ﺗﺤﺮﻛﺖ ﻳﺠﺮﻧﻲ ﻭﻳﻜﻠﻲ ﻛﺎﻓﻲ ﺗﺤﻮﺳﻴﻦ ﺟﻨﺞ ﺩﺟﺎﺟﺔ ﻛﺮﻛﺔ ﻉ ﻛﻮﻟﺔ ﺑﻴﺒﻲ ﻓﻠﻴﺤﺔ ...
ﻓﺰﺯﻧﻲ ﺻﻮﺕ ﺍﻣﻲ ﻣﻦ ﺩﺧﻠﺖ ..
ﻫﺎ ﺑﻨﻴﺘﻲ ﻣﺴﺤﺖ ﺩﻣﻮﻋﺞ ﻭﺑﻼ ﻗﻬﺮ ﻟﺨﺎﻃﺮ ﺍﻣﺞ ..
ﺗﻮﺓ ﻳﻼ ﺻﻔﻰ ﺣﻠﻴﺒﺞ ﻭﻭﻟﻴﺪﺝ ﺍﺳﺘﻘﺮ ..
ﻻ ﺗﺒﻬﺬﻟﻴﻦ ﺣﺎﻟﻪ ﺑﻬﺎﻟﻤﻤﻴﺎﺕ ﺍﻟﺘﻠﻌﺐ ﺍﻟﻨﻔﺲ ..
ﻭﺣﻠﻴﺐ ﺍﻟﻘﻮﺍﻃﻲ ﺣﺘﻰ ﻣﺤﻨﺔ ﻣﺎﺑﻲ ...
ﺍﻧﺸﺎﻟﻠﻪ ﻳﻤﺎ ﻻ ﻣﺎﻋﻨﺪﻱ ﺍﻫﻢ ﻣﻨﻪ ﺍﻫﻢ ﺷﻲ ﻫﻮ ...
ﻫﺎ ﻭﺍﺑﻮﻩ ﺑﻌﺪﺝ ﻣﺎﺣﻨﻴﺘﻲ ﻋﻠﻴﻪ؟
ﻫﺎ ﺣﺠﻴﺔ ﺑﺲ ﻻ ﺧﻔﺘﻲ ﻣﻨﻪ ﻣﻦ ﻛﺎﻝ ﺑﻴﺖ ﺍﻟﻄﺎﻋﺔ؟
ﻻ ﻳﻤﺎ ﻣﺎﻳﻨﺨﺎﻑ ﻣﻨﻪ ﺭﺟﻠﺞ ﺯﻟﻤﺔ ﻭﻧﻌﻮﻣﻪ ...
ﺑﺲ ﻛﺎﻓﻲ ﺍﺟﻪ ﻭﺍﻋﺘﺬﺭ ﻭﺍﻋﺘﺮﻑ ﻫﻮ ﻏﻠﻄﺎﻥ ...
ﻫﺎﻟﻤﺮﺓ ﺳﻮﻳﺘﻴﻠﻪ ﺗﻮﺑﺔ ﻣﺎﺑﻌﺪﻫﺎ ﻧﻮﺑﺔ ...
ﺭﺍﺡ ﻳﺒﻘﻰ ﺗﻨﺬﻛﺮ ﻋﻨﺪﻩ ﻃﻮﻝ ﺍﻟﺪﻫﺮ ...
ﺍﻛﻴﺪ ﻫﻮ ﺍﻧﻘﻬﺮ ﻣﻦ ﻃﻜﺞ ﻗﺎﺑﻞ ﻳﻜﺮﻫﺞ ..
ﺑﺲ ﺑﻨﻴﺘﻲ ﺍﻟﺮﺟﺎﻝ ﻓﻮﻙ ﺭﺍﺳﻪ ﺿﻴﻢ ﻭﻧﻔﺴﻴﺘﻪ ﺗﻌﺒﺎﻧﺔ ...
ﻭﻫﻮ ﺣﻠﻒ ﺑﻌﻤﺮ ﺍﺑﻨﻪ ﻣﺎﻳﻌﻴﺪﻫﺎ ..
ﻭﺍﻥ ﻋﺎﺩﻫﺎ ﻣﺎﺧﻠﻲ ﻳﺸﻮﻑ ﻃﺮﻑ ﺛﻮﺑﺞ ﺑﻌﺪ ﺍﻥ ﺟﻨﺖ ﻋﺎﻳﺸﺔ ..
ﻭﺍﻧﺖ ﺟﻨﺖ ﻣﻴﺘﺔ ﻳﺒﺮﺍﻟﺞ ﺍﻟﻠﻪ ...
ﺍﺳﻢ ﺍﻟﻠﻪ ﻉ ﻋﻠﻴﺞ ﻣﻦ ﻋﻤﺮﻱ ﻟﻌﻤﺮﺝ ﻳﺎﻟﻐﺎﻟﻴﺔ ...
ﺍﻟﻠﻪ ﻳﺴﻠﻢ ﻋﻤﺮﺝ ﻭﻳﺴﻌﺪﺝ ﻳﻤﺎ ..
ﻫﺴﻪ ﺷﻜﻠﺘﻲ ﺗﺮﺟﻌﻴﻦ ﺑﺎﺟﺮ؟
ﺍﻟﻠﻪ ﻳﺴﻬﻞ ﻳﺠﻲ ﺑﺎﺟﺮ ﻭﻧﺘﻔﺎﻫﻢ ...
