✍🌹الفصل الخامس🌹✍
🕸🕸🕸🕸✍✍ في مستشفي الدكتور حسن
الدكاتره وطقم من التمريض يجرو علي غرفة الانعاش ليطمنو علي منى بعد جرس الانذار
وطارق وهدى بلهفه ولوعة يجرو وراهم
واحمد وعلى رحو معاهم يعرفو في ايه
وفي غرفة الانعاش كانت الصدمة للكل
منى قامت من علي السرير وفصلت كل الاجهزه
دكتور فتحي؛-: مدام منى مش معقول اللي بتعمليه ده انت لسه فايقه من غيبوبه وتعبانه اروجوكي ارجعي للسريرفورا
منى:: باعياء وبمجهود انا فعلا تعبانه بس مش انت اللي هتريحني انا لازم اخرج من هنا
علشان تدخل هدى وتشوف منى واقفه تجري عليها وتاخدها بحضنها الحمد لله احمدك يارب انك قومتي بالسلامه
طارق:: حبيبتي اطلعي علي السرير انت لسه تعبانه ووشك اصفر ومش هتقدري تصلبي طولك
منى:: انا كنت تعبانه لما حسن كان تعبان لكن دلوقتي حسن بخير ومحتاجني اكتر من اي حد خرجوني من هنا فورا
هدى:-تبكي حسن عند اللي بيرحم وفي حته احسن مننا
منى:: لا يا ماما حسن عايش ومحتاجني وتشوف على
وتجري علي على اخوه وتمسكه انت شفت جثة اخوك يا على لمسته حسيته انطق شفته قدامك وحسيت بيها انه حسن اخوك
دكتور فتحى:- يا مدام منى اللي بتعملبه ده هيدخلك في انتكاسه وغيبوبه ارجوكي ارجعي علشان افحصك
منى:: بقولك جوزي محتاجني انا هخرج من المستشفي دلوقتي ومحدش هيقدر يمنعني انا حره في نفسي وصحتي
بس بعد ما يرد عليا على شفت جثة اخوك يا على لو هو
كان مات فعلا ولا عملو عليك فيلم وصدقته وخطفو اخوك قدام عنيك وتروحله رد شفت حسن جو العربيه وهي بتولع
على:: العربيه اتفحمت والجثث بقت فحمه هعرفه ازاي يا منى
منى:: انا بقي اعرف جوزي لو كان عضم احجزلي تذكره للندن دلوقتي وتعالي معايا علشان اثبتلك انه اتخطف ونرجعه
احمد:: انا اللي هاجي معاكي في معاملات قانونيه اكيد وهتحتاجيني اكار من علي بس نطمن علي بابا الاول
منى:-بانزعاج ماله عمي وتخرج من اوضتها والدكتور يوقفها يا مدام منى انت كده بتنتحري ارجوكي افحصك واطمن علي مؤشراتك الحيويه وتقدري تخرجي بعدها لكن كده انتي بتعرضي نفسك للخطر واعراض الذبحه لسه مشفتيش منها
منى:: حاضر يا دكتور اطمن علي عمي وهرجعلك علشان تطمن بس هتعملي بعدها كل اجراءات الخروج في كل الحالات سواء كنت بخير او في خطر علي حياتي
وتروح علي اوضة عمها والاعياء واضح عليها ومعاها امها
وتدخل اوضته وتمسك ايده عمها عمي رد عليا
يفتح عينه وكلها دموع والحزن كسرها
عبد المجيد:: حسن مات يا منى خلاص راح حبيبك
منى:: تحط ايده علي بقه لا يا عمي حسن عايش والله عايش حسن جوايا حست بيه اللي بيربطنا ببعض مش جواز دي روح عايشه في جسدين هو عايش وحسا بيه بيستنجد بيا محتاجني جمبه وانا هسافر وهرجعه معايا ان شاء الله
عبدالمجيد:: بجد يا منى هترجعي لينا بحسن واثقه انه حي
منى:: ايوه يا عمي وهسافر انا وعلى واحمد وهنرجع بحسن ان شاء الله بس ادعيلنا ميأذهوش وهرجعلك بيه بالسلامه
وتبص لمامتها
ماما خلي بالك من علي ولوجي روحي الفيلا وهناك هتبقي داده حسنه معاكي وهتساعدك و انا هاخد زاهر معايا
هدى:: لا يا بنتي زاهر خليه معايا متخافيش عليه سناء هترضعه ومدام حسا ان جوزك عايش روحي وارجعي بيه
على:: انا هروح اخلص اجراءات السفر لينا احنا الثلاثه
طارق:: تحبي اجي معاكم انا كمان
احمد:: خليك انت هنا معا العيله وياريت لا ماما ولا سناء يعرفو حاجه سناء حامل ممكن بجرالها حاجه وماما قلبها تعبان ممكن تموت فيها انت خليك جمب عمك محتجالك زينا
طارق:: وهقول ايه علي سفركم لمرات عمي وسناء
