🌹🌹الفصل الاول🌹🌹
■◇■◇■☆☆في مستشفي الدكتور حسن عبد المجيد
كانت منى تصرخ وتنبش اظافرها في قميص زوجها حسن
منى:- الحقني يا حسن خلاص مش قادرة اتحمل الحقني
حسن:- اهدى يا منى هي اول مره مش كده عيب
استحملي شويا خلاص هانت
منى:-انت السبب مش مسمحاك انا خلاص ماكنتش عايزه تاني انت السبب وتصرخ حرمت يا حسن حرمت يا حسن
وتصرخ وتشد فيه انت السبب مش مسمحاك والله لاوريك
حسن:- الله يخرب بيت شيطانك فضحتيني اهدي عليا
انا غلطان اني جيبتك المستشفي بتاعتي انا اللي استاهل
منى:- تصرخ بردك انت السبب و مش هسامحك
وربنا لاخد حقي منك بس اخلص من اللي انا فيه
الحقني بقي مش قادره خلاص تعبانه وهموت
وتحضر هدي هي وسناء وطارق يجروا باتجاه حسن
هدى:- تطبط علي منى شدي حيلك يا حبيبتي هانت
منى:: الحقيني يا ماما حسن السبب في اللي انا فيه ده
انا خلاص مش عايزه طلقني يا حسن انا بكرهك
حسن:: بطلي يا مجنونه شكلك اتجنينتي فعلا هو فيه كده
هدي:: تضحك اعقلي يا منى هو كل مره كده فضحتي الراجل فين منى العاقله الهادية بقي تفضحي جوزك زمايله كده
منى:: تبكي بألم قولتله مش عايزه تاني وهو اللي اصر احتفظ بيه يا ماما انا تعبانه اوي ومش متحمله الالم تعبانه مووت
هدى:- استغفري ربنا ده نعمه من الله مش تتبطري عليها
يحضر دكتور:: العمليات جاهز يا دكتور حسن اتفضل اجهز
منى:: تمسك فيه رايح فين متسبنيش خد هنا انت تعملها
وتسيبني اتالم كده لوحدي خليك جمبي وتمسك فيه
حسن:: اهدى يا حبيبتي هروح اتعقم علشان ادخل معاكي اوضة العمليات تحبى تحضري يا ماما معانا الولاده
هدى:: لا يا ابني انا مش متحمله وجعها دلوقتي هتحمله جوه ازاي روح خدها وربنا يقومها لينا بالسلامه
منى:: تصرخ يلا يا حسن خلصني تعبت بقي ابنك هيموتني
حسن يروح مع الدكتور لتعقيم
طارق :: يوطي علي راس اخته يبوسها تخرجي لينا بالسلامه يا حبيبتي يلا اتوكلو علي الله
سناء:: اومال انا هعمل ايه اللي ولادتي بعد كام شهر
طارق:: انتي تعبتيني معاكي انتي كمان مشكله خلصتي كليتك من هنا وكل سنه بيبي ارحميني يا سناء انا مش بلحق اشوف بطنك فاضيه وكده غلط علي صحتك
سناء:: اعمل ايه مفيش وسيله بتنفع معايا اتصرف انت بقي
منى:: يوووه انتو بتتكلمو وتتعاتبو وسايبني اتلم ريحوني الاول وبعدين اتخانقوا مع بعض يلا خلصوني وتصرخ
طارق :: وحسن خارج مع دكتور تاني خدها يا حسن دي هتقوم تاكلنا كلنا خلي بالك منها يا ابو علي
ويجر التمرجي السرير النقال لياخدها علي اوضة العمليات
وهدى:: تدعي ليها بالسلامه هي وسناء،
وطارق:- يبصلها بغيظ والله يا سناء هتخليني احرم اقربلك تاني يعني ايه اشوف انا طريقه حاضر لما ارجعلك البيت
بس نطمن علي مني الاول وهتشوفي هتصرف معاكي ازاي
هدى::اهدي يا طارق الاولاد دول نعمه ورزق من ربنا وده نصيبك في الدنيا ربنا يقومها بالسلامه وبعد كده نبقي تشوف وسيلة تنظمو الانجاب شويا لان ولادة كل سنه هي اللي هتتعبها وهتجيب اطفال تعبانبن وهتخسر صحتها ومش هتقدر تربيهم لانها مش هتبقي فاضيه ليهم
يلا ادعي لاختك ان ربنا يقومها بالسلامه
ويدعو الثلاثه لمنى بالسلامه ليها وللبيبي الثالث
#####🕸🕸🕸■■ في اوضة العمليات
