شلونكم متابعيني🙋♀️ اسفه على التاخير حبات كلبي
امس التهيت عنكم مخبوصين وجاي انلم زعابيلنه😂😂😂
وانريد ننتقل ابيت جديد🤦♀️
#عندما_يعصف_الحب
#بقلم_الكاتبه_مولاتي_زينب
#البارت١٨
اخذت ورود الاكل وجهزته وراحت تصيح العزام الي جان بالغرفه
ورود يله عزام تعال اتغده
عزام لا جيبيلي هنا ابحدي خاف ولاء وفاء يستحن ياكلن كبالي
ورود خوش وراحت جابت الغده خلته كباله
كرصه عزام من خده شكرا يابه ولو انه جنت اريد اكل من طبخج بس يله انتي هم وراج دوام
ضحكت ورود الجمعه اطبخلك اني بعد شتريد
عزام اريد سلامتج وشوفتج بس
ورود هههههه اوووف شهل كلام الحلو
عزام يله روحي صبي للبنات غده عيب
ورود اوك وراحت صبت الغده وكعدن ياكلن
ولاء الصراحه ورود الفضول كلاني اكل
وفاء اي والله حتى اني فدووه احجي ليش انتي اهنا وشنو القصه الطويله الي كلتي عنها
ارتبكت ورود وبدت تحجيلهن عن حياتها هي ورضا وشلون طلع متزوج وشلون ساعدها عزام حتى تتطلك منه وسكت الحد اهنا
اما ولاء وفاء نزلن على رضا ذم ورزاله وحقير وحيوان مايستاهلج
ولاء بس الي مافهمته عمي ليش طردكم من البيت يعني انتي مامرتاحه وي رضا وفوكاها يطكج لاومتزوج بعد والطلاك احسن حل
بلعت ريكها ورود وباوعت الوفاء وحجت بصوت متوتر موو اني وعزام اخذت نفس وغمضت عيونها وحجت اتزوجنه
حجت ولاء وفاء بنفس الصوت ونفس الصدمه شنووو
ورود وعينها على وفاء الي دموعها تجمهن بعيونها وحجت بسرعه مو مثل ماتفكرن ترى زواجنه بس علمود مصلحتي ييعني
قاطعتها وفاء الي خاننها دموعها ونزلن اريد ارجع للبيت
ورود وفاء لحضه افهمج احنه مابينه اي حب
قاطعتها وفاء ورود اررريد اروح للبيت مااكدر اسيطر على رروحي فدوه رجعوني اخاف اسوي شي واخسر كرامتي واخسر اختي وطلعت وهي دموعها على خدها
ورود الي بدت دموعها تنزل لزمت اجفوف ولاء بترجي وحجت والله ياولاء مو مثل الي بالجن والله اكو تفسير الكلشي
ولاء ميخالف ياورود خلينه انروح اكيد راح تهدء وتتوضح الها الامور وعذريها تدرين بيها شكد اتحبه وشي موسهل السمعته
أنت تقرأ
عندما يعصف الحب
Romanzi rosa / ChickLitمهلا مهلا ايها الحب مالك تدخل القلب دون أستأذان افلا تفكر بعواقب الامور ماذا لو كان ذالك الحب لا في المكان والا في الزمان الصحيح ماذا لو كان المجتمع ضد هذا الحب بالله اسألك امصيرك سيكون في المجهول او ستهزمهم ايها الحب ام سيهزموك؟؟؟
