الفراق عنوان حبنا 💔

بارت 2

*شهرزاد:طلعت من المستشفئ بعد دوام متعب العراق وين كان و وين صار الشعب تعب جدا الحروب خلفت وراها امراض كثيره ومستعصيه من شوكت العراق بيه مرضئ السرطانات والايدز والحمئ النزفيه وغيره وغيره والحكومه لا ابالي كل واحد ملتهي يلغف طول ماهو لازم الكرسي شعب العراق لولا الحكومه الطامعه الجشعه لكان من اغنئ الشعوب العربيه لكن شكول اني قابل اول مره ينحجي بهالموضوع الناشطين ترسوا السوشل ميديا وكل يوم يحجون لكن لا حياة لمن تنادي اذن من طين واذن من عجين ما عليكم مني حجيت هواي هههه المهم طلعت وركبت سيارتي الي هداها الي خطيبي سقت ورجعت للبيت ضهر وحاره واول ما دخلت طكت بخشمي ريحة الغدا برياني هههه تخبل هالاكله ودجاج
*شهرزاد:ماما كمل البرياني فدواتج جوعانه من نهد الريوك وربي
*امي:الله يساعدج دكتوره اي امي كمل اخوانج علئ جيه وابوج راح يجيب روبه ولبن بس بدلي وغسلي وانزلي
*شهرزاد:اوك ام الغوالي انتضر وانتم شبيكم متكابلين علئ هالمكروده مو خطيه(تتذكرون عركة عبير وغسق وجاسر موو 😂)
*غسق:هاي مكروده هاي سعلوه فارسيه 😂😂
*جاسر:لا سمسم ضلمتيها شنو سعلوه كولي ام بريص افغانيه 😂😂😂
*عبير:ما احجي اني بعد لان علاج الجاهل بالتجاهل 😒
*شهرزاد:تصفيق للفلسفوسه بعوره اقصد عبوره 😂😂
*عبير:تبعا تبعا اتفلسف بروس الازواج 😝😝 يلا دي ريحتج تكتل مال مستشفيات 😑
*شهرزاد:رايحه رايحه اصلا تعبانه 😩من يجهز الغدا صيحولي
*جاسر غسق عبير:ادللي 👹👹
شهرزاد وهي تبدل
*شهرزاد:اي ادلل ونص شيراحلكم من ادلل عليكم 💃💃
*رويدا:الله يساعدك عمو انطيني الغراض خل احضرهم حتئ نصب الغدا
*الاب:هاج عمو بس اللبن خلي بالفريز خل يبرد اكثر و علاكة الحلويات وزعيها علئ الجهال بس مو هسه ورئ الغدا حتئ ليحرمهم من الغدا
*رويدا:انشالله عمو
*الام:الله اكبر)(بصوت عالي)
*الاب: اي اجيت ام احمد جبت الغراض وانطيتهم الرويدا
*احمد ومحمد:يا قوم ترئ جوعانين كامل غداكم
*بلقيس:هلا بيكم اي كامل بس غسلوا صبينا سمسمه وعبوره كومن وياي حبابات
*عبير:اي جايه
*غسق:😲😲
*عبير:انشليتي يلا كومي كدامي مو الوحدي
*جاسر:عوفيها هاي من ذوي الاحتياجات الخاصه 😂😂😂 خطيه محد راح ياخذها
*بلقيس:وتالي عبير غسق تعالن 😤
*عبير وغسق: جينا
*الاب:جويسر المخده وخرها راح يجيبون الغدا
*احمد:مرتضئ عوف الايباد وغسل ايدك وتعال اتغدا
*الام:زاده زاده(دلع شهرزاد والمشهوره بيه ) زاده خاف نامت هاي سمسم صيحي زاده روحي خاف نامت
*غسق:اي امي اي ...مشيت دزيتلها مسج عالواتساب 😂😂ادري بيها لازمه الموبايل
*شهرزاد:لافه شعري بالمنشفه ومشغله السبلت ودا اراسل اختي الجبيره زينب الما ذكرتها الكم نسيت 😓 ...واشوف مسج من غسق تكولي انزلي اتغدي نزلت سلمت عالكل وكعدت اكل برياني الله ودجاج مقلي وسوب وخضره ولبن 😍(من يمي سلجت ههههه)
*بلقيس:حمودي اكل حبيبي مو جوعان
