#حين_يزهر_الحجر
بقلم شقراء(قمركانون)
٧_____٨
ﺣﻴﻦ ﻳﺰﻫﺮ ﺍﻟﺤﺠﺮ
ﺍﻟﺠﺰﺀ ﺍﻟﺴﺎﺑﻊ
ﻣﻦ ﺗﻼﻣﺴﺖ ﺷﻔﺎﻳﻔﻨﺎ ﺟﺴﻤﻲ ﺭﺟﻒ .. ﺍﻧﺮﻋﺒﺖ ..
ﺻﺢ ﻣﺮﺍﺕ ﻛﻨﺖ ﺍﺗﻤﻨﻰ ﻫﺎﻟﺸﻲ ..
ﺑﺲ ﻫﺴﻪ ﻣﻦ ﺻﺎﺭ ﻭﺍﻗﻊ ﺍﺣﺲ ﺭﻭﺣﻲ ﻣﺴﻮﻳﺔ ﺟﺮﻳﻤﺔ ﻭﺧﺎﻳﻔﺔ ...
ﺑﺲ ﻟﺤﻈﺔ ﺍﻧﻲ ﺗﺨﺒﻠﺖ ..
ﻣﺎﺟﺎﻱ ﺍﺭﻛﺰ ﻫﺎﻱ ﺣﻠﻮﺳﺔ .. ﺣﻠﻢ ..
ﻟﻮ ﺻﺪﻙ !!
ﻣﻦ ﻓﺘﺢ ﺍﻟﻄﺒﺎﻗﺎﺕ ﺍﻳﺪﻩ ﺍﻧﻤﺪﺕ ﻉ ﺻﺪﺭﻱ ﻓﺰ ﻗﻠﺒﻲ ﻭﻋﻘﻠﻲ ﻭﻛﻠﺸﻲ ﺑﻴﺔ ..
ﺣﺎﻭﻟﺖ ﺍﺩﻓﻌﻪ ﻭﻋﻨﻲ ..
ﻟﺰﻡ ﺍﻳﺪﻱ ﻣﻦ ﺍﻟﻤﻌﺼﻢ ﺑﻘﻮﻭﺓ ...
ﺑﺎﻭﻉ ﺑﻮﺟﻬﻲ ﻭﻛﺎﻝ ... ﻟﻴﺶ ﺗﺪﻓﻌﻴﻨﻲ !!
ﻣﻮ ﺫﺍﺑﺤﺔ ﻧﻔﺴﺞ ﻋﻠﻲ ﻭﺗﺤﻠﻤﻴﻦ ﺑﻴﻪ؟؟
ﺣﺠﻴﺖ ﺑﺜﻤﺎﻟﺔ ﻛﻮﺓ ﺍﻧﻄﻖ .. ﻭﺧﺮﺭ ﻋﻨﻲ ﻟﺘﻠﻤﺴﻨﻲ ...
ﻛﻌﺪﻧﻲ ﻋﺪﻝ ﻭﺭﺍﺡ ﻟﻠﺜﻼﺟﺔ ..
ﺭﺟﻌﺖ ﺭﺍﺳﻲ ﻟﻴﻮﺭﺍ ﺑﺲ ﺍﺭﻳﺪ ﺍﺳﺘﻌﻴﺪ ﻗﻮﺗﻲ ..
ﻓﺰﺯﻧﻲ ﺑﺮﻭﺩﺓ ﺍﻟﻤﺎﻱ ﻃﺸﻪ ﻉ ﺻﺪﺭﻱ ..
ﻟﺰﻣﺖ ﻋﺒﺎﻳﺘﻲ ﺣﻴﻞ ﻭﻟﻤﻴﺘﻬﺎ .. ﺑﺎﻭﻋﺘﻠﻪ ﻭﺍﺭﻳﺪ ﺍﻛﻮﻡ ..
ﺍﻧﻄﺎﻧﻲ ﺑﻄﻞ ﺍﻟﻤﺎﻱ ﻛﺎﻝ ﺷﺮﺑﻲ ...
ﺍﺧﺬﺗﻪ ﻣﻦ ﺍﻳﺪﻩ ﻭﺷﺮﺑﺖ ﻭﻏﺴﻠﺖ ﻭﺟﻬﻲ ..
ﺭﺍﺡ ﻭﺭﺟﻌﻠﻲ .. ﻓﺘﺤﻲ ﺍﻳﺪﺝ ..
ﺭﻓﻌﺖ ﺭﺍﺳﻲ ﻭﺑﺎﻭﻋﺘﻠﻪ ﺑﻴﺪﻩ ﻋﻄﺮ ...
ﺭﺷﻠﻲ ﻭﻛﺎﻝ ﺍﺳﺘﻨﺸﻘﻲ .. ﻫﺴﻪ ﺗﺮﻭﺡ ﺍﻟﺪﻭﺧﺔ ﻭﻳﺮﺟﻌﻠﺞ ﺍﻟﻮﻋﻲ ...
ﺗﺮﺳﻠﻲ ﺍﻳﺪﻱ ﻋﻄﺮ ...
ﺍﻧﻲ ﺩﺍﻳﺨﺔ ﻭﺷﺒﻪ ﻭﺍﻋﻴﺔ ﻭﻛﻞ ﺗﺮﻛﻴﺰ ﻣﺎﻋﻨﺪﻱ ...
ﺑﺲ ﺭﺩﺕ ﺍﺭﻛﺰ ﺑﺎﺳﻢ ﺍﻟﻌﻄﺮ ﻣﻜﺪﺭﺕ ..
ﺣﻔﻈﺖ ﺷﻜﻠﻪ .. ﺯﺟﺎﺟﺔ ﺯﻳﺘﻮﻧﻴﺔ ..
ﻭﺗﺼﻴﺮ ﻣﻦ ﻓﻮﻙ ﻃﻮﻳﻠﺔ ﺑﻴﻬﺎ ﻣﺜﻞ ﺍﻟﺮﻗﺒﺔ ..
ﺷﻤﻴﺘﻪ ﻭﺍﺧﺎﻑ ﺍﻧﻲ ﺑﺲ ﺩﺍﻳﺨﺔ ﺟﻨﺖ ..
ﺍﻟﻌﻄﺮ ﺯﺍﺩ ﺍﻻﺣﺴﺎﺳﻴﺲ ﻭﻗﻠﺐ ﻛﻠﺸﻲ ﻣﺨﺒﻰﺀ ﺑﺪﺍﺧﻠﻲ ..
ﺑﻘﻴﺖ ﺍﺷﻢ ﺑﻴﺪﻱ ..
ﻫﻮ ﻭﺍﻛﻒ ﻭﺍﻳﺪﻳﻪ ﺑﺠﻴﻮﺑﺔ ...
ﺑﺲ ﺗﻘﺮﻳﺒﺎ ﺍﺳﺘﻌﺎﺩﻳﺖ ﻭﻋﻴﻲ .. ﻛﻤﺖ ﻭﺍﺳﺘﻨﺪﺕ ﻉ ﺍﻟﻘﻨﻔﺔ ..
ﻭﻫﻮ ﻭﺍﻛﻒ ﻳﺘﺮﻗﺐ ﺗﺼﺮﻓﺎﺗﻲ ...
ﺭﻓﻊ ﺣﺎﺟﺒﻪ ... ﺷﻠﻮﻥ ﺗﺸﺮﺑﻴﻬﺎ ﻣﺎﺧﻔﺘﻲ ﺗﺨﺘﻨﻜﻴﻦ؟؟؟
ﺣﺎﺟﻴﺘﻪ ﻭﺍﻧﻲ ﺍﻓﺮﻙ ﺑﻜﺼﺘﻲ ..
ﻣﺎﻟﻲ ﻛﻼﻡ ﻭﻳﺎﻙ .. ﻟﻴﺶ ﺗﻠﻤﺴﻨﻲ !!
