بعد سبع سنوات:
حياة: مرواااااان.. وين راهم العفاريت
مروان: معلبليش وليت نخاف نقربلهم... عضوني دمي و شربوه
حياة: ما تنفع لوالو... لييييلياااان... ايهمممم..
ليليان: وي مرت بابا
حياة: اااااه شحال من مرة حنفهمكم بلي انا يماكم.. ماشي مرت باباكم
ايهم: بخ كون جيتي ماما تع الصح تشريلنا حنش انكوندا باه نحطوه فالدش مع مروان
مروان: واش درت فحياتي باه ربي يبليني بعاد الزوج
حياة: و كون تضربوه دوك ..
ايهم : تسما نتي ماما.. و مروان هو الحاج بابا
حياة: اوك
و راحو يدربو فيه
مروان: ااااي.. حبسو... ااايييو
حياة تحكي:
اوك علبتلي ما فهمتو والو... انا و مروان تزوجنا.. عندنا سبع سنين زواج... و جبنا توأم.. فومبير متوحشين.. ايهم و ليليان.. بون يعني ماما هي اللي راهي تحرشهم و تدخللهم هاد الافكار الغريبة... المهم ناريمان تزوجت بايهاب عندها ثلاث ذكورا... شياطين... زوج توأم اوس و اسامة.. و وليدها الصغير ماهر ... و تالمو ولاد اختي يحبو يعاونو.. و شافو يماهم تتعب قرروا يدوشو لخوهم الصغير و حطوه فلاماشين الافي.. اييه وي.. نسيم تزوج بايار.. دار لافار الكلب.. أيار تع الرحلة تع تلمسان... و امير تزوج بإحسان... يا ناس جابو بياض الثلج.. عااااقلة لدرجة ليليان تبان خرجت من الغابة قدامها.... بون سوسن... ما حبتش تتزوج و دورتها رحلات.. و رؤية راهي مع قرايتها
اما ماما نور ... هي اللي تشدلي ولادي في اللايام ما يقراوش.. بابا رحيم ولا يخاف من ولادي... ما فهمتش ماداروش حاجة بيزار جيست بالو على كتافو..
اه نرجعو ليا.. انا و مروان ... انا انا و هو هو .. يعني مع كلش وفا بوعدو و ما خلانيش نتعلم نطيب.. هو يطيب و انا نغسل لماعن... انا ندوش لدراري و هو برقدهم.. انا نقريهم.. و هو يديهم للمدرسة..
علبالي كامل راكم حابين تعرفو كيفاه جاز عرسي .. تبعو ظعايا
نضت مع الصبح.. اااه ايما .. ما قدرتش ترقد.. لحمي كاامل يحرق.. ريشوني ترياش الجاج يا جدك... عرسي مع ناريمان... حتى في عرسي و لسقت فيا.... زغارست دااايرين حااالة... رحت غسلت لحمي.. لبست بيجامة... و خرجت... العايلة كي الذبان فالدار... فتحت باب شمبرتي... قابلتني ليكوش فيها خرية... هاذي سماح بنت عمي عبدلله وليد خالت عمت بابا... خلات ليكوش تع بنتها هنا.... تيريتها جات في وجهها
حياة: سماح سي لا دارنير فوت نفهمك بلي هنا ماشي دوار... تحطي ليكش فالتراب و تقلبي التراب عليها...