ﺯﻳﻦ ﺟﺎﻭﺑﻲ ﻋﻠﻴﻪ ﻣﻦ ﻳﺪﻙ .. ﺻﺎﺭﻟﻪ ﺷﻜﺪ ﻳﺨﺎﺑﺮ ﻋﺎﺩ ﺗﻔﺎﻫﻤﻮ ﺗﻌﺎﺗﺒﻮ ...
ﻳﻜﻠﺞ ﻋﺘﺎﺏ ﺍﻟﺤﺒﺎﻳﺐ ﻣﻠﺢ ﻳﺤﺮﻙ ﺍﻟﺠﺮﺡ ﺑﺲ ﻳﺒﺮﻱ ﻭﻳﻄﻴﺒﻪ ...
ﺍﻟﻠﻪ ﻛﺮﻳﻢ ﻳﻤﺎ ﻻ ﺗﻔﻜﺮﻳﻦ ﺍﻧﺖ ..
ﺑﺲ ﺻﺪﻙ ﻫﺬﺍ ﺑﺮﺍﻕ ﺷﻨﻮ ﺭﺍﻳﺢ؟
ﻫﻬﻪ ﻭﻟﺞ ﻳﻤﺎ ﺑﺲ ﺳﻤﻊ ﺑﺴﻤﺎﻣﻪ ﻫﻨﺎ ﺭﺍﺡ ..
ﻫﺬﺍ ﻧﻔﺎﻭﺓ ﻣﻮ ﺭﺟﺎﻝ ..
ﺍﺗﺼﻞ ﻫﻮﺍﻱ ﺷﺠﺎﻉ ﺑﺲ ﻣﺠﺎﻭﺑﺖ ..
ﺍﺟﺘﻨﻲ ﻣﺴﺠﺎﺕ ..
ﺑﺎﻭﻋﺖ ﻣﻦ ﺭﺣﺎﺏ ..
ﻓﺘﺤﺖ ﺻﻮﺭﺗﻴﻦ ..
ﻭﺣﺪﺓ ﺩﺷﺪﺍﺷﺘﻲ ﻭﻣﺨﺪﺓ ﺯﻳﻮﻧﻲ ﻉ ﺍﻟﺴﺮﻳﺮ ..
ﻛﺎﺗﺒﺔ ﺷﻮﻓﻲ ﺧﻄﻴﻪ ﻣﺨﻠﻴﻬﻢ ﺑﻔﺮﺍﺷﻪ ﻭﻟﺞ ﻟﺘﺼﻴﺮﻳﻦ ﻗﺎﺳﻴﺔ ...
ﻭﺻﻮﺭﺓ ﺛﺎﻧﻴﺔ ﺻﻮﺭﺓ ﺍﺩﻭﻳﺔ ..
ﺩﺯﻳﺘﻠﻬﺎ ... ﺷﻨﻮ ﻫﺬﺍ؟
ﻫﺬﺍ ﻋﻼﺝ ﻣﺎﻝ ﺍﻟﺘﻬﺎﺏ ﺭﺋﺔ .. ﺍﻟﻈﺎﻫﺮ ﻣﻜﺜﺮ ﺟﻜﺎﻳﺮ ﻭﺍﺭﻛﻴﻠﺔ ..
ﻭﺻﺎﻳﺮ ﻋﻨﺪﻩ ﺍﻟﺘﻬﺎﺏ ..
ﻻﻥ ﺳﺎﻟﻪ ﺍﺭﻓﺪ ﻋﻦ ﺍﻟﻜﺤﺔ ﻭﻣﺎﺣﺠﻪ ..
ﺗﺎﻟﻲ ﻛﻠﻪ ﺻﺎﺭ ﻋﻨﺪﻱ ﺍﻟﺘﻬﺎﺏ ﺑﺴﻴﻂ ﻭﺍﻧﻄﻮﻧﻲ ﻋﻼﺝ ..
ﻳﺎﺍﺍ ﻭﻣﻦ ﺳﺎﻟﺘﻪ ﺍﻣﻲ ﻳﻜﻠﻬﺎ ﻓﻼﻭﻧﺰﺍ ﻗﻮﻳﺔ؟ !
ﻻﻥ ﻣﻦ ﻛﻌﺪ ﻫﻮﺍﻱ ﻛﺢ ...
ﺍﻱ ﺧﻄﻴﺔ ﺍﻟﻈﺎﻫﺮ ﻣﺪﺧﻦ ﻫﻮﺍﻳﺔ ..
ﺍﻱ ﺍﻋﺮﻓﻪ ﻣﻦ ﻳﻀﻮﺝ ﻳﺪﺧﻦ ﺑﻼ ﺍﻧﺼﺎﻑ ..
ﻭﺍﺭﻛﻴﻠﺔ ﻭﺟﻜﺎﻳﺮ ﺍﻛﻴﺪ ﻳﺼﻴﺮ ﺍﻟﺘﻬﺎﺏ ..
ﺍﻱ ﺣﻘﻪ ﻣﻬﺮﺓ ﺧﻄﻴﺔ ﺻﺎﺭﻟﻜﻢ ﺷﻬﺮﻳﻦ ﻋﺎﺩ ﺫﻛﺮﻱ ﺯﻳﻨﺎﺗﻪ ﻭﻳﺎﺝ ...
ﺍﻫﻢ ﺣﺴﻨﺎﺗﻪ ﺷﻨﻮ ﻓﻨﺞ .. ﺷﻨﻮ؟
ﺟﺒﺘﻲ ﺯﻳﻮﻧﻲ ﻣﻨﻪ ..