ﺿﺤﻚ ﻣﺴﺘﻬﺰﺃ ..
ﻣﻨﻮ ﺑﺎﺳﺞ !!!! ﺍﻧﻲ؟؟
ﺍﻱ ﻟﻌﺪ ﻣﻨﻮ ..
ﻻ ﻏﻠﻄﺎﻧﺔ .. ﺍﻧﺖ ﺫﺑﻴﺘﻲ ﻧﻔﺴﺞ ﺑﺤﻀﻨﻲ ..
ﻛﻠﺖ ﻓﺮﺻﺔ ﻭﺍﺟﺘﻠﻲ ..
ﺭﺟﺎﻝ ﻣﻄﻠﻖ ﻭﻣﺤﺮﻭﻡ ﻭﺻﺤﺘﻠﻲ ﻓﺮﺻﺔ ﻗﺎﺑﻞ ﺍﺭﺩﻫﺎ؟؟؟
ﺍﺣﺘﻘﺮﺕ ﻧﻔﺴﻲ ﻭﻛﺮﻫﺖ ﺗﺼﺮﻓﺎﺗﻲ ﻭﺛﻮﻟﻲ ..
ﻳﻌﻨﻲ ﻣﺎﻛﺎﻥ ﻗﺼﺪﻱ ﺷﻲ ﺑﺲ ﺍﺟﺮﺏ ﺍﻻﺭﻛﻴﻠﺔ ﻭﻃﻌﻤﻬﺎ ..
ﻣﺘﻮﻗﻌﺖ ﻫﻴﺞ ﺗﺒﻌﺎﺗﻬﺎ ...
ﺑﻘﺖ ﺩﻣﻮﻋﻲ ﺗﻜﺖ ﻭﺍﺣﺲ ﺍﻟﻌﺒﺮﺓ ﻛﺴﺮﺕ ﺻﺪﺭﻱ ..
ﺷﻨﻮ ﻓﺮﺻﺔ !! ﺷﻔﺘﻨﻲ ﺭﺧﻴﺼﺔ ﻛﺪﺍﻣﻚ؟؟
ﺷﻨﻮ ﻛﻔﺮﺕ ﺟﺮﺑﺖ ﺷﻲ ﻣﻤﺠﺮﺑﺘﻪ ..
ﻗﺎﺑﻞ ﻛﻨﺖ ﻣﺘﻘﺼﺪﻩ ﺍﻏﺮﻳﻚ؟؟
ﺍﺟﻴﺖ ﻭﻣﺎﻟﻜﻴﺘﻚ ﻛﻠﺖ ﺍﺟﺮﺑﻬﺎ ..
ﺍﻋﺮﻑ ﺗﺼﺮﻑ ﻏﻠﻂ ﻭﺍﺭﻋﻦ .. ﺑﺲ ﻣﺎﻭﺭﺍﻩ ﺍﻟﻘﺼﺪ ﺍﻟﻲ ﺍﻧﺖ ﻓﺎﻫﻤﺔ ..
ﺑﻘﻴﺖ ﺍﻣﺴﺢ ﺑﺪﻣﻮﻋﻲ ﻭﺍﻟﺼﺪﺍﻉ ﻣﻮﺗﻨﻲ ...
ﺳﺘﺪﺕ ﻧﻔﺴﻲ ﻋﺪﻝ ﻭﺷﻔﺖ ﺭﻭﺣﻲ ﺍﻛﺪﺭ ﺍﻃﻠﻊ ..
ﻻ ﺗﺒﺠﻴﻦ ﻳﺒﺎ ﻗﺎﺑﻞ ﻇﺎﻟﻤﺞ ﺍﻧﻲ ..
ﺷﻔﺖ ﻧﻔﺴﻲ ﻋﺎﺟﺒﺞ ﻭﻣﻦ ﺍﻋﺒﺮ ﺗﺸﻤﺸﻤﻴﻦ ﺑﺮﻳﺤﺘﻲ ..
ﻛﻠﺖ ﺍﺭﻳﺢ ﻗﻠﺒﺞ ﻟﻴﺶ ﺗﺒﻘﻴﻦ ﺑﺎﻟﺤﺴﺮﺓ ..
ﺻﺎﺭﺕ ﻋﻴﻮﻧﻲ ﺑﺮﺍﺳﻲ ﻫﺬﺍ ﺷﻜﺪ ﺣﻘﻴﺮ ﻭﻣﺴﺘﺼﻐﺮﻧﻲ !!!
ﺭﻓﻌﺖ ﺍﺻﺒﻌﻲ ﻭﺍﺷﺮﺕ ﻋﻠﻴﻪ ﻣﻦ ﺟﻮﺍ ﻟﻔﻮﻙ ﻭﺍﻧﻲ ﺍﻣﺸﻲ ..
ﻣﺎﺑﻘﻰ ﻋﻠﻴﻪ ﺑﺲ ﺍﻟﺸﻴﺎﺏ ﺍﻟﻤﻌﻘﺪﻳﻦ ﺑﻌﺪ ﻫﻪ ...
ﻭﻫﺬﺍ ﺍﺧﺮ ﻳﻮﻡ ﺍﻟﻲ ﺍﺩﺍﻭﻡ ﺑﻌﺪ ﻣﺘﺸﻮﻑ ﺧﻠﻘﺘﻲ ...
ﻭﺻﻠﺖ ﻟﻠﺒﺎﺏ ﻛﻠﺶ ﻛﻠﺖ ﺍﺣﺠﻲ ﻭﺍﺷﺮﺩ ﺍﻟﻤﻬﻢ ﺍﺑﺮﺩ ﻗﻠﺒﻲ ..
ﺑﺎﻭﻋﺖ ﺑﻌﻴﻮﻧﻪ ﻭﺻﺎﺭﻟﻲ ﻓﺘﺮﺓ ﻣﻤﺒﺎﻭﻋﺔ ﺑﻴﻬﺎ ...
ﻧﻈﺮﺍﺗﻪ ﺟﺎﻧﺖ ﺣﻠﻮﺓ ﻭﺗﺘﺎﻣﻠﻨﻲ ﺍﺑﺪ ﻣﺎﻛﻮ ﻏﻀﺐ ﺍﺻﻼ ﺑﻌﻴﻮﻧﻪ ﺿﺤﻜﺔ ...
ﺭﻛﺰﺕ ﺑﻲ ﻭﺍﻳﺪﻱ ﻉ ﺍﻟﺒﺎﺏ ..
ﺍﻧﻲ ﻳﻌﺠﺒﻨﻲ ﺍﻟﺰﻟﻤﺔ ﺍﻟﺮﺯﻥ ﻣﻮ ﺍﻟﻴﻄﻠﻊ ﻣﺮﺍﺟﻠﻪ ﺑﺎﻟﻀﺮﺏ ..
ﺧﻔﺖ ﺍﺑﺎﻭﻉ ﻟﺮﺩﺓ ﻓﻌﻠﻪ ﺷﺮﺩﺕ ﺑﺴﺮﻋﺔ ...
ﻗﺮﺭﺕ ﺍﺑﻄﻞ ﻭﻣﺎﺑﻘﻰ ﺑﻌﺪ ...
ﻟﻴﺶ ﻫﻴﺞ ﻳﻌﺎﻣﻠﻨﻲ ﻭﻟﻮ ﺣﻘﻪ ..
ﺍﻧﻲ ﺧﻔﻴﻔﺔ ﻭﺍﺑﺎﻭﻋﻠﻪ ﻭﺍﺷﻤﺸﻢ ﺑﻌﻄﺮﻩ ..