منى:: قولهم اني حالتي محتاجه تدخل جراحي وحسن حجزلي في مستشفي بره واحمد وعلى هيسافرو علشان يرافقوني
هدى:: كويس كده بس الحاج عبدو مش هيعرفهم حاجه
عبد المجيد:: لا خلاص انا واثق في احساس منى وان حسن عايش وهيرجع لينا بالسلامه
_____ وبعد فحوصات وتحليل
الدكتور:: انا مش هقدر اعملك خروج حالتك محتاجه رعايه لكن تقدري تمضي علي الاوراق دي وتتحملي المسئوليه
منى:: اكيد وتمضي الاوراق وتخرج من المستشفي
وتطلب من احمد تروح مشوار مهم ومنها للمطار
💢🖤💢🖤💢وبعد ساعات السفر منى تحس بالارهاق
احمد:: روحي انتي علي الفندق ارتاحي انتي ارهقتي نفسك اووي النهاردة وانا هروح اطلع تصريح اننا نشوف الجثث
منى:- باعياء واضح على احكيلي اللي حصل بالظبط
على:- طيب ريحي الاول وبعدين نتكلم واقولك كل حاجه
منى:- مفيش وقت حياة حسن في خطر احكي بالتفصيل
على:- حاضر احنا خلصنا المؤتمر ولقينا عربيه مستنيانا علشان نروح حفلة حسن بالكليه هو كان عايز يكلمك الاول
لكن السواق استعجله قال هيوصل للفندق ويكلمك
وجيت اركب لقيت واحد بينادي عليا علشان حسن نسي شنطته دخلت اخودها لقيتها مش بتاعة حس ولما رجعت ل جيت اقرب لقيت العربيه انفجرت وبقو يمنعوني اروح ليها
منى:: لازم يمنعوك علشان متخرجش وتشوف اخوك وهما بيخطفوه اكيد هو ده اللي حصل عملو انفجار شوشرة علي الاختطاف وعلشان نفقد الامل ونسلم بموته
احمد:؛؛ يخطفوه ليه ده مؤتمر علمي وتكريم في حفله
منى:: انا عارفه ليه وحسن كان حاسس بكده علشان بحثه الاخير من ساعة ما قالي ان الدكتور اللي هيقدمله البحث طلب يأخر تقديم البحث ليوم تاني وانا مش مرتاحه ودبرو
حكاية الانفجار علشان يدارو علي خطف حسن علشان البحث واكتشافه المذهل ميخرجش للنور
على:: بحث ايه ده وليه يعملو كده ده بحث طبي مش علمي
منى:: يبقي متعرفش حاجه عن عبقرية اخوك البحث علمي طبي اكتشف خلايا في المخ بتغير حاجات كتير في امراض
كتيرة ملهاش علاج حسن كان شغال في البحث ده من ٩ سنين ومن شهرين بس وصل لنتائج مذهله والدكتور اللي كان بيتواصل معاه موصلش للي وصله حسن واكيد هو ورا اختفاء حسن علشان البحث لو طلع للنور محدش هيقدر ياخد مجهوده وينسب البحث ليه المهم دلوقتي اننا ناكد ان حسن مماتش علشان البحث ميطلعش باسم دكتور تاني وتخلص الحكاية وسبب الاختكاف او الاغتيال
احمد:: هيخطفوه ليه كان اسهل يقتلوه
منى:: بالعكس البحث فيه جزء عملي لازم يتطبق واكيد حسن لسه مطبقهوش عملي واثبات صحة الاكتشاف علشان كده محتاجين حسن لحد ما يتاكدو من معقولية البحث وجدية الاكتشاف وعلشان ربنا عايزه يعيش لان اللي خطفوه مش هبهمهم غير مصلحتهم ولو كانو طبقوه كانو قتلوه
احمد:: فعلا كلامك كله سليم ومنكقي الاول نثبت انه عايش وبعد كده نثبت انه اتخطف وده هيدينا مجال اتهام السلطات بالتقصير وندخل فبها جهات اخري زي المافيا والارهاب
منى:: مسكت صورة حسن اللي في سلسلة رقبتها وباسيتها وقالت هترجع ليا يا حسن ولاولادك ولعملك ولكل اللي بيحبوك انا قلبي عمره ما يكذب عليا انت عايش يا حبيبي
__ وتدخل مني تنام وهي حسا براحه لانها قرب جوزها
احساس غريب من ساعة وصلت انه قريب منها جدا
واحمد ينزل يعمل اجراءات علشان ياخد اذن يضاهي الجثث
وعلى:: بيعمل اتصالات علشان يوصل للمشرفين علي الابحاث
🖤🕸🖤🕸🖤 _______&&
بعد يومين من البحث وكتير من الاجراءات
تاكدو بان الجثث غير مطابقه واعلنو باختفاء حسن رسمى
بعدها عملو بلاغ للسلطات باختطاف الدكتور حسن
وقدر على بمعرفته باصدقاء ليه في الصحف الاجنبيه انه يوصل ليهم خبر اختطاف دكتور في ظروف غامضه واصبح خبر يتصدر الصحف ويصدر مشاكل للسلطات علشان نطاق البحث يوسع ويقدرو يوصل ليه بسرعه اكبر
