مانعرف نحب كالو علينه كبار
ليش هو العشك يعرف زغار كبار
الآمر بيد الكلب شعليها الاعمار.
اليسمع غرام يسكت يظل محتار
لما يحب بحياته لايحجي بالاحساس
وهو العشك ماله ابد مقياس ..
#جهاد
ماعرف شبيها هاي مو لجين كولشي متغير بيها
ووجه شاحب عيونها باهته مابيها اي تفسير
عبالك واحد ضربني علئ راسي ماعرفت شلون اتصرف
رحت ليمهم
يلااا ماما تفضلو
دخلوو بلسياره وصعدنا ووصلنا لمحل الاثاث
نزلنا وصديق الوالد تشكرت منا وسلمت عليه
ورحت عليهم
يلااا تعالو ندخل لهذه المحل نشتري غرفه
واثات لغرفتنا
ماما گالت
روح ماما انت وزوجتك واختارو احنا ننتظركم هنا
فرحت حيل گلت علئ الاقل يصير فرصه احجي وياها واعرف شنو بيها
بس تفاجاه برفضها
لا اني ماروح ماما انت روحي علئ ذوقج اختاري
انصدمت وماحجيت ولانااقشت
ورحنا اختارينا او بالاحرئ امها اختارت اني ماعندي اي نفس ولا واهس لاي شي
اختارت امها كولشي غرفه وتحفيات وبردات وفرشات وكل ماتحتاجه. الغرفه
ااحس اختنكت. المفروض هسه احنا اسعد اثنين شنو الي ديصير ماعرف
خلصنا وتحاسبت وياهم واتفقت ويه العمال يجون العصر يشدوها
خلصنا وتمشينا لعد ماما ووياها لجونه
الي عايشه بغير عالم
وخبرتني ماما اني الوالد اتصل عليها هسه راح يجي عازمنا علئ الغداء
وكالعاده رادت تعتذر ام لجين
بس ماما گالتلها ابو جهاد من البارحه اتفق ويه ابو لجين
المهم اجه الوالد وحجزنا جناح خاص
وقبلها. گال روح انت ولجين وحدكم بطاوله
مااوافقت اني گلتلهم كلنا سوه لان حيل ضجت من الوضع
وقررت بعد هاي هيه
اعملها نفس معاملتها
وخلصنا اكل وطلعت تغسل وگمت وياها. بس ماتكلمت اي شي وياها
دخلي غسلي واني انتظرج
حركت راسها بمعنئ ااي
حتئ ماتكلف نفسها وتحجي
طلعت ورجعنا وماتكلمت وياها وقررت اتركها علئ راحتها
رجعنا وطلبت منهم نرجع لان الكل تعبان
رجعنا للبيت
والعصر اجت الغرفه والعمال شدوها.
وتوالت. الايام وقربت ايام الزواج
وكملنا كل امورنا
ووصيت امي يوميا تروحلها وتشوفها وتتحمل والدتها
لان ماعرف ليش داحسها هي الي وره تصرفات لجين
وبيوم گعدت الصبح جان باقي علئ حنتنا يومين
وشفت شي صدمني
انه بيت اهل لجين عارضين بيتهم للبيع
ليش وشعجب مااسالت وتركت الامر
المهم لجونه راح تجي يمي
ووقررت اافرح واعيش ايام زواجي بسعاده وماخلي اي شي يائثر علئ سعادتي
فاتفقت ويه الاهل انه حنتي تكون بقااعه. واعزم اصدقائي واقاربنا وحجزت بيوم الزواج بفندق
واجت يوم الحنه والتهيت بلتجهيز النفسي ولبست وطلعت اني والدي للقاعه وهناك سويت الحفله واتصلت امي بنص الحفله وطلبت مني اجي احني لجونه
واتحججت ماعندي مجال واني جنت ميت شوگ لشوفتها
ورجعنا لبيت وثاني يوم جان يوم العرس
وهم نفس الهوسه
واخيرا لجونه اليوم تجي للبيت وتنام بحظني الااا اطلع كل القهر الي سوته بيه
واجه الوقت بعد طول انتظار
ورحنا لبيت لجونه حتئ اخذها وانطلق بيها
ودخلت وشفت لجونتي فدوه لعمرها
اوويلي العشق مالتي
فدوه لعيونها. شلون راح اتحمل ابقئ زعلان عليها اليوم
شفتها مرتبكه ونفس نظرات الحزن بعيونها مااكو اي تغير
وصلت. بستها بگصتها اووف يااعطرها موتني
اريد اضمها اريد اخذها واشرد
وفعلا ماطولت بلگعده.
واخذت من بيت اهلها وطلعت
بوسط دموعها الي حرگتني حرگ
صعدنا بلسياره الوالد والوالده بلصدر واحنا وره
والطريق كله. هي ترجف واني ساكت وماريد اتهور
واحجي واغثها
معقوله هذه كله خوف مني
ووصلنا للفندق ونزلنا بعد ماا خلصنا بلگوه من هوسات الولد اصدقائي
بقيت واكف يم الولد وامي وامها صعدوها فوگ واني بقيت ماردت اتصادم ويه امها
واريدها ترتاح
متاخرو ونزلو امها وامي. وصعدت اني الها
فتحت الغرفه ودخلت
وشفت ملائكي منوره الدنيا علئ الرغم من توترها وقلقها
ااحححمم
ليش گاعده لجين گومي
اتعمدت هيج. احجي اريد استفزها
شفتها گامت واتقربت عليه بغضب
ارتااحيت هسه ارتااحيت مو
ماجنت هيج اريد تصير حياتي
كله من وراك كله بسببك
امي كرهتني ماطايقه تباوع بوجهي
ليش هيج انت فرحان وماهمك شي
واني يوميا مانام الااا دموعي علئ عيني
تحجي وتبجي موتتني قهر
ماگدرت احجي شي اريدها تفرغ هذه الي كاتمته
اريدها ترتاح
هااا ليش ماتحجي ليش ساكت ها
مااعندك اي عذر ولااا اي سببب مقنع
انت سويت هيج حتئ انجبر واتزوجك
اني هنااا عصبت
لج شدتحجين انت
اني هيج بنظرج
لج اني ماگدرت اغثج فديوم
ولااجان ابالي يوم اذيج
وانتي هيج تفكرين
ابقي بهذه تفكيرج
عفتها ونزلت. وقبل ماطلع گلتلها غيري ملابسج ونامي
ااووف المفروض اليوم اسعد يوم بحياتي
ليش هيج لجين ميت شوگ عليج وانت هيج تصرفين حيل اذتني لجين
بقيت تقريبا ؛سااعه جوه وبعدين صعدت
ولگيتها نازعه بدلتها ولابسه تراكسود ونايمه
واني هم دخلت للحمام سبحت ورحت نمت علئ التخم
ماريد ازعجها مصيرها تفتهم الوضع وحدها
#يتبع