ﺍﻱ ﻓﺪﻳﺘﻪ ﺣﺒﻴﺒﻲ ﻫﻬﻪ ..
ﻫﺎ ﻭﺑﻌﺪ ﻭﺣﺪﺓ ﻣﻬﻤﺔ ﻭﻗﻮﻳﺔ ..
ﻫﻬﻪ ﺷﻨﻮ ﺑﻌﺪ ؟
ﺧﻠﺼﺞ ﻣﻦ ﺍﻟﻢ ﺍﻟﺸﻬﺮﻳﺔ ...
ﻫﻬﻪ ﻟﺞ ﻣﻦ ﻳﻜﻮﻝ ﺧﻠﺼﺖ ﺍﺷﻮ ﺣﺒﻠﺖ ﻛﺒﻞ ﻳﻌﻨﻲ ﻣﺠﺮﺑﺖ ﺍﻟﺸﻬﺮﻳﺔ ...
ﻳﺎﺍ ﺻﺪﻙ ﺍﺷﻮ ﻣﺎﺍﺟﺖ ﺑﻌﺪ !! ﻫﻲ ﻣﻮ ﺗﺠﻲ ﻭﺭﺍ ﺍﻟﻨﻔﺎﺱ؟
ﺻﺪﻙ؟ﺍﻧﺖ ﺷﻜﺪ ﻭﺧﻠﺼﺘﻲ؟
ﺍﺳﺒﻮﻋﻴﻦ ﻭﺧﻠﺼﺖ ..
ﻳﺎﺍﺍ ﻭﺑﻌﺪ ﻣﺎﺍﺟﺖ؟
ﻻ ﻣﺎﻛﻮ ..
ﻟﺞ ﺧﺎﻑ ﺣﺎﻣﻞ؟ﺩﺭﻭﺣﻲ ﻻ ﻣﻨﻴﻦ ﺍﺑﺪ ﺷﻠﻮﻥ؟؟
ﻛﻮﻥ ﻳﺴﻤﻌﺞ ﺷﺠﺎﻉ ﺗﻜﻮﻟﻴﻦ ﻣﻨﻴﻦ ﺍﻻ ﻳﻤﻠﺺ ﺭﺍﺳﺞ ﻫﻬﻪ ...
ﺍﻱ ﻫﻮ ﻳﺸﺘﺮﻱ ﺍﻟﻄﻼﻳﺐ ﻣﺸﺘﺮﻯ ..
ﻻ ﻭﻟﺞ ﺣﻠﻠﻲ ﻭﺗﺎﻛﺪﻱ ...
ﻭﻳﻦ ﺍﺣﻠﻞ ﻭﺍﻧﻲ ﺑﻴﻦ ﺍﺭﺑﻊ ﺣﻴﻄﺎﻥ ..
ﺳﺎﻟﻲ ﺻﺒﺎ ﺑﻠﻜﻲ ﻋﺪﻫﺎ ﺍﺧﺘﺒﺎﺭ ..
ﺣﺮﺍﻣﺎﺕ ﻋﻨﺪﻱ ﺑﺎﻟﺒﻴﺖ ﻣﺎﻟﺖ ﺣﻤﻠﻲ ﺑﺰﻳﻮﻧﻲ ﺷﻜﺪ ﺟﺎﺑﻠﻲ ..
ﻳﻼ ﺭﺟﻌﻲ ﻭﺣﻠﻠﻲ ﻫﻬﻪ ...
ﺩﻭﻟﻲ ﺍﻧﺖ ﻫﻢ ..
ﺑﻘﻴﺖ ﺍﻓﻜﺮ ﻻ ﺻﺪﻙ ﻭﺍﻃﻠﻊ ﺣﺎﻣﻞ !
ﺷﻠﻮﻥ ﺑﻠﻮﺓ ﻻﺯﻡ ﻣﺤﺪ ﻳﻌﺮﻑ ...
ﻳﻮﻡ ﺛﺎﻧﻲ ﺍﻟﺼﺒﺢ ..
ﺗﻘﺮﻳﺒﺎ ﺳﺎﻋﺔ ﺑﺎﻟﻌﺸﺮﺓ ..
ﺍﺟﻪ ﺷﺠﺎﻉ ﻭﺍﺳﺘﻘﺒﻠﺘﻪ ﺍﻣﻲ ..
ﻋﺎﻃﻒ ﻣﻮ ﻫﻨﺎ ﺑﺎﻟﺸﻐﻞ ...
ﺍﺟﺖ ﻛﺎﻟﺖ ﻃﻠﻌﻲ ﻭﺗﻔﺎﻫﻤﻲ ﻭﻳﺎ ..
ﻛﻌﺪﺕ ﺷﻮﻳﺔ ﻭﻫﻲ ﺍﺧﺬﺕ ﺯﻳﻮﻧﻲ ﻭﺭﺍﺣﺖ ..
ﺍﻱ ﻟﻴﺶ ﻣﺎ ﺍﺣﺮﻙ ﻗﻠﺒﻪ ..
ﻛﻤﺖ ﻃﻠﻌﺖ ﺩﺷﺪﺍﺷﺔ ﺻﻔﺮﺓﻭﺑﻴﻬﺎ ﺧﻄﻮﻁ ﺳﻮﺩﺍ ..
ﻓﺎﻧﻴﻼ ﻟﻄﺶ ﻉ ﺍﻟﺠﺴﻢ ﻛﻠﺶ ﺗﻄﺒﻊ ..
