صارلي 5ساعات واني كاعده بس ايسولفون اتذكرت....امي وابويه من يضحكون عليه...من حيصير شكلي من اسمع حجيهم...نزلت دمعتي...واتذكرت كل موقف وكل ذكرى ....رجعتلي السنه التعيسه المرت عليه مصيحت من الافكار السلبيه اله ع ضربه قويه بخدي رفعت عيني والكالك متجمعين حواليه....لكيت نفسي منهاره نفسي سريع وكفشتي وحته رجليه طالعه ...بوويه عسه ماشر شبيج...خليت ايدي ع وجهي وافرك بي لا عمي مبيه شي زينه....انشالله خير...كومنهة ترتاح خنكتنهة....كتلهن لا اني مبيه حكوم بحدي....كمت واكول شجابج انتي لهنا وشحيطلعج منهم هذولي صعدت للغرفه حلوه بيضه وتحفياتهةاسود والورد ابيض تحس بيهة حياه...خلولي جنطتي رحت غسلت وجهي وتمددت ع الجربايه...فتحت فوني لكيتهة الضهر...بقيت كاعده....اندك الباب...اجتي نفسهة المره...يلا يمه عمج يكول تنزل تتغده....ماشي بس اجيب فوني.....جبت جنطتي لان لازم اطلع منا ما اتحمل....نزلت الدرج ودخلت بغرفه جبيره....وبيهة سفره همين طوويله كلش...اول مره اشوف هيج يعني معقوله هلكد همه.....المهم شعليه اني كعدت يم رجال....اصغر او بكد ابويه هيج عرفته يصير عمي...يله بوويه سولفيلي شون عشتي بحدج ونتي بنيه....ويلعب بسبحه ..وعلي كباله يلعب بلحيته ولد ماعرفهم.....ااا اني عشت عادي اروح للكليه وارجع للبيت....ماشاءالله بويه داخله كليه....ايي عمو....يا كليه....صيدله....سحب راسي وباسه ابتسمتله...جا مثل بنياتنه ياخذن صفاره ويغشن....ضحكت....ايي زين كليلي بويه فاتحه صيدليه لو لا....ايي فاتحه صيدليه اني ولد شريكي....منين هلولد اتعرفينه....ايي ابن صديقه لبابا الله يرحمه.....يلا يبو علي غداكم جاهز...ههجر بويه صيحي جدج....صاحو الجد الي جنت كاعده يمه بلديوان....وتغدو اني ما اكل لحم عدنه عادات الجمعه مناكل لحم....بويه ماتاكلين لحم....عوفهة يبو علي امها هم هيج جانت تكول الجمعه مناكل لحم...اني استحيت عبالك معاجبهم طريقتي...ذبيت الخاشوكه...دايمه اني شبعت....جرني من ايدي الجد....ادكعدين تاكلين شوفي مابيج ولا لحمه....لا جدو ويسوع شبعت....حسيت الكل ابتسم وكامت ضحكتله....يجدي دعوفي يسوع وتعاي اكلي....متحملت الموقف...جريت ايدي منه وعيوني ححمر...داكلك شبعت وهسه اريد اروح...كام علي من السفره...يلا بيبي اني حروح حشتاقلج....ييمه تعالي وين رايحه يبعد عيوني...اوعدج بس اجي مره الاخ اخذج ونروح للقبر مال بابا....بست راسها وطلعت والاصوات واني دامشي دتنصه وتقل....وصلت للباب صاح الجد....كضوهةة اتريد ايكولون ع الشيخ ناذر اخر عمره بنت ابنه دايحه ابغداد....سمعته هيج حجه رجعتله.....تعال يا جدي منو الدايحه ابغداد....طبي وكصي لسانج ماترحين منااا اله ونتي مزوجه واحد من ولد عمومج....اكيد ماعندي عقل واخذ واحد متخلف همجي...ضربني راشدي...جرني علي للصاله واكو يمه غرفه صغيره سد الباب.....واجه يمي جرني وحضني....(بهمس)ويحجي يم اذني...واني فاقده شجابني يم ذولي....كله منك كله منك انته اني انضربت اول مره بحياتي....والله ماعديهة ومااضل والله ماضل...حضني حيل وخله كصته ع كصتي ....اششش اهدي اهدي....بس طلعني مناا ارجوك....باسني براسي وكال....ميخالف اني جبتج اني ارجعج....بسته بكتفه ....عفيه بأبن عمي...طلعت الشياطين يمي تتكامز...هسه عرفوني بيت جدي...مصلحجيه يريدون ايبوكون مشاريع ابويه....طلعنه ركبت بالصدر...وهوه راح شويه واجه....كمل طريقه واني نوعا ما فاقده.....صارت الدنيه ليل...تقريبا ب6العصر....دخل هوه سبح وبدل...واني هم سبحت ولبست تراك اسود مبي شي بس زناجيل ذهبي....كال اني حنام.....وكك...دخلت لغرفتي حته هوه يرتاح...ما اجاني نوم وجعت....طلعت للمطبخ مبي شي...ومبيه حيل اطبخ وحته هوه خطيه مشفتهة اكل من ورايه....خلي اطلع اجيب عشه لان بعد وكت...رحت جبت جنطتي وطلعت شغلت السياره....رحت اتسوكت من المخضر وخذتله بقلاوه واربع لفات...همبركر وحلويات...رجعت للبيت بعده نايم...خطيه هلولد اتبهذل بسببي.....يلا علاوي كووم...علي....همممم...يلا كدامي الاكل حار يلا...رفع راسه وخزرني...بيش ساعه...ب8 وكمت ع حيلي ومتوجهة للمطبخ....
أنت تقرأ
لا تشرق شمس بعد مغيبك
ChickLitهمس بجرئه ونفس حار وايده ع خصرها حيل (تنسين اكو طلعه بدون علمي ولا تعرفين شسوي) ردت بصوت متصنع للقوه(شسوي)وعيون غركانه(ولله اكطع الحزام ع جلدج لتخلين امشي وياج بهل اسلوب)....باوعتله بصبر ماشي ليش لا (اشو دتباعين هيج عينج بيهة تحدي)...سكتت...عطرها وت...