*محمد:لا دا اكل حبي ما عليج ...(بكلبي اكول هو اني من تجي بالي مهر هم اكدر بعد اسوي شي اختنك ما اكدر اكل هي باقيه بكلبي)
اتغدوا وكملوا وشربوا جاي وطشوا كل واحد بغرفته محتار بنفسه
*جاسر:اتعرفت علئ حاته مرحله اولئ قسم محاسبة تجنن ودا احجي وياها طلعت هي منيشنه عليه من الاول اللوتيه 😂
*غسق: صعدت الغرفتي اني وعبير لزمت الموبايل طبعنا اليوم كله ما شفته اشتاقيت اله حبيبي الموبايل 😂(اكيد عبالكم حبيب عندي ههه لا اني سنكل)
لكيت رسالة على الفيس من واحد اسمه (امير الاحزان) لا بربك خاف امير الافراح هههه لكيته كاتب -----------
امير الاحزان: هلوو ممكن نتعرف شفت اسمج حلو حاب اتعرف عليج 🌹
*خوش دروب مال زحف ههه والله يالله
*غسق: عبير لج عبيرررر نعال وينج
*عبير: ها قوندره شبيج تعوين تريدين عضم
*غسق: انجبي لج لا تعالي صدك شوفي هذا الزاحف 😄😄
*عبير: اي اكيد اعمئ و زحف عليج لو اجكم الا  هو منو يعبر هاي الخلقه الزفره 😂😂
*غسق: ههه شوف منو تحجي ههه اذا نسيتي اذكرج اسمج الحقيقي ملازم ستار 😂
*عبير: 😤😤 غسسسسسق
-------------------💔
*بابا بابا خل اطلع العب بره اذا العب هنا ماما متقبل
*مثنئ:لا حبيبي هنا العب يمي ومحد يحاجيك لتطلع بهالحر يصير بيك تيفو
*زينه:  عيني ابو نمر الله يساعدك
*مثنئ: ويساعدج شلونج ويه الحمل
*نمر: ها بابا اطلع العب بره
*مثنئ:  لا حبيبي لا تطلع الجوء حار
العب هنا كتلك
*نمر: كتلك ماما متقبل تظل تصيح عليه
*مثنئ: ليش متقبل
*زينه: مو ما اقبل يا عيني يا ابو نمر بس كلساع اظل ألم وراه خلي يلعب بس لا يسوي هوسه اني بشهر الخامس والحمل امتعبني
*مثنئ: بابا نمر العب بس لا تسوي هوسه خطيه علمود امك ما تتعب
*نمر: 😠 حاظر
*مثنئ: ها يمه الله يساعدج وباس راس امه
*ام مثنئ: ويساعدك يا يمه هلا هلا با ابو نمر
*مثنئ: وبيج يمه شلونج ان شاء الله زينه
*ام مثنئ: الحمد الله يمه انت شلونك شلونه شغلك
*مثنئ: على الله الحمد الله
*ابو مثنئ:  ها الله يساعدهم
*زينه:  ويساعدك عمي نور البيت
*ابو مثنئ: هلا بأم نمر شنو محد موجود
*زينه: لا عمتي و ابو نمر بالهول
*ابو مثنئ:  هاا الله يساعدكم
*مثنئ و امه: ويساعدك
*ام مثنئ:  يلا يمه زينه وين الغدا
*زينه:  اي يمه خلصت هسه اصب
**جابت زينه الغدا وكعدو كلهم
*زينه:  اوكف نمر خلي يبرد الاكل يلا اوكلك
*مثنئ: جنت اكل و سمعت زينه تكول النمر لا تاكل خلي يبرد الاكل انفتحت"""""" خانة ذكرياتي"""""
**مثنئ يلا تعال تغده اليوم اني سويت الغدا بيدي جنت ناويه ما ادخل المطبخ دخلته علمودك شفت بت عمك شكد تحبك
*مثنئ: راح اكل بس اريد اخذ ضمان ما اروح المستشفئ ورئ  ما اكل
*زاده: شتريد بله و تخوصرتله💃
*مثنئ: اريد بوسه هاي وقاية 😂😂
*زاده:  ههه عود اكل واذا رحت للمستشفئ الك مني الف بوسه مو وحده *مثنئ: بسم الله
*زاده:لا خلي يبرد الاكل بعده حار
*مثنئ: اي مو اني زاده انتظر الاكل يبرد حتى ما يبقه بي طعم
*زاده: لا والله وشبيه زاده تسواهن وهزيت برگبتها 😍