ﺑﻴﻬﺎ ﻓﺘﺤﺎﺕ ﺑﺎﻟﺴﻴﻘﺎﻥ ﻭﻣﻦ ﻓﻮﻙ ﺳﺒﻌﺔ ﻭﺍﺳﻌﺔ ...
ﺷﻌﺮﻱ ﺭﻓﻌﺘﻪ ﺑﻘﺮﺍﺻﻪ ﻭﺧﻠﻴﺖ ﺧﺼﻞ ﻧﺎﺯﻟﺔ ...
ﻫﺎﻟﺤﺠﻲ ﺍﺭﻛﺾ ﻣﻨﺎ ﻭﻣﻨﺎ ..
ﺟﺒﺖ ﺍﻟﻌﻄﺮ ﺳﺒﺤﺖ ﺑﻲ ﻣﻮ ﺭﺷﻴﺖ ﻫﻬﻪ ...
ﺑﺲ ﻣﻜﻴﺎﺝ ﻣﺠﺒﺖ ﻭﻳﺎﻱ ﺍﺑﺪ ﺷﻠﻮﻥ ..
ﻃﻠﻌﺖ ﺭﻛﺾ ﺻﺒﺎ ﺑﺎﻟﻤﻄﺒﺦ ﻛﺎﻟﺖ ﻫﺎ ﻫﺎ ﺧﻴﺔ ﻉ ﻛﻴﻔﺞ ﻭﺗﻀﺤﻚ ..
ﺗﻌﺎﻟﻲ ﺍﺭﻳﺪ ﺣﻤﺮﺓ ﺑﺴﺮﻋﺔ ...
ﺍﻱ ﺭﻛﻀﻲ ﻟﻠﻐﺮﻓﺔ ﻛﻠﺸﻲ ﻳﻤﺞ ..
ﻻ ﻋﻔﻴﺔ ﺍﺳﺘﺤﻲ ﺗﻌﺎﻟﻲ ...
ﺍﺟﺖ ﻭﻫﻲ ﺟﺎﻧﺖ ﺗﻮﻛﻞ ﺍﺑﻨﻬﺎ ..
ﺑﻴﺪﻫﺎ ﻃﺎﺳﺔ ﺳﺮﻳﻼﻙ ﺍﺧﺬﺗﻬﺎ ﻛﺘﻠﻬﺎ ﻫﻨﺎﻙ ﻭﻛﻠﻲ ...
ﺩﺧﻠﻨﺎ ﻭﻉ ﻛﻴﻒ ﺧﺎﻑ ﺍﻟﺜﺎﻧﻲ ﻳﻜﻌﺪ ﻻﻥ ﻧﺎﻳﻢ ...
ﺍﺧﺬﺕ ﺣﻤﺮﺓ ﺣﻤﺮﺓ ﻭﺣﻄﻴﺖ ﻓﻮﻛﻬﺎ ﻣﺮﻃﺐ ﻳﻠﻤﻊ ...
ﺣﻄﻴﺖ ﻛﺤﻞ ﺑﻌﻴﻨﻲ ﻭﻣﺴﻜﺮﺓ ...
ﻛﺎﻟﺖ ﺻﺒﺎ ...
ﻣﻬﺮﺓ ﺍﻟﺮﺟﺎﻝ ﻳﻨﺘﺤﺮ ﺑﻴﺞ ﺍﻟﻴﻮﻡ ﻉ ﻫﺎﻟﺪﺷﺪﺍﺷﺔ ...
ﺭﻛﻀﺖ ﻟﻠﺒﺎﺏ ﻛﺘﻠﻬﺎ ﺻﺪﻙ ﺣﻠﻮﺓ . ؟
ﺧﻴﺔ ﺑﻠﻮﺓ ﻣﻮ ﺑﺲ ﺣﻠﻮﺓ ﻫﻬﻬﻬﻪ ...
ﺿﺤﻜﺖ ﻭﻃﻠﻌﺖ ...
ﺩﻛﻴﺖ ﺍﻟﺒﺎﺏ ﻭﻓﺘﺖ .. ﺍﻣﻲ ﻛﺎﻋﺪﺓ ﺗﺴﻮﻟﻒ ﻭﻫﻮ
ﻭﺯﻳﻮﻧﻲ ﺑﺤﻀﻨﻪ ﺟﺎﻱ ﻳﻨﺎﻏﻴﻠﻪ ...
ﺍﻭﻝ ﻣﺪﺧﻠﺖ ﺩﺍﺭ ﻋﻠﻴﻪ ﻭﻫﻮ ﻳﺤﺎﺟﻲ ﺍﻣﻲ ..
ﻧﻈﺮﺍﺗﻪ ﺗﺤﻮﻟﺖ ﻭﺻﺎﺭﺕ ﻓﺎﺗﺮﺓ ...
ﺍﻳﻲ ﺑﺴﻴﻄﺔ ﺑﺪﺍﺧﻠﻲ ﺍﻛﻮﻝ ﺍﻧﻲ ﺍﻋﺮﻑ ﺷﻐﻠﻲ ﻭﻳﺎﻙ ....
ﺍﻣﻲ ﻛﺎﻣﺖ ﻭﺗﺒﺎﻭﻋﻠﻲ ﻭﺗﻀﺤﻚ ...
ﻛﺎﻟﺖ ﺗﻔﺎﻫﻤﻮ ..
ﺍﻱ ﺍﺑﻘﻲ ﻧﺘﻔﺎﻫﻢ ﺑﻮﺟﻮﺩﺝ ...
