🎀 حياة 🎀
امممممم نضت على الرفاي دخلت درت دوش الله الله ...خرجت شيحت شعري اومبعد جبدت فاليز حطيت فيها حوايجي و درت بوشات صغيرة فيها ثلاثة كيتمانات و زوج شارجورات للاحتياط يعني ..امبعد لبست هاك
وو رحت طليت على ناريمان لقيتها ترسم فطابلو نتع حديدوان ..امالا رحت للكوزينة واللي نلقاها نرحيها و نبعثها لكريشتي ...حتى دخل بابا و في يدو ربعة ساشيات ..
رحيم: هاكي زوج ليك و زوج لختك
حياة: واشنوه
رحيم: الرهج اللي ترهجوه فالطريق بويسك علبتلي كو راح تفلسو ولاد الناس
حياة: حبك بابي
طيييييييييين طوووووووون
رحت نفتح الباب حتى نلقا سوسن و احسان
سوسن:هااااالو صباح البونجور عاونيني ندخل الباقٰـاج
عاونتها امبعد كملنا اارهيج صونا تليفوني لقيت مروان بعت ميساج باه نهبطو و بدين نهبطو فالباقٰـاج اومبعد بديت نفر فيهوم انا و سوسن
حياة: احسان مع امير
سوسن:حياة مع مروان
حياة:ناريمان مع ايهاب
سوسن:انا و نسيم مع ناريمان و ايهاب
ايهاب:ازح علاه جيتو كامل معايا ..هاي مروان و حياة وحدهم
حياة: بيسك مروان كون يخمم يتعدا حدودو ناكدلكم انو راح يوصل معوق..حينما ان خايفة كون نخليكم وحدكم نتوما الثنين فراح توصل أختي مديفورميا
مروان: هيااااا
رحت ركبت و درنا غنا و قاعدين نتمسخرو امبعد فنص الطريق شفت واحد يبيع جاج مشوي يامي
حياة: حبسسسسسس
فرينا بالقاوي
مروان: واش كاين
حياة:جاااج 😀😀
مروان: ما فهمتش واش عجبني فيك و مخليني متحملك لدوك....اهبطي
هبطنا كامل رحنا للريسطو كوموندينا امبعد بدينا نهدرو
ايهاب: اممممم مي كاين بخوبلام
احسان: واشنوه ...
ايهاب: الاوتال اللي رايحينلو لازم يكون محجوزلو من قبل ...و راهم محجوزين برك اربعة غرف
سوسن:و المعنى؟؟؟
ايهاب : نرقدو كل زوج فشمبرة
حياة: فهمت واش حبيت تقول...سوسسسسن جبتبي الشاقور
سوسن:راه فلامال
حياة: كيفاه
سوسن: ناكلو امبعد نفريوها
