عندما يعصف الحب

البارت ٣

شلوووونكم👋 حبات كلبي❤ اخباركم☺
الامتحانات شلونها 💆ياطلاب يارب الكل ناجحين👍

بس هسه ماعدكم عذر الامتحانات وخلصت😡 راوني تفاعلكم👀 الي تعودت عليه ترا حيل تكسرون الواهس😖

#عندما_يعصف_الحب

#بقلم_الكاتبه_مولاتي_زينب

#البارت_٣

((رجعت ليالي المكان تجمع البنات وهي تباوع ع ورود ماجانت متوقعه بيوم تسمع هيج خبر ان عزام يحب ورود تباوع الها بتمعن طول الوكت جانت اكبااها بس ابد ماتوقعت ان فد يوم هي الي شاغله بال عزام عنها وهي الي حاجبه انظاره عن شوفتها كدامه كعدت بمها وهي تتباوع عليها من جوه لي فوك وتحجي بنفسها )) مستحيل اخليها تاخذ حبي مني مستحيل اصلا تقريبا كل الموجودين اهنا يدرون
ان ليالي العزام وعزام اليالي اصلا بشنو هي احلا مني شسوي يا الله ما اتحمل هلشي ولا التفكير بي ماكو غيرها هي الي راح تساعدني بهذا الشي

((وبسرعه كامت وراحت الغرفة زهراء الي ماتطلع من غرفتها غير الاوقات القليله بالضبط مثل البرق تطلع وتختفي كذلك دكت الباب))

زهراء منو

ليالي اني

زهراء وهي تفتح الباب نعم

ليالي. كولي اتفضلي اول

زهراء ((وهي تتبعد عن الباب وتأشر اله بأيدها بمعنى تفضلي))

ليالي. ((شوفي من الاخير اني اعشق عزام ومو بس اعشقه لاء هيمانه بي ومستعده انطي نص عمري لا لا انطي كل عمري في سبيل اعيش ويا يوم واحد ))

زهراء((بلا مبالاة والبرود المعتاد ))حلو والمطلوب مني

ليالي. اريد اعرف دليلج على حب عزام الورود وياترى ورود هم تحبه

زهراء دليل ماعندي. بس مجبوره اتصدكين هذا الشي
لان هذا واقع وشفته بعيوني واني عايشه وياهم ابيت واحد واكبر شاهد على نضراة عزام. الورود وطريقة غيرته عليها وكلامه المستمر وتنبيهاته الها وللكل بأن هي مو اخته

ليالي. بس انتي اغلب وقتج بغرفتج. حسب ماعرفت منهم شلون شفتي نظراة عيونه وكلامه.

زهراء مو شرط اكون وياهم ٢٤ ساعه حتى اعرف الي بكلب عزام.

ليالي. اهاا انتي مو هينه زين ماكلتيلي ورود تحب عزام لو الحب من طرف واحد

زهراء. لا. ورود ماتحبه لا مثل اخوها ولا كا ابن عم اصلا هو خانكها ومأذيها بغيرته الزايده الي هي تظنها تعقيد وتسلط من عنده

ليالي. والحل اكيد زهراء انتي تعرفين الحل وراح اتساعديني الله يخليج لاترفضين ((جانت تحجي بترجي )) كوليلي اي شي اني مستعده اسويه بس اخلص من حب عزام الورود