ﻻ ﺑﻴﻨﺎﺗﻜﻢ ﺍﺣﺴﻦ ..
ﻃﻠﻌﺖ ﻭﻃﺒﻜﺖ ﺍﻟﺒﺎﺏ ...
ﺍﻧﺪﺍﺭ ﻋﻠﻴﻪ ﻭﻋﻴﻮﻧﻪ ﻣﻠﻴﺎﻧﺔ ﺷﻮﻕ ...
ﺷﻠﻮﻧﺞ ﻣﺮﻳﺘﻲ؟
ﺑﺨﻴﻴﺮ .. ﺣﺠﻴﺘﻬﺎ ﻭﺍﻧﻲ ﺍﻣﻂ ﺍﻟﻜﻠﻤﺔ ...
ﺑﺲ ﺍﻧﻲ ﻣﻮ ﺑﺨﻴﺮ ..
ﺍﻧﺸﺎﻟﻠﻪ ﺗﺼﻴﺮ ﺑﺨﻴﺮ ...
ﺍﻛﻴﺪ ﺍﻟﻴﻮﻡ ﺍﺻﻴﺮ ﺑﺨﻴﺮ ... ﺣﺠﺎﻫﺎ ﻭﺣﻂ ﺯﻳﻮﻧﻲ ﺑﺼﻔﻪ ﻭﻛﺎﻡ ...
ﻫﺎ ﺷﻨﻮ ﻭﻳﻦ .. ﺣﺠﻴﺘﻬﺎ ﻭﺍﻧﻲ ﺍﺭﺟﻊ ﻟﻴﻮﺭﺍ ...
ﺗﻘﺮﺏ ﻋﻠﻴﻪ ﻭﺷﺒﻜﻨﻲ ﺻﺎﺭ ﺭﺍﺳﻲ ﻋﺼﺪﺭﻩ ﺭﻓﻌﺘﻪ ﻭﺭﺟﻌﻨﻲ ﺑﻴﺪﻩ ...
ﺍﻧﻲ ﺷﻤﻴﺖ ﺍﻟﺮﻳﺤﺔ ﻭﺍﻟﻮﻋﻮﺩ ﻭﺍﻟﺘﻬﺪﻳﺪﺍﺕ ﺑﺒﺎﻟﻲ ﺗﻼﺷﺖ ...
ﺷﻤﻴﺖ ﺭﻳﺤﺘﻪ ﺣﻴﻞ ﻭﺍﺳﺤﺐ ﺍﻧﻔﺎﺳﻲ ...
ﺣﺴﻴﺘﻪ ﺑﺪﺍ ﻳﻨﺪﻣﺞ ﺍﻛﺜﺮ ﻭﺍﻋﺮﻑ ﺷﺠﺎﻉ ﺳﺮﻳﻊ ﺍﻻﺳﺘﻌﺎﻝ ...
ﺩﻓﻌﺘﻪ ﺣﻴﻞ ﻭﺑﺴﺮﻋﺔ ﺍﻧﺪﻓﻊ ...
ﻫﻮ ﺑﻘﻰ ﻳﻠﻮﺏ ﺑﺲ ﻣﺎﺭﺍﺩ ﻳﺒﻴﻨﻠﻲ ..
ﺣﺘﻰ ﻻ ﺍﻛﻠﻪ ﻣﺮﺟﻌﻨﻲ ﺑﺴﺒﺐ ﻫﺎﻟﺸﻲ ...
ﻛﻌﺪ ﻗﺮﻳﺐ ﻣﻨﻲ ﻭﺑﻘﻰ ﻳﻔﺮﻙ ﺑﻮﺟﻬﻪ ...
ﺍﻟﻤﺎﻱ ﺍﻟﻜﺪﺍﻣﻪ ﺷﺮﺑﻪ ..
ﻛﻌﺪ ﻭﻋﺪﻝ ﻧﻔﺴﻪ ﻛﺎﻝ ﻫﺎ ؟ﺷﻨﻮ ﺗﻮﺻﻠﺘﻲ ﻟﻘﺮﺍﺭ؟
ﺍﻧﺖ ﺷﻨﻮ ﺗﺮﻳﺪ؟
ﺗﻨﻬﺪ ﻛﺎﻝ ...
ﺍﺭﻳﺪ ﻧﺮﺟﻊ ﻭﻧﺮﺑﻲ ﺍﺑﻨﺎ ﺳﻮﺍ ﻭﻛﺎﻓﻲ ﻗﻠﺔ ﺗﻔﻜﻴﺮ ...
ﺍﻭﻛﻲ ﻧﺮﺟﻊ ﻭﻧﺮﺑﻲ ﺍﺑﻨﺎ ...
ﺑﺲ ﺍﻧﻲ ﻻ ﺗﺘﻮﻗﻊ ﻣﺴﺎﻣﺤﺘﻚ ﻫﺴﻪ ...
ﺑﺎﻭﻋﻠﻲ ﺑﻨﺺ ﻋﻴﻦ ﻛﺎﻝ ...
ﻻ ﺍﻧﻲ ﻭﻻ ﺍﻧﺖ ﻣﺴﺎﻣﺤﻴﻦ ﺑﻌﺾ ...
ﻣﺪﺍﻣﻨﺎ ﺑﻌﺎﺩ .. ﻧﺮﺟﻊ ﺳﻮﺍ ﻭﺷﻮﻳﺔ ﺷﻮﻳﺔ ﻧﺘﺮﺍﺿﻰ ...
