جهاد، بعد الي صار ضجت حيل ليش متغيره جنه ماجانت هيج
بلعكس هي الي دائما تلجا الي وهذه الشي اني العلمته الها من البدايه فهمتها ماكو غيري يحبها ويريد مصلحتها
لان اخاف عليها وهذه حقي فلهذه حتئ صداقات ماخليها تكون
بيومها حيل ضجت من تصرفها وتصرفاتها بالايام القبلها متحملها وماريد ااعصب عليها
بس بوقتها بعد ماتحملت وضربتها
ادري هسه ضاجت مني ويجوز كرهتني
بس اخر موقف ماجان حلو حسيت بالاحراج من الاهل خاصه بعد ماشمرت الي بيدها محترمت احد
صعدت فوگ وقفلت غرفتها
اني عصبت وگعدت بعد مابيه حيل اوگف الحقيره تعبتني حيل
اجتني امي ليش ماما هيج. صدمتني ماتوقعت بيوم اتمد ايدك عليها
ماما لان احتاجت تنضرب شفتي تصرفاتها ماريدها تتعلم علخطا
اني شنو هدفي بهلدنيا غيرها بشنو قصرت گولليلي احجي اذا قصرت بشي فبحق نفسي يوم كافي تعبت شوكت ارتاح واريحكم انتو هم
خرب عقلي وين جان
كافي ماما ارتاح اصعد نام بغرفتك واني راح اصعدلها
لا ماما اني راح اطلع عندي شغل ومارجع اليوم ابات يم صديقي محتاجني يمه
شنو هالجي يمه جهاد
ميخالف ماما بس ابقئ يجوز اتاذئ اكثر
ماتحمل وعيونج
يلا رايح اني وديري بالج عليها. وبستها براسها وطلعت
الحجي بلحديقه كاعد وضايج
الله بلخير حجي. ليش هالضوجه شنو مامتعود علئ ام لسان
لا بابا ماتوقعت هاي تصرفاتك ليش هيج باب هاي امانتك لاتنسئ هذه الشي
بابا غصبا عني وعيونك فقدت اعصابي
يلا بابا اروح اني بوست راسه فدوه حجي لايضل بخاطرك كلشي الا حل لا يضل بالك
طلعت بسيارتي خابرت علئ احمد صديقي هذه كاعد بشقئ لان اهله محافظات ومايحب يعيش بالاقسام وارتاحله وكل اسراري يمه
هلو احمد شلونك
هلا والله جهاد موجود مو شويه واجيك
هلا والله جيب وياك حبشكلات بعد اخوك
دروح يمعود مالي خلگ لكلشي بس خلي اوصل
ديلا باي
وصلت فتحت الشقئ راد يحجي احمد
گلتله احمد مالي خلگ احجي اروح انام ومن اگعد نسولف
روح خويه روح. اكيد جنه بلموضوع شعندك غيرها
دخلت نزعت ودخلت جوه الحاف ونمت. من التعب. ماحسيت بلوقت بس صوت المي گعدني
طلعت احمد بلحمام ومحظر الريوگ
صباح الخير. صح النوم عبالي نسهر نسولف شر خلصتها نوم
احمد تعبان وماراح اداوم اليوم عندي شغله لازم اخلصها
