لا تشرق شمس بعد مغيبك

البارت الاول

الاحد الساعه 9:00 بغداد الاعضميه

فتحت عيوني جسمي نحلان استغفرالله والله تعبانه توجهت للحمام غسلت وطلعت شفت الفراش افف يا فراشي ماكدر بلحضه اتذكرت عندي موعد بلصالون بسرعه دكيت ع سامر يكعد بدالي

مريم:الو

هلا صباح الخير

هلا سامر بلكي تكعد بلصيدليه عندي شغل مهم واني الزمهة العصر

لا مريومه ع راحتج قابل شعندي

تسلم

علسريع بدلت ورفعت شعري ذيل احصاب لازم ليوم اكص اطرافه يبو حته متريكت وكفت يم الثلاجه لكيتهة فارغه ياربي حته ناسيه البيت كلت جبن وخيار وطلعت فتحت لسياره احب الصبح اسمع قران المهم وصلت وكصيت شعري وتعرفون بلصالون تنضيف ومكياج ولو اني حلوه

وصلت للبيت ب1:00 بعد وكت اشوف البيت

غسلت ملابسي والبيت اصلا اني وحدانيه وماوصخ

اهلي حبو بعض وكطعو علاقتهم باهلهم ازوجو وصلوني للمرحله الاولى كليه صيدله ابويه يحبها الامي هوايه سافرو وابويه رجع تعبان مطول للصبح ومات امي تهسترت اسبوع وماتت وراه ضليت عايشه برعب بنيه وبحدها بيت بس ابويه دائما جان يكلي

لبنيه لازم تصير قويه وبابا اني داعمج والحرم الجامعي مو حب لا علم

يلا الله يرحمهم من اتذكرهم اضوج
صارت ب3:00 ومماكله شي اخ يايمه مو جنت اجيج من الباب اشمج واشوف شمسويه عفتيني بوحيدتي بهل بيت وتعرفيني متعلمه عليج شسويتي بيه..

في مكان اخر"
11:00

ام علي؛ كوم يمدهور موتتني

علي:

ولك يمه شليت حالي اكعد

كاايم يمه كاايم

موت الي ياخذني واليكم تتحسرون ع صوتي

هاي القوانه يوميه جدي ميخليني ارتاح يربي دخيلك والله تعبت شيريد هاذه ولاجنه رجال جبير

نزلت كتلهم صباح الخيار

الكل:صباح النور

الجد بخزره:ولك انته راج تجلطني ولك بس انته شاد ضهري بيك ونايملي للضهار

حجي يا ضهاري غير هسه ب 11 والله تعبان ومادري بروحي

تعال الحكني

ها حجي أمرني

بويه اني راح اموت والزعل بعد ميدوملي اريد اشوف ابني صار 10 ماشايفه انكطعت اخباره

شتأمر جدي وعد عيناك

بويه جيبهم من بغداد هوه ومرته اريد اكحل عيني بشوفهتم انه من 10 اسنين ماخليته يجيبهة هسه كلت الدنيه يبيويه خلصانه روح العصر اتوكل جيبهم واذا وازاك الليل بات يمهم