🌹بين الخوف🌹والعشق (انتقام)🌹

البارت -11-

مسائكم محبه

متابعه ممتعه
الكاتبه #نبض
بين الخوف والعشق (انتقام)

الكاتبه  نہبہضہ روٌحہ مہيہتہهہ

كرار

… وصلنا بيت رقيه وتلكتنه امه وابوه بلباب فرحانين بيهه نزلت من السياره وطببناه للبيت

..اني ترخصت وكتلهم رايح

… ابو علي لاعمي وين صدك تحجي ماتطلع

…  كتلهم عندي شغل ساعه ورجع اترخصت وطلعت ركبنا سياره وحركنه

رقيه

… وصلت البيت شفت بابا وماما بلباب كانو جداا فرحانين من شافوني طبيت للبيت وكرار ترخص وراح مكدرت اكوله يبقئ خجلت من اهلي طبيت لبيتنا واحس كل الامان رجع بداخلي مكاني وغرفتي حظنتني ماما

..وكالت الحمدالله علئ سلامتج ماما حبيبتي

.. بسته وكتله الله يسلمج عمري ماما شتاقيتلج وشتاقيت للبيت والكم كلكم
طب بابا وكال
… .ام علي اتصلو اخوتي جاين ووياهم ام ايهم طبعا بابا عنده 3اخوه وبنات ثنين عمه نرجس وعمو ابو لجين هاجرو وبقو عمامي ثنين وعمه فاطمه بالعراق همه من اهالي الجنوب ساكنين ذي قار بس قليل نشوفهم بس بالمناسبات

… .ردت ماما هلا بيهم ابوعلي ينورون اني طلبت من بسمه تبدلي اجتي بسمه

… وكتله طلعلي دشداشه وبدلتلي وسوتلي شعري كصيبه طبعا اني شعري طويل ومومحجبه مالبست حجاب وره ساعتين تقريبا اندك باب البيت

  فتح الباب بابا وجان كرار وجايب ويا خروفين وكصاب وطلب من بابا يذبحن جوه رجلي لسلامتي

ابو علي

..اندك الباب رحت فتحته تفاجئت كرار ويا كصاب وخرفان ثنين
.. ها بويه شنو هاي

..عمي هاي فجران دم ل رقيه وسلامته

… لايبوي هيج هواي مايصير فوك كل السويته

… عمي لاتحجي هيج تحسسني اني غريب

…  لاوداعت الغالي موغريب وصرت بمكان علي ربي يشهد

…  خلص عمي ذني ل رقيه وسلامته

..صاحني بابا وطلعت لابسه دشداشه وردي ظيقه وجسمي مرسوم رسم منه واني صاحبت جسم مرتب وشعري مسويته كصيبه وحاطته علئ كتفي ولابسه بوند طلعت كرار تفاجئ وظل فاتح عينه يباوع عليه بس احسه ظاج وعيونه كامت طلع نار ويخزر بيه لان الحمايه والكصاب صفنو من شافوني ذبح الخروفين واني مجلبه بابا من خوفي من الدم ومغمظه

… ظحك وكال هاي منو الخايفه لعد الي جبته من وسط داعش منو

…  ضحك بابا وكال من يومه تخاف من الدم طبيت لجوه واني مرعوبه من منظر الدم الشفته طب بابا وكرار وره ما كمل الكصاب وراح وطلعت بسمه وماما يغسلن الطرمه من الدم كعدو يمي بصاله وظل ابويه يسئل كرار عن الوضع وين وصلو وكذا كعد حسوني من النوم وكام يبجي علئ بسمه اجه بابا شاله وطلع بي لبسمه وبقينا وحدنا اباوع