✍✍🌹الفصل السادس🌹✍✍
💢💢💢💢💢💢■■ في فيلا الدكتور حسن
نرجع لاخر الاحداث
منى:: تمسك في رقبة ليزا وتخنقها فين جوزي فين حسن هقتلك لو منطقتيش انتي اللي ورا خكفه يا مجرمه
وصوت من خلف منى نزلي ايدك لاقتلك
صوت ينتفض له جسد منى وتترك ليزا
لتلتفت خلفها وتري ما صدمها وافرحها بنفس الوقت
منى:: تسيب ليزا بصدمه حسن حبيبي وتجري عليه
حسن:: يحط ايده قدمها يوقفهاعلشان متقربش منها اكتر من كده انتي مين انتي وازاي تحطي ايدك علي مراتي
لتصعق منى وتتسكت من الصدمه وفي عيونها
الف سؤال وسؤال مش لاقيه ليه اجابه
وتجري ليزا عليه ياخدها بحضنها ويضمها لصدره كانه بيحميها تقف ليزا وتحط ايدها في وسطه وتحضنه
ليزا:: صدقتي بقي اني مرات حسن حبيبي
منى مصدومه مش عارفه تنطق لكن قلبها بيرقص من الفرحه ان حسن بخير وعايش ورجع ليهم بالسلامه بس مش فاهمه
لتنزل هدى وتشوف االي بيحصل وتلمح حسن اللي حاضن ليزا وضاممها ليه كانه خايف عليها منهم تنزل تجري عليه
هدى:: حمدلله بالسلامه ياابني يا فرحة قلبي انك بخير
وتتصل بالحاج عبد المجيد وطارق وسناء تبلغهم برجوعه
حسن:: هو في ايه و انتي مين كمان
هدى:: انا مرات عمك زاهر مالك يا حسن مش عارفني با ابني
حسن:: بكل برود اهلا يا مرات عمي انا اول مره اشوفك اعرفك منين بس سؤال بسيط بتعملي ايه هنا في فيلتي
هدى تبص لمنى عايزه تفهم في ايه وليه بيكلمها كده
وتخرج الداده ::بفرحه حمدلله بالسلامه يا دكتور الف الف الف حمدلله بالسلامه نورت بيتك وبلدك والحمد لله انك بخير
حسن:: اهلا بيكي وانتي مين لو ليا حق اعرف
الداده:: انا حسنه دادة الاولاد يا دكتور
حسن:: اه طيب خدي جوزيف لاوضته وطلعي شنطي وشنط المدام للاوضه بتاعتي يلا علشان عايز اطلع ارتاح
الداده:-باستغراب حاضر وتبص لمني وتمشي وهي مش فاهمه حاجه ولا عارفه تعمل ايه تاخد جوزيف وتدخله اوضه الاولاد
هدى:: جوزيف مين ومدام مين حد يفهمني هو في ايه
مني ردي عليا في ايه ومين دي وجوزيف ده ابن مين بالظبط
حسن:: انتي بتسألي ليه اصلا مش معني انك مرات عمي تتدخلي في شئوني الخاصه ده لو كنتي مرات عمي فعلا
منى:: لو سمحت يا دكتور حسن دي والدتي ومسمحلكش تكلمها كده وبالطريقة دي احترامها حتي انها مرات عمك
حسن::اه قولتيلي انا كده فهمت انتو عصابة بقي واحتليتو الفيلا انا شاكك فيكم من اول ما دخلت
اتصلي بالبوليس يا ليزا بسرعه
ليدهل عبد المجيد من باب الفيلا في الوقت ده ويشوف ابنه واقف قدامه يجري عليه وقلبه سعيد وفرحان
عبد المجيد:: بوليس ايه يا دكتور ويجري علي حسن
ابني حبيبي حمدلله علي سلامتك قلبي وجعني عليك اوووي
يا ضنايا لكن مراتك كانت واثق انك عايش وده طمن فلبي
حسن:: يرتمي بحضن ابوه بابا وحشتني موووت
ويشوف حسن امه وسناء
يجري عليهم ماما ويوطي يبوس ايدها ويحضنها
ويحضن سناء بحب وكان مشتاق ليهم جدا
سناء:: براحه يا ابيه مش شايف انا حامل انت عامل زي ما يكون بقالك سنين مشوفتنيش كل دي غيبه يا ابيه
حسن:: معلش مش هغيب عنكم تاني بس انتي شكلك اتغير اوووي وكبيرتي لا واتجوزتي وحامل كمان مبروك يا حبيبتي
طارق:: يدخل ويشوف حسن خاضن سناء ياه حمدلله بالسلامه يا بطل انت وقعت قلوبنا من الخضه عليك والله
حسن:: وانت مين اول مره اشوفك
عبد المجيد:: مالك يا حسن ده جوز اختك الباشمهندس طارق وكمان اخو مراتك
يبص لليزا :: اول مره اعرف ان ليكي اخ انتي مش ليكي اخت بس ده جه منين ومصري كمان