ﻭﺭﺣﺖ ﺷﺮﺑﺖ ﺍﺭﻛﻴﻠﺘﻪ ﻭﺩﺧﺖ ﻳﻤﻪ ﻭﻣﺎﺭﻳﺪﻩ ﻳﺤﺠﻲ ..
ﺑﺲ ﺧﻼ ﺹ ﺍﺑﻄﻞ ﻭﺍﺭﺗﺎﺡ ﺷﻴﺮﻳﺪ ﻳﺼﻴﺮ ﻳﺼﻴﺮ ﺗﻌﺒﺖ ..
ﺷﻜﺪ ﻛﺮﻫﺖ ﺗﺼﺮﻓﻪ ﺑﺲ ﻗﻠﺒﻲ ﻭﺍﺟﻌﻨﻲ ﺍﻓﺎﺭﻛﻪ ﻣﺎﺭﻳﻴﻴﺪ ...
ﻗﺮﺭﺕ ﺑﺲ ﻫﺎﻟﻴﻮﻡ ﻭﺑﻌﺪ ﻣﺎﺍﺟﻲ ..
ﺑﻘﻴﺖ ﻛﺎﻋﺪﻩ ﺑﺲ ﺍﻟﺪﻭﺧﺔ ﺗﺪﻙ ﺑﺮﺍﺳﻲ ..
ﻛﻤﻠﺖ ﺍﻟﺪﻭﺍﻡ ﻉ ﺍﻋﺼﺎﺑﻲ ﻭﺍﺩﻋﻲ ﻛﻮﻥ ﻣﺎﺍﺷﻮﻑ ﺷﺠﺎﻉ ﻛﺪﺍﻣﻲ ..
ﺧﻠﺺ ﺍﻟﺪﻭﺍﻡ ﻭﺭﺟﻌﺖﺍﻣﻲ ﺍﻧﺘﺒﻬﺘﻠﻲ ﻛﺘﻠﻬﺎ ﻣﺼﺪﻋﺔ ﻛﻠﺶ ﻭﺩﺍﻳﺨﺔ ..
ﺳﻮﺗﻠﻲ ﺟﺎﻱ ﻟﻮﻣﻲ ﻭﺩﻟﻜﺘﻠﻲ ﺭﺍﺳﻲ ﻫﺪﻳﺖ ﺻﺪﻙ ..
ﺯﻫﺮﺓ ﺭﺍﺟﻌﺔ ﻣﻦ ﻭﻛﺖ ﻭﻧﺎﻳﻤﺔ ..
ﺧﻄﻴﺔ ﺗﻔﻜﺮ ﺑﻬﺬﺍ ﺍﻟﻤﺠﻬﻮﻝ ﺍﻟﺴﻤﻌﻨﻪ ..
ﻭﺍﻧﻲ ﺣﺎﻃﻪ ﺍﻳﺪﻱ ﻉ ﻗﻠﺒﻲ ﺍﺧﺎﻑ ﻳﻄﻠﻊ ﺑﺮﺍﻕ ..
ﺗﻤﺪﺩﺕ ﺑﻔﺮﺍﺷﻲ ﻭﻣﺨﻠﻴﻪ ﺍﻳﺪﻱ ﻉ ﺧﺸﻤﻲ ..
ﺍﺳﺘﻨﺸﻖ ﺍﻟﺮﻳﺤﺔ ﻭﻣﻐﻤﻀﺔ ..
ﻧﺰﻟﺖ ﺩﻣﻮﻋﻲ ﻉ ﻫﺎﻟﺤﺐ ﺍﻟﺒﺎﺋﺲ ..
ﺗﻮﻧﻲ ﺑﺪﻳﺖ ﺍﻏﻔﻰ ﻭﺳﻤﻌﺖ ﺻﻮﺕ ﺗﻤﺎﺿﺮ ﺗﺤﺠﻲ ﻭﻱ ﻋﺎﻃﻒ ﺻﻮﺗﻬﻢ ﻃﺎﻟﻊ ..
ﻓﺰﻳﺖ ﻣﺮﻋﻮﺑﺔ ﺍﺳﻤﻌﻬﺎ ﺗﺼﻴﺢ ﺳﻮﻕ ﻉ ﻛﻴﻔﻚ ﻟﺘﺮﻭﺡ ﺗﺪﻋﻢ ﻭﺗﻴﺘﻤﻨﺎ ..
ﻛﻤﺖ ﻭﻛﻮﺓ ﻣﺘﻮﺍﺯﻧﺔ ..
ﻃﻠﻌﺖ ﻭﻣﻠﺤﻜﺖ ﻉ ﻋﺎﻃﻒ ﻃﻠﻊ ﺑﺴﺮﻋﺔ ..
ﺣﺎﺟﻴﺘﻪ ﺑﺨﻮﻑ .. ﺷﺒﻴﻴﻲ ﻋﺎﻃﻒ ﺷﺼﺎﻳﺮ؟؟؟
ﺧﺎﺑﺮﻩ ﺍﺑﻦ ﻋﻤﺞ ﺻﺒﺎﺡ ﻳﻜﻮﻝ ..
ﺍﻟﺒﺎﺭﺣﺔ ﺑﺮﺍﻕ ﺍﺑﻦ ﻋﻤﺞ ﻣﻨﻴﺮ ﻫﻮ ﻭﻋﺎﺋﻠﺘﻪ ﺑﺒﻐﺪﺍﺩ ﻭﺻﺎﻳﺮ ﺍﻧﻔﺠﺎﺭ ..
ﻳﺎﺳﺎﺗﺮ؟؟ﺷﻨﻮ ﻣﺘﺎﺫﻳﻦ ﺧﻮ ﻣﺤﺪ ﻣﺎﺕ !..
ﻣﺎﺩﺭﻱ ﻣﺎﻛﺎﻝ ﺑﺲ ﻃﻠﻊ ﻳﺮﻛﺾ ..
ﺍﻧﺸﺎﻟﻠﻪ ﻣﺎﻛﻮ ﺷﻲ ﺧﻄﻴﺔ ﺑﻌﺪﻫﻢ ﺷﺒﺎﺏ ..
ﺭﺟﻌﺖ ﻟﻠﻐﺮﻓﺔ ﺑﻘﻴﺖ ﺍﺩﻋﻴﻠﻬﻢ ﺧﻄﻴﺔ ﺷﻤﺎ ﺳﻮﺍ ﺑﺲ ﺷﺎﺏ ﻭﺍﺑﻨﻪ ﺻﻐﻴﺮ ﻛﻮﻥ ﻣﺎﺑﻴﻬﻢ ﺷﻲ ...
ﺑﻘﻴﺖ ﻻﺯﻣﺔ ﺟﻬﺎﺯﻱ ﻭﻣﺼﻔﻨﺔ ..
ﺭﺍﺳﻠﺖ ﺭﺣﺎﺏ ﺣﺠﻴﺘﻠﻬﺎ ﻛﺎﻟﺖ ﺍﻟﻠﻪ ﻳﻌﺪﻳﻬﺎ ﻉ ﺧﻴﺮ ..
ﺳﻤﻌﻨﺎ ﺑﻲ ﺑﺎﻻﺧﺒﺎﺭ ﻛﻠﺶ ﻗﻮﻱ ﻭﻫﻮﺍﻱ ﺿﺤﺎﻳﺎ ..
ﻣﺤﺠﻴﺘﻠﻬﺎ ﻋﻦ ﺍﻟﺼﺎﺭ ﻭﻳﺎﻱ ﺍﻱ ﺷﻲ ﻻﻥ ﻣﺎﻟﻲ ﺧﻠﻚ ﻛﻠﺶ ...
ﺍﺟﺎﻧﻲ ﻣﺴﺞ ﻣﻦ ﺭﻗﻢ ﻏﺮﻳﺐ ..