ﻻ ﺍﺷﻮ ﻣﺎﺧﺬ ﺩﻭﺭ ﺯﻋﻼﻥ ﺑﻌﺪ ؟ ! ﺍﻱ ﻟﻴﺶ ﻻ ... ﺣﺠﻴﺘﻬﺎ ﺑﺪﺍﺧﻠﻲﺍﻭﻛﻲ ﺑﺲ ﺷﺠﺎﻉ ﻧﺘﻔﺎﻫﻢ ﻣﻦ ﻫﺴﻪ ...
ﺣﺠﻴﺖ ﻭﻋﻀﻴﺖ ﺷﻔﺘﻲ ﻫﻮ ﻋﻴﻮﻧﻪ ﺗﺮﻛﺰﺕ ﺍﻛﺜﺮ ﻣﻦ ﻗﺒﻞ ..
ﺭﺟﻊ ﺷﻌﺮﻩ ﻟﻴﻮﺭﺍ ﻛﺎﻝ ...
ﻻ ﺗﺒﻠﻌﻴﻦ ﺍﻟﺤﻤﺮﺓ ﺗﺮﻭﺡ ﺑﺎﻟﺤﻠﻴﺐ ﻭﻫﺎﻱ ﻣﻮﺍﺩ ﻛﻴﻤﻴﺎﻭﻳﺔ ...
ﻣﺴﺤﻴﻬﺎ ﺍﺣﺴﻦ ...
ﺍﻧﻲ ﻫﻨﺎ ﻟﺰﻣﺘﻨﻲ ﺿﺤﻜﺔ ﻛﻮﺓ ﺳﺎﻛﺘﺔ ...
ﻋﺎﻁ ﺯﻳﻮﻧﻲ ﻭﻛﻤﺖ ﺍﺧﺬﺗﻪ ...
ﺑﻘﻴﺖ ﺍﻫﺰ ﺑﻲ ﻭﺳﻜﺖ ...
ﻛﺎﻝ ﺧﺎﻑ ﺟﻮﻋﺎﻥ؟
ﻻ ﺷﺎﺑﻊ ﻗﺒﻞ ﺷﻯﻮﻳﺔ ﺭﺿﻊ ...
ﺍﻱ ﻫﻮ ﺑﺴﺮﻋﺔ ﻳﺠﻮﻉ ...
ﻻ ﻟﻴﻀﻞ ﺑﺎﻟﻚ ...
ﺍﻟﻤﻬﻢ ﺍﻻﺭﻳﺪﻩ ﻣﻨﻚ ﻣﻦ ﻫﺴﻪ ﻭﻋﺪ ﺭﺟﺎﻝ ﻣﺘﻀﺮﺑﻨﻲ ﺑﻌﺪ ...
ﺳﻮﻳﺖ ﻧﻔﺴﻲ ﻣﻘﻬﻮﺭﺓ ... ﺻﺢ ﺍﻧﻲ ﻣﻘﻬﻮﺭﺓ ﺑﺲ ﺯﻳﺪﺕ ﺍﻟﺪﺭﺍﻣﺎ ...
ﻫﻮ ﻛﺎﻝ .. ﺍﺳﺘﻐﻔﺮ ﺍﻟﻠﻪ .. ﺍﻛﺼﻬﺎ ﺍﻳﺪﻱ ﺍﺫﺍ ﺍﻧﻤﺪﺕ ﻋﻠﻴﺞ ...
ﻭﺑﻘﻰ ﻳﻜﺢ ...
ﻛﻤﺖ ﺟﺒﺘﻠﻪ ﻣﺎﻱ ﻭﺭﺟﻌﺖ ...
ﺍﻧﻄﻴﺘﻪ ﻭﻫﻮ ﻋﻴﻮﻧﻪ ﻛﺼﺘﻨﻲ ﻛﺺ ...
ﺍﺷﻮ ﻫﺬﺍ ﺷﺮﺑﻪ ﻭﻛﺎﻝ ﺑﻌﺪ ﺍﺭﻳﺪ ...
ﺭﺣﺖ ﺟﺒﺘﻠﻪ ﻭﺭﺟﻌﺖ ﺍﻧﻄﻴﺘﻪ ...
ﺷﺮﺑﻪ ﻭﻛﺎﻝ ﺍﺭﻭﺡ ﻟﻠﺤﻤﺎﻡ ﻉ ﻣﺎﺗﺠﻬﺰﻳﻦ ﺍﻏﺮﺍﺿﺞ ﻫﺎ ﻣﺘﻔﻘﻴﻦ؟
ﺍﻱ ﺍﻭﻛﻲ ﺑﺲ ﻭﻋﺎﻃﻒ؟
ﺍﻧﻲ ﺍﺧﺎﺑﺮﻩ ﺧﻠﻴﻬﺎ ﻳﻤﻲ ...
ﺑﺲ ﻃﻠﻌﻲ ﻛﺪﺍﻣﻲ ﺳﻮﻳﻠﻲ ﻃﺮﻳﻖ ...
ﻃﻠﻌﺖ ﻭﻫﻮ ﺭﺍﺡ ﻟﻠﺤﻤﺎﻡ ...
ﻛﺎﻝ ﺍﺧﻠﺺ ﻭﺍﻧﺘﻈﺮﺝ ﺑﺎﻟﺴﻴﺎﺭﺓ ..
ﺭﺟﻌﺖ ﻟﻠﻐﺮﻓﺔ ﺍﻧﻄﻴﺖ ﺯﻳﻮﻧﻲ ﻻﻣﻲ ﻭﺍﺟﻤﻊ ﺑﺎﻏﺮﺍﺿﻲ ﻭﺍﺳﻮﻟﻒ ﻭﻳﺎﻫﺎ ...