*مثنئ:  😍تسواهن وتسوه عشايرهن
شو تعالي خلي اتغده بيج وخرت
الاكل وجريتها  الحضني 😜
*ام مثنئ:  ها يمه ما تاكل كاعد بس تبسم وتضحك على الاكل اكل يمه تغدا
*مثنئ: ها يمه اي اي كاعد اكل 😞
---------------------💔
**مهر ولج مهر وينج😤
*مهر: ها عمه ها
*ام خالد: اكلج وين جنتي صار  ساعه اصيح عليج هاي  لو عدج جاهل جان كلت مشغوله بيه بس يحظي منين كلشي ماكو عمت عيني على بخت  ابني روحي سوي جاي يلا
*مهر: 😔 حاظر عمه تدللين
**طلعت من عمتي واني دمعتي شكبرها  بطرف عيني صح اني الحد هسه ما عدي جهال بس قابل شغله بيدي هاي شغله عد الله سبحانه واني كاعده اراجع بروحي عندي مشكله يعني هسه ما اكدر اجيب واراجع دكتورة  عمتي دايما تحجي على هاذ الموضوع وحتى تكول الخالد يزوج بس هو ميقبل لان يحبني وميريد يكسر بيه جاي ادخل المطبخ اسوي جاي ما احس غير ايدي جرتني قوي
*مهر: 😶
*خالد: ههه هاي اني  حبيبي لا تخافين شبيج هههه
*مهر: صدك جذب خالد هاي شبيك والله خفت عبالي مدري منو
*خالد: 😠 ليش هو منو يكدر يسوي هيج غيري 😠
*مهر: هاي شبيك عبالي حرامي اقصد 😔
*خالد: ههه حبيتي اشاقه وياج ياعمري اروحلج فدوه 😘😘
*مهر: خلي اروح اصبلك غده اكيد جوعان
*خالد: ما اريد غده اريدج انتي مشتاقلج وجريتها حضنتها حييييييل
*مهر: خالد وخر مني خاف يشوفنه احد من اهلك فدوه وخر
*خالد: لج انتي مرتي حلالي خلي يشوفنه وبستها من الشفايف 💋 (اووف والله طعم كرز)
*مهر:😳 اي اي بس خلي اروح اصب الك غده واطي جاي العمه
*خالد: اوف يعني لازم تروحين ماشي جا صبي الغده وتعاي  فوك انتضرج بغرفتنا 😼😻
**مهر: رحت صبيت الغده مطبك سمج و روبه ولبن وتمن احمر وصعدت الغدا الخالد فوك ونزلت احظر جاي واغسل المواعين الي بالمطبخ طبعن اكو جناين غيري بس عدهن جهال عود ما يلحكن على الشغل ولو خالد لو يعرف اكثر  الشغل عليه يكلب الامه عليهم بس اني ما احجي ما اريد مشاكل منساعه  لمه خالد سحبني اله هاي الحركه رجعتني
ال ____ 💔
*ولج شنو هاي شلون اطلعين هيج بالحديقه من هسه اكسر راسج هم احد يكلي ليش 😡😤
*مهر: محمد شبيك ااخ ايدي والله جاي اشتغل و ماكو ولد بالبيت
*محمد: ولج لا تخلني اكسر راسج هنا واذ ماكو ولد شلون اطلعين هيج ها وبعدين شنو ماكو اليوم عيد يعني اكيد راح يجون عمامي شلون هيج اطلعين 😠😤 ويجر بيدي حييل ويضغظ عليها
*مهر: حمودي حبيبي اخ ايدي 😭😭 خلاص والله ما اطلع بعد بس فدوه ايدي
*محمد: خررب لج لا تبجين احترك حمودي وعشيرته كافي حبيبتي والله من غيرتي عليج واخذتها بحضني كافي فدوه لا تجبين
*مهر: ما انت اذيتني وخرت منه و برطمت 😔😔
*محمد: جنت حاظنها وخرت مني وبرطمت الشفايف الكرز اووف يابه هاي شلون بيه و بهذني الشفايف الكرز اووف بعد ما كدرت سحبتها للمخزن الي ورئ البيت واخذت ابوس بيها بشفتها 👌👌 كرز كرز
*مهر: شو هاذ بس برطمت سحبني للمخزن واخذ يبوس وما ملحك 😳😳 وخرت منه لان ما اكدر اتنفس بعد اوف هاي شبيك محمد عيب والله