عبد المجيد؛:: انت بتتكلم علي ايه يا حسن ومين دي
ليزا:: حسن حبيبي احنا لسه واصلين ومحتاج للراحه اطلع اوضيتنا انت ارتاح وانا هوضح ليهم كل حاجه يلا انا كمان هاطمن علي جوزيف واطلع وراك غلي طول
حسن:: ماشي يا حبي ويطلع ويسيبهم لكن يرجع ويكلمه من علي السلم بابا فين احمد وعلى مجوش معاكم ليه واحشيني اوووي ياريت تتصل بيهم وتخليهم يجو ونتعشي سوا
وياريت يا بابا تخرج النصابين دول بره الفيلا عايز اصحي ملقيش حد.منهم هنا لاني فعلا عندي صداع ومختاج ارتاح
كل ده ومنى ساكته من الصدمه ومحتارة ازاي افتكر اهله واحد واحد وناسيها وناسي امها واخوها زي ما يكون نسي حياتها معاه من يوم معرفته بيها واهل بيت عمه زاهر
منى:- تروح لليزا عملتي ايه في حسن انطقي ازاي ناسيني
ليزا:: تضحك وتروح تقعد علي الكرسي وتحط رجل علي رجل وتولع سيجارة وتنفثها بوشها انا معملتش حاجه انا انقذته من الموت ورجعتو ليكم ابقي كده غلطت في حقك
منى::-انقذتي مين حسن متغير ع الاخر انطقي عملتي فيه ايه
عبد المجيد:: في ايه يا منى ماله حسن ومين دي
منى:: حسن مش فاكرني ولا فاكر اني مراته ولا امي ولا اخويا ناسي كل حاجه عننا يا عمي زي ما نكون مكناش في حياته
والقرشانه دي عارفه كل حاجه واكيد مخبيه عليه اني مراته وان ليه اولاد مني وهي بالنسباله طلعت الملاك البرئ
عبد المجيد:: يمسك مسدسه ويرفعه بوش ليزا انطقي عملتي ايه في ابني يا ساقطه انا هقتلك لو مقولتيش كل الحقيقه
ليزا:: بكل غرور ضحك انا مش بخاف ابنكم فوق اطلع اساله
انا مين وابقي بالنسباله ايه وعملت علشانه ايه وبلاش تهديد مش هجيب معايا فايدة لاني صاحبة حق زيا زيها يا اونكل
منى:: ليزا انطقي انا عايزه افهم حرام عليكي احنا معملناش فيكي حاجه واحشه انا او حسن علشان تعملي فيا كده
ليزا:: ايوه كده اتادبي في الكلام معايا انا هقولك بس مش غلشان اريحك علشان تحترمي نفسك في الكلام بعد.كده وانتي بتكلميني وكمان تفهمي انا ابقي ايه لحسن اسمعي
حسن من ٣ شهور اتصل بيا وكان بالمستشفي وحالته سيئة جدا وعنده اصابات كتير تيجه خريق او انفجار المهم
واول ما شفني خدني بحضنه واستغربت لاني لما اتصلت بيه اخر مره من اربع سنين علشان يعترف بابنه مني رفض وقالي انه مش عايز حاجه تربطه بيا تاني حتي لو ابنه وانه خايف تعرفي تزعلي منه وتسبيه وتحرميه من ولاده منك وثروته
انا استغربت وسالته وقولتله انت لسه فاكرني يا دكتور
قالي انا اخر حاجه فاكره وانا معاكي بالسفارة علشان نوثق عقد زواجنا وانه عملت حادثه وهو بطريق المطار طبعا كانت فرصه نرجع لبعض ةبالذات انه نسي حياته معاكي قولتله الكلام ده من ٨ سنين وانه عنده ابن مني ولازم يعترف بيه
فرح جدا وطلب يشوفه وطبعا اعترف بيه بعدها ولما خف من الاصابات اللي كانت عنده واتحسنت صحته رجعت ليه ليكم انا كده غلطانه يا مدام مني
واعرفي حاجه هو مش فاكرك مش فاكر غير حبه ليا وابنه وبس يعني من النهارده انا اللي مراته وبس فاهمه
منى:: بس حسن لغي عقد جوازه بيكي ازاي تبقي مراته
ليزا:: تضحك محصلش وانا لسه مراته من ٨ سنين هو ضحك عليكي علشان ترضي ترجعيله وكان بيجيلي كل شعر لحد ما حملت ورفض يعترف بابنه خاف علي زعلك لكن دلوقتي ابني هياخد حقه وكل ورثه في مال ابوه لانه الاحق انتي سرقتي حسن مني زمان وبسببك فضل جوازنا في السر لكن وربنا رجعه ليا ولابنه وخلاها بعترف ببه لانه حقه زي ولادك بالظبط
