مروان: آآآآي بلعقل
حياة: بالع... ليكيديتلك كامل صحاباتك.. وعدتني تجيبلي شيكولة.. رحت جبتلي شيكولة تع الف فرانك..
مروان: جبتلك شيكولة.. يعني ما تستاهلش تضربيني بكاس... اه ولا لا حلاب تع سبرايت.. فتحتيلي جبهتي
حياة: حق ما راني نداويلك فالجرح... ديجا علبلك بلي كان قدامي موس ..
نسيم: انا كون منك.. نتيري عليه بموس.. و لا نرميه من سطح البناية.. ولا
ايهاب: ولا نقطعلو فرانات الطوموبيل...
كملت حياة.. و قعدت على كرسي.. و نفخت
حياة: كون جاء نسيم ولا ايهاب نديرها.. سيرتو نتا ايهاب عس روحك.. مي مروان هو best friend .. تاعي اللي وقف معايا.. و دعمني 😍😍 و كان جزء من ذكرياتي الشااابة و الجميلة... اممم😁😁 يعني براسك جميلة...
ايهاب: ناريمان ديري ليكور تع الهدرة عن ختك.. و انا نخلصها
ناريمان: بون كون قبل كيما خوك ... جنتل مان .. و باست فراند و بوي فراند
حياة: باست فراند و حيوان فراند 😉
خرجو كامل مالبيرو تع مروان قعدت غير حياة مع السي الشباب..
مروان: حياة
حياة: وي
مروان: صح واش كنتي تقولي
حياة: لالا ... جابلي ربي زدت عليها و شكرتك بزااف
مروان: والله غير سيريو... صح؟؟
حياة: علاه ني نتمسخر انا.. هاذي هي الحقيقة
مروان: 😑😑😑😑
جات خارجة.. امبعد ولاااات عنقاتو و خرجت... ما خلاتلوش الوقت باه يهدر..
مروان : والله غير مهبولة😂😂
في الليل .. كانت حياة قاعدة في بيتها.. تقرا فكتاب دخلت عليها ناريمان قعدت...
ناريمان: شوفي حياة ندخل في صلب الموضوع.. واش هي المشاعر اللي تحسيها لجيهة مروان...
حياة: من قبل مان باست فراند.. مي دوك.. معلبليش.. وليت
ناريمان: تغيري عليه... تحبي تشوفيه و تكوني معاه دايما.. ...
حياة: اممممم بالاك
ناريمان: (بالعياط) ايه ولا لالا
حياة: (بالعياط ) اييييه 😶😶😶
ناريمان: ماما ابداي
و بوووووم زدمت ماما تزغرت
ربيعة: يوووووويووووويووويوووووويوووووووييييييييييي . لعقوبة للذرية الصالحة
حياة: ماما ... قلت برك يعجبني ... ما تزوجتش... اصلا هو بالاك حاطني.. مي ختو
ربيعة: يتوجك بلا جدو.. دوك نعيط ليماه