*محمد: هو اني غير رجلج منو يكدر يحجي اكسر راسه شو بله تعالي
*مهر: سحبني اله واندك باب المخزن
*مهر _ محمد:😦😦
_____💔
*خالد: مهر مهر شبيج مو احجي وياج
*مهر: ها ها خالد
*خالد: شبيج حبيبي اكلج تعالي اصعدي فوك مو خلصتي شغل
*مهر:  لا خل اصبلك جاي واصعد
*خالد:  ما اريد كتلج تعالي اصعدي وياي يلا حبيبتي
*مهر:   بكيفك
**صعدنه للغرفه ومن  ينطبك الباب كلبي ينخمش بس هو زوجي ويحبني ما اكدر احرمه من حقوقه ومحمد خلاص لازم يطلع من بالي الئ متئ  ابقئ افكر بيه )
*خالد: مهرتي مشتاقلج كد رحمة الله
*مهر: تشتاقلك العافيه
*خالد: مهر اني احبببج واموت عليج *مهر: 😳 حبتك العافيه
*خالد: اشو تعالي بحضني (ها ها شكو عوفوهم ذوله ميستحون 😂😂)
___________💔
**⏱⏱ الساعه ال 7 صباحا
*غسق:  لج عبير يلا اتأخرنه لج شبشب
*عبير:  شبشوبي شبيج من الصباحيات اجيت اجيت
**غسق طلعنه اني وعبير  دنمشي للمدرسة الساعه سبعه ونص و هسه طلعنه فتحت الباب وجان اشوف حتيت مروا من الباب مالنا 😍😍مبينين جامعيين
*غسق:لج باعي عبير حتيت من الصبح اليوم اكيد حيكون حلو
*عبير:اي اليصبح علئ هيج خلق شلون ميكون يومه حلو ابجي مي ورد عليهم 😭
*الام:متمشن للدوام باقيات واكفات بالباب 😠
*غسق عبير:باي مامي 😘😘
*الام:بالتوفيق حبيباتي 😘
*الاب:ام احمد اليوم اريد غداج يكون معتبر ماشي عيوني
*الام:اي ابو احمد تامر بس ليش اكو ضيوف يعني
*الاب:اي ابن اخوي جواد رافد جاي البغداد علمود شغله وراح يمر علينا ويا الصلاة هيج وكت والله مشتاقله ومشتاق الكل اخوتي وابوي وامي طاگ كلبي عليهم 😢
*الام:يا عيني يابو حمودي فدواتك لا تنقهر وتضوج هيج الضفر ما يطلع من اللحم تبقون اخوان واهل وعمي خيمه للكل الله يخليه بس هي مسالة وقت والله
*الاب: عزام هو الخرب وياي ام احمد انتي تعرفيني ميهمني شي اني صاحب شهاده وهاي كافيه
*الام:تعلمني بيك يا حبيب ليش غريبه عنك اني كول يا الله الله يهدي النفوس وترجعون مثل السمنه عالعسل ومبري الذمه كلمن اذانه بيوم لو خرب ويانا
*الاب:الله كريم اكوم ابدل واطلع محتاجه شي منا منا للغدا
*الام: اسوي دجاج بالفرن ودولمه اني ورويدا تعاوني
*رويدا:صباحو عمو سمعتكم تحجون عالغدا واني نازله
*الاب: اي عمو عدنا ضيف عزيز اليوم عالغدا
*الام:ضيفيش ابو حمودي هذا حسبت احمد ابني رافد هذا
*رويدا:هلا بيه عمه هلا بيه وكلمن وياه اني راح احضرله غرفة جسار ينام بيها ما معقوله يرجع اليوم خل الولد يشوفونه يشبعون منه عمو يسولف وياه
*بلقيس:اني راح اسوي مقبلات عمو
*الاب:بارك الله بيجن يلا ماشي ابدل واطلع اتاخرت عالمكتب
*الام:الله وياك عيوني دربك اخضر
*بلقيس:خطيه عمو مكيف برافد مو باجي
*الام:اي شلون ما يكيف بيه هذا رافد بيه ريحة الغوالي

يتبع ـــــــــــ.
بنات فدواتكم اريد تصويت وتعليق اول قصه وحلوه ترئ لان احد الشخصيات حقيقيه وقريبه عليه اريد القصه تنجح بتشجيعكم حبابات 😘😘😘