ﺑﺎﺟﺮ ﺗﺪﺍﻭﻣﻴﻦ ﻭﺷﻐﻠﺔ ﺍﻻﺳﺘﻘﺎﻟﺔ ﺍﻧﺴﻴﻬﺎ ..
ﻓﺘﺤﺖ ﺍﻟﺼﻮﺭﺓ ﻣﺎﻟﺖ ﺍﻻﺳﻢ ﺻﻮﺭﺓ ﺷﺠﺎﻉ ..
ﻻﺑﺲ ﺭﺳﻤﻲ ﻭﻛﺎﻋﺪ ﺻﻔﺢ ﻭﺣﺎﻁ ﺭﺟﻞ ﻉ ﺭﺟﻞ ﻭﺑﻴﺪﻩ ﺟﻜﺎﺭﺓ ..
ﺑﻘﻴﺖ ﺻﺎﻓﻨﺔ ﺑﺎﻟﺼﻮﺭﺓ ﺑﻌﺪﻳﻦ ﺗﺬﻛﺮﺕ ﺍﻟﻤﺴﺞ ..
ﺍﺣﺘﺎﺭﻳﺖ ﺑﺸﻨﻮ ﺍﺟﺎﻭﺑﻪ ﺗﺎﻟﻲ ﻛﻠﺖ ﺍﺭﺩﻩ ﻭﻣﺎﺍﻏﻴﺮ ﻗﺮﺍﺭﻱ ..
ﻛﺘﺒﺘﻠﻪ ..
ﺷﻴﻄﻠﻊ ﺑﻴﺪﻙ ﺳﻮﻱ ﻭﺩﻭﺍﻡ ﻣﺎﺍﺩﺍﻭﻡ ﺑﻌﺪ ...
ﺍﺗﺼﻞ ﻛﻤﺖ ﻗﻔﻠﺖ ﺍﻟﺒﺎﺏ ﻭﺣﻀﺮﺗﻠﻪ ﺭﺯﺍﻟﺔ ﻋﺪﻟﺔ ..
ﻓﺘﺤﺖ ﺧﻂ ﻭﺭﺟﻒ ﻗﻠﺒﻲ ..
ﺳﺖ ﻓﻀﺔ ﺑﺎﺟﺮ ﺗﺪﺍﻭﻣﻴﻦ .. ﺣﺠﻪ ﺑﺜﻘﺔ ﻭﻫﺪﻭﺀ ..
ﻭﺍﻧﻲ ﻣﺤﻀﺮﺗﻠﻪ ﻋﺮﻛﺔ ﺑﺲ ﻣﺸﻔﺘﻬﺎ ﺗﻨﺎﺳﺐ ﺍﻟﺠﻮ ..
ﺗﻨﻔﺴﺖ ﻭﻛﺘﻠﻪ ..
ﻣﺎﺭﻳﺪ ﺍﺩﺍﻭﻡ ﻋﺪ ﺷﺨﺺ ﻣﻌﺘﺒﺮﻧﻲ ﻓﺮﻳﺴﺔ ﺳﻬﻠﺔ ..
ﺍﻟﺤﻤﺪﻟﻠﻪ ﻣﻤﺤﺘﺎﺟﺔ ﺣﺘﻰ ﺍﺫﻝ ﻧﻔﺴﻲ ﻫﺎﻟﻜﺪ ..
ﻫﻤﻢ .. ﻣﺎﺷﻲ ﺳﺖ ﻟﻌﺪ ﺍﻟﻌﺸﺮﺓ ﻣﻠﻴﻮﻥ ﺗﺘﺴﻠﻢ ﺑﻮﻗﺖ ﺍﻟﻲ ﺗﺘﺮﻛﻴﻦ ﺍﻟﺸﻐﻞ ..
ﺷﻨﻮ ﺑﻮﻗﺘﻬﺎ ﻏﻴﺮ ﺍﻛﻮ ﻣﺪﺓ ﻣﺤﺪﺩﺓ؟؟
ﺍﻧﺖ ﻟﻴﺶ ﻫﻴﺞ ﺷﺎﺩ ﻭﻳﺎﻱ ﻓﺪ ﻣﺮﺓ؟
ﻣﺘﻮﻫﻤﺔ ﻣﺎﺷﺎﺩ ﻫﺬﺍ ﺍﻟﺸﺮﻁ ﻭﺍﻧﺖ ﻭﻗﻌﺘﻲ ﺑﻴﺪﺝ ﻣﺤﺪ ﺟﺒﺮﺝ ..
ﻭﺍﺫﺍ ﻣﺎﺩﻓﻌﺘﻪ ﻳﻌﻨﻲ ﻃﻠﺒﺖ ﻣﺪﺓ ﻟﺤﺪ ﻣﻴﺪﺑﺮ ﺍﻟﻤﺒﻠﻎ؟
ﺗﻨﺴﺠﻨﻴﻦ ﺍﻭﻭﻭﻭ ...
ﺷﻨﻮ ﺍﻭ؟
ﻳﻨﺴﺠﻦ ﺍﺧﻮﺝ ...
ﻋﺰﺍﺍﺍ ﺷﻨﻮ؟؟
ﻫﻪ ﻏﺮﻳﺒﺔ .. ﺍﻛﻠﺞ ﺍﻧﺖ ﺗﻨﺴﺠﻨﻴﻦ ﻣﺎﺣﺮﻛﺘﻲ ﺳﺎﻛﻦ ..
ﻛﺘﻠﺞ ﺍﺧﻮﺝ ﻃﻔﺮﺗﻲ !..
ﻣﺎﺭﻳﺪ ﺍﺧﻮﻱ ﻳﺘﺤﻤﻞ ﻧﺘﻴﺠﺔ ﺣﻤﺎﻗﺎﺗﻲ ﻫﺬﺍ ﺑﻤﺜﺎﺑﺔ ﺍﺑﻮﻱ ...
ﺑﻌﺪ ﻓﻜﺮﻱ ﺑﻴﻬﺎ ﻋﺪﻝ ﻭﻛﻴﻔﺞ ..
ﺣﺘﻰ ﺍﺫﺍ ﻗﺮﺭﺗﻲ ﻣﺘﺮﺟﻌﻴﻦ ﻟﻠﺪﻭﺍﻡ ..
ﺍﺧﻠﻲ ﺍﻟﻤﺤﺎﻣﻲ ﺑﺎﺟﺮ ﻳﺒﻠﺶ ﺑﺎﻻﺟﺮﺍﺀﺍﺕ ...
ﺣﻘﻴﻴﻴﻴﻴﺮ ... ﻫﻤﺴﺖ ﻭﺍﻧﻲ ﺍﻣﺴﺢ ﺩﻣﻮﻋﻲ ..
ﺻﺎﺭﻥ ﻫﻮﺍﻱ ﺳﺖ ﻓﻀﺔ ﻳﺼﻴﺮ ﺧﻴﺮ ...
ﺳﺪﺓ ﺑﻮﺟﻬﻲ ﻭﺍﻧﻲ ﺻﺎﻓﻨﺔ ﻭﻋﻴﻮﻧﻲ ﺗﺼﺐ ..
ﺍﺑﺎﻭﻉ ﻟﺰﻫﺮﺓ ﺻﺎﻓﻨﺔ ﻋﻠﻲ ﻭﻭﺟﻬﻪ ﻣﺮﻋﻮﺏ ..
ﺍﺟﺘﻠﻲ ﻭﻫﻲ ﺗﻬﺰ ﺑﺮﺍﺳﻬﺎ ﺷﻜﻮ !!!
ﺣﺠﻴﺘﻠﻬﺎ ﺑﻘﺖ ﺻﺎﻓﻨﺔ ..