منى:: عايز ارتاح بقي يا حسن خلصني ارجوك مش متحمله
وتبص ليه بغضب مبسوط كده واللي بيحصل فيا كله بسببك
حسن:: يوطي عليها اسكتي فضحتيني وسط الدكاتره هيقولو علينا ايه هو انا لوحدي ما تعقلي كده واتحملي شويا
منى:: اه انت السبب كنت عايزه انزله وانت اللي اصريت اخليه اتحمل بقي انا اللي بتألم واتوجع وانت ولا علي بالك
حسن:- حقك عليا اسفه يا حياتي سماح المرادي يا حبي
ويوطي عليها يقبلها ونسي نفسه معاها
اتحملي يا حبي وقبلها تاني ها كده ارتحتي شويا
منى:: بدلع رغم الألم لسه شويا وتشده ليه لكن الالم يشتد وبدل ما تبوسه تعضه في شفايفه من الوجع
وحسن:- تجرحه في شفايفه يا مجنونه ينفع كده والدكاترة في الاوضه يضحكو عليهم ويتكسفو من افعالهم وتصرخ مني وتشد علي ايد حسن مع خروج المولود وصرخة طفل جميل ينبأ بولاده طفل جديد لعائلة المنفلوطي
تاخده الممرضه تعمله تنفس وتسحب المخاط من صدره وتمسحه وتلبسه وتجهزه
منى:: اشوفه يا حسن هاتي ليا بسرعه
حسن:: لا بعد ما عضيتيني مش هجبهولك مش انتي كنتي مش عايزه خلاص بقي ده ابني انا لوحدي
منى:: اخص عليك يا حسن انا اللي تعبت فيه هات اشوفه
حسن:: اصبري طيب بيجهزوه علي فكره طالع قمر ليكي يا بنت الايه احلي ما في اولادنا انهم كلهم شبهك حلوين زيك
منى:: برقه لا انا عايزاهم شبهك بقي علشان يعوضوني غيابك الطويل عني واشوفك فيهم لما تكون مسافر
الممرضه :: بكسوف البيبي جهز يا دكتور حسن اتفضل
حسن:: ياخد البيبي ويحطه في حضن منى وتحضنه بشده منى:: هنسميه ايه يا حبي ايه رايك عبد المجيد الصغير
حسن:: موافق طبعا واكيد بابا هيفرح ويضحك ويغمزلها
ويبص لعنيها ويقولها مني هو انتي احلويتي اوووي كده ليه
منى:: بخجل اعقل يا دوك انت بقي احنا في وسط الدكاترة
حسن:: يضحك ليهم كلهم اتكسفوا وخرجوا بعد عمايلك فيا والله مش عارف هتعامل معاهم تاني ازاي 👀
بس عضيتك ليا اثاريتني اكتر ما وجعتني ويوطي يبوسه بحب وبقوة دي تعويض عن العضه 😍😍
منى :: بعشقك يا حسن مووووت موووت
حسن :: يبص للعيونها وانا مجنون بيكي يا روح قلب حسن
ويتريق عليها كان من شويا طلقني يا حسن صح مش هسامحك يا حسن بكرهك يا حسن ويضحك هههه😍😍😍
وبعد شويا تتجهز للخروج من اوضة الولاده
ويجر التمرجي السرير النقال ليخرج بيها والممرضه تاخد الطفل للحاضنه ليطمنو عليه هناك
واول ما تخرج مني تلاقي كل العيله ■♡■
تعالو بقي نعرفكم علي العيله للي مش تابعنا في الجزء الاول
الحاج عبد المجيد كبير عائلة المنفلوطي
اولاده الدكتور حسن صاحب مستشفي الدكتور حسن عبد المجيد والدكتور المشهور في جراحة المخ والاعصاب
وصاحب الابحاث المذهله والاكتشافات التي تخص مجاله وهي سبب في شهرته عالميه
والمحامي احمد محامي مشهور جدا متزوج ولديه طفل عمرو ٤ سنوات وزوجته ورده
والصحافي علي الابن الاصغر وصاحب المقالات الساخنه
وسناء الابنه الوحيده خريجة اداب وزوجة طارق
وزوجته الحاجه فاطمه
طارق زاهر المنفلوطي صاحب اكبر شركة هندسيه
ومتزوج من سناء ابنة عمه من ٧ سنوات وليه منها ثلاث اطفال زاهر ٦ سنوات و هدي ٤ سنوات وحمزه سنتين والرابع في الطريق