منى:: تبكي وتصرخ مستحيل كان بيكذب عليا وازاي نسيني ونسي حياته معايا واولادي هقولهم ايه لما يسالو عنه او لما يشفوه وميعرفهمش لا يكون ليهم الاب
طارق:: منى اهدي انت كنتي عارفه ان حسن متجوز قبلك
عبد المجيد:: ايوه يا طارق لكن هو قالي انه طلقها وانا مش مصدق ان ابني بيكدب عليا اكيد عي اللي كذابه واستغلت حاله حسن واقنعته انها لسه مراته لان ابني مش خاين
هدى:: لطب ليه يا حج ماقولتش علي موضوع جوازه كان بلاها الجوازه دي اهو بالاخر بنتي ملهاش وجود في حياة ابنك وبعد كل السنين دي واحده تانيه تاخد مكان بنتي
عبد المجيد:: اسمغي يا ام طارق حسن مبيخبش غير مني والمحتاله ديى لو حصلت اقتلها هقتلها علشان اخلص منها
ليزا:: ماشي هتقتلني علشان تخلص مني وحفيدك هتعمل فيه علشان تخلص منه هتقتله هو كمان يا حج
عبد المجيد:: اخرصي ده مش حفيدي وانتي مش مراته
ليزا:: اتفضل ده الورق اللي يثبت اني مراته ودي شهادة الميلاده بتاعة جوزيف او يوسف زي ما بتقولو هنا بمصر
الورق كله قانوني وسليم انا جاية من السفر وتعبت هطلع لجوزي ارتاح واريحه اصله مبيرتحش غير في حضني تشاووو
منى:: تبكي بحرقه خلاص كده حسن ضاع مني بس مش مهم يكفيني انه بخير ورجع تاني لينا ولولاده بالسلامه
عبد المجيد:: اهدي يا مني انا هكلمه وافهمه انك مراته
ماهو مينفعش انتي ولاده تتحرمو منه وهو عايش
الحاجه فاطمه وسناء:: احنا ساكتين لحد.ما تخلصو وتقولولنا ايه اللي بيحصل وعايزين نفهم ماله حسن وايه حكااية جوازه
عبد المجيد:: انا هحكيلكم كل حاجه بعدين يا حجه
وانتي يا منى اتصلي باحمد وعلي خليهم يرجعو لو يقدرو ياريت يرجعو النهارده قبل بكره محتاجهم معايا ضروري
منى:: حاضر يا عمي هتصل بيهم واطمنهم علي حسن
________
وياخد عبد الحميد :: زوجته وبنته وهدي وطارق لاوضة المكتب ويحكي ليهم موضوع جواز حسن من ليزا
ومني تتصل باحمد
احمد:: ازيك يا مني جايه امتي علشان استناكي بالمطار
منى:: لا خلاص يا احمد احجز انت وعلى وتعالو بسرعة ياريت النهارده لو تقدر بابا الحج محتاجلكم هنا
احمد:: بقلق ليه حصل ايه طمنيني يا مني
منى:: وتبكي وهي منهاره حسن رجع لمصر
احمد:: بصرخة فرحه احمدك يارب انه رحعلنا بالسلامه وبتعيطي ليه حبيبك وجوزك وابو ولادك رجعلك الحمد لله
منى: احمد لما ترجع هتعرف كل حاجه ارجع لسرعه محتجالك
احمد ينادي علي على احجز لينا تذاكرتين لمصر حسن رجع
سلام يا منى هنحجز التذاكر واتصل اقولك هنوصل امتي
منى:: سلام يا احمد ترجع بالسلامه مستنياكم علي نار
تفقل وتلاقي حسن واقف قدامها وبيبص ليها بغضب
حسن:: برافو عليكي مابتضيعيش وقت ياتري ده مين الزبون الجديد اللي هتلعبي عليه ولا حبيبك ولا عشيقك يا مدام
منى:: تبص ليه بغضب واستغراب مش ممكن تكون انت حسن
الانسان الحساس والحنون والشهم اكيد معاشرتك الكام شهر اللي فاتو لليزا بدلوك لشخص تاني بارد ومستفز وحقير
الف خسارة يا حسن بس عارف لو فعلا اتاكدت انك كنت بتخوني معاها عمري ما هسامحك وهخرجك من حياتي للابد
حسن::بغضب يمسكها من ذراعها بعنف متجبيش سيرة مراتي ليزا علي لسانك تاني لاقطعهولك فاهمه
منى:: بخوف جسمها يرتعش من لمسته ليها وتشتاق لحضنه الدفئ لكن مين ده تبص ليه ودموعها تغلبها وتنزل غصب عنها
علشان يحصل اللي عمرها ما كانت تتوقعه من حسن حبيبها
💢💢💢💢💢❤💢❤💢❤💢❤💢💢💢💢💢
يتبع.......
#سلمى سمير