ﻟﺘﺼﻔﻨﻴﻦ ﻛﻠﻴﻠﻲ ﺷﺴﻮﻱ؟؟
ﻟﺘﺴﻮﻳﻦ ﺷﻲ ﺭﺟﻌﻲ ﺩﺍﻭﻣﻲ .. ﻫﺬﺍ ﺍﻟﻈﺎﻫﺮ ﻣﺎﺑﻘﻠﺒﻪ ﺭﺣﻤﺔ ..
ﺯﻳﻦ ﻫﻮ ﻟﻴﺶ ﻳﻜﻠﻲ ﺩﺍﻭﻣﻲ ﺑﻌﺪ ﺍﻟﺼﺎﺭ ..
ﻣﻮ ﺍﺫﺍ ﺿﺎﻳﺞ ﻣﻨﻲ ﻳﻄﺮﺩﻧﻲ؟
ﻃﻤﻊ ﺑﻴﺞ ﻣﻴﻄﺮﺩﺝ ﺑﻌﺪ ..
ﺑﺲ ﺍﻧﺖ ﻭﻛﻔﻲ ﻋﺪ ﺣﺪﻩ ﻭﻟﺘﺨﻠﻲ ﻳﺘﺠﺮﺃ ﻭﻳﺎﺝ ..
ﺻﻔﻨﺖ ﺍﻓﻜﺮ ﻣﺎﻛﻮ ﻏﻴﺮ ﻫﺎﻟﺤﻞ ..
ﻻﻥ ﻣﺎﻋﺪﻧﺎ ﻫﻴﺞ ﻣﺒﻠﻎ ﻣﺴﺘﺤﻴﻴﻴﻞﺗﺎﻟﻲ ﻛﻠﺖ ﻟﺰﻫﺮﺓ ﻉ ﺑﺮﺍﻕ ﻭﻃﻠﻌﻨﺎ ﻳﻢ ﺍﻣﻲ ﻧﺴﻮﻟﻒ ..
ﺗﺄﺧﺮ ﻋﺎﻃﻒ ﻣﺎﻣﻨﻪ ﺧﺒﺮ ..
ﺍﺧﺮ ﺷﻲ ﺧﺎﺑﺮﺗﻪ ﺗﻤﺎﺿﺮ ﻭﺟﺎﻭﺏ ..
ﻻﻥ ﺷﻜﺪ ﺧﺎﺑﺮﻧﺎ ﻗﺒﻠﻬﺎ ﻣﻴﺠﺎﻭﺏ ..
ﺍﺭﺍﺣﺖ ﺗﺤﺎﺟﻲ ﺑﻌﻴﺪ ﻋﻨﺎ ﺷﻮﻱ ﻭﺳﻤﻌﻨﺎﻫﺎ ﻛﺎﻟﺖ ﻳﺎﺍﺍ ﺍﻟﻠﻪ ﻳﺮﺣﻤﻬﺎ ﻭﻫﻮ ﻭﺍﺑﻨﻪ؟؟
ﺧﻄﻴﺔ ﺍﻟﻠﻪ ﻳﺸﺎﻓﻴﻬﻢ ..
ﺑﻘﻴﻨﺎ ﺻﺎﻓﻴﻦ ﺑﻮﺟﻪ ﺑﻌﺾ ..
ﺍﻟﻤﻮﺕ ﺷﻲ ﺻﻌﺐ ﻭﻳﺨﻮﻑ ﻭﺍﺣﺪ ﻣﻴﺘﻤﻨﺎﻩ ﻻﺣﺪ ..
ﺍﺟﺖ ﻛﺎﻟﺖ ﺑﺮﺍﻕ ﻛﺘﻔﻪ ﻭﺍﻳﺪﻳﻪ ﻣﺘﺼﻮﺑﺎﺕ ..
ﻭﺍﺑﻨﻪ ﺍﺻﺎﺑﺘﻪ ﻗﻠﻴﻠﻪ ﻻﻥ ﺣﺎﺿﻨﺔ ..
ﺑﺲ ﻣﺮﺗﻪ ﻣﺎﺗﺖ ...
ﻻﻥ ﺟﺎﻧﺖ ﺍﻗﺮﺏ ﻣﻨﻬﻢ ﻟﻼﻧﻔﺠﺎﺭ ﻫﻢ ﺑﻌﻴﺪﻳﻦ ..
ﺧﻄﻴﺔ ﺑﻌﺪﻫﺎ ﺷﺎﺑﻪ ﻭﺍﺑﻨﻬﺎ ﺗﻴﺘﻢ ..
ﻛﺎﻣﺖ ﺍﻣﻲ ﻟﺒﺴﺖ ﺍﺳﻮﺩ ﻭﺭﺍﺣﺖ ﻟﺒﻴﺖ ﻋﻤﻲ ..
ﺑﻘﻴﺖ ﻣﻘﻬﻮﺭﺓ ﻋﻠﻴﻬﻢ ﻫﻮﺍﻱ ..
ﻧﻤﺖ ﻣﻦ ﻭﻛﺖ ﻻﻥ ﺗﻌﺒﺎﻧﺔ ﻭﻛﺂﺑﺔ ..
ﻛﻌﺪﺕ ﺍﻟﺼﺒﺢ ﻟﻜﻴﺖ ﻣﻜﺎﻟﻤﺔ ﻭﻣﺴﺞ ..
ﻧﻔﺴﻪ ﻗﺒﺎﻧﻲ ﻫﺬﺍ ﻣﻨﻮ !!
ﻣﻮ ﺷﺠﺎﻉ ﺍﻛﻴﺪ ﻻﻥ ﻋﺮﻓﺖ ﺭﻗﻤﻪ .. ﻭﺍﺻﻼ ﺷﺠﺎﻉ ﻭﺣﺶ ﻋﺼﺎﺑﺠﻲ ﻣﻮ ﻣﺎﻝ ﻫﻴﺠﻲ ..
ﺑﺲ ﺑﻌﺬ ﺍﻟﺴﻤﻌﻪ ﻟﻴﺶ ﻳﺪﺯ !!
ﺍﺳﺘﺒﻌﺪﺕ ﺷﺠﺎﻉ ﻭﺍﺳﺘﺒﻌﺪﺕ ﺑﺮﺍﻕ ﻃﺒﻌﺎ ..
ﺑﻘﻰ ﺑﺲ ﻳﻮﺳﻒ ﺷﺎﻛﺔ ﺑﻲ ﺍﻣﺎ ﻏﻴﺮﻩ ﻣﺎﻋﺮﻑ ..
ﻓﺘﺤﺖ ﺍﻟﻘﺼﻴﺪﻩ ﻭﻫﺎﻟﻤﺮﺓ ﺟﺎﻧﺖ ﺍﺑﻴﺎﺕ ..
* ﺗﻠﻚ ﺍﻟﺪﻣﻮﻉ ﺍﻟﻬﺎﻣﻴﺎﺕ ﺍﺣﺒﻬﺎ .. ﻭﺍﺣﺐ ﺧﻠﻒ ﺳﻘﻮﻃﻬﺎ ﺗﺸﺮﻳﻨﺎ ...
ﺑﻌﺾ ﺍﻟﻨﺴﺎﺀ ﻭﺟﻮﻫﻬﻦ ﺟﻤﻴﻠﺔ .. ﻭﻳﺼﺒﺤﻦ ﺍﺟﻤﻞ ﻋﻨﺪﻣﺎ ﻳﺒﻜﻴﻨﺎ *
ﺑﺎﻭﻋﺖ ﻟﻠﻤﺴﺞ ﻫﺬﺍ ﺷﻌﻨﺪﻩ ﺷﺎﺩ ﻛﺎﻣﻴﺮﺍ ﺷﻨﻮ ..
ﺍﺷﻮ ﻣﻮﺍﻛﺐ ﺍﻻﺣﺪﺍﺙ ﻓﺪ ﻣﺮﺓ !
