لا بد للضّيق في الدّنيا من الفرج فافتح كفوف الرّجا والحق بألف رجي وأعلم بأنّك مفتون ومُمتحنٌ بما لديك من الإيساع والحرج.. والكلّ يذهب إن حزن وإن فرحَ فكن إذا ضاق أمر غير مُنزعج.. ولا تَبِت من كدور الدّهر مُنقبضاً فإنّما الدّهر ميّالٌ إلى العوج وأظهر البسط في كل الأمور وإن ضاقت عليك فقل يا أزمة انفرجي واشكر على كلّ حال أنت فيه فما عن حكمةٍ قد خلا أمرٌ إليك يجي واصبر وصابر لأحكام الإله ولا تضجر وإيّاك في الدّنيا من اللَّجَجِ
جهاد
بعد ما صوت ام لجين فززنا اني. نصدمت بصراحه من صوتها
وانصدمت اكثر بلوضع الي اني بي
هسه لو مفهم الوالد بلموضوع.
ماريد اصدمه.
دخلت ام لجين من باب المطبخ قابلتها ماما تريد تسلم عليها
هلا عيني ام لجين اتفضلي
ام جهاد لا هلا ولاتفضل
ليش هيج ام جهاد اني ماامنه يمكم هيج يطلع من ابنج
بابا باسستغراب. خيرج ام لجين شصاير فهميني وبلا هالصوت عيب ترئ هسه الجوارين كلها سمعت
زين والله فوگها اني اتگولي عيب
ااسال ابنك
خلي يسولفلك
واني اروح انطي خبر لابوها حتئ يذبحها
خاله ام لجين والله انت فاهمه غلط
خلي اشرحلج لاتشرحلي ولاشي
اني شفتك بغرفت نومها وهي نايمه شتريدني افهم
وشلون اصدگ بيكم بعد وااثق
وشنو الي يثبت انو انتو مغالطانين
بابا اتخبل من سمع الكلام
شدتحجين ام لجين
شصاير فهموني
تعالي يامره انت شمسوي ابنج
حجت امي لبابا كول الي صار
وام لجين. مامقتنعه ومقرره تحجي لزوجها. حتئ يجي يذبحها اتگول بنتي بعد ماتحمل مسوليتها
وبعد نقاش وشگد حاولت افهمها ابد ماافهمت
فاجاتنا ام لجين بقرارها
اسمعو اني مجاورتكم من زمان وبصراحه مامنتبه علئ شي شمعرفني هم مغلطانين
ماكو غير حل
تخطبونا لجين وتزوجنهم باقرب وقت
اانصدمنا من كلامها
امي 😟
عيني ام لجين شنو هالحجي وينهم وين الزواج بعدهم يدرسون
ام جهاد هذه قراري وماتراجع عنا
اني وحدي بلبيت وزوجي مايجي بلشهر مره
وماريد تطلع حجايه عليه. ومنو يگول الناس ماشافته وهو يدخل ويطلع من البيت
هذه اخر كلام. ياريت ابو جهاد
يخابر ابو لجين ويطلبها منا
واني احاول اقنعها
وبس يخلصون امتحانات اخذوها حتئ لو بلا زفه
اصلا ماعرف شلون راح اتحملها. وبس تزوج راح انتقل اني مابقئ هنا
الكل انصدم بكلامها
ومحد گدر يقنعها
بعد ماراحت ام لجين
انظربت راجدي من والدي وهاي اول مره
ومااتلمت ومااضجت
نار بگلبي اني شسويت. وشصار
ماتحملت طلعت من البيت وماهتميت لصياح ماما وراي
بقيت افتر. وماگدر حتئ افكر بلي ديصير
اووف تعبت وگعدت ع الرصيف واني الدنيا طالعه من عيني
واتذكرت من تتوسل بيه مااجاي ومتقبل تخاف اتگولي جهاد ماگدر
ااخ لو ادري هيج يصير ماافكرت ادرسج ولا فكرت اتقربلج اذيتج
هسه اتكيد اذتها امها
بقيت بيومها افتر ومارجعت الا بعد مااياست من كلشي
مااكدرت حتئ افكر كلشي مخربط بعقلي
رجعت ب 11 لگيت ماما گاعده بلمطبخ منتظرتني
دخلت مااحجيت شي.
داافوت لغرفتي لگيت بابا بلصاله وهم حالته حاله
اجت ماما ورايه
جهاد اصبلك عشاء
ماريد ماما
بابا گام من مكانه وحجه بدون مايباوع عليه
اتصلت بابوها واتقدتملها. وكال يصير خير
اافرح هو هذه الي جنت مخطط الئ هذه مستقبلك
بقيت سااكت ومصدوم وماگدر احجي
صعدت فوگ سبحت وطلعت اتمددت ميت تعب بس ماايجي بگد تعب گلبي احس الدنيا ضاقت عليه
القرار اتخذ عبالك غصبا عن الكل
ماجنت اريد يوصل لهلشي
استغفر الله
انفتحت الباب ودخلت ماما شايله صينيه بيها اكل
كوم ماما اگل ولاتفكر بعد كافي الصار صار
وراك امتحانات وابوها گال لابوك يومين وارجعلك خبر بس من يخلصون امتحانات يلا نبلش بخطبه وزواج
زين ماما
ماحاولتي تشوفين لجين
😢😢 شفتها ماما وحجيت وياها
اووف ابني ميخالف لازم تتحملون ثمن غلطكم
شنو يعني ماما
يعني امي ماذيتها وعيونها مورمه من گد ماباجيه
گلتلها ماما لاتهتمين وصيري قويه. ولاتفكرين بس بالامتحانات
ماحجت شي ااحس بداخلها كولشي مكسور
يلااا ابني ااكعود اكل ونام لاتقره شي اليوم ارتاح
وباجر تگعود ناسي كلشي وره الامتحانات الله كريم
ومرات الايام وبدات الامتحانات ويوميا من اطلع اتمنئ اشوفها بس ماكو. واذا شفتها بلصدفه ابد مترفع عينها وتباوعلي
حسيت بقهرها واني متت قهر
مااعرف شلون خلصت امتحانات.
وره الامتحانات باسبوع
ابوها خابر بابا وگاله
يتبع #
