وحيدة في أرض الغيلان

الحلقه الثامنه

روايه وحيدة في أرض الغيلان

الحلقه الثامنه
بقلم جنه الاحلام

★★★

لاحظت خديجه نظرات زميلاتها الغريبه وهمساتهم وكأن فيه

حاجه هى مش عارفاها ومش قادره تتوقعها

واستغربت أكتر لما لقت الحاجه هدى جايه المكتبه من بدرى وتعاملها بقي جاف جدا معاها ومش بتتكلم معاها بود زى الايام اللي فاتت

هدى بجديه: اعملى حسابك انا اللي هتابع وراكى الشغل بعد كده
خديجه: تمام ياحاجه اللي تشوفيه

حاولت هدى تلاقى غلطه او حاجه تحجج بيها عشان تتخانق معاها وتطردها مالقتش

خديجه بقت دقيقة في الحسابات وجد جدا في الشغل

رغم ان هدى من جواها كان صعبان عليها إنها تطردها وفي نفس الوقت معندهاش استعداد ان ابنها يرتبط بواحده مطلقه مهما كان التمن

استمر الوضع ثلاث أيام وهى برده مش فاهمه فى إيه؟!!!

عبير" موظفه في المكتبه": ماجتيش ليه امبارح عيد ميلاد ابن سميره زميليتنا كلنا جينا الا انتى دا كانت حفله حلوه اوي

خديجه: هو كان امبارح؟ محدش عزمنى وانا اصلا ماليش في جو الحفلات وبالذات أعياد الميلاد والحاجات دي

عبير: يعنى انتى ماكنتش تعرفي؟!

خديجه: لا

عبير باستغراب: امال لما سألتها عليكى قالت لى انها عزمتك وانتى اللي رفضتى تيجى!!!

خديجه بذهول: معقول قالت كده؟!

عبير: معلش ياخديجه ماتزعليش أصلها بتغير علي جوزها أوى
خديجه متعجبه: وانا مالى ومال جوزها انا اعرفه؟!

عبير: أكيد بعد ماعرفت ان انتى مطلقه خافت علي جوزها منك اصل يعجب بيكى ولا حاجه وانتى قمرايه كده ماشاءالله

لمعت الدموع في عيون خديجة: الله يسامحها...

عبير: الله ياخديجه انتى بتعيطى ياريتنى ماقولت لك اصل انا هبله واللي في قلبي على لسانى حقك عليا

خديجه بحزن شديد: ولا يهمك ياحببتي حصل خير

خديجه لنفسها: كده فهمت ليه اتغيروا معايا فجأة ونظراتهم اختلفت

جت هدى المكتبه بعد أقنعت صلاح ان خديجه طلبت منها تستلم هى منها عشان بتتحرج منه

سلمتها خديجه الايراد وخرجت في معاد الانصراف

وصادفت لحظه خروجهم كان فيه مطر شديد

وقفت خديجه وزميلاتها قدام المكتبه تستنى اما المطر يهدى
اتفاجأت بسميره زميلتها لما جوزها جه ياخدها بالعربيه