ﻛﻠﺘﻠﻲ ﺍﺧﺬﻳﻬﺎ ﻧﺼﻴﺤﺔ ... ﺍﺫﺍ ﺷﻔﺘﻲ ﺗﻌﺼﺐ ﻻ ﺗﻔﺘﺤﻴﻦ ﺣﻠﻜﺞ ﻳﻤﻪ ...
ﻣﺪﺍﻣﻪ ﻳﻔﻘﺪ ﺍﻋﺼﺎﺑﻪ ﻳﻌﻨﻲ ﻳﻔﻘﺪ ﻋﻘﻠﻪ ﻭﻣﺎ ﻉ ﺍﻟﻤﺠﻨﻮﻥ ﺣﺮﺝ ﻳﻤﺎ ﻣﺎ ﺳﺎﻣﻌﺔ؟
ﻻ ﻣﺎﺍﺣﺠﻲ ﺷﻲ ﻫﻮ ﺻﺢ ﻣﺤﺬﺭﻧﻲ ﺍﺳﻜﺖ ..
ﺑﺲ ﺑﻌﺪ ﺻﺎﺭﺕ ..
ﺍﻱ ﺍﺧﺬﻳﻬﺎ ﺩﺭﺱ ﻳﻤﺎ .. ﻭﺍﻟﺼﻮﺍﺏ ﺍﻳﻮﺟﻌﻚ ﻳﻘﻮﻳﻚ ...
ﺍﻟﻠﻪ ﻛﺮﻳﻢ ... ﺍﺩﻋﻴﻠﻲ ﻳﻤﺎ ...
ﺍﻟﻠﻪ ﻳﺴﻬﻞ ﺣﻴﺎﺗﺞ ﻭﻳﺴﻌﺪﺝ ﺑﻌﺪ ﺭﻭﺣﻲ ....
ﻛﻤﻠﺖ ﺍﻏﺮﺍﺿﻲ ﻭﻛﺘﻠﻬﺎ ﻛﻮﻟﻲ ﻟﻌﺎﻃﻒ ﻭﺣﺎﺟﻲ ...
ﻫﻮ ﺷﺠﺎﻉ ﻛﺎﻝ ﻳﺨﺎﺑﺮﻩ ...
ﺍﻱ ﻫﺬﺍ ﻫﻮ ﻻ ﺗﺤﺎﺗﻴﻦ ...
ﺍﺧﺬﺕ ﺍﻏﺮﺍﺿﻲ ﻃﻠﻌﺘﻬﺎ ...
ﻧﺰﻝ ﺷﺠﺎﻉ ﺍﺧﺬﻫﺎ ..
ﻭﺩﻋﺖ ﺍﻣﻲ ﻭﺻﺒﺎ ..
ﻃﺒﻌﺎ ﺗﻤﺎﺿﺮ ﻃﻮﻝ ﻫﺎﻟﺸﻬﺮﻳﻦ ﺷﻔﺘﻬﺎ ﺑﺲ ﺛﻠﺚ ﻣﺮﺍﺕ ...
ﻣﻦ ﺗﻄﻠﻊ ﺍﺷﻮﻓﻬﺎ ﻻﻥ ﻋﺒﺎﻟﻚ ﻋﺎﻳﺸﺔ ﺑﻐﻴﺮ ﺑﻴﺖ ﻣﻮ ﻓﻮﻙ ...
ﻃﻠﻌﻨﺎ ﻭﻫﻮ ﻛﻞ ﺷﻮﻳﺔ ﻋﻴﻨﻪ ﻋﻠﻴﻨﻪ ﺍﻧﻲ ﻭﺯﻳﻮﻧﻲ ...
ﻭﺻﻠﻨﺎ ﻟﻠﺒﻴﺖ ﻟﻜﻴﺖ ﺍﻟﺤﺠﻲ ﻭﺍﻟﺤﺠﻴﺔ ﻳﻤﻬﻢ ﺟﻌﻔﺮ ﻳﻠﻌﺐ ﻭﺭﺣﺎﺏ ﺑﺎﻟﻤﻄﺒﺦ ...
ﺳﻠﻤﺖ ﻋﻠﻴﻬﻢ ﻭﺍﺧﺬﻭ ﺯﻳﻮﻧﻲ ...
ﺭﺣﺎﺏ ﺣﺎﺿﻨﺘﺘﻲ ﻭﺑﺲ ﺗﺒﺠﻲ ..
ﺷﺠﺎﻉ ﻛﻠﻬﺎ ﻳﻮﺍﺷﺞ ﺑﻮﻳﺔ ﻣﺮﺩﺗﻴﻬﺎ ﻣﺮﺩ ...
ﻫﻬﻪ ﻏﻴﺮ ﻣﺸﺘﺎﻗﺘﻠﻬﺎ ...
ﻛﺎﻝ ﺑﺼﻮﺕ ﻧﺎﺻﻲ .. ﺣﻈﻮﻭﻭﻅ ...
ﻭﺍﺧﺬ ﺍﻻﻏﺮﺍﺽ ﺻﻌﺪﻫﺎ ﻭﺍﻧﻲ ﺑﻌﺪﻫﺎ ﺗﺮﺧﺼﺖ ..
ﻛﺎﻟﻮ ﺧﻠﻲ ﺯﻳﻮﻧﻲ ﻳﻤﻨﺎ ..