احمد:: احنا عملنا انجاز بجد. حاجه ولا في الخيال الاول قدرنا نثبت ان حسن عايش لان كل الجثث لا تضاهي معا اخويا من تحاليل الDNA
وثانيا اثبتنا ان في اختراق في الجهاز الامني وده سبب ان اعتبرو الحادث ارهابي وليس اختطاف
وثالثا وده الاهم اثبتنا ان في مصلحة في اختطاف حسن وممكن يكون في تدخل جهات اخري علشان بحثه الاخير ممكن يستخدم في اغراض شريره وفير اخلاقيه
منى:-المهم بعد ده كله نوصل لحسن هو ده سبب وجودنا
ويستمر البحث ايام واسابيع
بعد مرور ٣ شهور والبحث مستمر
منى:: انا هسافر اطمن علي الاولاد وارجع ليكم تاني
احمد:: خليكي انت مع الاولاد واي جديد هبلغك بيه
لازم نضغط عليهم لحد ما نوصل لاخويا وميبطلوش بحث
على:: وانا وصلت لكذا صحفي هيساعدوني نكبر الموضوع في حمله موسعه علي مافيا واستغلال الابحاث العلميه لاغراض اخري غير الغرض الحقيقي ليها
منى:- طمنوني بالاحداث اول باول وانا هطمن علي الاولاد وارجعلكم وربنا يستر من موجهة ماما الحاجه
■■■■ وتسافر مني بعد ثلاث شهور علي اختفاء حسن
وبعد اسبوع قضيته مني معاهم وتبرير عدم رجوع حسن لمرات عمها انه عنده عمليات كتير هيخلصها ويرحع بالسلامه
وبعدها تقرر مني انها تسافر تاني وتكلم امها
منى:- انا كمان يومين هسافر تاني مفيش اي جديد
هدى:: يابنتي ايه لزمة سفرك تاني اخواته هناك هيطمنوكي
منى:: يا ماما بكون مرتاحه وانا حسا باني قريبه منه
هدى: ربنا يرجعه ليكي بالسلامه يا قلب امك
داده حسنه تخبط علي الباب
منى:: ايوه يا داده
الداده:: في واحده ست تحت ومعاها ابنها طالبه تشوفك
منى:: اسمها ايه
الداده:: مرديتش تقول اسمهاقالت ان حضرتك تعرفيها كويس
منى:: طيب انا نازله وراكي يا داده
■🖤■🖤■ وتنزل مني لتصدم وتقف مكانها
منى:- انتي عايزه ايه وعرفتي منين طريقنا
ليزا::: تضحك عايزه ايه هقولك انا عايزه ايه
عايزه حقي وحق ابني في مال ابوه وجايه ليه علشان اقعد في مال جوزي وبلده وابني يتربي في بلده ووسط اهله
منى:: انتي اتجننتي جوزك مين وابن مين اللي بتتكلمي علبه
ليزا:- حسن جوزي وابني جوزيف ابن حسن وابني يا مدام
منى : بعصبيه وغضب انتي مجنونه وكذابة عمر حسن ما كان جوزك يبقي خلف منك ازاي انتي محتاله واستغليتي اختفاء حسن وجاية تنصبي علينا لكن اطمن حسن راجع
ليزا:: حسن جوزي من ٨ سنين قبلك بشهور وانتي عارفه كده كويس وكمان ده ماله وليا فيه انا وابني زيك بالظبط
منى:: انت انسانه سافله ووقحه بتحسبي حسن مات وجايه تلعبي لعبه قذرة زيك فوقي لنفسك كل اللي كان بينك وبين حسن عقد ولغاه ومحصلش بينكم اي حاجه او علاقه
ام موضوع ابنك ده محصلش لا حسن عمره ما لمسك
ليزا:: ههههه ده اللي قاله ليكي مش اللي عمله جوزيف ابن حسن قانوني والعقد متلغاش زي ما بتقولي وانا لسه مراته وليا في كل املاكه زيك بالظبط وابني الوريث لابوه وكل الاوراق معابا تثبت ده وكله قانوني وتضحك ضحكه شريره
منى:- بغضب اوراق ايه مدام واثقة كده يبقي انتي اللي خطفتي حسن او تعرفي مين خطفه وتنزل تجري عليها
يامجرمه تمسك فيها وتخنقها فين جوزي يا مجرمه انا هقتلك فين جوزي بقولك لاموتك في ايدي دلوقتي
ليزا:- سيبيني يا مجنونه هتموتيني
منى:- انا هطلع روحك وتخنقها فعلا
ليزا:- تكح بشده تبص وراها تستنجد بحد جاي من ورا منى
منى:: تهزها انطقي مش هسببك فين حسن فين جوزي
علشان يعلي صوت ترتجف ليه مني
شيلي ايدك عنها لاقتلك
💢💢🖤💢💢🖤💢💢🖤💢💢🖤💢🖤💢🖤💢
وغدا نسرد المزيد ومفأجات لا تنتهي
يتبع......
#سلمي سمير