منى:: زوجة الدكتور حسن ومهندسة ديكور شاطره وعندها طفلين علي ٥ سنوات ولوجي ٣ سنوات والمولود الجديد
وامهم الحاجه هدي وزوجة المهندس زاهرالمنفلوطي الله يرحمه
♡▪♡▪♡▪♡■■ الكل في اوضة مني بيهنيها ويبارك ليه
منى:: عمى انا اتفقت انا وحسن هنسمى البيبي عبد المجيد
حسن :: ايه رايك يا حاج عبد المجيد الصغير
عبد المجيد:: لا محدش يسمي اسمي انا قلت اهوه اسمي بقي اسم قديم ومش عايز حفيدي يتعقد مني لو لازم سموه زاهر
طارق:: انا عندي زاهر يا عمي هيبقي زاهر هنا وهناك
عبد المجيد:: وايه يعني انت زاهر طارق لكن ده زاهر حسن
انا جده وخلاص هسميه زاهر لو عايزين ترضوني
منى:: هو في ايه يا عمى مره مرات عمي ترفض اسمي اسمها ودلوقتي انت ليه كده احنا بنعزكم وده اعترف بحبنا ليكم
الحاجه فاطمة:: علشان الزمن غير الزمن والولاد بيحبو اسامي الدلع وكمان حبكم لينا مش بالاسامي بالموده والرحمه
وتاخد الطفل وتبوسه وتحضنه مبروك عليكم زاهر الصغير
احمد:: كتت نفس في بنت اجوزها لعمرو ابني
حسن:: ومالها لوجي ماهي مناسبه لعمرو وزي القمر لامها
طارق:: ايه يا حسن انت نسيت انا قرات فتحتها علي زاهر يا عم عندك هدي خدها لعمرو يا احمد وكلهم ولاد اخواتك
على:: ايوه حلو اوووي كده جوزتو الاطفال ومحدش سال فيا وسيبيني كده من غير جواز والله حرام نحن هنا يا بشر
منى:: هههه استني دورك بقي لما سناء تولد المرة الجاية
ونشوفلك عروسه والكل يضحك ابتهاجا بالمولود
ولمة العيله علي الحب والموده
♡♡♡♡♡🌾🌾🌾🌹🌹 وبعد اسبوع يوم السبوع
في احدي ارقي احياء القاهره وداخل فيلا الدكتور حسن
عبد المجيد:: مبروك يا ابني عقبال ما تشوفه راجل وتجوزه
وعلي :: مبروك يا ابيه اه صحيح انا عرفت انك هتتكرم في مؤتمر عالمي علي بحثك الاخير
حسن:: ايوه هيكون طفرة حقيقيه في جراحة المخ والاعصاب
علي:: انا فخور بيك اووي يا ابيه حسن وان شاء الله هغطي اخبار المؤتمر كله وهديلك حقك وزياده
حسن:: يحضنه ربنا يخليك ليا يا حبيبي
احمد:: مبروك يا ابو علي ماشاء الله اولادك زي الاجانب هو انت بتستوردهم ولا ايه
حسن:: لا يا فالح بحب مراتي بجنون علشان كده كلهم شبهه وفي جمالها ولا ايه رايك
احمد:: بصراحه ليك حق في كده وانابحمد ربنا
ان عمرو طالع لورده امووور زيها وواخد كمان طبعها
حسن:: يضحك من قلبه ويقوله عارف منى صعبانه عليا
احمد:: ليه بقي انت بتحبها وبتخاف علبه زي عينيك
حسن:: اصل الحمل الاخير ده كنت انا السبب فيه بصراحه غيرتها بقيت بتموتني وبقيت اتكسف من تصرفاتها كل مؤتمر بره لازم تسافر معايا من ساعة ما لوجي اتفطمت وهي مش سايباني وبقيت اتحرج من زملائي في اي مؤتمر احضره
انا بتشرف بيها بس انا الوحيده اللي مراته بترافقه زي ما اكون عيل صغير ومامته لازم تكون معاه لتراعاه
علشان كده بدلت حبوب منع الحمل بفيتامينات
لحد ما حصل الحمل وقلت تتلهي شويا عني بالحمل والولادة
ورضاعه اهو وقت تنشغل فيه علشان اقدر اسافر لابحاثي
لوحدي ايه رايك في كده ويضحك علي المقلب😂😂😂😂
لكن احمد يتسمر مكانه ويبص برعب كانه شاف عفريت
💢💢💢💢❤❤💢💢💢
ونسرد الاحداث تباعا في الحلقات القادمه
ارجوك منكم تعليقاتكم حتي استمر
وشكرا جزيل للمتابعه