ﺧﻠﻴﺘﻪ ﻭﺻﻌﺪﺕ ﻟﻠﻐﺮﻓﺔ ...
ﺑﺎﻭﻋﺖ ﺑﺎﺏ ﺍﻟﺤﻤﺎﻡ ﻣﺴﺪﻭﺩ ...
ﻃﻠﻌﺘﻠﻲ ﺩﺷﺪﺍﺷﺔ ﺑﺪﻟﺖ ﻭﻛﻌﺪﺕ ﺍﺭﺗﺐ ﺍﻟﻤﻼﺑﺲ ﻣﻦ ﺍﻟﺠﻨﻂ ..
ﺍﺑﺎﻭﻉ ﻉ ﺍﻟﻐﺮﻓﺔ ﺑﻠﻬﻔﺔ ..
ﺷﻜﺪ ﻣﺸﺘﺎﻗﺘﻠﻬﺎ ﺻﺪﻙ ﻟﻮ ﺍﻟﻒ ﺍﻟﺪﻧﻴﺎ ﻛﻠﻬﺎ ﻣﺎﺭﺗﺎﺡ ﺑﺲ ﺑﺒﻴﺘﻲ ..
ﺳﺒﺤﺎﻥ ﺍﻟﻠﻪ ﺑﻴﺖ ﺍﻫﻠﻲ ﻋﺸﺖ ﻛﻞ ﻋﻤﺮﻱ ﺑﻲ ..
ﺑﺲ ﻫﺴﻪ ﺍﺣﺲ ﺭﺍﺣﺘﻲ ﻫﻨﺎ ....
ﻟﺤﺪ ﺍﻣﺲ ﻣﺎﻧﻴﺘﻲ ﺍﺭﺟﻊ ...
ﺑﺲ ﺗﻐﻴﺮﺕ ﺍﻓﻜﺎﺭﻱ ﺑﺜﻮﺍﻧﻲ ...
ﻭﻟﻮ ﻛﻠﺸﻲ ﻣﻜﺘﻮﺏ ...
ﺳﻤﻌﺘﻪ ﺍﺫﻥ .. ﻃﻠﻌﺖ ﺗﻮﺿﻴﺖ ﺑﺎﻟﺤﻤﺎﻡ ﺍﻟﺒﺮﺍ ﻭﺍﺟﻴﺖ ...
ﻟﺒﺴﺖ ﺍﻻﺣﺮﺍﻡ ﺟﺎﻱ ﺍﺻﻠﻲ ﻭﻃﻠﻊ ﺷﺠﺎﻉ ﻣﻦ ﺍﻟﺤﻤﺎﻡ ...
ﻛﻤﻠﺖ ﺻﻼﺗﻲ ..
ﻫﻮ ﻭﺍﻛﻒ ﻳﻨﻈﻒ ﺑﺎﺫﻧﻪ ﻭﻳﺒﺎﻭﻋﻠﻲ ﺑﺎﻟﻤﺮﺍﻳﺔ ...
ﻏﻠﺴﺖ ﻭﻻ ﺣﺠﻴﺖ ﺷﻲ ..
ﻣﺘﻌﻮﺩﻳﻦ ﻣﻦ ﻧﺴﺒﺢ ﻭﺍﺣﺪ ﻳﻜﻮﻝ ﻟﻠﺜﺎﻧﻲ ﻧﻌﻴﻤﺎ ...
ﺑﺲ ﻣﺎ ﻛﺘﻠﻪ ...
ﻋﺒﺎﻟﻪ ﺭﺍﺟﻌﻪ ﻭﺭﺍﺡ ﺍﺧﺬﻩ ﺑﺎﻻﺣﻀﺎﻥ ....
ﻓﺘﺖ ﻟﻠﺤﻤﺎﻡ ﻭﺍﻧﻲ ﺑﺒﺎﻟﻲ ﺍﻻﺧﺘﺒﺎﺭ ...
ﻋﺎﺩ ﺻﺎﺭﻟﻪ ﺍﻗﻞ ﻣﻦ ﺳﻨﺔ ﻛﻮﻥ ﺑﻌﺪﻩ ﻓﻌﺎﻝ ...
ﻃﻠﻌﺘﻪ ﻭﺳﻮﻳﺘﻪ ﻭﺑﻘﻴﺖ ﺍﻧﺘﻈﺮ ...
ﺍﺑﺎﻭﻋﻠﻪ ﺻﺎﺭﺕ ﺑﻲ ﺧﻄﻮﻁ ﺑﺎﻟﻄﻮﻝ ﻭﺑﺎﻟﻌﺮﺽ ..
ﻳﺎ ﻋﺰﺍ ﺷﻨﻮ ﺣﺎﻣﻞ ﺑﻜﺮﻭﺏ ﻛﺎﻣﻞ ﻣﻮ ﻭﺍﺣﺪ ﺷﻨﻮ ...
ﺍﻛﻴﺪ ﺧﺮﺑﺎﻥ ﻳﻮﻟﻲ ...
ﻃﻠﻌﺖ ﺍﻟﺜﺎﻧﻲ ﺳﻮﻳﺘﻪ ﻭﻭﻛﻔﺖ ﺍﻧﺘﻈﺮ ....
ﻟﻠﺤﻜﺎﻳﺔ ﺑﻘﻴﺔ
ﺑﻘﻠﻢ ﺷﻘﺮﺍﺀ ‏( ﻗﻤﺮ ﻛﺎﻧﻮﻥ)
#روووعه