بين الخوف والعشق (انتقام)
الكاتبه نہبہضہ روٌحہ مہيہتہهہ
البارت 2
علي
طبيت للغرفه واني حاير شوف افتح الموظوع وي اهلي شون اكلهم راح اروح اقاتل ب موصل اوووف ياربي حله وقويني نمت وكانما صارلي سنين منايم حسيت علئ لجين كاعده بصفي وتبوس بيه من وجهي فتحت عيوني اجتي عيني بعينه شفت حبي وشوكي وخوفي عليها
كالت. حبيبي صبينا غدا والبنات جني كوم اكل مديت اديه وشبكته وقربته علئ صدري وبسته من راسه
كالت .علاوي شبيك احس اكو شي مظوجك
جاوبت. لايروح علاوي بس تعبان من الشغل يله كومي خل نتغدا
كامت واني وراهه طبيت للصاله شفت والدي كاعد علئ السفره ويمه امي ورقيه ونسمه
سلمت وردو السلام
امي تعال يمه اكعد سويتلك اليوم تمن احمر وسمج لان تحبه
كتله .سلميلي الغاليه كلشي من ايدج احبه وبسته من راسه كعدنا اكلنه والبنات يسولفن عن الكليه هذا اخر شهر الهم راح يتخرجن
وامي تسائل لجين علئ موعد الدكتوره وانا صافن حط ايده
ابويه علئ جتفي
وكال .ابوحسين شبي ليش دايخ نداريت علي وبتسمت
..لايابا سلامتك بس يمكن فلاونزاء ظحك
وكال. سهله انشاءالله كمت غسلت ورجعت كعدت يمهم
كلت. لجين جاي
.. كالت اي صار جابتلنا الجاي اخذت الكلاص
وطلعت ب طرمه وكفت وحاير شون افتح الموظوع
حسيت والدي وكف بصفي
..
وكال تعال علي نسولف شوي ب حديقه رحت وراه وكال
.. كول يبعد ابوك شنو الغاثك اكو شي بدوامك
بتسمت
وكتله.
يابا اريد احجيلك شي بس ساعدني وتفهمني كال
.. سولف ابني اسمعك
كتله .يابا اليوم القائد دز علينا وكال فرقتنه ختاروه تروح تحارب داعش ب موصل واني ومحمد صاحبي من ظمن التشكيل
نتبهت علئ ابوي دنك راسه وجر حسره بعدين باوع عليه
… وكال الخيره فيما ختارها الله توكل ابني اني ربيتك رجال وهذا واجبك تجاه وطنك وانت كد هل مسؤليه هاي لازم ترفع راسي لو ترجع وانت محرريهه لوترجعلي شهيد ونزلت دموعه اني حظنته ونزلت دموعي
علي. يابا فراكم علئ عيني بس ماترضاه الي اعتذر ويكولون جبان عني
الاب .لايابا حشاا انت زلمه معدل وهذا مكانك الاصلي روح يحرسك الله واهل بيته
… يابا طالب طلب
..كول وليدي
..يابا لاتكلهم هسه بليل اني اكل لمي والبنات ولجين افهمه بليل وحدنا اخاف عليهه وعلئ الي بطنه
أنت تقرأ
🌹بين الخوف🌹والعشق (انتقام)🌹
Mystery / Thrillerقصه حقيقيه واقعيه 100% مسائكم جوري 💖🌹 متابعه ممتعه#نبض الكاتبه نہبہضہ روٌحہ مہيہتہهہ #منقوووووول
