عندما يعصف الحب

البارت ١٩

هلا شلونكم🙋‍♀️ حبات القلب❤ هذا نص بارت متكون ١٠٨٢ كلمه ردت انزله الكم امس بس خلصته متاخر 😴
على العموم انتضروني بالنص الثاني🤪

#عندما_يعصف_الحب

#بقلم_الكاتبه_مولاتي_زينب

#البارت١٩

لازم تعرفين ان عزام جان يحبني واني احبه بس ..بس اني حاليا عفته وما افكر بي حاول هواي يرجع علاقته وياي ويخليني اطلك من علي وكتله اني نسيتك وهسه انت حسبت اخوي بس هو مصر وما اعرف احس ان رجع ينبض كلبي بحبه وهو هسه وبعد يحبني وكالت بسرعه وهي تلزم ايد ورود بسرعه بس دخيلج لاتكولين الاحد حياتي راح تدهور والله وتوصل للطلاك اريد حل احس نفسي مشوشه

جانت الصدمه مرسومه رسم على كل تعابير وجه ورود والرجفه الي صارت بايديها وانخطف لون وجها وهي تكللها لاجذب ما اصدكج عزام مايطلع منه هاي السوالف لا و ويه زوجه اخو بعد

التفتت زهراء وجابت قران شافته مساع على ميز التسريحه وخلت ايدها عليه وحق كتاب الله هذا جان يحبني واحبه من زمان كلش وهسه اتجدد الحب ما اجذب عليج والله اصلا مادري ليش كتلج ماعرف شنو الي خلاني اكلج يمكن لان بفعايله رجع حبه بكلبي

ورود وهي اتهز راسها بمعنه لا مستحيل شلون هيج ومن يمته

اتذكرت لمن مساع عزام يكللهاعن حب حياته بس هو كاللها مطلكه معقوله يتانيها تطلك وحجه هيج بس هي مو زميلته ايام الدراسه ياربي معقوله هاي جاي تحلف بالقران ما اتصور يمه كلبي شبي يرجف ما اصدك ما اصدك عافتها واردت تطلع

ركضت عليها زهراء ولزمت ايدها فدوه فدوه لاتكليله او تطلعين خبر الاحد ترى والله تسببين بتدمير حياتي

طلعت وهي تباوع العزام بشمئزاز واتباوع العلي بنضره مكسوره الكل انتبه عليها وعزام زعجهه تصرفها ونضراتها المبهمه بالنسبه اله ليش هيج تنضرله

اجت كعدت يمها سعاد وسالتها شبيج ليش وجهج انكلب

ورود بنرفزه سكتي رجائاً سعاد سكتي وعوفيني

سعاد اي ليش احد زعجج عزام سوالج شي

ورود استغفر الله سعاد الله يخليج عوفيني وكامت

رادت تلحكها سعاد بس صاح عليها عماد يله سعاد خل نروح حجه هيج لان حس الجو انشحن وعزام غيم ورود تصرفاتها ماتتفسر

راحو ودعوه ورود وعزام مجرد ماطلعوا راح عزام الورود الي يحس نفسه راح ينفجر من الغضب لو ماعرف شبيها وليش تباوعله بكره شنو سوالها ضل يشك بنفسه معقوله درت ان هو يحبها خذه نفس ودخل عليها للغرفه لكاها تروح وتجي بالغرفه ومتوتره

اول مادخل حجه شبيج

ورود باوعتله باستحقار هو هذا حبك هاي الي معتبرتك اخو هي هاي قصه عشكك والله طحت من عيني ياخوي جنت افكر انك اكبر واعقل من انت تحب وتعشك عشك محرم