🌹بين الخوف🌹والعشق (انتقام)🌹

البارت -4-

بين الخوف والعشق (انتقام)

الكاتبه نہبہضہ روٌحہ مہيہتہهہ

البارت3

علي

كاعد بسياره والافكار تتراوح بالي بقه همي علئ امي ولجين والبنات خايف عليهم

محمد.  علاوي وين صافن ها خويه خيرك

..حمودي بالي يم البيت المره حامل وبشهره خاف جيب وانا ماكو

محمد .اوووف علي لعد شكول عايف الاهل وحدهم بس زوجتي وامي وبناتي وتدري ماعدنه اي احد غيري الهم 

ظلينا ب طريق طريقنا طويل جداا ومتعب

~~~~~~~~~~~~~~~~~~~~~~~~~~~~
رقيه

…  رحنا للكليه اني ونسمه بس مومثل كل يوم اليوم مالي واهس اضحك وسولف ظايجه علئ علي ونسمه اكثر كضينا اليوم شون مجان ورجعنه للبيت لكيت الحجيه صلي والدي كاعد يقره قران طبينا للمطبخ لجين تركب واكفه صافنه قربت عليه

.. لولو شبيج لتفتت

..  هلا برقو هلا نسمه جيتو

..اي حبيبتي

.. يله خل نشوف عمه علمود نصب غداء انتو بدلو

.. ماشي حبي راح نبدل ونجي

لجين. صبيت الغداء وكعدنا كلنا طبعا كلنا نظاهر ماكو شي بس الكل بداخله نكسار لمكان علي الفارغ

ابو علي.  بويه لجين

..هاا عمو

..يابا انتي حالج حال البنات واكثر انت مرت الغالي ومعزتج من معزته لاتتوقعين نتخله عنج او نحسسج بمكانه ماكو

دنكت وحصرتني البجيه دمعت عيني حظنتني عمتي بنيتي

.. انا امج وهذا بيتج وكم يوم ويرجع علي سالم لاشلين هم

~~~~~~~~~~~~~~~~~~~~~~~~~~~~
علي

وبعد تقريبا 7ساعات وصلنا الموصل
نزلنا ب المكان الي تحدد النا جان مكان مفتوح واسع والعدو يبعد عنه شي بسيط والمعركه جانت مواجهه حاولت اتصل اطمئن اهلي بس الشبكات جانت بصعوبه تجي لزمنه كلمن اخذ مكانه وصار الليل وبده الهجوم علينا وحنه نتصده جان الرمي فوكانه كانما مطر صار الصبح وبده الجو يكشف نمت علئ الساتر انا والولد الوياي طبعا كنا مختلط بين حشد وجيش،بصراحه شفت اشياء نصدمت يعني شباب بعمر ال 16 و17 واكف علئ الساتر ويقاتل ولا هامه الموت ولامعترف ب خطر وشفت شياب اكبر من والدي والكبر حاني ظهره حاط السلاح علئ ظهره ويقاتل احسن من كل شاب بصراحه حتقرت نفسي وقلقي من شفتهم وذكرت كلام والدي علي لو ترجع وانتو محرريه لو ترجعلي شهيد وقررت اقاتل لحد ما اخذ الشهاده صحيت علئ صوت

محمد ..علي علي علي كوم العقيد يريدك

كعدت ورحت للعقيد اخذت تحيه