ﺣﺬﻓﺖ ﺍﻟﻤﺴﺞ ﻭﻛﻤﺖ ﻏﺴﻠﺖ ﺑﺪﻟﺖ ..
ﻗﺮﺭﺕ ﻣﻦ ﻫﺎﻟﻴﻮﻡ ﺍﻟﺒﺲ ﻋﺒﺎﻳﺔ ﺧﻠﻴﺠﻴﺔ ..
ﻋﺴﻰ ﻭﻟﻌﻞ ﻳﺒﻄﻠﻮﻥ ﻳﺸﻮﻓﻮﻧﻲ ﺟﻠﻲ ﻉ ﻛﻮﻟﺔ ﻣﺪﻳﺮ ﺍﻟﻤﺤﺘﺮﻡ ...
ﺷﺠﻌﺘﻨﻲ ﺯﻫﺮﺓ ﻉ ﻟﺒﺴﻲ ﻭﺭﻓﻌﺖ ﻣﻌﻨﻮﻳﺎﺗﻲ ..
ﻭﻟﻮ ﻣﻌﻨﻮﻳﺎﺗﻲ ﻟﻮ ﻳﺠﺒﻮﻟﻬﺎ ﺟﻚ ﻣﺎﻳﺮﻓﻌﻬﺎ ...
ﻣﻌﻨﻮﻳﺎﺗﻲ ﻣﺘﻤﺪﺩﺓ ﺑﺎﻻﺭﺽ ﻭﻣﺴﺤﻮﻟﺔ ﻫﻢ ..
ﺭﺣﺖ ﻟﻠﺪﻭﺍﻡ ﺩﺧﻠﺖ ﻣﺎﺷﻔﺘﻪ ﻳﻢ ﺍﻟﺮﻳﺴﺒﺸﻦ ..
ﺳﻠﻤﺖ ﻉ ﺣﺴﻦ ﻭﻛﻌﺪﺕ ﻭﺑﻠﺸﻨﺎ ﺷﻐﻞ ﺑﺲ ﻣﺘﻜﺎﺳﻠﺔ ﻭﻣﺎﻟﻲ ﺧﻠﻚ ﺍﺑﺪ ...
ﻛﻤﻞ ﺍﻟﺪﻭﺍﻡ ﻭﻫﻮ ﻻ ﺷﻔﺘﻪ ﻭﻻ ﺍﺗﺼﻞ ..
ﺑﺲ ﺍﻛﻴﺪ ﺷﺎﻓﻨﻲ ﻻﻥ ﻛﺎﻣﻴﺮﺍﺕ ﺍﻟﺸﺮﻛﺔ ﻳﻤﻪ ..
ﻭﺍﻋﺮﻑ ﻣﺘﻔﻮﺗﻪ ﺷﺎﺭﺩﺓ ﻟﻮ ﻭﺍﺭﺩﺓ ﺑﺎﻟﺸﺮﻛﺔ ...
ﻣﺮ ﺍﺳﺒﻮﻉ ﻛﺎﻣﻞ ﻣﺸﺎﻳﻔﺘﻪ ﺑﻲ ..
ﻭﺍﻟﻤﺠﻬﻮﻝ ﻻ ﺯﺍﻝ ﻳﺮﺍﺳﻠﻨﻲ ﻭﻳﺘﺼﻞ ..
ﺍﻻﺳﺒﻮﻉ ﺍﻟﻮﺭﺍﻩ ﺳﺎﻓﺮ ﻭﺑﻘﻰ ﻋﺸﺮ ﺍﻳﺎﻡ ..
ﺻﺢ ﺍﺣﻦ ﺍﻟﻪ ﻛﻠﺶ ﻭﺍﺷﺘﺎﻗﻠﻪ ﻣﻮ ﺑﻴﺪﻱ ...
ﺑﺲ ﺍﻧﻲ ﺗﻤﺎﺩﻳﺖ ﻭﺭﺣﺖ ﺯﺍﻳﺪ ..
ﻫﻮ ﻭﻳﻦ ﻭﺍﻧﻲ ﻭﻳﻦ ..
ﺍﻛﻴﺪ ﻳﺮﻳﺪ ﻭﺣﺪﺓ ﻣﻦ ﻣﺴﺘﻮﺍﻩ ﻭﺗﻨﺎﺳﺒﻪ ..
ﺑﻬﺎﻱ ﺍﻻﻳﺎﻡ ﺑﺮﺍﻕ ﺗﺤﺴﻦ ﻭﺍﺑﻨﻪ ﺯﻳﻦ ..
ﻭﻋﺎﻃﻒ ﻣﺎﺗﺮﻛﻬﻢ ﻳﻮﻣﻴﻪ ﻳﻤﻬﻢ ..
ﻭﺍﻣﻲ ﻫﻢ ﺗﺮﻭﺣﻠﻬﻢ ﻭﺗﺰﻭﺭﻫﻢ ﻭﺗﻤﺎﺿﺮ ..
ﺍﻣﺎ ﺍﺣﻨﺎ ﺍﻟﺒﻨﺎﺕ ﻣﻨﺪﺧﻞ ﻭﻻ ﻧﻄﻠﻊ ...
ﺑﻴﻮﻡ ﺭﺣﺖ ﻟﻠﺪﻭﺍﻡ ﻭﺗﻮﻧﻲ ﺩﺍﺧﻠﻪ ﺳﻠﻤﺖ ﻉ ﺭﻳﺴﺒﺸﻦ ﺟﺎﻥ ﺭﺟﺎﻝ ﻭﺍﻛﻒ ﻳﻤﻬﻢ ﻳﺤﺠﻲ ..
ﺍﻧﻲ ﺳﻠﻤﺖ ﻭﺗﻌﺪﻳﺖ ﻭﻣﺎﻧﺘﺒﻬﺘﻠﻪ ﺍﺻﻼ ..
ﺑﺲ ﻟﻤﺤﺎﺗﻪ ﺟﺒﻴﺮ ﻳﺠﻲ ﻋﻤﺮﻩ ﺧﻤﺴﻴﻦ ..
ﻛﻌﺪﺕ ﺍﺷﺘﻐﻞ ﻭﺭﺍ ﺷﻮﻱ ﺧﺎﺑﺮﻧﻲ ﻭﺳﺎﻡ ..
ﺩﺧﻠﺖ ﺍﻧﻲ ﻭﺳﺎﻟﺘﻪ ﺷﺮﺍﻳﺪ ﻣﻨﻲ؟؟
ﻛﺎﻝ ﺍﺳﺘﺎﺫ ﺷﺠﺎﻉ ﺭﺍﻳﺪﺝ ﺑﺲ ﻋﻨﺪﻩ ﺿﻴﻒ ..
ﺍﻭﻛﻲ ﺍﻧﺘﻈﺮﻩ ﻟﻮ ﻣﻄﻮﻝ؟
ﻻ ﻣﺨﻠﺺ ﻣﻴﻄﻮﻝ ...
ﻛﻌﺪﺕ ﻭﺍﺳﻮﻟﻒ ﻭﻱ ﻭﺳﺎﻡ ﻋﻦ ﺍﻟﺸﻐﻞ ..
ﺻﺪﻙ ﺷﻮﻱ ﻭﻃﻠﻊ ﺍﺳﺘﺎﺫ ﻋﺪﻧﺎﻥ ...
ﺍﻟﺮﺟﺎﻝ ﺍﻟﺠﺒﻴﺮ ﺍﻟﻲ ﺷﻔﺘﻪ ﻣﺴﺎﻉ ..
ﻋﺮﻓﻪ ﺑﻴﻪ ﻭﺳﺎﻡ ﻭﻛﻠﻪ ﻣﻮﻇﻔﻪ ﻋﺪﻧﺎ ﻭﻫﻮ ﺳﻠﻢ ﻋﻠﻴﻪ ﺑﺤﺮﺍﺭﺓ ﻭﻧﻈﺮﺍﺕ ﻟﻮﺗﻴﺔ ..
