البارت9
بعد اسبوع طلعت النتائج صحيح كليتي حقوق دخلت قسم قانون حبيت اصير مثل عمي قدمت على دراسات عليا بالخارج رغم معارضة ابوي بس قنعته لازم اكمل دراستي واصير اخسن قاضي بالبلد وطلبوا مني شهر يله يعلنون نتائج القبولات وانتظزت شهر كامل وطلع قبولي كندا طبعا من فرختي ما وسعتني الدنيه لان بالي كله يم مسره اريد اشوفهه شلون صارت ووين انقبلت باي كلية مشاعري مشتته وفكري ضايع حسيت صدك حبيتهه جهزت اشيائي ووصلوني الولد وامي تبجي بس ابوي ماخذ على خاطره مني اني وسمير لان ما وافقته على الزواج بس بمرور الزمن راح يتقبل الوضع وسافرت ووصلت للمطار اني انطيت خبر لعمي والولد استقبلوني وعمي فرح بشوفتي وما قبل اسكن ويه الطلاب بالسكن الجامعي مجهزلي غرفه ببيته فرحت كلت خلي حتى اصير يمهه بلكي اتقرب منهه وتوافق بارادتهه مو مجبوره لان حسيت نفسي حبيتهه كلش اول ما وصلنه للبيت شفته ضخم وحلو وبيه حديقه خارجيه كولش جبيره وريحة الورد والجو يجنن گلت اكيد العايش بهيج جو ميعيش مثلنه بساتين ورعي حيوانات وعيشة الفلاحين متناسبهه
مسره :لما بابا كال راح يجي نائل حسيت احساس غريب فرحه مع خوف من الي عشته يمهم بس لا يكون مجرد ارضاء ذاته رفضني ووصلوا للبيت واستقبلناهم طلعت لابسه شورت طويل فوق الركبه وبدي بدون ردن وشعري مفتوح سلمت عليه مرحبا نائل شرفت الحمد لله على السلامة
نائل فرح كلبي بشوفتهه وطرت وشفت لبسهه تجنن فدوه لگلبهه گلت ما بيهه مجال لازم اكسبهه رديت الله يسلمج
منسه اهلا نورت نائل الحمد لله على السلامة
نائل الله يسلمج والله البيت منور باهله وعيني على مسره
يله منو خلي نجهز الاكل ماما على جيه
يله ماسه من رخصتكم
يابه ودلعهه ماسه لكم هاي ياقوته زمرده عسل فديت روحهه عمي انتبه عيني عليهه ضحك
ها ولك اشو عينك على بنتي دير بالك ماسه عيوني من الدنيه واللي يضرهه يضرني هي ما نولدت بالعراق انولدت هنا وعاشت هنا وبنت حياتهه هنا فمن حقهه تبقى بالمكان اللي ترتاحله
خجلت ها عمي بس. وابتسمت
ولا يهمك ابني اذا حبتك بارادتهه الك وما اطلب منك اي شي غير سعادتهه
يابه يله الغدا جاهز اتفضلوا
عيوني جايين يله
شفت محضرين غده عراقي برياني لحم وسلطات منوعه وعصير وحلويات گعدنه تغدينه بس هي شوي وگامت توقعت ما شبعت خاف استحت مني واكثر اكلهه سلطات
الحمد لله اني تسمحولي اروح ادرس عندي هواي مواد يرادلهه دراسه باي بابا حبيبي وبست ابوي ورحت بدلت لبست تراك بنفسجي وشلت شعري وگعدت ادرس ودخل علي وائل يا ساتر يا رب شعندك جاي ابو المصايب
وائل هذا اني شبيج ياساتر يا رب من مصايبج بشري ما كملت اللوحه صارلج شهر گطعتي گلبي وماري تريدهه شلت حالي بأسئلتهه راح يصير عندي شلل من وراهه
مسره لك والله لود امتحانات اكمل وانطيهه للعله ماري شگد مكروهه وكل شوي تتصل بيه واني نطيتهه حظر هههه
وائل بويه منج انتي يله كملي دراسه لا تگولين بعدين انته ما خليتني اخذ جيد لو امتيازما علي الله شاهد ههههههه
شمرت عليه المخده يله روح روح بروح اهلك خليني اقره
منقلع بلا ما تشمرين كل الغرفه بره ويشوفج ابن عمج يگول هاي خبله ههههه
انته وياه المخابيل يله روح دفعته وسديت الباب ودرست لليل گمت طلعت صار نائل بوجهي مرحبا
نائل طلعت لگيتهه بوجهي الظاهر غرفنه متقاربه كيفت گالت مرحبا رديت مراحب شلونج بالدراسه
الحمد لله زينه عندي امتحانات هاي الفتره.
لازم دراستج صعبه ليش شنو تدرسين.
قدمت على فنون جميله بس بعدين غيرت رأيي وقدمت طبيه ما يروح تعبي حرامات بس جاي اشارك بهواي منتديات رسم واعرض لوحاتي واخذت هواي جوائز بس حاليا مخلصتهه دراسه بدراسه اريد معدل امتياز.
ماشاء الله اني اريد اصير قاضي خلصت بكلوريوش وحاليا اقدم على ماجستير ووراهه دكتوراه لريد اخذ اكبر شهاده لان ما عندي شي ادرس احسن.
اي صحيح الدراسه اهم شي وبعدين كلشي بوقته حلو بس ممكت سؤال انته ما حبيت.
فزيت شنو جاب هالموضوع على بالهه بس خليهه تعرف احسن اي حبيت وحده وياي وبعدين تركنا بعض لان شفتهه مو مناسبه الي واهلي مايقبلون بيهه لان غير عن كلشي باهلي وابوي ماممكن يقبل بيهه لو مهما كان مخليهه تشوف نفسهه احسن ما تبقه بعلاقه نتيجتهه لا شئ
:
:
:
#اهداني_ابي🐣💕البارت10