ﺍﻟﻌﺮﻓﺘﻪ ﻳﺼﻴﺮ ﺧﺎﻝ ﺷﺠﺎﻉ .. ﻭﻭﺳﺎﻡ ﺍﺑﻦ ﺯﻭﺝ ﺧﺎﻟﺔ ﺷﺠﺎﻉ ..
ﻳﻌﻨﻲ ﺷﻲ ﺗﻌﺮﻑ ﺷﻲ ...
ﺭﺍﺡ ﻭﺍﻧﻲ ﺩﻛﻴﺖ ﺍﻟﺒﺎﺏ ﻭﺩﺧﻠﺖ ..
ﻟﻜﻴﺘﻪ ﻛﺎﻋﺪ ﻉ ﺍﻟﻘﻨﻔﺔ ﻭﻳﻤﻪ ﺍﻭﺭﺍﻕ ..
ﺍﻭﻝ ﻣﺎﺷﻔﺘﻪ ﻗﻠﺒﻲ ﻓﺰ ﺧﺮﺏ ﻗﻠﺒﻲ ﻫﻢ ..
ﻫﻮ ﺭﻓﻊ ﺭﺍﺳﻪ ﻭﻧﻈﺮﺍﺗﻪ ﺣﻠﻮﺓ ﻟﻠﺤﻈﺎﺕ ﻧﺴﻴﺖ ﺷﻨﻮ ﺍﺣﻨﺎ ..
ﻧﻈﺮﺍﺗﻨﺎ ﺗﺸﺎﺑﻜﺖ ﻭﺗﻌﺎﺗﺒﺖ ﻳﻤﻜﻦ ..
ﻛﺎﻝ ﺗﻔﻀﻠﻲ ﺳﺖ ﻓﻀﺔ ..
ﻣﻦ ﺑﻌﺪ ﺍﻟﻤﻮﻗﻒ ﺍﻟﺼﺎﺭ ﺑﻘﻰ ﻳﺼﻴﺤﻠﻲ ﻓﻀﺔ ..
ﻛﺮﻫﺖ ﻫﺎﻻﺳﻢ ﺑﺴﺒﺒﻪ ﻻﻥ ﻳﺤﺠﻲ ﻭﻫﻮ ﺿﺎﻳﺞ ﻣﻨﻲ ...
ﻭﻛﻔﺖ ﻛﺎﻝ ﺍﺳﺘﺮﻳﺤﻲ ..
ﻛﻌﺪﺕ ﺑﺲ ﺧﻔﺖ ﺍﺧﺎﻑ ﻳﺴﺘﻐﻠﻬﺎ ﻓﺮﺻﺔ ﻭﻳﺘﺤﺎﺭﺵ ...
ﻛﺎﻝ ﺍﺭﻳﺪ ﻫﺎﻻﻭﺭﺍﻕ ﺗﺮﺗﺒﻴﻬﺎ ﺣﺴﺒﺐ ﺍﻟﺘﺴﻠﺴﻞ ﻣﺎﻟﺖ ﺍﻻﻳﺎﻡ ..
ﻭﺍﺧﺬﻳﻬﺎ ﻭﺧﻠﻴﻬﺎ ﺑﺎﺿﺒﺎﺭﺓ ﻳﻤﻜﻢ ..
ﻭﺟﻴﺒﻴﻠﻲ ﺍﺿﺒﺎﺭﺓ ﻣﺎﻟﺖ ﻛﻴﻄﺎﻥ ..
ﺍﻧﻲ ﺿﺤﻜﺖ ﺗﺬﻛﺮﺕ ﻫﺎﻻﺳﻢ ﺍﻟﻐﺮﻳﺐ ..
ﺗﺎﻟﻲ ﺗﺬﻛﺮﺕ ﺍﻟﺼﺎﺭ ﺑﻴﻯﻮﻣﻬﺎ ﻭﻗﻠﺒﻲ ﻭﺟﻌﻨﻲ ....
ﻛﻤﻠﺖ ﻓﺮﺯ ﻫﻮ ﺣﻀﺮﺗﻪ ﻣﺴﻮﻱ ﺗﺸﺮﻳﺒﺔ ﺍﻭﺭﺍﻕ ..
ﺧﺎﺑﻂ ﺷﻲ ﻓﻮﻙ ﺷﻲ ...
ﺭﺗﺒﺘﻬﺎ ﺑﻼ ﻣﺎﺭﻓﻊ ﺭﺍﺳﻲ ﺍﺑﺪﺩ ﺑﺲ ﻧﻔﺴﻲ ﻗﻮﻱ ..
ﻭﻗﻮﻯ ﺍﻛﺜﺮ ﻭﺍﻧﻲ ﺍﺷﻢ ﺭﻳﺤﺔ ﺍﻟﺠﻜﺎ ﺍﻧﺨﻠﻄﺖ ﺑﻌﻄﺮﻩ ...
ﻣﺎﺭﻳﺪﻩ ﻳﻨﺘﺒﻬﻠﻲ ﻫﺎﻟﻤﺮﺓ ..
ﺑﺴﺮﻋﺔ ﻟﻤﻴﺖ ﺍﻻﻭﺭﺍﻕ ﺭﺗﺒﺘﻬﺎ ﻭﻭﻛﻔﺖ ...
ﺍﺑﺎﻭﻋﻠﻪ ﻳﺴﺤﺐ ﺑﺎﻟﺠﻜﺎﺭﺓ ﻭﺻﺎﻓﻦ ﻋﻠﻲ ..
ﺍﺭﺗﺒﻜﺖ ﻣﻦ ﻧﻈﺮﺍﺗﻪ ..
ﺍﺧﺬﺕ ﺍﻻﻭﺭﺍﻕ ﻛﺘﻠﻪ ..
ﺍﺳﺘﺎﺫ ﻫﺴﻪ ﺍﺟﻴﺐ ﺍﻻﺿﺒﺎﺭﺓ ..
ﺑﺎﻭﻋﻠﻲ ﻭﻫﻮ ﻣﺨﻠﻲ ﻣﻠﻒ ﺑﺤﻀﻨﻪ ﻭﻳﺪﻛﺪﻙ ﻉ ﺍﻻﻭﺭﺍﻕ ﺑﻴﺪ ﻭﺍﻟﺜﺎﻧﻴﺔ ﻳﺪﺧﻦ ﺑﻴﻬﺎ ..
ﺍﺳﺘﻌﺠﻠﻲ ﻻﻥ ﺗﻌﺒﺎﻥ ..
ﻃﻠﻌﺖ ﺑﺴﺮﻋﺔ ﻭﺍﻧﻲ ﻧﻈﺮﺍﺗﻪ ﺑﺮﺍﺳﻲ ..
ﻳﺪﺧﻦ ﻭﻧﻈﺮﺍﺗﻪ ﺗﻘﺼﺪﻧﻲ ﻭﺻﺎﻓﻦ ﺑﻴﺔ ..
ﺍﺳﺘﻐﻔﺮ ﺍﻟﻠﻪ ﺍﻧﻲ ﻣﻮ ﻛﻠﺖ ﻣﺎﻓﻜﺮ ﺑﻴﻪ ..
ﻣﺎﻋﺮﻑ ﺷﺒﻴﻪ ﻫﻴﺞ ﺿﻌﻴﻔﺔ ﻳﻤﻪ ...
ﺭﺗﺒﺖ ﺍﻻﻭﺭﺍﻕ ﺑﺎﻟﺪﻭﻻﺏ ﻭﻃﻠﻌﺘﻠﻪ ﺍﻟﻤﻠﻒ ﻭﺍﺧﺬﺗﻪ ...
ﺭﺣﺖ ﻭﻭﺳﺎﻡ ﻣﻤﻮﺟﻮﺩ ..
ﻭﻛﻔﺖ ﺍﺭﻳﺪ ﺍﺩﺧﻞ ﻣﺘﺮﺩﺩﺓ ..
ﺟﺮﻳﺖ ﻧﻔﺲ ﻭﺍﻧﻲ ﺍﺣﺎﻭﻝ ﺍﺧﻠﻲ ﻧﻔﺴﻲ ﻃﺒﻴﻌﻴﺔ ....
ﺩﻛﻴﺖ ﺍﻟﺒﺎﺏ ﻣﺮﺓ .. ﻣﺮﺓ ﺍﻟﺜﺎﻧﻴﺔ ﺍﺟﺎﻧﻲ ﺍﻟﺼﻮﺕ ﺑﻌﻴﺪ ..
ﺗﻔﻀﻠﻲ ...
ﻓﺘﺖ ﺍﺑﺎﻭﻉ ﻫﺬﺍ ﻭﻳﻨﻪ ..
ﺍﻟﺒﻠﻜﻮﻧﻪ ﻣﺴﺪﻭﺩﺓ ﻭﻫﻮ ﻣﻮ ﺑﻜﺮﺳﻴﻪ ..
ﺳﻤﻌﺖ ﺻﻮﺕ ﺑﺎﻟﺤﻤﺎﻡ ﻳﺎﻋﺰﺍ ..
ﻫﺬﺍ ﺑﺎﻟﺤﻤﺎﻡ ﻭﺍﻧﻲ ﺍﺟﻴﺖ ﺷﻜﺪ ﻋﻴﺐ ..
ﻣﺎﺍﺣﺲ ﺍﻻ ﻣﺪ ﺭﺍﺳﻪ ﻣﻦ ﺑﺎﺏ ﺍﻟﺤﻤﺎﻡ ﻛﻤﺰﺕ ﻛﻤﺰﺓ ﻟﻴﻜﻮﻝ ﻃﺎﻓﺮﺓ ﺑﻮﺟﻬﻲ ﺑﺰﻭﻧﺔ ...
ﻛﺎﻝ .. ﺳﺖ ﻓﻀﺔ ﺍﻟﺠﺎﻱ ﺍﻧﺠﺐ ﻋﻠﻰ ﻗﻤﻴﺼﻲ ..
ﺗﻌﺒﺎﻥ ﻭﻣﺴﺘﻌﺠﻞ ﻛﻠﺶ ﺍﺭﻳﺪ ﺍﻃﻠﻊ ...
ﻉ ﻣﺎﺍﻧﻈﻒ ﺍﻟﻘﻤﻴﺺ ﺍﻗﺮﻳﻠﻲ ﺍﻟﻤﻠﻒ ﺍﻟﺒﻴﺪﺝ ﻉ ﺳﺮﻳﻊ ..
ﺭﻓﻌﺖ ﺭﺍﺳﻲ ﺑﺜﻮﻝ ﻛﺘﻠﻪ ﻫﺎ !
ﺣﺠﻪ ﺑﻘﻠﺔ ﺻﺒﺮ ﻳﻼ ﺑﻠﺸﻲ ﺭﺟﺎﺀﺍً ..
ﻫﻮ ﺍﻣﺒﻴﻦ ﺻﺪﻙ ﺗﻌﺒﺎﻥ ﻻﻥ ﺷﻜﻠﻪ ﻳﺒﻴﻦ ..
ﻋﻴﻮﻧﻪ ﻓﺎﺗﺮﺓ ﻭﺍﺣﺴﻪ ﻛﻮﺓ ﻭﺍﻛﻒ ﺷﻜﻠﻪ ﻣﻨﺎﻳﻢ ﺍﺑﺪ ...
ﻣﻦ ﺍﻟﺴﻔﺮ ﺟﺎﻱ ﻟﻠﺸﻐﻞ ...
ﻭﻛﻔﺖ ﻗﺮﻳﺐ ﻉ ﺍﻟﺒﺎﺏ ﻭﺍﻧﻄﻴﺘﻪ ﻇﻬﺮﻱ ﻻﻥ ﺟﺎﻱ ﻳﻔﺮﻙ ﻗﻤﻴﺼﻪ ﻋﻴﺐ ﺍﺧﺎﻑ ﻳﻔﺘﺤﻪ ...
ﺑﻠﺸﺖ ﺍﻗﺮﺍ ﻭﻫﻮ ﻳﺴﺎﻝ ﻫﺬﺍ ﺷﻨﻮ ﻭﻫﺬﺍ ﺷﻜﺪ ..
ﻭﻫﻮ ﺑﺎﻻﻭﻝ ﻣﺘﻮﺍﺻﻞ ﺑﺲ ﺑﻌﺪﻳﻦ ﺿﻠﻴﺖ ﺍﻗﺮﺍ ﻟﻮﺣﺪﻱ ..
ﻛﻠﺖ ﺑﺲ ﻻ ﻧﺎﻡ ﺑﺎﻟﺤﻤﺎﻡ ﻫﺬﺍ ﻻﻥ ﺻﺎﺭ ﻫﺪﻭﺀ ﻫﻬﻪ ..
ﺳﻜﺘﺖ ﻋﺎﻁ ﺧﺮﻋﻨﻲ ..
ﺩﻛﻤﻠﻲ ﻳﻤﻌﻮﺩﺓ ﻓﻀﻴﻬﺎ ﺍﺭﻳﺪ ﺍﻃﻠﻊ ﻟﻠﺒﻴﺖ ...
ﻛﺘﻠﻪ ﻋﺒﺎﻟﻲ ﻣﺘﺴﻤﻊ ...
ﺟﺎﻭﺑﻨﻲ ﻭﺍﺣﺴﻪ ﻏﻀﺒﺎﻥ ﻳﺒﻮﻭ ﺷﻮﺭﻃﻨﻲ ﻫﺴﻪ ﺍﻧﻲ ...
ﻻﺍﺍ ﺍﺳﺴﺴﻤﻊ ﻛﻤﻠﻲ ...
ﺭﺟﻌﺖ ﻗﺮﻳﺖ ﺷﻮﻱ ﺍﺣﺴﻪ ﻭﻳﺎﻱ ﻳﻌﻨﻲ ..
ﺑﻌﺪﻫﺎ ﺳﻜﺖ ﺣﺴﻴﺘﻪ ﻭﺭﺍﻱ ﻃﻔﺮﺕ ﺑﺴﺮﻋﺔ ..
ﺑﺎﻭﻋﻠﻲ ﻭﻭﺟﻬﻪ ﺗﻌﺒﺎﻥ ﺧﻄﻴﺔ ﻗﻬﺮﻧﻲ ..
ﻋﺎﺷﺖ ﺍﻳﺪﺝ ﻫﺬﺍ ﻫﻮ ﺑﺲ ﺍﺭﻳﺪﻩ ﺗﺪﺯﻱ ﻟﺤﺎﺳﺒﺘﻲ ..
ﻳﺤﺠﻲ ﻭﻳﻨﺸﻒ ﺑﻮﺟﻬﻪ ﺑﺎﻟﺨﺎﻭﻟﻲ ..
ﻛﻠﺖ ﻫﺬﺍ ﻃﺎﻓﻲ ﺷﻜﻠﻪ ﺣﻴﻨﺎﻡ ﻫﻨﺎ ﻫﻬﻪ ..
ﺯﻳﻦ ﺗﻄﻠﺐ ﺷﻲ ﺛﺎﻧﻲ ﺍﺳﺘﺎﺫ ﻟﻮ ﺍﺭﻭﺡ؟
ﺍﺧﺬﻱ ﺭﺍﺣﺘﺞ ﻣﻬﺮﺓ.....
